زاهيه

[عبدالمجيد عشريه]

الوان مائيه...

[اميمه عشريه]

بحب الناس ....... ودنيا الناس
بحب النيل .... وبنت النيل
بحبك يا تراب وطني وبحب ماضيك...
وبعشق حاضرك الزاهي...
وبحب العيشة في واديك..
وبعشق فيك عيون ... وعيون ..
وتاني عيون..
وكمان عيون ...
عشان السمرة في السمحين بعيش مفتون ..
انا المجروح ... وما محزون ..
بغني جمالك الزاهي ..
واقول يا ربي يا الآهي..
بصونك وانت متوشح..
خصال الطيبة والامجاد
تدوم ايامك الخالدات وتصبح في الزمان اعياد..
وانت تكون .....
مجال الرفعة .. ضل الرفعة للمحزون
واشاهد ناسك الحلوين واكون معيون ..
ازاي عيوووون
دواي عيوووون
وابقي العاشق المرهون..
لكل جميلة فيها عيون
وليك يا مجيد انا ممنون

( عبد الله النجيب )


مجيدي يا علبة الالوان .. كما العاده اتجمد في مكاني امام لوحاتك اقرؤها مره فأجدني جانبت الصواب فأعيد قرأتها مرات ومرات
بأي لغة انت ترسم لوحاتك اهي العربية اما ان هناك لغة اخري تتحدث بالجمال ..!!؟
من هذه الشابه الخجوله .. اراها تتوشح حجابا جميلا جدا يضيف اليها جمالا وقورا وادبا في نظرتها الي الارض .. احاول جاهده ان اترجم هذه اللوحه الي كلمات ولكني عاجزه فقط اعرف انها جميله جدا والضؤ المنعكس الذي يظهر فيخفي ويخفي ليظهر هو اسلوب تميزت به في لوحاتك تعجبني الالوان المائية اكثر من غيرها عندك اراها قريبة الي الواقع حتي لكاني المسها بيدي واصافحها هذه الشابه السمراء الملامح السودانية الخصال ..

شكرا ابو نينه وارجو منك ان لا تغيب .. فجدارياتك هذه تزيدنا بهاءا واشراقا شكرا

[لواء]

الرائع المدهش / عبد المجيد عشريه

وخذتنى يا رجل ..... بكل الروعة على راحة المعنى
تداعيت وان الجسد ليتداعى بالسهر والحُمّى ....
تفكهت طعما ً حلوا ً على حس ّ الجمال ..
ساعود ،،، بهدوووووء ... وبقوه ... بكل التهذيب مجتهدا ً
اداعب خصلات هذه الانثى ( اللوحه ) ودا ً ....
علّنى افوز ببعض نظراتها المنكفئه ....
كن بخير ... فقط احتاج قاموسى ( سوباوى ) لاستعين به على هذه الوجع

[Jamal Elmahi]

مدنقره ...
مدنقره والواطه عاكسه ضي عينيها بي كم لون
مدنقره مدائن خجل وواحات فنون ...
مدنقره ويا الله لينا من العيون....
مدنقره أنا أحسن أفوت ما تقولو مجنون....

مشاققه ...
الارتجال في حرم الجمال كالارضحال بدون دمغه...


جمال الماحي

[ابراهيم]

زاهي انت يا الزاهي لونك
يا مجيد براحة علينا
الحاجات دي بتغلغل والله
تخلى الواحد يتفرج مكتوف القلم
جميلة ومستحيل الزاهية دي
ما تغيب علينا ياخ
وبعدين فك الصليب الأحمر دة يا مان وما تهاجمني:D

[ابراهيم]

مدنقره ...
مدنقره والواطه عاكسه ضي عينيها بي كم لون
مدنقره مدائن خجل وواحات فنون ...
مدنقره ويا الله لينا من العيون....
مدنقره أنا أحسن أفوت ما تقولو مجنون....

