مسابقة أعرف مدنى أكثر

[السلامى]

بسم الله الرحمن الرحيم
الاخوة الاحباء ........ الاعزاء ناس مدنى الزينين السمحين أطرح بين أياديكم موضوع مهم أرجو التعقيب عليه
أنا بصدد عمل مسابقة تنافسية لتنشيط أذهاننا وهى عبارة عن أسئلة تختص بمعرفة مسميات ومعالم مدنى الحبيبة
فنحن يا أصدقائى نكاد نجهل بعض المعانى والمسميات التى سمى بها أهلنا الكبار بعض معالم وأماكن المدينة المهمة
وحتى لاتندثر بيننا نحن جيل الشباب أطرح لكم أبتداء من السبت القادم المسا بقة بعد حصولى على تثنية بقيامها منكم
والمسابقة بشرح بسيط هى عبارة عن سؤال مثلا ( لماذا سمى سوق أم سويقو بهذا الاسم )
أذا أجبت مثلا على هذا السؤال اطرح أنا السؤال القادم وفى حالت فشل الاصدقاء فى الرد حتى العاشر أعتبر نفسى فائز وبعد الاجابة على السؤال أكسب درجة واطرح سؤال آخر .
وهكذا دواليك وعند أنتهاء الشهر نشوف مع بعض أكثرهم أجابة طيلة الشهر هو الفائز ونعتبر ه الامير المتوج طيلة الشهر الى أن ياتى من يزحزحه من مكانه رأيئكم مهم عشان نبتدى
أكتبوا رأيكم فى فكرتها وسيبو الباقى على

[HaSsOoN]

واللهي يالسلامي فكره حلوه جدا وانا بأيدك في الفكره دي ....

[امير عبدالباقي]

فكره في الصميم ياسلامي
تشكر ياحبيب

[محمد حسين (المميز)]

اتوكــّــــــــــــــــل يا
الســــــــلامي

***********

[HAMADTO]

بسم الله الرحمن الرحيم

السلام عليكم ورحمة الله تعالى وبركاته

الفكرة رائعة جدا في انتظارها على احر من الجمر لمعرفة الكثير عن المعشوقة مدني .....
لك تحياتي اخي السلامي على روعة الفكرة


http://a3rak.jeeran.com/mubmubm-1068145754.gif

[امير عبدالباقي]

الاخ سلامي
لك التحيه
لاهميه الموضوع قمت بتثبيته حتي تعم الفائده للجميع يلا ياشباب في سوال سألو اخوكم سلامي لماذا سميه حي ام سويقو بهذا الاسم ؟
مين يعرف !

[مهند]

فكره رهيبة جدا وانا اؤيدكم عليها
ولي قدام

[نزار حسن محمد]

ده الشغل... ده الشغل...... ولا بلاش .. تمام تمام يالسلامى....وارمى لى قدام...

[hamad2]

واللهي يالسلامي فكره حلوه وانشاء الله جاهزين

[السلامى]

شكرا ياشباب على التشجيع ودى ماغريب عليكم لانكم الاصل

[اميمه عشريه]

فكره رائعه جدا الي الامام وبالتوفيق السلامي

[mohab]

والله فكره حلوه تشبه اسميك ياسلامي امكان سموه كيد عشان كانت ام سويقو اكبر سوق في مدنيه وكان اسمه ام الاسواق
خالص الود كل التحية

[السلامى]

مهاب مرحب بيك خلاص مادام السؤال يبقى فى بداية البوست عن ام سويقو أنا موافق
أنت أول واحد أبتداء أحييك بحرارة
حاول مرة أخرى توضيح الاجابة لانك أقتربت كثيرا من الظفر بالاجابة الصحيحة
السؤال لماذا سمى حى وسوق أم سويقو بهذا الاسم يالا ياشباب .......... فقدتوا فرصه بأجابة مهاب الخطا وربحت أنا درجة
أتحركوا أنشاء الله نصف الاجابة المهم المشاركة

[السلامى]

أم سويقو ... سموه كده ليه؟؟؟؟؟

[السلامى]

أوريكم التحدى دى صورة السؤال القادم

[مهيرة]

يا سلام علي الأفكار الجميلة ياسلامي

السويق تصغير لسوق
وكان في محل السمك الحالي سوق صغير
تباع فيه الادوات المنزلية صناعة اليد مثل
المقاشيش والأزيار وتجلس فيه النساء ويعرضن
هذه الأشياء ..

وجاء اسم سويقو لصغر هذا السوق ..

عليك الله اديني نص النمرة بس :D

[HAMADTO]

يالسلامي جهز سؤالك الثالث خلاص :D :D :D ....

الاول: اتفق مع مهيرة بانه سمي سوق ام سويقو نظرا لصغره ...

الثاني: في الصورة قبة سعدابي مأخوذه من ناحية النيل ..
اها صاح ان شاء الله؟

[السلامى]

يا سلام علي الأفكار الجميلة ياسلامي

السويق تصغير لسوق
وكان في محل السمك الحالي سوق صغير
تباع فيه الادوات المنزلية صناعة اليد مثل
المقاشيش والأزيار وتجلس فيه النساء ويعرضن
هذه الأشياء ..

وجاء اسم سويقو لصغر هذا السوق ..

