الجنيه بى الف جنيه قلبوهو ليه؟

[ابراهيم]

الجنيه السوداني بقى بي مية دينار يعني بى الف جنيه ، الدينار السودان اللسا ما عرفنا ليهو وجهة!!! ليهو خمستاشر سنة مما بدا استخدام الدينار لكن ما زال الشعب السوداني متمسك بمفردة جنيه في التعامل والتسويق والحساب والكوار .. قبل ما يشوف الدينار النور بق نور الجنيه من جديد .. فهل يا ترى الجنيه الجديد دة حيعمل نقلة تاريخية في التعامل القروشي السوداني وترجع لينا هيبة الجنيه "العاجي" الزمان ..
الجنيه بى الف جنيه طيب معناه السكر حيكون بي
ياخ دي معادلة صعبة وانا ما لي في الجغرافيا
وقالوا انشاءالله في منتصف السنة دي يبداء التداول بالجنيه الجديد
اللهم اجعله خير .. وكل يوم تخليعة جديدة في الزمن الجديد والناس الجداد بضم الجيم طبعاً معليش الكيبورد بتاعي ما فيهو ضمة .. ما علينا
رايكم شنو يا جماعة في التخليعة دي
حسي انا مخلوع جنس خلعة ومندهش جنس اندهاشة
وفوق علاوة علي ذلك حارقني شمار العملة الجديدة يا ربي حيكون فيها صورة عمنا عمر البشير وعمنا سلفاكير ولا حيختو صورة ندي القلعة او هاجر كباشي ما علينا المهم الدنيا تبقى حلوة ..
ادونا رايكم يا حلوين ياالفي السودان القريبين من الاحداث ورونا الشمار ما تموتو بيهو براكم

[ياسر فقيري]

وفوق علاوة علي ذلك حارقني شمار العملة الجديدة يا ربي حيكون فيها صورة عمنا عمر البشير وعمنا سلفاكير ولا حيختو صورة ندي القلعة او هاجر كباشي ما علينا المهم الدنيا تبقى حلوة ..

:p :rolleyes: والله يا أبراهومة الواحد ما عارف الصورة الممكن يختوها في الجنيه الجديد غايتو حا يكون جنس مقلب إذا ختو صورة البشير وسيلفا كير .. لأنو بعد كم سنة ممكن ناس الولايات الجنوبية يقول ما دايرين معاكم ويقولوا كدا ينفصلوا ويخلو لينا الجنيه من العصور السابقة :D

[محمد حسين (المميز)]

صدّق
اول فايده في الجنيه ده شنــو؟؟؟
نبقى زينا وزي الدول المتقدمه في العمله يعني
الدولار=2جنيه
الجنيه=1.5ريال
ونكون احسن من ناس ابو جهل ديل بتوع الريال
يعني حاجات زي دي.

اما موضوع الصوره
اكييييييييد حتكون بنك السودان الجديد
وربنا كريم
,,,,,,

[امل حياتى]

بس الخوف يا ابراهومه الناس ترجع تانى تضرب الجنيه الجديد بالدينار والجنيه القديم تبقى دى مشكله يعنى اقول عشرة الف جنيه قديم يساوى 10 جنيه جديد ههههههههههه
مشكور اخوى ابراهيم على اللفته الرائعة دى

[شبندر]

سابقاً المسائل الحسابية التي تشتمل على ملء الفراقات من تخصص أبناء المرحلة الإبتدائية ولكن مع تطور السودان الجديد ما أظن في عالم رياضيات يقدر يحل هذه المسائل وعلى سبيل المثال :

واحد جنية × عشرة جنيه = واحد دينار × ............ = واحد جنيه × ................ = واحد دولار

[شبندر]

سابقاً المسائل الحسابية التي تشتمل على ملء الفراقات من تخصص أبناء المرحلة الإبتدائية ولكن مع تطور السودان الجديد ما أظن في عالم رياضيات يقدر يحل هذه المسائل وعلى سبيل المثال :

واحد جنية × عشرة جنيه = واحد دينار × ............ = واحد جنيه × ................ = واحد دولار

[ابراهيم]

وفوق علاوة علي ذلك حارقني شمار العملة الجديدة يا ربي حيكون فيها صورة عمنا عمر البشير وعمنا سلفاكير ولا حيختو صورة ندي القلعة او هاجر كباشي ما علينا المهم الدنيا تبقى حلوة ..