مشاققه ...
الارتجال في حرم الجمال كالارضحال بدون دمغه...
جمال الماحي


والله عفيت منك يا ود الماحي
والمشاققة دي يمين لو في عدل
مفروض تاخد فيها نوبل برايس
وتديك ليها كنوداليزا رايس

[عبدالمجيد عشريه]

الرائع المدهش / عبد المجيد عشريه

وخذتنى يا رجل ..... بكل الروعة على راحة المعنى
تداعيت وان الجسد ليتداعى بالسهر والحُمّى ....
تفكهت طعما ً حلوا ً على حس ّ الجمال ..
ساعود ،،، بهدوووووء ... وبقوه ... بكل التهذيب مجتهدا ً
اداعب خصلات هذه الانثى ( اللوحه ) ودا ً ....
علّنى افوز ببعض نظراتها المنكفئه ....
كن بخير ... فقط احتاج قاموسى ( سوباوى ) لاستعين به على هذه الوجع


لواء والله كتير ما قرأت كتابات لك وسرحته في نقد منك ...ولكن ما تخطهو اناملك في تعليقك يعجز شخصي المتواضع الرد عليه الا بكلمة مشكور

جميل انت حيث ما كنت راقي انت في كل ما كتبت.

[عبدالمجيد عشريه]

مدنقره ...
مدنقره والواطه عاكسه ضي عينيها بي كم لون
مدنقره مدائن خجل وواحات فنون ...
مدنقره ويا الله لينا من العيون....
مدنقره أنا أحسن أفوت ما تقولو مجنون....

مشاققه ...
الارتجال في حرم الجمال كالارضحال بدون دمغه...


جمال الماحي

ود عم الماحي لو بالجد عاجباك دنقيرتها دي ماعندي مانع نديك ليها بالجد عنوانك واسمك وتاريخ ميلادك ههههههههه والحاله الاجتماعيه :confused:

ده كلو بس عشان ارسلها ليك بالبريد :) ..حاكم انا بنات افكاري ديل ما بيمشو ساكت كده;) مبالغه انت ياخي شكرا ليك على المرور وابقي عليك الله واصل....

[عبدالمجيد عشريه]

زاهي انت يا الزاهي لونك
يا مجيد براحة علينا
الحاجات دي بتغلغل والله
تخلى الواحد يتفرج مكتوف القلم
جميلة ومستحيل الزاهية دي
ما تغيب علينا ياخ
وبعدين فك الصليب الأحمر دة يا مان وما تهاجمني:D


ابراهومه لو قلت ليك مشتاق ليك حتقول لي شنو؟؟؟؟؟؟؟؟انا اقدر اهاجمك انا يا ابوي انحنا عرفنا ليك ناس مهاب ما مقصرين شايفهم ههههههههههههههههههههه:D شايف كملته كلامك كلو هناك:) تسلم ابراهومه وعليك الله انا ما ببعد منك با 15 ساعه لكن غير الصوره دي والله اشتقنا لطلعتك البهيه يا وسيم ... الرسمه الجايه انت ....يا زاهي.

[عبدالمجيد عشريه]

بحب الناس ....... ودنيا الناس
بحب النيل .... وبنت النيل
بحبك يا تراب وطني وبحب ماضيك...
وبعشق حاضرك الزاهي...
وبحب العيشة في واديك..
وبعشق فيك عيون ... وعيون ..
وتاني عيون..
وكمان عيون ...
عشان السمرة في السمحين بعيش مفتون ..
انا المجروح ... وما محزون ..
بغني جمالك الزاهي ..
واقول يا ربي يا الآهي..
بصونك وانت متوشح..
خصال الطيبة والامجاد
تدوم ايامك الخالدات وتصبح في الزمان اعياد..
وانت تكون .....
مجال الرفعة .. ضل الرفعة للمحزون
واشاهد ناسك الحلوين واكون معيون ..
ازاي عيوووون
دواي عيوووون
وابقي العاشق المرهون..
لكل جميلة فيها عيون
وليك يا مجيد انا ممنون

( عبد الله النجيب )


مجيدي يا علبة الالوان .. كما العاده اتجمد في مكاني امام لوحاتك اقرؤها مره فأجدني جانبت الصواب فأعيد قرأتها مرات ومرات
بأي لغة انت ترسم لوحاتك اهي العربية اما ان هناك لغة اخري تتحدث بالجمال ..!!؟
من هذه الشابه الخجوله .. اراها تتوشح حجابا جميلا جدا يضيف اليها جمالا وقورا وادبا في نظرتها الي الارض .. احاول جاهده ان اترجم هذه اللوحه الي كلمات ولكني عاجزه فقط اعرف انها جميله جدا والضؤ المنعكس الذي يظهر فيخفي ويخفي ليظهر هو اسلوب تميزت به في لوحاتك تعجبني الالوان المائية اكثر من غيرها عندك اراها قريبة الي الواقع حتي لكاني المسها بيدي واصافحها هذه الشابه السمراء الملامح السودانية الخصال ..