عليك الله اديني نص النمرة بس :D
مهيره تستاهلى النمرة كاملة
فعلا دى الاجابة الصحيحة
مبروك الفوز ..... مبروك الفوز ..... تهانينا
يمكنك طرح السؤال القادم وقد كسبتى أول نقطة وتبقت لك تسعة نقاط لتكونى الاميرة المتوجة وبنت حبوبات تمام

[السلامى]

مهيره نحن فى أنتظار سؤالك وخليك حنينه علينا

[hamad2]

مبروك يا مهيره

[مهيرة]

الله يبارك فيك يا HAMAD2
وشكرا للأخ ســــلامي


سمعنا أنه كانت هناك مسابقة للزهور والورود وشتل
النباتات المزهرة لمدة أكثر من 20 عاما وكان يفوز بها
منزل واحد في ودمدني في كل عام :

المسابقة :

ما هو المنزل الذي يفوز سنويا بجائزة
أجمل تنسيق للزهور والورود في ودمدني
المطلوب صاحب المنزل ؟
المطلوب الحي الذي يقع فيه ؟

[نزار حسن محمد]

غايتوا .. يامهيره انا عارف البيت البفوز سنويا فى بركات ام فى مدنى عندى نصف الاجابه الحى هو الحى السودانى سابقا الحى البريطانى اما صاحب المسكن فى مدنى ماعارفه لكن بتاع بركات عارفه اقوله ولا اخلى امكن نحتاجه بعدين

[السلامى]

غايتوا .. يامهيره انا عارف البيت البفوز سنويا فى بركات ام فى مدنى عندى نصف الاجابه الحى هو الحى السودانى سابقا الحى البريطانى اما صاحب المسكن فى مدنى ماعارفه لكن بتاع بركات عارفه اقوله ولا اخلى امكن نحتاجه بعدين
رسل لى رساله خاصه تحت تحت كلمنى بوين فى الحى السودانى وأنا أجيب ليك قراره عشان مهيره ماتتجدعن علينا هاهاهاهاهاه

[admin]

وللدكتور أبو عيسى القدح المعلى في إنشاء ( جمعية البساتين بود مدني ) ، عاونه في ذلك نفر كريم من أبناء المدينـة ، وقد أهتم أيما اهتمام بهذه الجمعيـة ، وجعل لها معرض سنوي يعتبر من أجمل المعارض ، شجع من خلاله المواطنين على تشجير وتجميـل منازلهم ، ويعتبر منزل دكتور عبد الرحيم أبو عيسي من أجمل بيوت المدينـة ( بالحي السوداني ) ، وكان دائماً ما يحتل المرتبة الأولى في مسابقة تنسيق الحدائق المنزلية ، ويتفوق على منافســيه ( علي الباهي ، وبابكر الخواض أمد الله في أعمارهما .. وعساكر ، ومحمد ســيد أحمد ـ رحمهما الله ـ .. ومكرم مانسي .. ودكتور عمر أبو بكر رجب ، وغيرهم ) ، واستمرت هذه الجمعية بعد وفاته ويترأسها حالياً الأخ والصديق العزيز د. الرشيد يوسف عمران أبو عيسي .
اجابة السؤال موجودة على الرابط التالي ..
http://www.wadmadani.com/html/omer05.htm
ارجو ان تكون الاجابة صحيحة وهذه دعوة لقراءة المزيد عن ودمدني على الرابط التالي
http://www.wadmadani.com/html/pers.htm

[مهيرة]

الإجابـــــــــــــــــــة صحيحة 100%
الدكتور عبد الرحيم أبوعيسي
الحي البريطاني ( السوداني )

والحمد لله انا اتحليت يا سلامي من المسابقة الجايا

وفي انتظار مسابقة الأدمن :D
كل شي وارد طبعا
ومتخيلها السؤال الجاي يكون سياسي :)

[السلامى]

مبروك الادمن والقريبه أنا بحثت فى الموقع ولكن بصوره عامه

[admin]

عايزين سؤال سياسي .. طيب سؤالي هو:

لقد انقضت السنوات التي تلت العام 1924م وحتى العام 1937م في منعطف مهم استطاعت الطلائع المثقفة آنذاك أن توظفه لخدمة مصالح البلاد في النواحي الاجتماعية والأدبية حيث برزت على السطح جمعيات القراءة والجمعيات الأدبية مثل جمعية الموردة والهاشماب وجمعية أبوروف وجمعية ودمدني التي بدأت من خلالها تظهر قدرات قادة الفكر السياسي فيما بعد حينما قام مؤتمر الخريجين في فبراير 1938م.
ويعتبر قيام مؤتمر الخريجين نقطة تحول تاريخي مهم في مسار الحركة الوطنية السودانية الحديثة لأنه سرعان ما صار وعاء شاملاً انتظم فيه كل المتعلمين ووجهوا كل طاقاتهم لخدمة مصالح البلاد العليا وهي العمل على تأكيد وحدة السودان ومن ثم استخلاص الاستقلال.


1- اذكر اسم صاحب الدعوة لقيام مؤتمر الخريجين ومؤسسه.
2- اذكر ثلاثة من ابناء المدينة الذين شاركو في ذلك المؤتمر وفي ذلك الوقت.. مع بيان الاحياء التي سكنوا فيها
3- اذكر خمسة من المطالب التى حوتها مذكرة مؤتمر الخريجين الشهيرة في عام 1942م.

[أبوبكرحامد]

يا آدمن قالوا ليك سؤال تقوم تعملوا تلاتة أسئلة ، غايتو الله لاختانى ليك فى الكرسى الساخن هههه
أما بالنسبة للشق الأول من السؤال فهو أحمد خير المحامى ، ومن ضمن المؤسسين الراحل ميرغنى عشرية " شاعر المؤتمر وجد المشرفة أميمة "

[مهيرة]

هادئاً كان أوان الموت

وعادياً تماماً

وتماماً كالذي يمشي

بخطو مطمئن كي يناما

وكشمس عبرتها لحظة كف غمامة

لوح بابتسامة

قال مع السلامة

ثم ارتمى وتسامى ..