:p :rolleyes: والله يا أبراهومة الواحد ما عارف الصورة الممكن يختوها في الجنيه الجديد غايتو حا يكون جنس مقلب إذا ختو صورة البشير وسيلفا كير .. لأنو بعد كم سنة ممكن ناس الولايات الجنوبية يقول ما دايرين معاكم ويقولوا كدا ينفصلوا ويخلو لينا الجنيه من العصور السابقة :D

في الحالة دي الا يقسمو الجنيه نصين نص للشمال ونص للجنوب
وبى كدى الجنيه يكون حصل ليهو انفصام في الشخصية او شزوفرونيا:D
الواحد ما قادر يمنطق الشغلانة يعني الخمسين قرش والطرادة حيشتغلو تاني:eek:

ياسر مشتاقين يا مان وينك انت مختفى تظهر يوم وتغيب سنة

[ابراهيم]

صدّق
اول فايده في الجنيه ده شنــو؟؟؟
نبقى زينا وزي الدول المتقدمه في العمله يعني
الدولار=2جنيه
الجنيه=1.5ريال
ونكون احسن من ناس ابو جهل ديل بتوع الريال
يعني حاجات زي دي.

اما موضوع الصوره
اكييييييييد حتكون بنك السودان الجديد
وربنا كريم
,,,,,,

والله يالمميز غايتو كل على ليلاه يغني .. ياخوى ناس الريال ديل حسي احسن مننا كان رضينا وكان ابينا
كدى حسي خلينا في جنيهنا دة رايك شنو هل بغير في اقتصاد البلد حاجة هل المواطن حيرتاح ويستكين مع الجنيه الجديد؟
وابقى طيب

[ابراهيم]

بس الخوف يا ابراهومه الناس ترجع تانى تضرب الجنيه الجديد بالدينار والجنيه القديم تبقى دى مشكله يعنى اقول عشرة الف جنيه قديم يساوى 10 جنيه جديد ههههههههههه
مشكور اخوى ابراهيم على اللفته الرائعة دى


دي واحدة من المشاكل الناس حتتلخبط في الحسابات عدنك ما بين الجنيه القديم والجنيه الحيشتغل قريب الدينار واقع في نصهم ولسا الناس ما عرفت موقعه من الاعراب شنو!! مافي زول في السودان بقول ليك كيلو اللحمة بي 600 دينار كل الناس بتقول بي ستة الف جنيه لغاية من الجنيه جاء راجع ودة يحسبوه كيف الله يعلم كدى لما يجي ونشوف.

[ابراهيم]

سابقاً المسائل الحسابية التي تشتمل على ملء الفراقات من تخصص أبناء المرحلة الإبتدائية ولكن مع تطور السودان الجديد ما أظن في عالم رياضيات يقدر يحل هذه المسائل وعلى سبيل المثال :

واحد جنية × عشرة جنيه = واحد دينار × ............ = واحد جنيه × ................ = واحد دولار


تطلع بالجنيه وتخلى الدينار في محلو وتضرب الجنيه جديد في عشرة جنيهات قديمة وتقسمهم كلهم على خمستطاشر
وتقوم تعمل معادلة آنية وبعد داك المسألة بقت جبرية وجبرية الاولى جاية من جبر بتاعة الرياضيات والتانية جاية من اجبارى بتاعة التجنيد
وكلو بعمل صداع نصفى وملاريا واستلهابات حمانا الله واياكم.
المعادلة صعبة يا شبندر المفروض يجيبو مقرر جديد يسموه العملة السودانية والمعادلات الآنية عشان الناس تعرف تحسب وتتعامل وتتداول.
تحياتي

[عزيز عيسى]