شكرا ابو نينه وارجو منك ان لا تغيب .. فجدارياتك هذه تزيدنا بهاءا واشراقا شكرا

ام احمد
شكرا:)

[عبدالمجيد عشريه]

ود الباشا ناصر




اين انت :)

[معتز حمدتو]

ماخذه من سمرة بلده ، ومحتشمه بادب وامتثال

شفت التوب وست التوب وما لاقاني اجمل منُ

بنت افكارك ياسليل المجد والتحف الجميله تخذي العين ...
ادهشتنا ام البنين بالهضربات والجمتنا بالجدارية ...

لك الود عبدالمجيد ومن علي البعد برسل سلامي وأأمل في المواصله ان شاء الله من خلال بنات افكارك .

[سوباوي]

الأستاذ الفنان/ مجيد عشرية ..

الضوء معطية الوضوح .. والظل دليل اللوحة وصوت ملامحها .. ما أروعك عزيزي

مجيد وأنت تعزف على مساحات البياض وتشد شبكيتنا برفق حميم لمتابعتك ما بين

الظل والضوء .. دعني أسميها بإحساسي الخاص أنها "بروتريه البسمة الخجولة" ..

وهنا أتحسس طريقي نحو ابتسامتها عبر ما رشقته من ظلال أنيقة وأتخطى مساحات

الضوء لترسم شبكيتي ما فردته لها من مساحة لتكمل فراغ الضوء بنسبة ذائقتها ..

شكراً لك مجيد فها أنا وشبكيتي تؤسس الخطوط لما تركته لي من مساحة ضوء عند

خدها الأيسر وازناً خيالي بذاك الظل الحريف على خدها الأيمن وهنا أجدني في تجاذب

جميل ما بين الظل والضوء وحرية الخيال في وضع خط رقيق لحدود الضوء أيضاً

عند الرأس من الجهة اليسرى .. تسمو بي الآن هذه "الزاهية" بظلالها وضوئها

لأقف في خط موازي لنظرية قبيلة "التشاكلة" فيما ذهبوا إليه بأنه من المستحب

إكمال فراغات الضوء وسد باب اجتهاد الخيال لدى المشاهد في إكمال ما تجاوزه

الضوء من خطوط .. لينصرف بمخيلته إلى تحليل مضمون اللوحة وفك طلاسمها

والتأمل في محتواها ..

وأخالفهم الرأي هنا أنا و "زاهية" .. لنكون جوار "الخط الإضافي الطالع من شبكية

الزول المشاهد" أي مكان أخترته يا سيدي لإحساسك المتنقل في حذاقة مرهفة ما بين

الظل والضوء ليخرج بهذه الزاوية "الثلاثة أرباع" لـ "بروتريه البسمة الخجولة"

أغوص الآن في ابتسامة وملامح هذه الـ"زاهية" لأجد أنني أمام بنت البلد الأصيلة

فيداعب مسامعي صوت الشاعر "محمد بادي" وهو يردد وأردد خلفه أنا من داخل

حالة استراق نظر نحو "زاهية" لأقل :

وين بنوت الحلة البكّر عصرا بدري يسون في شاهيهن

بعد الليل ما يهّود ونحن نهّود.. عاد أماتن ينادن ليهن

نمشي على القيزان نتقادم.. أقيس الخطوة مع التاتاي ومشيهن

والله البعد الحاصل ما نساني

وحاتكن في قمراتنا بشوفو وشيهن

الا النضم أب غنة اللهج السكر وين بلقاهو

بنات الريل الدوب ليهن

الخوف يا ناس كان يبقى الشوق الحاصل بينا معشعش فيهن

مقنع سابل وين بلقاهو

طرفا ذابل وين بلقاهو

وعين بتدنقر من واليهن

الوجنات الشعّن بقّن

ود العين النايم زرقن

مو زايغ رسيان وميقّن

ونحنا كمان يا مجيد درنا الطلة ودرنا الرجعة ودرنا القعدة معاهن وحلاة القعدة إن

كانت طرف الحلة .. وكل الناس بتعاين ..

معبق تحياتي عزيزي مجيد ..

وكن بخير وبحوزتك أجمل الألوان من قوس قزح ..

[عبدالمجيد عشريه]

الأستاذ الفنان/ مجيد عشرية ..

الضوء معطية الوضوح .. والظل دليل اللوحة وصوت ملامحها .. ما أروعك عزيزي

مجيد وأنت تعزف على مساحات البياض وتشد شبكيتنا برفق حميم لمتابعتك ما بين

الظل والضوء .. دعني أسميها بإحساسي الخاص أنها "بروتريه البسمة الخجولة" ..