وتسامى .. وتسامى.....



http://www.midan.net/nm/private/news/18.jpg

http://www.midan.net/nm/private/news/25.jpg

http://www.midan.net/nm/private/news/05.jpg

(( خارج النص والمسابقة ))

[مهيرة]

(( داخل النص ))

مجرد محاولة :

فبراير 1938م
الأستاذ أحمد خير

تقوية لنادي الخريجين بأمدرمان من ودمدني
مديننة النهضة والثقافة حتي يكونوا يدا واحدة
ضد المستعمر ..

[ودالشيخ]

س \لماذا سميت دردق بهذا الاسم

[مهيرة]

:) :D
ههههههههههههههههههههههههههه

ود الشــــــــــــــــــــــــــــــيخ

يا شيخنا كمان الشفقة تطير

تسلم بس رجاء الإلتزام بالصف
عندنا مشكلة سياسية مع الأدمن دايرين نحلها ؟؟ :confused:

[محمد حسين (المميز)]

وووووووووووووو
غايتو انا بصراحه بصراحه
ثقافتي عن تاريخ السودان ضعيفه
عشان كده بجي اتعلم واتفرج عشان استفيد
ودي ضريبة الغربه اللي بحاول اعالج فيها
والحمدلله ماشي كويس
وده لأني درست بره السودان وللاسف تاريخ السودان القديم
عندي (( 0 ))
تسلمووو على المعلومات
وياود الشيخ زي ماقالت اختك الكبيره مهيره
استنى دورك واقيف في الصف

**********

[admin]

يا آدمن قالوا ليك سؤال تقوم تعملوا تلاتة أسئلة ، غايتو الله لاختانى ليك فى الكرسى الساخن هههه
أما بالنسبة للشق الأول من السؤال فهو أحمد خير المحامى ، ومن ضمن المؤسسين الراحل ميرغنى عشرية " شاعر المؤتمر وجد المشرفة أميمة "
ههههههه والله كلامك صاح .. مفروض سؤال واحد بس .. وبما انك اول واحد يجاوب على السؤال الاول اجابة صحيحة 100%

اذن الف الف مبرووك .. اجابة صحيحة

من مشاهير المدينة الذين شاركوا في مؤتمر الخريجين اضافة الى ماذكرت الاستاذ/عمر الكارب والدكتور/عبدالرحيم ابوعيسي وغيرهم الكثير .. وكانت مطالب مذكرة 1942 كالاتي:
تقرير المصير لأهل السودان.
اشتراك السودانيين في إجازة ميزانية الدولة.
تكوين مجلس أعلى للتعليم وتخصيص نسبة عالية من الميزانية للتعليم.
وقف الهجرة للسودان.
سن قانون الجنسية السودانية.
عدم تجديد عقد شركة الجزيرة (أي تأميم المشروع).
إعطاء أولوية للسودانيين في الوظائف.
تمكين السودانيين من الاستثمار الزراعي والتجاري.
إلزام الشركات بتوظيف السودانيين.
إلغاء قوانين المناطق المقفولة.
وقف الإعانات الرسمية لمدارس الإرساليات.
توحيد برامج التعليم في شمال السودان وجنوبه.


اتمني ان يكون سؤالك القادم رياضياً

[السلامى]

مبروووك عمنا أبوبكر قدرت عليه تب راجين سؤالك وبالمناسبة الناس دى كلها بدت بالتقيل ياريت تخفف عشان خاطر المميز

[demyate]

موضوع جميل والمشاركات اجمل
واذا سمحتوا لينا بالمشاركه ممكن يكون السؤال مجموعة اسئلة عن تاريخ المدرسة العربية مدنى
قبل يوميين حضرت الاجتماع الاول لمجلس الآباء وكان مثالا على الروابط القويه بين الشعبيين والتى افسدتها الحكومات
التحية للاشقاء المصريين وهم ينيرون عقول الاجيال القادمة كما فعلوا مع السابقة
بالرغم من انى لم ادرس بها ولكن بالتاكيد كوكبة مقدره من ابناء المدينة درست بها ولها ذكريات جميلة ارجو ان لا يبخلوا بها علينا

[أبوبكرحامد]

السكّة حديد يابو السيد - شعار ظلت تردده جماهير النادى الأهلى مدنى - من هو أبو السيد ومامعنى المقولة؟؟؟

[hamad2]

مبروووك عمنا أبوبكر

[السلامى]

قايتو دى أسم لاحد أثنين يا سيد مصطفى أو سيد سليم اما عن معناها أحتمال لبراعتهم الكرويه

[السلامى]

اللهم لانسألك رد القضاء ولكن نسألك اللطف فيه

[أبوبكرحامد]

قايتو دى أسم لاحد أثنين يا سيد مصطفى أو سيد سليم اما عن معناها أحتمال لبراعتهم الكرويه
حدد يا السلامى شخصية واحدة ، ولو ماعرفتوا انا ح اجاوب واكسب فرصة سؤال آخر

[hamad2]

احتمال
سيد سليم

[الزبير محمد عبدالفضيل]

مشكوووووووووووووووووووور يالسلامي علي هذه الفكره وفعلا الجميع محتاج يعرف عن مدني كل شيء