الجنيه السوداني بقى بي مية دينار يعني بى الف جنيه ، الدينار السودان اللسا ما عرفنا ليهو وجهة!!! ليهو خمستاشر سنة مما بدا استخدام الدينار لكن ما زال الشعب السوداني متمسك بمفردة جنيه في التعامل والتسويق والحساب والكوار .. قبل ما يشوف الدينار النور بق نور الجنيه من جديد .. فهل يا ترى الجنيه الجديد دة حيعمل نقلة تاريخية في التعامل القروشي السوداني وترجع لينا هيبة الجنيه "العاجي" الزمان ..
الجنيه بى الف جنيه طيب معناه السكر حيكون بي




1 جنيه سوداني = 100 دينار
1 جنيه سوداني = 1000 جنيه

والله يا ابراهيم المعادلة الفوق دي هي ذاتها المجننه زوزو..
هو في كم نوع من الجنيه؟
أنا لحدي الآن ما قادر أفهمها.. كدي النخت الرحمن في قلبنا
وعليكم الله أشرحوها لي.. الحكاية متلخبطة وبقت صعبة علي شوية..
وحتى الآن ما قادر أحل اللغز دا.. يعني أخوك كيشة في
حساب العملة السودانية.. واحدين يقولوا ليك دينار
وواحدين يقولوا ليك جنيه.. حاجة تحير جد..
كدي وريني هسع الدولار بيعادل كم جنيه سوداني
من النوع القديم؟.. سوق سوداء وسعر حكومة.
أوعك تلخبطني زيادة وتدخل لي فيها دينار ولا يحزنون.

[abu_ola]

انا كشخص أبتعدت عن السودان فترة طويلة صراحة حتي الآن ماني قادر أفهم الدينار دا شنو خليك من الجنيه الجديد الدايرين يعملوا دا ، و لو انا ود الشورة اختو فيه صورة البشير و سلفاكير عشان كان الجماعة فصلوا الجنوب يشرطو الجنيه نصين كل واحد يشيل صورتو و بالطريقة دي يرتفع سعر العملة 100 % و نحافظ على القيمية الورقية للجنية . و كان الجماعة غيرو رايهم و عايزين يعملوا اتفاقية سلام جديدة المسالة بتكون بيسسسسطة خالص بس يجيبو الجنيه يلزقوه مرة تانية ، ولا يمكن يلغوه و يعملوا جنيه جديد و يبقي لا الداخل السودان و لا الخارج السودان فاهم حاجة و كدة نتساوا يا فرد.... و لا رأيكم شنو ؟؟؟

[ابراهيم]

1 جنيه سوداني = 100 دينار
1 جنيه سوداني = 1000 جنيه

والله يا ابراهيم المعادلة الفوق دي هي ذاتها المجننه زوزو..
هو في كم نوع من الجنيه؟
أنا لحدي الآن ما قادر أفهمها.. كدي النخت الرحمن في قلبنا
وعليكم الله أشرحوها لي.. الحكاية متلخبطة وبقت صعبة علي شوية..
وحتى الآن ما قادر أحل اللغز دا.. يعني أخوك كيشة في
حساب العملة السودانية.. واحدين يقولوا ليك دينار
وواحدين يقولوا ليك جنيه.. حاجة تحير جد..
كدي وريني هسع الدولار بيعادل كم جنيه سوداني
من النوع القديم؟.. سوق سوداء وسعر حكومة.
أوعك تلخبطني زيادة وتدخل لي فيها دينار ولا يحزنون.


