سؤلات وجوابات [الأرشيف] - منتديات ودمدني

sayeda

14-07-2006, 09:04 PM

س . انت ليه ما بتمسك ايدي واحنا ماشين في الشارع ؟ ؟

ج . لا بلاش افرضي واحد من قرايبك شافنا ولا واحد من اصحاب اخوك يقول علينا شنو ، انشاءالله يا حبيبتي بكرة نتخطب وامسك ايديكي قدام الناس كلها .
*******************
س. انت ليه ما بتكسك ايدي واحنا ماشين في الشارع ؟
ج . علشان مش عاوز حد يفتكر اننا علشان اتخطبنا هنصيع بقى ونعيش حياتنا ، انشاءالله بكرة نتجوز وامسك ايدك وانت مراتي حبيبتي في الحلال

****************************
س . انت ليه ما بتمسك ليدي واحنا ماشين في الشارع ؟
ج . يا حبيبتي احنا مش مراهقين بقى هنمسك ايد بعض في الشارع وكده احنا اثنين متجوزين ومحترمين وعندنا بيت نعمل فيهو اللى عاوزين نعملوا

****************************
س . انت ليه ما بتمسك ايدي واحنا ماشين في الشارع ؟
ج. يعني امسك ايدك والا امسك ايد البنت ولا اشيل الاكياس دي كلها

*******************************
س . انت ليه ما بتمسك ايدي احنا ماشين في الشارع ؟
ج . ايدك ايه بس اللى هامسكها دلوقتي انتي عاوزة جوز بنتك يقول علينا كبرنا وخرفنا !!!!!!!

سوار الياسمين

14-07-2006, 11:12 PM

بالجد بالغتي يا سيدة
ومشاركتك جميلة وفعلا ده حال كثير من الناس البعرفهم

تحياتي ليك

Jamal Elmahi

15-07-2006, 04:30 AM

س - هو أنتا ليه ما بتمسك يدي ونحنا ماشين في الشارع
ج - يدّك بالتكسرا ليك ..هو أنا قادر أرفع يدّي بعد ما شليتيني بي نقتك الكتيره دي...

مشاققه ...
مشاركه حلوه وملظلظه (بالمصري)
وبمناسبة أول مشاركه ليك ..دي أغنيه بالسوداني هديه ليك..
سيده وجمالا فريد
خلقوها زي ماتريد
وفي خديدا وضعو الريد

ود الماحي

sayeda

15-07-2006, 02:35 PM

شكرا ليك كثيييييييييييييييييير ياسوار الياسمين على مرورك الجميل وبالمناسبة يا سوار الياسمين اسمك جميل ما تشوفوا لي اسم كدة معاكم بدل اسم سيدة ده عشان عيزة اعمل فيها النمر المقنع وبالمناسبة انا مرات بكون ما عرفة بخاطب في بنت ولا ولد مثلا امل حياتي كنت فاكره بنت في البداية مع الاعتزار ليك يا امل حياتي بعد داك فهمت المعنى بعمق والتحية ليكم

sayeda

15-07-2006, 02:45 PM

ود الماحي اشكرك بحفاووووووووووووووووة
ويا ود الماحي يد السجم والرماد دي يا ربي بمسكوها متين بعد خلاص تنشف
وخالتك حاجة بتول دي عليها كلام زي الشهد وهاك دي كمان
الشين شين كان زرعوا قمح يقوم عيش

Jamal Elmahi

17-07-2006, 01:34 PM

يا سيده يا بت أمّي هي اليد دي ماسكنها ليه؟؟ لزومو شنو؟
وهسه كان الواحد قال النترقي شويه وأمسك يد مرتي دي ..ومرتك تقوم تخرت يدها زي الضربتا كهرباء وتنهرك تقول ليك
يا راجل هه أتا جنيت ولاّ عضّاك كلب..دا لو ما قالت ليك العواره ليك شنو!!!
الله يدينا خيركن ويكفينا شرّكن...لا بعجبكن العجب ولا الصيام في رجب...