عن جميع احيائها وشوارعها واسواقها ومساجدها وكل ركن في مدني لازم يكون لنا به علم والي الاماااااااااااااام



طبعا الجواب هو ؟ كانت اول الاسواق الشعبيه بمدني وكان مجمع اسواق اللحوم + الخضار + طيربقر العطار + الحلاقيين + الخياطين الطابونه والطاحونه يعني اول سوق بمدني من عهد الانجليز والله اعلم

[أبوبكرحامد]

احتمال سيد سليم
إجابة صحيحة ، المقصود هو المدرب القومى سيد سليم ، وقد تولى على فترات تدريب النادى الأهلى ، أما سبب المقولة " السكة حديد يا ابو السيد " فيعود للقاءات الأهلى والإتحاد والتى يتحدد على ضوئها الفريق الفائز بمجموعة مدنى فى منافسات دورى السودان ، فيما يسافر الفريق الثانى للعب بمجموعة الأبيض التى يسافر لها عبر القطار

[السلامى]

معلومه قيمه جدا عمنا أبوبكر بالرغم من أننى ترعرعت داخل النادى الاهلى ولكنى كنت أجهل تلك المعلومه يمكن لصغر السن

[السلامى]

مبروك hamad 2

منتظرين سؤالك يلا أظهر وبان

[السلامى]

مبرووووووووووك حماد 2
منتظرين سؤالك ماصعبوا علينا

[hamad2]

حولت العاصمة الي ودمدني في سنه كم

[hamad2]

سوال خفيف لاكن المره الجاية وين

[شبندر]

حولت العاصمة لودمدني في عام 1902 في عهد الحكم الثنائي على السودان

[hamad2]

اجابة صحيحه والف مبروك وخليك ظريف في السوال ما تهرينا

[hamad2]

حولت العاصمة لودمدني في عام 1902 في عهد الحكم الثنائي على السودان
مبروك صحيح

[شبندر]

من احدى مدارس ودمدني العريقة التي تم تأسيسها في عام 1906م

وفى هذه المدرسة تخرج الطالب جعفر محمد نميرى

كما درس فيها العالم والشاعر والسياسى الشيخ مدثر البوشي

ودرس فيها من غير السودانين ملس عندوم السفير الاثيوبى فى الخرطوم.

ما اسم هذه المدرسة ؟

[شبندر]

السؤال صعب يا شباب
عمل في هذه المدرسة من المعلمين المشهود لهم بالكفاءة
1. الشيخ عبدالله عبدالرحمن الامين صاحب الفجر الصادق وديوان العروبة والعربية فى السودان
2. الاستاذ حسين شدو
3. والمعلم الجليل الشيخ محمد احمد ابوعصاية.

[hamad2]

مدرسة حنتوب

[شبندر]

مدرسة حنتوب تم تأسيسها في عام 1946م

أما المدرسة موضوع السؤال هي مدرسة مدني الأميرية التي تم تأسيسها في عام 1906

[خواطر]

انا واللة لاجاوبتا ولاحاجة لاكن داير اشترك وعندي سوال اين كانت تقع سرايا اسكندر اها السؤال دا للشباب العجايز خليكم شوية ؟

[شبندر]

بالرغم من ان السؤال من حقي ولكن اتنازل للأخ خواطر

[خواطر]

يديك العافية اخ شبندر لاكن الناس شكلا زايغة منوا ولا شنو يلا جاوبو عشان نشوف البعدو

[السلامى]

شبندر جاوب انت عشان شلاقتك دى يلا منتظرنك وامامك 24ساعة وبعدها أعترف بالهزيمه

[شبندر]

الأخ السلامي تحياتي قالوا السؤال للشباب عشان كده انا ماعاوز أجاوب ولكن الحقيقة الأسكندر دا سمعته بيه انه شاعر في العراق وفي واحد في ايران لكن في مدني ما أظن في
يلا السلامي خلينا الشلاقي جاوب انت

[السلامى]

قايتو انا بعرف فى سرايا واحده مشهوره فى مدنى وهى فى حى 114 والان يوجد بها مكتب الامن العام اما خلاف ذلك فلا اعرف

[خواطر]

تسهيلا للسؤال كمان هي واقعة علي شارع النيل والمبني مازال موجود للان اها سهلتها ولا لا ؟

[خواطر]

الاخوان سرايا اسكندر هي الان فندق الانتركونتينينتال في مدني شارع النيل

[السلامى]

تشكر يا خواطر على المعلومه ونعتبرك ولاول مرة فائز مرتين ويمكنك طرح سؤال آخر

[السلامى]

خواطر اظهر العيد قرب

[أبوريلان]

مبروك يامحمد

ما تظهر ياخى وتجيب لينا معلومة جديدة

لو ما ظهرت بعد يومين بسأل أنا بعد إذنك ؟

[السلامى]

سؤال جديد :-

ماهو الغرض الذى من أجله أنشئ قصر الضيافه بمدنى واذكر ثلاثه من الشخصيات الشهيره فى افريقيا نزلوا بالقصر فى فترة سابقه

[ود الدناقله]

السلام عليكم و رحمه الله و بركاته
طبعا انا بحيي فكره الأسئله دي عشان تنشط الذاكره كويس و تنورا بي مدني او تخلي الناس تعرف اكتر اذا كان معرفتهم محدوده بي مدني الحبيبه و بحيي الناس عامه و السلامي خاصه شايفك ما شاء الله متفاعل مع المنتدى
و خليك كده active بالله...........................