سلامات عزيزنا عزيز
انت فاكرني تاجر عملة ولا شنو؟ انا من البداية قلت ليك علاقتي بالرياضيات والجغرافية زي علاقتي بي كنبة الشكراً لو مطالعة او طموغرافيا كان ممكن لكن الحسابات دي اعفيني منها .. لكن قبل شهور الدولار بيساوي 230 جنيه تقريباًً "جنيه قديم" لكن دلوقت ما عارف بقى عامل كيف غايتو ناس السودان بيكونو عارفين احسن مني ومنك .. لكن الجنيه الكبير الجديد ما عارف دة حيكون عامل كيف؟

[ابراهيم]

انا كشخص أبتعدت عن السودان فترة طويلة صراحة حتي الآن ماني قادر أفهم الدينار دا شنو خليك من الجنيه الجديد الدايرين يعملوا دا ، و لو انا ود الشورة اختو فيه صورة البشير و سلفاكير عشان كان الجماعة فصلوا الجنوب يشرطو الجنيه نصين كل واحد يشيل صورتو و بالطريقة دي يرتفع سعر العملة 100 % و نحافظ على القيمية الورقية للجنية . و كان الجماعة غيرو رايهم و عايزين يعملوا اتفاقية سلام جديدة المسالة بتكون بيسسسسطة خالص بس يجيبو الجنيه يلزقوه مرة تانية ، ولا يمكن يلغوه و يعملوا جنيه جديد و يبقي لا الداخل السودان و لا الخارج السودان فاهم حاجة و كدة نتساوا يا فرد.... و لا رأيكم شنو ؟؟؟


اخونا ابو علا الف مرحبتين حبابك ..
انت يا اخوى ليك كم من السودان؟ لكن كلامك عين العقل يختو البشير في نص وسلفاكير في نص ويخلونا نحن حايمين في الفجة بين النصين ..

[معتز حمدتو]

قصة الجنية ذكرتي بيت شعر للحسن بن هاني حينما قال :-
قصتي اغرب قصة صارت الظبية لصة
سترته في مكانا في فؤادي منه قصه .
تعرف انا للان بتعامل مع الجنية ياهو الجنيه القديم ولما اقول محول مليون اشوفه شئ كتير خلاص ولكن الحقيقة وين مستترة والله ماعرفين المهم شالوا الدينار وجابوا الجنية البطمن .
وخلوها مركب علي الله لا بتحرق لا بتغرق المهم اشتغلوا معانا بالواضح من دون تكديس ، والدولار نزيل ياناس امريكا ععععععععيك ولكن الاسعار ما نزلت !
وبالله ده ما قصه غريبة .

[التيمان]

وفوق علاوة علي ذلك حارقني شمار العملة الجديدة يا ربي حيكون فيها صورة عمنا عمر البشير وعمنا سلفاكير ولا حيختو صورة ندي القلعة او هاجر كباشي ما علينا المهم الدنيا تبقى حلوة ..

وااااااااااااااااااااااااااااااااااااع


مبالغه والله


امكن يختو صوره تايتنك

[abu_ola]

يا إبراهيم يا أخوي الله يهديك اقعد ساكت ما تجيب لينا المصايب ... الفجة الفي النص البين البشير و سلفاكير دي بالذات محجوزة للقوات الدولية عشان مافي واحد يبص من ورقة إجابة التاني ...و الشاطر ينحج.....يا فالح بعدين ممنوع التجمعات و الحوامة ساكت من غير شغلة ..... فااااااهم .
أنا من ما إتخرجت من الجامعة إتخارجت من السودان طواااالي

[محمد حسين (المميز)]

على الاقــل يا خوانا لمن الواحد يمشي يشتري ليهو
علبة بيبسي
يشتريها بجنيــه بدل الف جنيه
--------------------------------
بره السودان لمن تقول للواحد اشتريت لي
لاندكروزر ب 250مليون الواحد تقرب تجيهو سكته قلبيه
بقينا نخجل من قروشنا.
عشان كده خليها تصغر
------------------------------
اما ياابرهيم عن انه الجنيه الجديد حيغير في اقتصادنا ولا لأ
فانشاءالله يغير وكلنا امل وربنا يستر.
والمواطن مسكيـــــــــــن مغلووووووووووب على امره,,
يرضى ورجليهو الاتنين فوق رقبته,,,,,
,,,,,,,,,,,,,,,,,,,,,,,
,,,,,,,,,,,,,,,,,,,,,,

[محمد حسين (المميز)]