مشاققه...
هو في أحلي من حواء في الدنيا دي...بي غلبتا الكتيره دي ما بنبقي براها...

ود الماحي

ولد ودمدني

17-07-2006, 03:04 PM

لك مني كل تقدير واحترام وربنا يديم عليك الصحة والعافية

طبعا موضوعك قتلني من الضحك

sayeda

18-07-2006, 06:41 PM

كيفنك يا ود الماحي
اولا كلامك ضحكني كثير واتخيلت الحاصل لكن في سر انت ما عارفو هي طبعا بتقول للراجل ما تمسك ايدي دي في الشارع لكن في الحقيقة هى بتكون عاوزة يمسكوا يدها ويقطعوها شارع العربات كمان لكن في حاجة مهمة ما تنساها وهى التربية ومدام انت عايز تترقي شوية وتمسك يد المره حقوا في الاول ترقيها هي وتطلع منها المفاهيم الغلط وتاكد تاني ما بتتحلى من يدك
والله شنو يا ود الماحي

Jamal Elmahi

19-07-2006, 10:01 AM

سيده ست البنات...
سيده يابت أمي والله ما غالبنا نمسك يدينكن ونقطعكن الشارع..وكان دايرات شيل بنشيلكن ..بس أنتن ساعدننا شويه وبطّلن السفسفه والجبجبه
الكتيره ونقّصن الوزن ...معقول الواحد يشيل ليهو دفّار يقطعو الشارع...ومنو البقدر يشيل ليهو طن لحم وشحم يقطعو الشارع!!؟؟ دا كسر ضهر عديل وقضروف وامكن شلل نصفي....الله يكفينا شرّكن...

مشاققه...
كلما أحاول أترقّي أهل العوض يضحكو علي ...ما أنا واحد منهم...

ود الماحي

abu_ola

27-07-2006, 06:52 AM

يا سيدة انتي ما سمعتي بالعريس الرررررراقي العايز يمسك يد عروسته و لا شنو يا اختي ،،،،
ما عليك انا بسمع ك ليها
قالو يا اختي في واحد راقي جدا و متحضر اتزوج واحدة عكس البنت اللتني ببتكلمي بلسانها دي
قاليك يوم الزفة و هم داخلين النادي الود داير يمسك يد العروس عشان يطلعوا يجلوسوا في الكوشة ...... قامت العروس نتلت يدها بقوووة و قالت ليه ((( فك و الله دي ناظرك ما يمسكها )))

و من يومها الشباب بقوا محتارين ما عارفين يمسكو ولا يفكو

zukibush

30-07-2006, 02:54 AM

العزيزة سيده تحياتى
موضوعك تمااااااااااااااااااام وقتلنى من الضحك انتى ورد ود الماحى
لكم يا بت امى هم وين الرجال البمسكو اليدييييييييين جيبى لى راجل وانا البمسك ايدو
هاهاها

ابراهيم

30-07-2006, 03:20 AM

abu_ola

30-07-2006, 03:34 AM

بعد إذنك يا سيدة ارد على أبراهيم دا لانو جاب ليه سؤال في تخصصي

اقولك يا اخوي امسك دربك عديييييييييييل و أمسك لسانك و أدبك .... تاني الولية ما ساعلاك من شي و بعدين حركات امسك الولد و امسك قفة الخضار و امسك لي الشنطة النعدل توبي دي اتوا حرين بتتفقوا برااااكم فيها .... و كل زوول و قسمتو ( مش هم قالوا العرس قسمة و نصيب )

