عن ..مدنى ..انا ..بحكى ..ليكم..

[نزار حسن محمد]

اخوانى الاعزاء ..ساكتب لكم على حلقات ..عن مايجرى بمدينة ودمدنى..

نبداء بالاشياء الايجابيه... اولا شارع النيل ..ماشاء الله وعينى بارده فعلا اصبح واجهة المدينه حدائق ومنتزهات تسر العين...واصبح الدار الزراعى ..الاكثر اقبالا.. لعرائس المدينه ..يعنى بقت العروس واهل العروس يضعون الدار الزراعى ضمن قائمة العرس.. وحقيقه الدار منظم وفسيح للحفلات والمناسبات السعيده.

هناك جهود مكثفه لاقامة المنطقه الحره ..جمارك الحاويات شرق مدينة ودمدنى وسيكون الافتتاح فى القريب العاجل
وهذه المنطقه ستجلب استثمار وفير للمدينه.. ونرتاح من وصول الحاويات لبورسودان او سوبا..يعنى كل واحد ممكن اشحن مباشره لمدنى.

للنهوض بالمدينه بدات اقامة مستودعات وانشاء خط انابيب البترول عبر المدينه.. وهذا سيزيد من اقتصاد المدينه.. والتى صارت تعتمد بصوره اساسيه على جامعة الجزيره فهى المحرك الاقتصادى للمدينه ..بمعنى اصبحت مدينة مدنى تعتمد على السيوله المتداوله من طلبة جامعة الجزيره وهذه ملاحظه تلفت نظرك من دخولك للمدينه حيث توجد جميع انواع المواصلات من السوق الشعبى الى جامعة الجزيره ثانيا عدد الطلبه السودانين الذين يقيمون داخل الجامعه وداخل احياء ودمدنى بالايجار .

ايضا انشاء نيابه خاصه بمخالفات الاراضى مهمتها منع التعدى على الخطط الاسكانيه.. ومصلحة الاراضى بدات فى تقديم الارانيك للتقديم للخطه الاسكانيه الجديده ستجدون التفاصيل فى دكان ود الصول

توسيع الشوارع المسفلته بالمدينه.. ولكن تحتاج لى اهتمام اكبر + الاناره لم تكتمل بعد .

والبقيه تاتى ... لكم ودى اخوكم ودحسن

[مدنيّة]

مدني يا اجمل خبر

مشكوووووووووووور نزار علي حكاوي مجني

وفي انتظار البقية

[ابراهيم]

الله يطمن قلبك يا نزار

[خالد هاشم علي]

الله يبشرك بالخير يانزار.... وياريت تواصل السرد وياحبذا لو شلت معاك كاميرا عشان تتحفنا بالصور كمان.

[محمد حسين (المميز)]

يا نـــــــــزار
الكهرباء ما نقصوها؟؟
كملت قروشي لمن كنت
هنــــــــــــــــــــــاك.
,,,,,,,,

[نزار حسن محمد]

مدينه...
اولا مرحبا بك بيننا وفى انتظار مشاركاتك التى تذين المنتدى وانشاء الله الحكاوى جايه ... مع خالص ودى ..نزار
ابراهيم...
وينك ياابو خليل انت بس عليك تحديد العروسه وده الدايرنه ليك بعدين الحفله بنعمله فى الدار الزراعى... ونبشر للصباح

خالد هاشم..
اوعدك ياغالى بانى احمل معى كاميرا وذى مابقوله صوره وصوت انشاء الله .. لك ودى ياغالى
المميز....

