إلى الملتقى يا ناس مدني

[سوار الياسمين]

أحبتي وأخوتي في منتدى ود مدني الاحباء

يصعب علي فراقكم يا ناس مدني لآني سوف اغيب عنكم لمدة شهرين في اجازتي السنوية التي سوف تبدأ يوم الخميس القادم الى مدني الحنينة وانشاء الله ما انقطع منكم واحاول ادخل على المنتدى

أترككم يا أحبتي في رعاية الله


(( العفو والعافية يا ناس مدني ))

[sambaaa]

الاخت العزيزة ..

ربنا يوصلكم بالسلامة
وتحياتي لمدني يا ناس مدني

[Jamal Elmahi]

عروسة المنتدي الله يوصلك بالسلامه وتلقي الاهل كلهم تامين وسالمين وترجعي لينا يايمه بالسلامه بالحلو مر والابري والكركدي بأختصار موية رمضان ...وكان جيتي لقيتي رمضان بادي الابري والحلو مر جيبيهن مبلولات...وما تنسي تسبلي عيوناتك لزوم العريس...أوعي تجينا حانفه وشك بدون عريس أبوك دا ما فضل ليهو ألاّ يقول الروووووب....

تحفظك السلامه انتي وأهلك في حلك وترحالك...أعفي لينا يا بت أمي ....

ودعتك الله والرسول ...ودعتك لي أمين الوداعه من البلا والساعه ..ودعتك للامين وضمين ورب العالمين وداعةَ تحفظك وتغطيك وتجعل البركه فيك..ولا اله ألاّ الله.....تميها أنتي عشان ترجعي لينا تاني....

ود الماحي

[التيمان]

هلا والله ودمدنى نورت


والله انت ياجمال داير تجيب رمضان ابو السربع


ربنا يوصلك بالسلامه

[معتز حمدتو]

ربنا اوصلك بالسلامة وتلقي الجميع بخير
والعفو لله والرسول

[ياسر فقيري]

سوار الياسمين .. ربنا يوصلك بالسلامة ..
بس ما تنسي تدينا طلة كل مرة وإجازة سعيدة

[نزار حسن محمد]

الراقيه العفويه سوار الياسمين ..تمشى وتجى بالسلامه وانا متاكد بانك سوف تقضى اجازه سعيد بين الاهل والاحباب وكمان اليومين ديل ريحة الدعاش والمطر مايدوك الدرب اتمنى لك اجازه سعيده ولا اله الا الله ............. تمى الباقى ذى ماقال ليك عمك ود الماحى .. لك تحياتى وللاسره الكريمه عمك نزار حسن

[waheeb]

اجازه سعيده و وتوصلي لي اهلك واحبابك بالسلامه ان شاء الله,,,

[zoolfrda]

في حفظ الله ورعايته يا سوسو وترافقك السلامة في حلك وترحالك ونتمّنى ليك إجازة سعيد وما تنسينا من دعوة المسافر الما بِتُرَدْ

[سواااح]

الغالية سوااار الياسمين

التمنيات لك بقضاء عطلة جميلة وممتعة

رافقتك السلامة

وفي حفظ الله ورعايته

دمـــــــــــــــتي ،،

[محمد حسين (المميز)]

توصلي يا أستاذتنا بألف
سلامـــــــــــــه
واجـــــازه سعيـــده
مع اهلــك

وعقبـــــــالي
يـــــــــــــــــــــارب
,,,,,,,,,

[سوار الياسمين]

وما تنسي تسبلي عيوناتك لزوم العريس...أوعي تجينا حانفه وشك بدون عريس أبوك دا ما فضل ليهو ألاّ يقول الروووووب....