1 جنيه سوداني = 100 دينار
1 جنيه سوداني = 1000 جنيه

والله يا ابراهيم المعادلة الفوق دي هي ذاتها المجننه زوزو..
هو في كم نوع من الجنيه؟
أنا لحدي الآن ما قادر أفهمها.. كدي النخت الرحمن في قلبنا
وعليكم الله أشرحوها لي.. الحكاية متلخبطة وبقت صعبة علي شوية..
وحتى الآن ما قادر أحل اللغز دا.. يعني أخوك كيشة في
حساب العملة السودانية.. واحدين يقولوا ليك دينار
وواحدين يقولوا ليك جنيه.. حاجة تحير جد..
كدي وريني هسع الدولار بيعادل كم جنيه سوداني
من النوع القديم؟.. سوق سوداء وسعر حكومة.
أوعك تلخبطني زيادة وتدخل لي فيها دينار ولا يحزنون.


استـــــــاذنا عزيز عيسى
بصرااحه حاجه تجنن
كدي جيب ليك آله حاسبه وورقه وقلم
وخليك مركز معاي

سابقــــــــــــــــا
1 دينــار = 10 جنيــه
1 دولار = 220 دينـار
1 دولار = 2200 جنيه

----------------
الجديـــــــد
1 دولار = 2.2 جنيه يعني 2 جنيه وربع تقريبا
الجنيه = 1.7 ريال تقريبا
يعني جنيهنا ارجل من الريال صدق :p
-------------------------

دي الحكايه ياباشــــــا

[zoolfrda]

أنا باقي لي الجماعة كان قروا الكتبتوا فوق ده يقوموا يلغوا الفكرة من أساسو ويا دار ما دخلك شر

[ابراهيم]

قصة الجنية ذكرتي بيت شعر للحسن بن هاني حينما قال :-
قصتي اغرب قصة صارت الظبية لصة
سترته في مكانا في فؤادي منه قصه .
تعرف انا للان بتعامل مع الجنية ياهو الجنيه القديم ولما اقول محول مليون اشوفه شئ كتير خلاص ولكن الحقيقة وين مستترة والله ماعرفين المهم شالوا الدينار وجابوا الجنية البطمن .
وخلوها مركب علي الله لا بتحرق لا بتغرق المهم اشتغلوا معانا بالواضح من دون تكديس ، والدولار نزيل ياناس امريكا ععععععععيك ولكن الاسعار ما نزلت !
وبالله ده ما قصه غريبة .


المشكلة يا معتز في الدولار النزل والاسعار الثابتة او الزايدة احياناً والدالة دايماً عكسية بين الدخل والمنصرف بين زيادة الانتاج وزيادة الاسعار يفيد شنو الجنيه يبقى 100 دولار والمواطن لسا محتار .. الحمل كلو بقع على الناس البتحول من الخارج يعني لو زمان بتحول للسودان 500 دولار يبقى عليك تضاعف التحويلة .. عموماً نحن نتفاءل خير وننتظر على قولك مركب على الله لا بتحرق ولا بتغرق.
وتحياتي

[ابراهيم]

.

وااااااااااااااااااااااااااااااااااااع

مبالغه والله

امكن يختو صوره تايتنك


اخواني التيمان مصطفى ومجتبى ..
والله انتو احلى ناس
قصدكم تايتنك السفينة ولا الجوة السفينة؟

[ابراهيم]

يا إبراهيم يا أخوي الله يهديك اقعد ساكت ما تجيب لينا المصايب ... الفجة الفي النص البين البشير و سلفاكير دي بالذات محجوزة للقوات الدولية عشان مافي واحد يبص من ورقة إجابة التاني ...و الشاطر ينحج.....يا فالح بعدين ممنوع التجمعات و الحوامة ساكت من غير شغلة ..... فااااااهم .
أنا من ما إتخرجت من الجامعة إتخارجت من السودان طواااالي


ابو علا صباح الخيرات
حسي عليك الله العايز يجيب المصايب فينا منو انا ولا انت .. القوات الدولية دي كان جات قعدت في الحتة ديك بشيلو الجنيه كلو ويبقو الحايمين سلفاكير والبشير:D اما نحن لا انا ولا انت ولا هم ولا اولئك ما حنلقى مكان نحوم فوقو هههههههههههههههههههه واعمامنا يبقو يبصو لي بعض بدل البص في الورق

