المنتدى العام .. فى ثوبه الجديد..

[نزار حسن محمد]

بسم الله الرحمن الرحيم

الاخوه والاخوات اعضاء منتدانا الحبيب ودمدنى.

السلام عليكم ورحمة الله وبركاته.

لكم ودى وتحياتى

اكتب لكم هذا الموضوع وأنا انتمى لهذا الصرح العظيم منتدى ودمدنى .. او البيت الكبير.

كنت فى السابق اكتب اقتراحات للساده الكرام المشرفين والقائمين على امر هذا المنتدى.. والان وضعونى فى واجهة المدفع كمشرف للمنتدى العام ومعى الاخوه الكرام الاخ ياسر فقيرى والاخ سواااااح.
عليه اتمنى من الجميع التعاون التام معنا لنرتقى بالمنتدى وهو الواجهه للبيت الكبير.. بكتابة المواضيع المتميزه والتقليل
من المواضيع المنقوله .. والالتزام التام بأدبيات واخلاق اهل السودان السمحه وكلى ثقه بأنكم ستكونه بقدر المسؤليه.
كما اوعدكم بأن نجعل صفحة المنتدى العام الواجهه الجميله للمنتدانا.
وستكون هناك مفاجاة ساره ومنافسات تزيد من أناقة ورونق المنتدى العام.
كما لن نسكت على اى تهاون او استهتار من قبل اى عضو.
عليه نرجو الالتزام التام وكلى ثقه فيكم .. ونرحب بأى اقتراح يدفع بالمنتدى العام الى الامام ؟
وأعلن غيرتى على المنتدى الثقافى وعلى المجهود الملموس الذى قامتا به كل من الاخت اميمه عشريه والاخت مهيره
وهذه الغيره تدفعنى للتنافس الشريف من اجل مدنى ومنتدانا الحبيب ودمدنى
عليه ستكون هناك جوائز قيمه اكرر قيمه على المواضيع المتميزه.
وسنعلن عنها فى القريب العاجل بعد ان نضع الشروط للمنافسه وهئية التحكيم لتقيم المواضيع المميزه.

اخيرا اخوتى كل ثقه فيكم بالنهوض بمنتدانا وخاصة الواجهه المنتدى العام... ودمتم

اخوكم / نزار حسن محمد[COLOR=Blue]

[abu_ola]

الأخ/ نزار ألف مبروك التشريف فقد صادف أهله ،، معنا نقدم كل ما هو رائع و مفيد ،، وفقك الله لما فيه الخير

[سواااح]

اشيد واساند ما ذكره الاخ نزار

ونتمني من الجميع الالتزام بكل ما يكفل مصلحة الجميع

فليس الغرض التضييق انما التنظيم والاهتمام بالمواضيع المفيدة

[معتز حمدتو]

نتمني التوفيق للجميع والي الامام دوما للارتقاء بمنتدانا الذي يمثل اصلتنا ومدنيتنا .
واتمني ان يكون لك يانزار تكليفا وليس تشريفا واني علي يقين بانه تميزا قد صادف اهله .
ولك الود

[محمد حسين (المميز)]

تسلم يا اخونا نــــــزار
وانشاءالله كل اعضاء هذا المنتدى من الناس المسؤلين
والواعيين
ويكفي كل من يكون في هذا المنتدى انه يشارك في منتدى يحمل
اسم مدينة الجمال والاصاله والعراقه وهي
مدنـــــي
,,,,,

[الزبير محمد عبدالفضيل]

نتمني التوفيق للجميع والي الامام دوما للارتقاء بمنتدانا الذي يمثل اصلتنا ومدنيتنا .
واتمني ان يكون لك يانزار تكليفا وليس تشريفا واني علي يقين بانه تميزا قد صادف اهله .
ولك الود




ونتمني من الله العزيز الحكيم بأن يرزقك الذريه الصالحه ويحل المدام بالسلامه والعافيه

[نزار حسن محمد]

الاعزاء الا حباب...
ابو ..علا
سواااااااح
معتز حمدتو
المميز
السفير

اشكركم جزيل الشكر وكل ثقه بكم ....ومعا سوف نرتقى بالبيت الكبير.... ودوما الى الامام ابناء مدنى .... اخوكم نزار

[HAMADTO]

ألف الف مبروك لكل المشرفين الجدد ونتمنى لكم التوفيق ان شاء الله تعالى ....
والشكر الجزيل لكل اعضاء منتديات ودمدني الذين أثروا المنتديات بمشاركاتهم الرائعة وأفكارهم المتميزة وتواصلهم البنّاء فلكم ولهم كل الشكر والتقدير .....
وإلى الامام دوما لرفعة وتطوير منتدنا