اميمه عشريه

30-07-2006, 07:35 AM

يا زوله هوي انا كنت زمان كده بحب يمسكو يدي وبحب يقول لي كلام حلو لقيت ليك الراجل مسكان اليد ما بعرف ليهو تلاقيهو قابضني زي الحاطير منو لمن يدي تعورن عديل وافقد الاحساس بيها قلت ليهو فكها دي وعلي قول اخونا ناظرك تاني ما يمسكا في رجال يا سيده وحياتك عندهم جهل اجتماعي فظيع ما في مسكان اليد براها والله مرات مرات كده يكتلوك بالغيظ زي الواحد مثلا ينزل من التاكسي قدامك وينسي انك راكبه ويقفل ليك الباب وانت جوه ولا يفوت تووووووووووش داخل البيت وينسي انه مفروض يحاسب العداد ولا واحد تلاقيهو ماشي قدام مرتو على بعد ميل منها زي العندها جزام وفي نوعيه كده تخليك مخمخمه بالتوب يتزحلق بجاي وبهناك وشايله شافع عمر شهر وجاره اربعه وراك وتدخلوا السوبر ماركت يخليك كمان تشيلي الاغراض وهو يبخبخ في السجاير عليك الله زي ديل تقولي عليهم شنو فقعان مراره عديل لو هي اصلا فضلت بعد العرس .. انا غايتو عندي نوادر بحكيها ليكم بالتقسيط حتموتو من الضحك من نوعيه المسطول داك يوم عرسو انتهت السكسكه والهيصه والجماعه فرتقوا قام اتلفت لقي العروس قاعده قال والله انا عارف انه الجماعه ديل بعد الهيصه بتاعتم ديل حينسوا ليهم زول .........!!!!!!!!!! شكرا شيده كتير وشكر لمداخلات ود الماحي الظريفه

ابراهيم

31-07-2006, 12:07 AM

abu_ola

31-07-2006, 05:25 AM

الشغلة شنو يا ابو علا امسك دربي عديل وامسك لساني وادبي علاوة على الشنطة والقفة والولد
اصلو انا طارق احمد آدم ...

سيدة بت أمي عن اذنك النرد على ابراهيم دا كل مرة ماسكني من الحتة البتوجعني ،،، أنت يا أخوي قايل الجكس و الخلط في الجامعة دا مجاااان و لا شنو؟؟؟؟ انتو براكم جبتوها لنفسكم مش قلتوا الحياة مشاركة و طلعت لينا بنظرية ( الرقة و الحنان في التعامل مع النسوان ) مش انت مؤلف كتاب ( همسات إبراهيم في دلع الحريم ) و مقدم برنامج ( خد و هات في غزل البنات ) تتذكر يوم انتقدت نظرية الحقوق و الواجبات و طلعت لينا بنظرية (( جبيبتي يا روحي ... براحة على ما تطلعي روحي )) عشان كده ما تزعل مني يا اخوي انا داير مصلحتك و بوريك الطريق البخلي الولية تكون رضياااانة عليك 24 قيراط ،، وغايتو كان أنا ود الشورة أحسن تمسك كل حاجة يمدوها ليك بدل ما يقولوا ليك أمسك الظلط و ورينا عرض أكتافك ،،،، ابراهيم يا اخوي ما تحرق مصاريني ساااهي خليني امسك المادنو لي دا قبل ما يضربوني بي مفراكة

همسة خااااصة: و الله لو بقيت حامد بريمة ما تقدر تمسك كل الحاجات دي

نمــــة :
فلانه ظبية الحى الغرامها حرقني

زى عناب حضيرة البى حلاتو شرقني

طيفها ان مر لحظات فى المنام أرقني

قل منامى من عينى ورحل فارقني

النمــــة دي عشان سيدة ما تزعل مننا تقول الوليدات ديل احتلوا البوست حقي و قعدوا يتناقروا في بيناتم