وهنا أتحسس طريقي نحو ابتسامتها عبر ما رشقته من ظلال أنيقة وأتخطى مساحات

الضوء لترسم شبكيتي ما فردته لها من مساحة لتكمل فراغ الضوء بنسبة ذائقتها ..

شكراً لك مجيد فها أنا وشبكيتي تؤسس الخطوط لما تركته لي من مساحة ضوء عند

خدها الأيسر وازناً خيالي بذاك الظل الحريف على خدها الأيمن وهنا أجدني في تجاذب

جميل ما بين الظل والضوء وحرية الخيال في وضع خط رقيق لحدود الضوء أيضاً

عند الرأس من الجهة اليسرى .. تسمو بي الآن هذه "الزاهية" بظلالها وضوئها

لأقف في خط موازي لنظرية قبيلة "التشاكلة" فيما ذهبوا إليه بأنه من المستحب

إكمال فراغات الضوء وسد باب اجتهاد الخيال لدى المشاهد في إكمال ما تجاوزه

الضوء من خطوط .. لينصرف بمخيلته إلى تحليل مضمون اللوحة وفك طلاسمها

والتأمل في محتواها ..

وأخالفهم الرأي هنا أنا و "زاهية" .. لنكون جوار "الخط الإضافي الطالع من شبكية

الزول المشاهد" أي مكان أخترته يا سيدي لإحساسك المتنقل في حذاقة مرهفة ما بين

الظل والضوء ليخرج بهذه الزاوية "الثلاثة أرباع" لـ "بروتريه البسمة الخجولة"

أغوص الآن في ابتسامة وملامح هذه الـ"زاهية" لأجد أنني أمام بنت البلد الأصيلة

فيداعب مسامعي صوت الشاعر "محمد بادي" وهو يردد وأردد خلفه أنا من داخل

حالة استراق نظر نحو "زاهية" لأقل :

وين بنوت الحلة البكّر عصرا بدري يسون في شاهيهن

بعد الليل ما يهّود ونحن نهّود.. عاد أماتن ينادن ليهن

نمشي على القيزان نتقادم.. أقيس الخطوة مع التاتاي ومشيهن

والله البعد الحاصل ما نساني

وحاتكن في قمراتنا بشوفو وشيهن

الا النضم أب غنة اللهج السكر وين بلقاهو

بنات الريل الدوب ليهن

الخوف يا ناس كان يبقى الشوق الحاصل بينا معشعش فيهن

مقنع سابل وين بلقاهو

طرفا ذابل وين بلقاهو

وعين بتدنقر من واليهن

الوجنات الشعّن بقّن

ود العين النايم زرقن

مو زايغ رسيان وميقّن

ونحنا كمان يا مجيد درنا الطلة ودرنا الرجعة ودرنا القعدة معاهن وحلاة القعدة إن

كانت طرف الحلة .. وكل الناس بتعاين ..

معبق تحياتي عزيزي مجيد ..

وكن بخير وبحوزتك أجمل الألوان من قوس قزح ..

سوباوي يا مطوع الحروف وجلاد القصيد يا زاهي الطلعه ونقي الكلمه..

كلماتك ما زالت تلج في صدري كما لو انني لاول مرة اقراء لك

احتار انا جدا في بروترية استرسالك ومجمع حروفك ودرايتك اللغويه كما دوما اعجز في الرد عليك ..اسمح لي ... يعجبني استطراد حديثك لبعضه ويعجبني فيك كل ماقلت... ولك مني خالص التحايا اهديك في الايام القليله القادمه بروتريه اخري ,, خاصه بك ...شكرا .....شكرا

[عبدالمجيد عشريه]

ماخذه من سمرة بلده ، ومحتشمه بادب وامتثال

شفت التوب وست التوب وما لاقاني اجمل منُ

بنت افكارك ياسليل المجد والتحف الجميله تخذي العين ...
ادهشتنا ام البنين بالهضربات والجمتنا بالجدارية ...

لك الود عبدالمجيد ومن علي البعد برسل سلامي وأأمل في المواصله ان شاء الله من خلال بنات افكارك .