[السلامى]

مشكور ود الدناقله ومابعيد عنى بيناتنا البحر واتمنى تفاعلك معنا

[ود الدناقله]

والله إن شاء الله يا السلامي كنت بتمنى لكن صراحه ما مع الأسئله بتاعتكم دي :confused: لكن ما بالخساره نهائي.....
كده الزول بيستفيد برضو و يعرف اكتر عن مدني و حضارتا و جمالا :) ....................

[الزبير محمد عبدالفضيل]

مشكور يالسلامي علي هذا الاقتراح والي الاماااااااااااااااااااااااااااااااام



جواب السؤال هو ؟ ام سويقو تسميه علشان بتوجد بها عدة اسواق او الاصح عدة عارضيين الي بضائعهم


يوجد في ام سويقو الاتي : طير بقر العطار او بائع ( الاعشاب ) سوق الجلود # سوق عمل العناقريب

سوق الحلاقين # مقهي # مخبز سعد اليماني # الطاحونه وكان يقال عنها ( مسكونه ) سوق الخضار


سوق الحمام والدجاج والله اعلم علي ما اقول من جواب صحيح لتسمية ام سويقو

[ود الدناقله]

السلام عليكم و رحمه الله و بركاته كل سنه و انتو طيبين و ربنا يحقق الأماني و تحضرو ان شاء الله السودان 2008 ما عارف قالو حيكون حاجه تاني لكن ان شاء الله ربنا يحضرنا السودان في تلك السنه
المهم كان عندي سؤال كنت بسأل عن التربه التي يزرع فيها المحلب و طريقه زراعته بالتفصيل إن أمكن لأنو في واحد قريبنا بسأل من الحكايه دي عامل فيها حيبقى مليونير بالمحلب ده
و إن شاء الله المحلب ده يغنيهو قولو آمين

[ود الدناقله]

السلام عليكم و رحمه الله و بركاته كل سنه و انتو طيبين و ربنا يحقق الأماني و تحضرو ان شاء الله السودان 2008 ما عارف قالو حيكون حاجه تانيه لكن ان شاء الله ربنا يحضرنا السودان في تلك السنه :rolleyes:
المهم كان عندي سؤال كنت بسأل عن التربه التي يزرع فيها المحلب و طريقه زراعته بالتفصيل إن أمكن لأنو في واحد قريبنا بسأل من الحكايه دي عامل فيها حيبقى مليونير بالمحلب ده :(
و إن شاء الله المحلب ده يغنيهو قولو آميـــــــــــــــــن :)

[السلامى]

العيد وانتهى يلا أصحوا جواب السؤال شنو

[السلامى]

جواب السؤال :-

الغرض الاول من أنشاءه هو أستضافة الملكة البريطانية اليزابيث الثانية
أها أشهر الرؤساء منو النزلو فيه من الافارقة

[Yasir3050]

حلوه الفكرة .... فى انتظار ضربة البداية
أخوك ياسر العركى

[أبو الخاتم]

والله فكرة ياالسلامي أبو الأفكار أنا موافق ومؤيد ويا أهلاً واطرح ....

[أبو الخاتم]

والله فكرة ياالسلامي أبو الأفكار أنا موافق ومؤيد ويا أهلاً واطرح ....

[السلامى]

رايكم شنو نغير فى شكل المسابقة بمعنى طرح جائزة مالية تشجيعية لكل أجابة سؤال مطروح أدونى فكرتكم

[خالد أحمد الصول]

ربك ... ربك ... ربك
القطينة يا أستاذ

[hamad2]

احتمال مانديلا

[محمد سلاح حسن]

دى فكره جميلة وبتخلى الواحد اعرف اكتر عن مدنى
وياريت تكون الاسئلة عن الاماكن النابع منا تاريخ
وثقافة مدنى عشان الما عارف عن مدنى حاجة من خلال
الاجابات اعرف الاصالة والعراقة وتاريخ مدنى الجميل
يعنى اعرف مدنى على حقيقتا
ونحييك كتير يا السلامى على الفكرة

[بدر الدين محمد]

اما السؤال الثاني وعليه جائزة قيمة
أين يقع فريق الطملة

[خواطر]

ريق الكملة دة كان ما اخاف الكذب هو الجخانين في حي المدنيين رايكم؟ تحياتي

[خواطر]

عفوا
فريق الطملة

[ابوالنور]

تحياتتي للجميع والله المضوع جميل وجدير بالمشاركه والطمله دي تقريبا اللقد والهيا المنيره حاليا

[بدر الدين محمد]

ما عرفتو فريق الطملة وضاعن الجائزة على الجميع ونحول قيمتها الى سؤال آخر
أين يقع سوق الآخرة وسبب التسمية

[ابوالنور]

يقع سوق الاخره في الطريق لامودي الي الاندلس بالردميه او غرب مدرسة زروق وفي رواية اخري يسمونه سوق القيامه لانه كان ابعد سوق في مدينة ودمدن وبقرب المقابر

[محمد سلاح حسن]

لماذا اطق على ( حى القلعة ) هذا الاسم
ومحطة( اب جبل) فى تقاطع شارع الدباغة مع السوق الشعبى

[خواطر]

اخونا بدر الدين تحياتي ياغالي تغيب دهر وتجي تقولينا الاجابة خطاء طيب دي قبلناها لكن طاللما انتا بتقول هي خطاء ارجو انو تورينا الاجابة الصحيحة مش تخلينا كدا وتقولينا سؤال تاني !!!!!!!
ادينا جواب السؤال الاول بعداك اسئل مية سؤال؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!! !