ابراهيم

01-08-2006, 12:02 AM

صباح الخيرات

طبعاً يا سيدة انا عملت الحالة واحدة ونظام البيت بيتنا لكن شايف ابو علا عصرني شديد بالاذونات لمن خجلت المهم اسمحي لينا اصلو البوست بتاعك دة اخد زاوية منعرجة انتي القال ليك جيبي سيرة مسك الختام منو:confused: :D
شوف يا خوي ابو علا مدام جابت ليها مسك ظلط ومفراكات اخير امسك سااااااي ولا تتلفت وانا ذاتي بعدين لما بت الحلال تجي بالرضا والتراضي بنتفق على حتة المسكان دي .. حسي الواحد ماسك الصبر قدر ايوب على غربة وسفر بعد دة كلو يجي يابى يمسك الحاجات الصغيرة صغيرة دي؟ حاشا وكلا يا رائد الماسكين ..
وعلى قول المثل "لو مسكت ما تفك ولو فكيت ما تندم"

فلانه ظبية الحى الغرامها حرقني

زى عناب حضيرة البى حلاتو شرقني

طيفها ان مر لحظات فى المنام أرقني

قل منامى من عينى ورحل فارقني

والله عجبني المسدار وجنس الكلام السمح دة بكون قبل تمهيد للوقوع في بؤرة الطقوس المسكية بكافة منحنياتها ومناخاتها .. لكن بعد داك:

لو قالولك امسك اوع لا تتوانى
قبال المفاريك والكنوش تداني
امسك اي حاجة بى رضوخ وامانة
قبال الولية تجيك بالجبخانة

وابقى عافية

sayeda

01-08-2006, 12:31 AM

العزيز ابو علا مرحب بيك كثير والبيت بيتك ما محتاج ازن
وكيفنك وكيف المسكان معاك
اولا يا جماعة انا شايفة حقو الزول يتعلم اصول المسكان اول حاجة يعني ما يكنكش وما يفك مرة واحدة يعني مافبي داعي وبلا داعي تمسك يعني تشوف الوقت والمكان المناسب والاحساس المناسب ( انشاالله تكون دي مفهومة) باقي لي ما مفضل ليك كنش في بيتكم يا ابو علا

abu_ola

01-08-2006, 12:36 AM

سيدة بعدي لي خليني النرد على إبراهيم دا

بمسك يا يا صبي كل ما يمدو لي
بمسك و ما بقول يا أخوانا كم أيديا ؟
بمسك بالسنون كان الكراع محنية
في أيدي الخضار و في كتفي نايمة بنية

من قرص العيال أتشلخن إيديا
من ضرب النعال كان شفت حالتي اسية
و من بعد الكنش عارف بتجي الطورية
وينك يا أبراهيم شاركني فيها شوي

كلامك حلو بالحيل يا ابراهيم أنا عندي كان عملنا لينا خمية برانا كدي و عزمنا الجماعة فيها ابقي لي أحسن ،،، سيدة ما قصرت بارك الله فيها مضيفانا و المسكينة ما قالت شي بس صحي البيت محروس و ستو تكوس

sayeda

01-08-2006, 12:38 AM

العزيز zukibush
انشالله تسلم ونورت كثير والله يا ود امي صدقت بالحيل

sayeda

01-08-2006, 12:46 AM

العزيز ابراهيم الف مرحب بيك والله انت وابو علا اديتو الموضوع رقشة وسخنتو بالحيل لكن غايتو يا ابراهيم الله يكون في عونك من ابو علا شايفة (من على البعد طبعا ) جاييييييييييييييك بالتقيل وامسك اعصابك

zukibush

01-08-2006, 12:52 AM

الحبيبة سيده
كيفك اختى يا راقية انت
حبيبتى شكرا ليك على الرد لكن انا يا بت امى بت ما ولد هاهاهاهاها

sayeda

01-08-2006, 01:07 AM

عزيزتنا zukibush
طبعا انا قلت يا سلام على الراجل المنصف ده واستغربت انو راجل يقول الكلام ده والف سوري اصلو انا فهمي تقيل وقلت ليكم من الاول انا ما بعرف البنت من الولد في المنتدى ده واقول ليك سر كمان انا ما عرفت اقرا اسمك حتى الان كدي قوليهو لي بالعربي ولك العتبى