[امل حياتى]

الف مبروك اخوى نزار ود حسن والاخ سواح على الاشراف وان شاء الله تكونو على حسن ظننا وبعد كده تانى مافى اى غياب الا الشديد القوى ونتمنى لكم دوام التقدم والازدهار

[HaSsOoN]

الف مبروك ياود حسن وتستاهل كل خير وكلنا امل فيك ان شاء الله بان ترتقي بهذا المنتدى ونحنا من خلفك وان شاء كلنا حنكون يد وحده من اجل هذا المنتدى الذي يحمل اسم ودمدني ....وتستاهل ياود حسن

[ابومرام]

الف الف الف مبروك اخوي ودحسن دائما عودتنا على الجديد لكن المرة دي الجديد جاك في عبك عشان نواكب كتاباتك وليس اشرافا فقط والى الامام وربنا يوفقك وكل الاخوان لارتقاء بتلك الدرة الحبيبة ودمدني - ولنا لقاءات انشاء الله اذا مده الله في الاجال

[Jamal Elmahi]

حباب ود حسن
ناس البندر عرفوا ليك...أتا زمان ما قلته لي ناس البندر ما ترقدلهم في أمان...أها جاتك في تولا والله يكضب الشينه أأأبوي...
أها أأأبوي ما دام بقيت مشرف المنتدي العام دحين دايرين لينا جامع وبالعدم زاويه...وتموين السكّر ما يتأخر علينا باقي رمضان التقول مدينو سوط...



ود الماحي

[نزار حسن محمد]

الحلوين ... ناسى الزينين .. والله بقراء فى ردود ... وبقول لنفسى يانزار ارقد قفه ... مادام امام عينك هذه الاسماء

نبيل حمدتو
امل حياتى
حسوووون
ابو مرام

ومسك الختام .... ود الماحى ... .. جمال ودالماحى ... كله ماتزورنا فى المنتدى عندنا ليك ربع من التماك الفاخر..

[مدنيّة]

وعليكم السلام ورحمة الله

اولا مبارك عليك اخوووووووووي الاشارف علي المنتدي العام

ثانيا لازم الناس تبذل كل جهدها عشان علي الاقل نحاول نخلي المنتدي صورة مصغرة من مدني الحبيبة

ثالثا الجوائز دي كتر لينا من القروش عشان الفلس الحاصل :D (اكيد بمزح لانه مافي جائزة احلي من تطوير المنتدي وجعله بصورة متميزة ) ;)

[السلامى]

مبروك ألا خ العزيز نزار أنى على يقين بانها صادفة أهلها متمنيا منك أن تطوف على بقية المنتديات وما تعمل نائم فى المنتدى العام وأنا فى أنتظارك فى ودمدنيات

[hamad2]

الف مبروك الاخ نزار ولا يسعني الا ان اقول لك
انت اهل لها

[حسن على]

اشيد واساند ما ذكره الاخ نزار

ونتمني من الجميع الالتزام بكل ما يكفل مصلحة الجميع

فليس الغرض التضييق انما التنظيم والاهتمام بالمواضيع المف

[sambaaa]

الاخ العزيز / نزار ..
إخوتي الاعزاء .. رواد المنتدى العام وابناء مدينتنا الجميلة مدني .. وضيوفنا الكرام أهل الدار ..
تحياتي لكم ابعد ما تراه العيون ..
خالص التهاني لمشرفي المنتدى العام ، فقد صادف التكليف اهله ..
سعادتي جد كبيرة وانا اشهد ان الكل يشمر عن ساعد الجد واهنئ نفسي بحملة شموع التطوير ..
نحن معكم ونقف من خلفكم نشد من اذركم ..
فلنتنادى جميعا من اجل بيتنا الكبير ..
ولقدااااااااام

ودمتم ،،،،،،،

[TARIQ]

أخي نزار معذرة عندما وضعت لك الرسالة في مكان خارج بوستك أنا لست من الضليعين في مجال تصفح المواقع وتحديد لمن هذا البوست أو ذاك لأني ما زلت ( قروي في مدينة ) ... بس تقريبا المرة دي جات صح ..
نقول مبروك للمنتدى بإشراف الاستاذ نزار ... و مكانك دايما فوق يا نزار ونتمنى أن يكون منتدى ودمدني درة كل المنتديات الأخرى ..

[نزار حسن محمد]

بيكم يكتمل العقد الفريد الاحباب /
مدنيه
السلامى
حسن على
hamad2
sambaaa
TARIQ

لكم تقديرى وامنتنانى ... وعشان خاطر عيون حلوين ... افديكم بالغالى والنفيس... ودوما الى الامام ياناس منتدى ودمدنى.. ودحسن