[ابراهيم]

على الاقــل يا خوانا لمن الواحد يمشي يشتري ليهو
علبة بيبسي
يشتريها بجنيــه بدل الف جنيه
--------------------------------
بره السودان لمن تقول للواحد اشتريت لي
لاندكروزر ب 250مليون الواحد تقرب تجيهو سكته قلبيه
بقينا نخجل من قروشنا.
عشان كده خليها تصغر
------------------------------
اما ياابرهيم عن انه الجنيه الجديد حيغير في اقتصادنا ولا لأ
فانشاءالله يغير وكلنا امل وربنا يستر.
والمواطن مسكيـــــــــــن مغلووووووووووب على امره,,
يرضى ورجليهو الاتنين فوق رقبته,,,,,
,,,,,,,,,,,,,,,,,,,,,,,
,,,,,,,,,,,,,,,,,,,,,,

المميز صباح الخيرات
كدي واحدة واحدة عشان نركز هو حساب ولا كوار ..
علبة البيبسي لو اشتريتها بي جنيه او بى الف جنيه يمكن اختلفت الكمية لكن القيمة واحدة
اما موضوع اللاندكروزر دة انا ذاتي قربت تجيني سكتة قلبية ..
عموماً نحن نقول اللهم اجعله خير وربنا يجيب العواقب سليمة

[ابراهيم]

أنا باقي لي الجماعة كان قروا الكتبتوا فوق ده يقوموا يلغوا الفكرة من أساسو ويا دار ما دخلك شر


والله يا فردة نحن كلامنا دة كان قروهو ولا ما قروهو واااااااحد يا ريت كل واحد فينا يقدر يغير فكرة كان الدار ما دخلها شر .. والله غالب.

[الجندي المجهول]

يا بيبو طمني انا يختو صورة البشير يختو صورة السلفاكير انا معاي هنا قرابة الثلاثة مليون جنيه سوداني من فئات ابو عشرين وخمسين الف وانا ما نازل السودان قري ومعناها حا يغيرو العملة العندي دي ارسلها ولا اركبها في البوم الذكريات

--------------------------------------
بتمني السعر البرميل يزيد ويصل مية دولار زاتو عشان انحنا نرتاح وعملتنا تبقي فوق وجنيهنا يطلع القمرة وياريت الحكومة ينصلح حالها واي حرامي شبع خلاص يمشي ويخلي بعد كدا كرسيه للعاوز يشتغل ودمت يا سودان العزة

[عزيز عيسى]

سابقــــــــــــــــا
1 دينــار = 10 جنيــه
1 دولار = 220 دينـار
1 دولار = 2200 جنيه

----------------
الجديـــــــد
1 دولار = 2.2 جنيه يعني 2 جنيه وربع تقريبا
الجنيه = 1.7 ريال تقريبا
يعني جنيهنا ارجل من الريال صدق :p
-------------------------

دي الحكايه ياباشــــــا
العزيز المميز،

في البداية حسبتها بالآلة الحاسبة ما نفع..
تاني حسبتها بأصابعيني برضو مانفع..
لكن الحتة اللي ذكرتها فوق دي كنت بفتش عليها من زمان..
ما قصرت يا دوب الحكاية وقعت لي..
أبراهيم دا تقول متفق مع الجماعة وعايزهم ياكلوا قريشاتي.. :D
وكان ربنا مد في العمر ونزلت السودان
بشيل معاي المعادلتين القديمة والجديدة وآلة حاسبة
علشان أقدر أحسبها مع الصيرافة على داير (المليم) و ما يغشوني.
يا ريت الورقة أبوخمسين والطرادة والريال والشلن
والفريني أبوقرشين والقرش والتعريفة والمليم
يرجعوهم تاني - ما أظنك حضرتهم. -
على الأقل الواحد ما يغلط في الحساب..