sayeda

01-08-2006, 01:24 AM

اختنا الغالية اميمة
والله كلامك ضحكني كثير وطبعا اتخيلت الوضع والله يا اميمة ما عارفين نعمل شنو وليه دايما الراجل هو ببادر بي مسكان اليد والله اظن البتبدأ بي كده يقولوا ليها الخفة ليك شنو افتكر انو المشكلة في الاثنين مع بعض وما تنسي الناس في السودان بتعقد الزول يعني كان شافوك ماسكين يدك في الشارع يقولو ليك العوارة دي شنو والله شوف الما بيخجلو ديل كبار عشان كده يا ود الماحي ويا ابو علا الواحدة تخرط يدها منك والله زي الضربتها كهرباء عشان نحن بنهتم باراء الناس اكثر وبنعمل البيعجب الناس مش العايزين نعملو نحنا عشان كده ما تلوموها وخلوكم معاها شوية شوية والله الراي شنو ؟؟؟؟

sayeda

01-08-2006, 01:28 AM

الى ود الماحي
وييييييييييييييييييك ما ظاهر

zoolfrda

01-08-2006, 01:41 AM

هوي يا أخوانا والله أنا جني وجن أمسك دي ...هو عليك النبي ... انحنا قادرين نمسك نفسنا لمن أمسك دي كمان ... عشان كده الواضح ما فاضح يا بت الحلال ... عشان كده كلمة امسك دي في قاموسي = بيت أهلك طوالي

قال أمسك قال

محمد حسين (المميز)

01-08-2006, 02:06 AM

في الزمن ده
البيمســــك ماااااااااااا بفك
وكمــان الزمن ده فيهو نسواااااان
الوحده عاوزين يمسكوهـــــــــــا من
لســــــــــــــانها
,,,,,,,,,

Bushra Elfaki

01-08-2006, 03:56 AM

سلامات
انا شايف الموضوع بتاع مسكان الايدين دة وقلت ما ارد واسخنو
لكن الظاهر انو الناس كلها مسخنة براها ومن سخانتها ولعت الموضوع وليع شديد
وكل مرة اقول الكلام ليك يا المنطط عينيك وبرضو لقيت المنططين عينيهم كتار :eek:

تعريجة بي زاوية كدة:

انا طبعا المقصود بي موضوع المسكان دة :cool:

تعريجة بي زاوية كدة وكدة:

غايتو بعد تلاتة اولاد الله يخليهم انا احسن امسك اعصابي واقعد :mad:

sayeda

02-08-2006, 02:36 AM

يا بشرى
هسي في داعي للفضايح دي

راشد خضر

04-08-2006, 03:55 PM

واللّه سيدة الموضوع مثير ومضحك بالجد كنت أفكر في الحالة دي قبل أيام خاصة أنا أعمل في مركز تجاري يرتاده كثير من الأجانب و عرب الشام ، وموش مسك وبس دا الواحد يتأبط يدها عديل ، وآخرين تفننوا في ذلك فيسيروا بيسارهُنّ وتعبر أيديهم الكتافهُنّ لتمسك بيمناهُن . ههه :p هههه ، ها ايه رايك في الرومانسية دي ؟ دي لو عملتها في السودان الشارع يقيف ضنب كديس .