[ضياء الدين محمد يوسف]

حي القلعة سموهو كدا لانو المنطقة اللي فيهو كانت عاااااااااااااالية جداً وشكلو من بعيد بشبه القعلة لكن في إدارة المساحة في مدني أسمو تقريباً امتداد حي ودكنان
اما محظة ابوجبل سموها كدا عشان عائلة ابوجبل ساكنة هناك جنب المحطة في حي العشير بجوار تقاطع شارع الدباغة وشارع السوق الشعبي
والله أعلم

[ضياء الدين محمد يوسف]

فريق الطملة دا تقريباً والله اعلم هو فريق الحلبة في حي المدنين

[السلامى]

خواطر
محمد سلاح حسن
أبو النور
بدرالدين محمد
الفارس البنفسجى
تحياتى لكم ( وانشاء الله يوم شكركم ما يجى )

[ابوالنور]

تسلم يا السلامي نحنا مستنيني الجايزه

[ضياء الدين محمد يوسف]

حي جبرونا سموه كدا لي ؟

[ود حنتوب]

والله البوست ده مدرسة عديل كده فى معلومات مدنى وهو هام للناشئة جدا


سؤال : أين يقع قصر الرئيس بوكاسا فى وادمدنى ؟؟؟؟

[السلامى]

والله البوست ده مدرسة عديل كده فى معلومات مدنى وهو هام للناشئة جدا


سؤال : أين يقع قصر الرئيس بوكاسا فى وادمدنى ؟؟؟؟
فى شارع النيل ياحدق

[meshanshow]

Thats good idea Go A head

[بورتبيل]

فكرة حلوة بالجد خلونا نعرف منكم اكتر .. يا شباب
السؤال تكون معاه الاجابة الصحيحة .... وللامـــام

[meshanshow]

Go ahead friend

[صلاح ودالطاهر]

السلام عليكم ورحمة الله وبركاته
استميحكم عذراً ان أشارك عن فريق الطملة هذا الموضوع الذي بين أيدكم كتبته منذ سنه ونص تقريبا ربما حذف وأنا مره أخره اكتبه أليكم وربما المشاركة متاخره بعض الشي.فلكم العذر .
لقد اشتعلت في دواخلي كوامن الذكريات لفريق الطملة أتمني كما قال المغني أن تكون صادقه ونبيلة وأنا اكتب إليكم ليس من اجل شي ولكن اكتب من اجل مدني ومن اجل كل محب لمدني. وأتمني من كل شخص من مدني الاعتزاز بهذا الحي الذي يجسد الإخاء والمحبة والدليل علي ذلك أن معظم المنازل في هذا الحي تفتح أبوابها مع بعضها البعض واتمني أن تجدوا من خلال سردي لو البسيط عن هذا الحي المعطاة الذي قدم الكثير لمدني من الشهيد معاوية عبد الحي الذي قتل أيام نمير ي الي الجيل الآن حيث كان يسكن بين حي البحيرية وفريق الطملة المهم كل إحياء مدني في دواخلي وخاصة التي لي معها ذكريات خاصةً مكان مولدي في المنزل المتواضع بحي ود زرق بالقرب من نادي الرابطة القديم ومن امامننا مخزن السكر القديم والجيران الطيبين ناس الخليفه عبد الله وناس ابنعوف وناس الشوبلي ومن خلفنا السناهير وخلوة ود الريح وفي داخل الحي دكان حاج حمزة الشهير بالمشروبات خاصة الشعير والتمر هندي ودكان حاجه حميدة حيث مختلف الألعاب أيام العيد وست الروب التي كنا نتغنى من خلفها الحاجة حليمة رحمها الله ست الروب روبك حار ومابندار وضرب النار عايزلو رجال. المهم نرجع لموضوعنا فريق الطملة، أخي فريق الطملة الذي علي ما اعتقد يمتد من منطقة جامع سعدا بي شرقا الي منطقة القبة غرباً وتجد جامع نسابتي أل ابوعيسي وزاوية المنشد والزاوية البدوية ومن خلف شارع مدرسة الأميرية خلف منزل ناس محمد حورية رحمه الله إلي بدايات مربع 11 .وكنا عندما تقوم المظاهرات أيام الرئيس نميري نخرج من مدرسة الأميرية ومن الشارع المقابل لباب المدرسة بداخل فريق الطملة حيث الشوارع الضيقة ولا يستطيع البوليس الدخول فيها حتى نطلع بخور ود ابوشنب إلي محطة ودقيحة ومنها ننطلق الي مجمع بانت......
هل الجزارة الموجودة وسط الحي لازالت موجودة حيث كان يجلس حولها النسوة لبيع الخضار والفواكه والفسيخ الذي اشتهرت به منطقة الطمله ولااريد ان أقولفريق الحلبة من اشهر النساء حرم ترشو قه وأختها شموم صاحبة القصة المشهورة مع البوليس الذي كان يطارد الطلاب في المظاهرات منا من لم يعرف أسرة كشك وهل يخفي القمر حيث مطعم كشك وسط السوق يتوافد إليه الزبائن من كل صوب خاصة ناس الإدارة المركزية والري حيث الناس تستمتع بقفشات الأخ مدني كشك صاحب اللحية الشهيرة ومطعم ابوظريفه وقهوة ود ابولبدة. لقد حكي لي احد ظرفاء مدني انه مره دخل فريق الطملة دخل احد الأزقة الكثيرة ولم يستطيع الخروج حيث وجد نفسه فوق راس بيت وهذا كناية علي تكاتف أهل الحي حيث الأبواب تفتح وليست مغلقة وكل شخص في هذا الحي يعتبر أي بيت بيته وياحليل أيام زمان ياه قلبت علي المواجع وبمناسبة الطاحونة المسكونة حكي احد الظرفاء بان احد الأشخاص تجرع خمر أعوذ بالله وحمانا الله وحماكم وهو في طريقه الي بيتهم وجد حفله جميله جداً واندمج فيها وعندما غلبه النعاس نام وعندما اصبح الصبح وجد نفسه داخل كوشة.