الجميل حمدتو
قلت لي جننناكم جن :) والله لولا حضوركم المنسق وجمال عيونكم الشايفه الاشياء لما جنناكم انتم الابداع حقا
بوجودكم معنا ...وانتم حمدتو ...احمد الله عليكم كثيرا وابقي واصل شكرا ليك كتير

[Jamal Elmahi]

ود عم الماحي لو بالجد عاجباك دنقيرتها دي ماعندي مانع نديك ليها بالجد عنوانك واسمك وتاريخ ميلادك ههههههههه والحاله الاجتماعيه :confused:

ده كلو بس عشان ارسلها ليك بالبريد :) ..حاكم انا بنات افكاري ديل ما بيمشو ساكت كده;) مبالغه انت ياخي شكرا ليك على المرور وابقي عليك الله واصل....
تسلم أأأعبد المجيد أأأخوي ...والله المدنقره دي تب بدورا بس وصيها ما ترفع راسا تقوم تغتس حجري وتبقي علي البقت علي الشاعر(نسيت أسمو) لما دخلت عليهو الممرضه وكانت سمحه سماحه قاطعه ولابسه نظارات وافتكر أنو عيونا ما حلوات ومضارياهن بالنظاره ولما طلّعت النظاره سبحان الخالق لقي أجمل ما فيها عيونا فقال ليها.....
السيوف في الاغماد تؤمن بواترها
ولحظ عينيك في الحالين بتار...

مشاققه...
رسل لي أتنين من بنات أفكارك يكونن حبشيات...هن بنات أفكارك ديل فيهن روح ولاّ جتّه ساي.....

جمال الماحي

[اميمه عشريه]

هووووووووووي يا ود الماحي أأأأخوي ها اخير ليك تبعد من بناتو ديل والله يحيرك بوحده ما تعرف البحلك منها شنو نصيحه نصحتك ليها اأأأأخير لك أأأخوي

[ناصر الباشا]

مجيد البهاء و حس الجمال المترف

توقفت كثيراً بهذا الكرنفال من السحر الذي احتشد بتلك الملامح و سبحت طويلا ً في تفاصيل اللحظات التي انجبت (زاهية)

فابحرت في عوالم الف ليلة و ازمان الجمال المجرد من شوائب الابتذال ، رايتها ريشتك و هي تنسج رداء البهاء لطفلة

قادمة من خلف تقاطيع الاشياء ، طفلة عمرها ملاين من سنوات الفتنة ، و تلجمت الاقلام و لم تطاوعني الاحرف فنطقت

ريشتك .
يا واقع الوهم الحقيقة يا روعة يا اصدق وهم

يا عذاباتي اللذيذة يا دموع الفرحة يا اجمل ألم

شايفك هنا

في كل همسة مدندنة

في رسومات الخواطر لما طيفك يلونه

في رياحين الجناين لما تبسم سوسنا

شايفك هنا

في كل خيالي مدونة

في غنيوات القماري

في نسيمات العصاري

في زغاريد امهاتنا لما تعلن عن فرح

في ترانيم البلابل

في ارتعاشات السنابل

في جمال الدنيا لما تتلون قزح

انتي همسك يا فرح

موجود هنا

في نمة القلم البردد احلى انغام الكتابة

في ترانيم القصائد لما ترسم صوت ربابة

لما تنداح ذكرياتك بسمة في الزمن الكآبة

شايفك هنا

في براءة الدنيا قبل ما ينطق طفل

في حنيني في انيني في شجوني

في جنوني في المقـــــــــــــــل

راجيك هنا

في بساتين الخواطر و المشاعر و الامل

راجيك هنا و مترقبك لما بدرك يوم يهل

دعه نقشي يتجمل بهذا الحسن .

[saleh farah]

ياسلام عليكم كلكم مافى تعبير اجمل من انها محراب فنون جمع شمل الالوان بالحروف فاكتملت الروعه مشكورين كلكم والشكر اجزله للمبدع عبد المجيد عشريه .

[MOHAMED OMER]

الاخ عبد المجيد اللوحه جميله وتحمل كم من معانى بالنسبه لى الاسم الرائع وله معى زكريات لاتنسه وكانت لى ملهمه تحمل تلك الاسم الرنان وكنت كم انتشى عندما اسمع الاستاذ ابوداوود يردد تلك الاغنيه يازا زا زاهيه قلبى شلتى

[ناصر الباشا]

عزيزي عبد المجيد عشرية
ذلك السحر يجب ان يبقى طويلاً في مساحات ابصارنا .

[((أبــوعاذر))]

استاذ عبدالمجيد
لوحه جميلة
نرجوالمذيد حتي نتنور براها