معتز حمدتو

06-08-2006, 07:37 AM

والله قصة جميله جدا واسائله مهمه خالص سيدة .
تعرفي عندنا في السودان تكون مبالغة وشاذه لو واحد مع زوجته خلي مع حبُ ولا خطيبتُ كل الناس تقعد تعلق عكس الجنسيات الاخري والتي تري كل اثنين متابطين بعضهم البعض لكانما سيفر احداهم من الاخر ناهيك عن اشياء اخري .
مره كده وانا بمعية بعض الصحبة راينا عرسان من اهلنا ناس الحلالات ديلك العندُ قضاء ايام من شهر العسل في مدني كانُ راح القاهرة ، وكانت العروس علي قدرا من الجمال بتاع اهلنا العرب وبعدين شكلها صغيرة ومع حاجات الزينه بقت كانها لوحه في ابهي ما يكون ، والعريس النوع الفحل داك الشنب يقيف عليه الصقر و قابض علي يدها بقوة وتحس كانها مسحوبه سحب . فقمنا ونحن بنحسد فيه علي العروس الفلته والقبضة المحكمه فاذا به يلتفت وبكل عزوبه يقول لينا :- ذي ده انا موش امسكه كده مفروض ادسها جو جيبي منكم ياناس مدني .
فربما تكون المسكه ديك حتى الان معششه في راسي بقدر ما شفت من مسكات لكن حسيت انها مسكه بتاعت واحد ما عاوز العندُ يضيع ذي الشفع مع الفلوس يوم العيد او الفلاتيه بتاعت التسالي .
والله اكتر من المسكات ..........................................
وذي ما قالوا ان مسكت ما تفك وان فكيت ما تندم !!!!!!!

sayeda

07-08-2006, 01:25 AM

الاخ راشد تحياتي لك واشكرك على المداخلة والله يا راشد حكاية صعبة خالص طبعا انا في بلد خواجات زي ما بيقولوا ومرات بنطلع نتفسح شوية لكن والله الفسحة بقت محرجة لي لانو عندي ولدي بيشوف حاجات وبيسالني منها بالزات في الحدائق العامة وطبعا ناسي ديل لبيعرفوا حديقة عامة ولا خاصة التعبير مباح بجميع اشكاله وطبعا مرات احول نظر ابني من اليمين لاجد نفس المنظر من الشمال ويبدا يسالنا انا وابوه اسئلة محرجة ولو قلت ليهو ده غلط حيمشي المدرسة ويقول هناك الكلام ده غلط وتبقى هليلة معناه الولد ده ما سوي ويعملو ليهو باحث اجتماعي ومتابعة تربيته وحقيقي نحن في حيرة من امرنا

sayeda

07-08-2006, 01:35 AM

الاخ معتز اشكرك كثييييييييييييييييير على المداخلة وطبعا انا صادفت كثير زي ما حكيت لكن عندي سؤال ليه الناس بتخاف من ناس مدني بالتحديد عليك الله ده مش سؤال مهم وشايفة الامة كلها عاجباها حكاية كان مسكت ما تفك وكان .......الخ الحاصل شنو يا جماعة

امل حياتى

07-08-2006, 06:10 AM

س . انت ليه ما بتمسك ايدي واحنا ماشين في الشارع ؟
ج. يعني امسك ايدك والا امسك ايد البنت ولا اشيل الاكياس دي كلها

اكيد ده سودانى هههههههههههههه مشكورة اختى سيدة بالعكس انت اسمك جميل جدا" بس انت مش عارفاه انت سيدة الكل يعطيك الف عافية يا غالية

امل حياتى

07-08-2006, 06:23 AM

موضوع ده خلانى اتذكر لما كنت طالب فى التسعينيات تقريبا" 1998 فى الجامعة طلعنا رحلة مع شباب الحى مختلطه فى جنبنا راجل وزوجته مع بعض بس كان راقد على رجليها وجاءوا رجال الامن بدون ما يسألوه على طول ضربوه واخذوه الى مكتب الامن فى الحديقة فى شارع النيل وبدأ يقول لهم والله العظيم دى زوجتى والطريف رجل الامن يقول له لو دى زوجتك بتقعد معاها كده ورينا قسيمة الزواج يعنى شىء غريب وجهل فظيع
والمهم انت عارفة حركات السودانيين لو مسكت زوجتك فى ستين واحد يشاغلك فى الشارع اوابسط الشىء الشمار يحرقهم ويعاينون بنظرات ساخرة
والشىء الغريب والعجيب لو زوجتك ما محننه على طول يعتبروها جكس يعنى عقد الزواج فى السودان وخاصة بالنسبة للمراة المتزوجة الحنه