أخي هذا قليل جداً من كثير عن هذا الحي واتمني أكون وفقت فإذا قصرت فهذا مني وإذا وفقت فهذا من عند الله.....
قف.... أكثر ماكان يوقفني عندما أمر ببر ندة مكتب الفجر القديمة مقابل لها ميدان الملك تلك العبارات التي كتبها العم التوم نمر اشهر نقلتي كدارات مع أبوجوه والعم عباس كبوش وهذه العبارات اذكرها دائماً لما فيها من قوة المعاني وهي:-
الدنيا مدرسة وأستاذها الظروف
وفصولها المجتمع وقلمها الامــــــــل
وحبرها الدموع وكتابها حياة الإنسان
اخوتي اتمني ان أكون خفيف عليكم ولكم الشكر والتقدير واقتبس من أغنية مصطفي سيد احمد رحمه الله الكلمات آلاتية لتكون ختام موضوع المتواضع هذا
كل متباعد بينا عوارض كل ما هواك يا مدني مكني
لما افوتك من دون خاطر او دون خاطر مني تفوتي
بلقاء أولادك في كل حته وكل بيوت مدني بيوتي
لاغيرت يا مدني وراك الجتة ولا بدلت ملامح صوتي
أخوكم /صلاح الدين الطاهر (ود الطاهر)

[صلاح ودالطاهر]

اما بالنسبة لحي جبرونا يقال ان امراة و ابنتها سكنتا في تلك المنطقة وكان الناس يعتبرونها منطقه بعيده من داخل المدينة وعندما تسال المراة وابنتها عن سبب السكن في هذا المكان البعيد تقولان جبرونا اي اجبرتان علي ترك سكنهما القديم والإنتقال الي هذه المنطقة البعيدة وكلما تسألا عن سبب السكن تقولا جبرونا وهكذا........ حتي اطلق الناس علي هذا الحي اسم حي جبرونا والله اعلم

[السلامى]

الاخ صلاح شكرا على المعلومة القيمة وربنا ينورك

[صلاح ودالطاهر]

سؤال لماذا سمي حي دردق بهذا الاسم ؟

[الزبير محمد عبدالفضيل]

فكره حلوه حتي نتذكر جميع أحياء ودمدني الجميله


ومشكور اخي علي هذه الفكره ولك منا احلي تحيه

[خالد أحمد الصول]

هذا السرد التاريخي يشجيني و يطربي و يهيج كوامن كثيرا في دواخلي ... أحب التاريخ بهذه الطريقة الحلوه .. لا بالجمود كما في الكتب .... أحبكم إخوتي و ربما تعتبرون ما تدلوا به غير ذي فائده و هي ليست مجرد قصاصات ... و لكني أعتبرها قمة في الابداع و تسجيل التاريخ بلحظاته الحلوة و المرة .... أمضوا في التوثيق و لا تفتروا ...... و بالمناسبة المرأة و بتها جبروهم الناس يرحلوا منهم عشان شنو؟؟؟؟؟ نعلهم ..... آآآآآآآي

[السلامى]

صول سودان دردق دى ماساكن فيها مالك ما جاوبته على السؤال وتكون فضيحه بجلاجل لو ماعارف لانى فتيت الشمار بانك ساكن دردق وكمان فى نصها ااههاهاه

[عصام الدين عموش]

لك التحية أخي السلامي مشرف منتدى ودمدنيات
الفكرة حلوة لكن عايز ليك جلاكين عشان يجاوبوا ليك الأسئلة الزي دي
عندي سؤال بنفعكم شوية :
ماهو المعلم الذي تمت إزالته وقام مكانه مبني تلفزيون الجزيرة الريفي حالياً ؟؟؟؟

[ابوالنور]

لك التحية أخي السلامي مشرف منتدى ودمدنيات
الفكرة حلوة لكن عايز ليك جلاكين عشان يجاوبوا ليك الأسئلة الزي دي
عندي سؤال بنفعكم شوية :
ماهو المعلم الذي تمت إزالته وقام مكانه مبني تلفزيون الجزيرة الريفي حالياً ؟؟؟؟
عموش مشتاقين وين النظارة ولا عامل فيها شباب
سؤالك ده تغريبا كانت الصلخانة ولاشنو

[عصام الدين عموش]

ياهلا بالعضو الفضي وأمنياتنا لك بالذهبي والبرونزي والنظارة دي حاجة قديمة هسع في حاجة إسمها العدسات ( أصلو ما نتطور معاكم )
كان المعلم البارز حينها ( المصبغة )
السؤال الثاني :
أين يوجد قبر الشيخ سورج بمدني ؟

[صلاح ودالطاهر]

يا اخون سالنا لماذا سمي حي دردق بهذا الاسم

[السلامى]

يا اخون سالنا لماذا سمي حي دردق بهذا الاسم
ياأخوى ودالصول العجوز ماعرفها نحن نعرف التسمية كيف.... الغريبة الشمار كتلنى مشيت دردق مخصوص لاعمامنا فاكدوا لى اغلبيتهم بانهم لم يفكروا فى السؤال عن اصل التسمية عشان كده مافى طريقة الا تجاوب انت وشوف لينا سؤال بتاع شباب يعنى زى الزمالك سموه كده ليه هاههههههاه