والله مامتاكد هل الكهرباء نقصوها لكن القطعات بتاعت زمان اختفت كثيرا .. لكن ماظنت انقصوها .. ديل الانقاذ!!!! ياحبيب

[ابراهيم]

ابراهيم...
وينك ياابو خليل انت بس عليك تحديد العروسه وده الدايرنه ليك بعدين الحفله بنعمله فى الدار الزراعى... ونبشر للصباح


انت عارف يا نزار انا من يجيبو سيرة العرس دي الاستلهابات ووجع النوايط بقوم علي
وبتمسكني رجفة قلبية ... ما عارف ليه ..!!
قدر ما نربى كتكوت يكبر يفوت وقبل ما الشاكوش يبرد سمح يجي في محلو شاكوش تاني
حسي قالو في رجل اعمال مشهور عمل شركة للتزويج السريع نظام delivery وكدة يعني تخطب الساعة تسعة الساعة حداشر بالكتير يجيبو ليك المدام قدامك .. ولا حبكانات ولا شوكشانات .. ساعتين ودار الزراعي طوالي .. شفت انا طلعت برة الموضوع كيف؟
كدى اتحفنا بى سيرة مدني احسن وبعدين حكاية التحديد ودار الزراعي دي نفرد ليها مكان وسيع في ركن بعيد ..:D

[سامر حسن]

أحن اليك يا مدني وينسيني الهوى شجني

الحبيب أبو النز
سبحان الله وصفت لي حاجات في مدني أنا القاعد في البلد ما عارفا، عموما يا شباب أبشركم البلد ماشة عمرانيا تماما بس كسائر أطراف البلد فهي في مفترق طرق إقتصادي إجتماعي ... في شريحة كااااااااااااااااااسحة والتانية نااااااااااااازلة .. أجاركم الله من منظر الدلالة ...
باع الناس كل شئ نهارا ... أبواب .. شبابيك .. عدة .. أثاث ملابس .. أي شئ وبأي شئ والفرجة مغسة ... أما أخوانا ديلاك فقد باعوا ضمائرهم منذ زمن .. وباعونا تباعا..
مدني تقف في أنين سري قهري صامدة ... صامتة... مدني تضيق شوارعها لعدم وجود شركات التشغيل والصيانة حتى صار شارع الجمهورية مسار أحادي وشارع النيل يلتف كأفعى تقودك لجحرها عند منعطف مظلة خالدة حيث تنزل لأرض الحقيقة التي يغطيها الدار الزراعي وبيت الوالي وحدائق اسطنبول .... هناك حيث لا توجد خدمات تعليم .... صحة ....رياضة ... الخ
وسط المدينة مجمع للأوساخ .. أحكي لهم أخي عن الحميات والذباب والكوليرا أحكي لهم عن أعمدة الكهرباء التي هوت قبل أسبوع على المنازل ولولا ستر الله لكانت كوارث تترى ...


عفوا شباب فالصورة أكثر قتامة ...

[السلامى]

عارفنى ينزار سوف اتكلم عن ماذا لكن أقول لك رغم مانعانى فعلا هناك الشئ الكثير الذى يسر النظر وقد نسيت أنت بالطبع مثل منتزه الكاسح وفى القريب ام بارونه ونيست كمان الثورة الطبية الضخمة حتى نكاد لانتخيلها بسرعة تنفيذها ونسيت كمان تنظيم الاسواق لدرجة أنك لاتجد عنا فى البحث عما تتطلب والكثير الكثير ( بس الجماعة نسونا)

[نزار حسن محمد]

[=نزار حسن محمد][اخوانى الاعزاء ..ساكتب لكم على حلقات ..عن مايجرى بمدينة ودمدنى..

[نبداء بالاشياء الايجابيه...


اخى سامر ... الظاهر انك ناسى النظاره الطبيه فى السياره ولا فى البيت .. كدى اقراء المقدمه دى تانى .... بجيك راجع . نزار

[نزار حسن محمد]

[قدر ما نربى كتكوت يكبر يفوت وقبل ما الشاكوش يبرد سمح يجي في محلو شاكوش تاني


اجازى محنك ياابرهوته ... انت الظاهر مامتبع اخبار البلد يازول اليومين دى الجكس كله بغنى راجل المره دا حلوه حلا..
ودحسن

[نزار حسن محمد]