عمنا الماحي

عاد الحكاية ده من عند الله وكل شي قسمة ونصيب
(( كمان حنقعد نفتش للعرسان بايرات يعني ولا بايرات ))

تسلم يا عمي على الدعوات الحلوة ده
ومحمد رسول الله

[سوار الياسمين]

أعزائي واحبابي واغلى ناس عليا

عمنا ود الماحي
سامبا
العم ياسر
وهيب
زول فردة
سواح
عمي نزار
التيمان
وهيب
المميز

لكم مني خالص ودي وإنشاء الله لما ارجع تكونو سالمين وغانمين

(( وموية رمضان علي يا جماعة ))

تحياتي

[114]

تمشي وتجي بالسلامة يا سوار الياسمين

أنتم من سبق وأكل النبق

ونحن من ورائكم نشد أزركم

وسنكون في مدني بإذن الله بعد حوالي عشرة أيام،
وحنمد لسانا للباقين،
المساكين،
المن من مدني محرومين

وحاشاك البوران

ده يكفي انك من مدني
ده براهو كافي لجذب العريس،
وعريس إيه، جهبوز ووجيه

[سوار الياسمين]

القدير جدا جدا 114

الله يسلمك ومدني حتنور بعد عشرة ايام
وانشاء الله نلقا كلنا الجو هبوب او مطرة


تحياتي ليك والقاك على خير يا عمنا القدير

[نور العيون]

تمشي و تجي بالسلامه يا غاليه

[صالح ابوشوارب]

العزيزه سوار الياسمين
ربنا معاك تمشى وتجي بالسلامه .. وكيتن على ود الماحي العريس قاعد في الصالون

[عزيز عيسى]

الغالية سوار الياسمين
بتمنى ليك أجازة سعيدة بين الأهل
وتمشي وتجي راجعة بالسلامة
سلمي لينا على ناس مدني كلهم.

ودأبوشوارب ياتو صالون..
إنت بتقصد صالون الحلاقة؟
http://www.asmilies.com/smiliespic/3dsmilies/36_1_12[1].gif (http://www.asmilies.com)

[الزبير محمد عبدالفضيل]

ربنا اوصلك بالسلامة وتلقي الجميع بخير
والعفو لله والرسول وسلمي علي جميع أخل مدني وعلي كل من موجود في مدني لكم التحيه

[الزبير محمد عبدالفضيل]

سلمي علي جميع أهل مدني وربنا يوصلك بالسلامه يانورررررررر

[HAMADTO]

تمشي وتجي بالسلامة يا سوار الياسمين مع السلامه
اتمنى لك قضاء عطلة جميلة ان شاء الله

[الشريف الهندي]

تمشي وتجي على ألف خير انشاء الله ونتمتى ليك اجازه جميله بين الاهل

[السلامى]

مرحب بيك فى مدنى وكم نتمنى أستقبالك بيننا وأتمنى أن تنعمى باجازة سعيده لايعكر صفوتها شئ

[sayeda]

انشالله تصلي بالف خير وتحياتنا للاهل والاحباب بربوع مدني
وبختكككككككككككككك يا سوار وبتمنى ليك اجازة حلوووووووووووووة

[خالد عبدالماجد]

الأخت سوار
نتمنى لك رحلة سعيدة في ربوع مدني الحبيبة وسنفتقد مشاركاتك الرائعة في غيابك الذي نتمنى ألا يطول ..
بالسلامة وإجازة رائعة بإذن الله ...

[السلامى]

الأخت سوار
نتمنى لك رحلة سعيدة في ربوع مدني الحبيبة وسنفتقد مشاركاتك الرائعة في غيابك الذي نتمنى ألا يطول ..
بالسلامة وإجازة رائعة بإذن الله ...
الاخ خالد نحن ساكنين حاليا فى مدنى يعنى مابر السودان والاخت سوار الياسمين لو حبت تدخل أنترنيت فى مدنى سوف تجد هناك الكثير من المقاهى فضلا عن خدمة سودانت وزينه نت وكنار ومشابه ذلك يعنى نحن برضو مجارين العولمة ويمكن كمان نكون بصورة موسعة أكثر مما تتصور