[صلاح ودالطاهر]

ياأخوى ودالصول العجوز ماعرفها نحن نعرف التسمية كيف.... الغريبة الشمار كتلنى مشيت دردق مخصوص لاعمامنا فاكدوا لى اغلبيتهم بانهم لم يفكروا فى السؤال عن اصل التسمية عشان كده مافى طريقة الا تجاوب انت وشوف لينا سؤال بتاع شباب يعنى زى الزمالك سموه كده ليه هاههههههاه

السلامي خالص ماعرفتو دردق يقال ان سبب التسميه انو في مره عجوز جايه من السوق وهي عائزه تودي برميل محل سكنها في منطقة دردق الحالية لقت واحد من الاخوان الجنوبين وعائز يوصل معها البرميل وهو مدردق البرميل وفي كل مره يسالها وصلنا تقول ليه دردق وكل مره يسالها وصلنا تقول ليه دردق لغاية ما وصلت وراح الراجل يحكي بطول المشوار ويقول لناس ماتمشوا مع الحاجه دردق ومن اليوم داك اصبحت تسمي بهذا الاسم والله اعلم هذه الكلام علي استاذنا الكبير عبدالله ابكر وهو من ابناء دردق فله التحية والتقدير

[السلامى]

معلومة قيمة ونادرة وفريده (اها راجين سؤال تانى بس من الوزن الخفيف )

[خالد أحمد الصول]

شكيت محنك يا صلاح ده كلام شنو بس أنت شد حيلك يوم ما تجي في الاجازة بجيب ناس دردق كلهم و نربط ليك في شارع المطار ... و عينك ما تشوف إلا النور ... يعني ندردقك من الخرطوم لي مدني تصل زي البطيخة اللاقة

[السلامى]

شكيت محنك يا صلاح ده كلام شنو بس أنت شد حيلك يوم ما تجي في الاجازة بجيب ناس دردق كلهم و نربط ليك في شارع المطار ... و عينك ما تشوف إلا النور ... يعني ندردقك من الخرطوم لي مدني تصل زي البطيخة اللاقة
اخيرا ظهرته بعد ما جاوب السؤال يالا خش معاهو فى تحدى العجائز هاهاهاهه

[حسن على]

كل الشباب الحلون ناس مدني

سلامات

انا داير اسالكم اين يقع زقاق المدق

سؤال ساهل وخفيف

[السلامى]

فى السوق الكبير بالقرب من سوق الخضار يا فرده

[بدر الدين محمد]

الاخ حسن على .. زقاق المدق ده في سور ميدان الملك عند باعة الكتب تجده باسم زقاق المدق للكاتب نجيب محفوظ وهو حي في القاهرة القديمة

[صلاح ودالطاهر]

شكيت محنك يا صلاح ده كلام شنو بس أنت شد حيلك يوم ما تجي في الاجازة بجيب ناس دردق كلهم و نربط ليك في شارع المطار ... و عينك ما تشوف إلا النور ... يعني ندردقك من الخرطوم لي مدني تصل زي البطيخة اللاقة
يا ودالصول امان في زمتك مابتحميني من ناس دردق

[sudani]

يسلمو على الموضووع الراائع بس المشكله انا مشيت مدنى 3 مرات مشيت مع قريبى النشيشيبه الجامعه وشفت السوق الشعبى والسوق الكبير وشفت حى المطار وحتات كتيره فى مدنى ومشيت مجمع الرازى الجامعه مدنى جميله عشان كده مابقدر ارد على اى سوال

[عثمان عوض]

بعد السلام الي كل من بمـــــــــــــدني الاعزاء
كل ماياتي منكم إبتكار ولو كان تليد
وكل مايقدم بكون زين ولو كان شين

[ياسر يوسف احمد]

الاخوة الاعزاء
السلام عليكم ورحمة الله وبركاته زوبعد
الحقيقة انا عضو جديد فى منتدانا العامر وادمدني .. الحقيقة لدي مداخلة بسيطة بخصوص سؤال لماذا سميت ام سويقو.. والحقيقة انا مولود فى هذا الحي العريق (حوش احمد باباكر) وحوش ( احمد حسين) من اكبر الاسر الموجودة فى مدني ومن الاعضاء اعرفهم بالاسم وبعضهم زملاء دراسة فى الجامعة مثل امير عبدالباقي .. زبعضهم زملاء دراسة فى مدرسة النهر الابتدائية والاهلية ب ومدني السني وحليل ايام مدنى وناس مدني ولعلى اريد ان اعبر عن كوامن داخلية ولكن خلينا فى ام سويقو والمعلومة العندي ان منطقة سوق ام سويقو ( مكان شجرة الجميزة حتى طابونة سعد) مكان كانوا يسوقوا فيهوالجمال والدواب وسوق مشهور وام سويقو جاءت من سواقة الجمال لذا سمى بسوق ام ساقوه وللتمليح سميت بام سويقو ولنا عودة

[سلطان حسين]

ومعليش صاحبكم دايش دخل بالغلط في بوست المدام .اها من هنا نتابع المسابقات مين من ناس مدني يورينا ديم بت ول وين مكانه وليه سمي بالاسم ده( بالنجليزيه لتسهل قرأتها..pet wel)
عشان الجماعه الدايشين ما يقروها بتول!!!