عارفنى ينزار سوف اتكلم عن ماذا لكن أقول لك رغم مانعانى فعلا هناك الشئ الكثير الذى يسر النظر وقد نسيت أنت بالطبع مثل منتزه الكاسح وفى القريب ام بارونه ونيست كمان الثورة الطبية الضخمة حتى نكاد لانتخيلها بسرعة تنفيذها ونسيت كمان تنظيم الاسواق لدرجة أنك لاتجد عنا فى البحث عما تتطلب والكثير الكثير ( بس الجماعة نسونا)


العزيز الغالى .. السلامى... ولك.. سلامى يا السلامى.. تعرف ياخوى انت ذى سامر .. (( نظارات)) انا ماقلت حاكتب على حلقات ,, والله مانسيت منتزه الكاسح
وام بارونه .. ودريم لاند... واشيا ء اخرى ... وبعدين حكاية الجماعه نسونا دى كدى لقايت مااجيك بهناك .. لك ودى ودحسن

[السلامى]

العزيز الغالى .. السلامى... ولك.. سلامى يا السلامى.. تعرف ياخوى انت ذى سامر .. (( نظارات)) انا ماقلت حاكتب على حلقات ,, والله مانسيت منتزه الكاسح
وام بارونه .. ودريم لاند... واشيا ء اخرى ... وبعدين حكاية الجماعه نسونا دى كدى لقايت مااجيك بهناك .. لك ودى ودحسن
طيب الشحتفه شنو يا أخوى ولابتكتب كل أسبوع حلقة ذى المسلسلات البولسية لعلمك نحن الايام دى مطره واحدى تخلى الواحد يغيب يومين من المنتدى عشان كده أمطرنا بحلقاتك وبالتاكيد أنها سوف تكون شيقة

[sambaaa]

الله يبشرك بالخير يانزار.... وياريت تواصل السرد وياحبذا لو شلت معاك كاميرا عشان تتحفنا بالصور كمان.
WELCOME BACK NAZAR

[نزار حسن محمد]

العزيز الغالى ابوعفان شنو ياخى كفاره وسلامتك والف عزيز كرامتك .. ليك وحشه ياسامباااااا لكن الظاهر عندك مرض حامد ساكت . ..ولا انا غلطان .. لك ودى اخوك نزار ودحسن

[sambaaa]

العزيز الغالى ابوعفان شنو ياخى كفاره وسلامتك والف عزيز كرامتك .. ليك وحشه ياسامباااااا لكن الظاهر عندك مرض حامد ساكت . ..ولا انا غلطان .. لك ودى اخوك نزار ودحسن
هههههههههههه
ازيك يا ودحسن
وحمداً لله سلامتك
والله يا نزار ده مرض شوق شديد لمدني وحنين لأهلها ..
ربنا يديك الصحة والعافية

[ابومرام]

اولا احيك اخي نزار لتلك للايضاح والنقلة الحقيقة عن مدينتنا والتي غبنا عنها لفترة (65) شهر اكيد صرت لا اعرف عنها شي والحقيقة لم اعرف شي - الدار الزاعي - رايك شنو نحجز من الحين ولا شنو -عما ذكرته لكن توعدني ان نلتقي فيها في عيد الفطر وسوف اكون مرافقا لك في التصوير ولو الموضوع اياهو تم (خايف اجيب اسمو ابرهومة تقوم عليه الهستيريا) تكون والوزير لاني مابعرف شي عن !!!!
عموما طمنتنا على تلك البنيات والتطورات انت دائما الكاميرا التي نتقل لنا كل تطور وابدع لانك حقا مبدع بمعني الابداع في تصويرك لكل حقيقة عموما لنا لقا اذا مدة الله في الاجال (ابو التومات)

[نزار حسن محمد]

العزيز الغالى ... ابو التومات .. لك ودى... واكيد اكيد حنتقابل..تسلم ياغالى . اخوك نزار حسن

[جالوص]

نزار
ربنا يديك العافية
وانشاء الله كل يوم ااروع
واجمل يا ارض الجمال والخير

يا ريتني لو اقدر
اقول فيك الكلام المانكتب ...