هام.. ياناس مدنى فى اوروبا [الأرشيف]

عزيز عيسى

14-07-2006, 10:29 AM

عندى جوله فنيه فى اوروبا
عاوز الاقيكم
كدى اظهرو لى
يا دكتور ياسر يا راجل يا فنان
طيب ما تم الأجر وتعال زورنا في هيوستن
بعد ما تنتهي من جولتك في أوروبا
وخلينا نستمتع بفنك الراقي..
حتكون فين في أوروبا؟

ياسر مبيوع

14-07-2006, 11:56 AM

يا دكتور ياسر يا راجل يا فنان
طيب ما تم الأجر وتعال زورنا في هيوستن
بعد ما تنتهي من جولتك في أوروبا
وخلينا نستمتع بفنك الراقي..
حتكون فين في أوروبا؟

عزيز ياعزيز
تكساس دى كم مره دقت فى العراضه
اكيد حا ازوركم لما ارجع
وبرنامج الحفلات حافل
بس خلى الجماعه يظهرو
قبل ما امشى الدايات

نور العيون

14-07-2006, 09:58 PM

عندى جوله فنيه فى اوروبا
عاوز الاقيكم
كدى اظهرو لى

http://www.asmilies.com/smiliespic/FAWASEL/003.gif (http://www.asmilies.com)

دي عشان تكمل جولتك و تجيناالامارات يا راقي

ياسر مبيوع

15-07-2006, 09:10 AM

http://www.asmilies.com/smiliespic/FAWASEL/003.gif (http://www.asmilies.com)

دي عشان تكمل جولتك و تجيناالامارات يا راقي
ياسلام عليك يانور العيون
حضورى للامارات فى نهاية شهر رمضان
ان شاء المولى والتذاكر جاهزه

ياسر مبيوع

15-07-2006, 09:13 AM

http://www.engineering.uiowa.edu/~mahmed/01%207ram%203laik.wma

ودى اغنيه تحت الحساب

sambaaa

16-07-2006, 07:10 AM

يا ناس تعالو لينا برضو
يا دكتور / ياسر بركة بالشوفة
شنو يعني مشتاقين بالكوووووووم
رايك شنو احول الرياض دي للسويد ؟؟

أبوبكرحامد

17-07-2006, 02:23 AM

ياسلام عليك يانور العيون
حضورى للامارات فى نهاية شهر رمضان
ان شاء المولى والتذاكر جاهزه

ونحن نتطلع لرؤيتك فى البحرين ، ليتها تكون جولة خليجية ، والعيد الجاب الناس أكيد ح إجيبك ، وابقوا عيدين وبحرين وفرحتين ومشتاقين ومتلهفين ... إلى آخر مدى اللغة والتنوين.

ياسر مبيوع

17-07-2006, 06:17 AM

يا ناس تعالو لينا برضو
يا دكتور / ياسر بركة بالشوفة
شنو يعني مشتاقين بالكوووووووم
رايك شنو احول الرياض دي للسويد ؟؟
بتبقى بس زيدو الكونديشن شويه :D
مشتاقين ياسامبا يافنان

ياسر مبيوع

17-07-2006, 06:49 AM

ونحن نتطلع لرؤيتك فى البحرين ، ليتها تكون جولة خليجية ، والعيد الجاب الناس أكيد ح إجيبك ، وابقوا عيدين وبحرين وفرحتين ومشتاقين ومتلهفين ... إلى آخر مدى اللغة والتنوين.

استاذنا ابو بكر
تحيه وشوق
والله تقول بتقرا افكارى
كنت بتكلم مع اخونا فزع قبل ايام
وعندو مشاورات مع الجماعه بهناك
مبدئيا تانى يوم فى العيد
تحياتى لك ولكل من حولك
والى لقاء

Jamal Elmahi

17-07-2006, 12:18 PM

حباب ود مبيوع
كدي أأأبوي أدينا فاصل تحت الحساب...

ويا مبيوع ما بصحّ ليك تعمل كدا
يا تشملنا الجوله ولاّ نقوم نقلّبا
هيوستن منتظراك والحجوزات أكّدا

ود الماحي

sayeda

18-07-2006, 02:57 PM

يا جماعة انا في اخر الدنيا في استراليا ونفسي يزوروني ناس مدني الحبيبة
لانو شايفاكم بتتعازموا في الزيارات وناسين ناس الفربة التانين
فهل من مجيب

ياسر مبيوع

19-07-2006, 09:55 AM

حباب ود مبيوع
كدي أأأبوي أدينا فاصل تحت الحساب...

ويا مبيوع ما بصحّ ليك تعمل كدا
يا تشملنا الجوله ولاّ نقوم نقلّبا
هيوستن منتظراك والحجوزات أكّدا

ود الماحي

جمال الماحى شكرا كتير كده
جيتى ليكم فى الشتاء شبه مؤكده
لكن سمعت انكم بتحبوغناء البنات وكده
فحقو من هسه نعرف اجيكم بالبدله ولا الرداء :D :D

ياسر مبيوع

19-07-2006, 09:59 AM

يا جماعة انا في اخر الدنيا في استراليا ونفسي يزوروني ناس مدني الحبيبة
لانو شايفاكم بتتعازموا في الزيارات وناسين ناس الفربة التانين
فهل من مجيب

sayeda
تحيه عابره للمحيطات
عسى ان تكونو بخير فى منفاكم البعيد
اتمنى لو اقدر اصلكم لكن مابقدر على
المبيت فى الطيارت
:)

Jamal Elmahi

19-07-2006, 10:14 AM

جمال الماحى شكرا كتير كده
جيتى ليكم فى الشتاء شبه مؤكده
لكن سمعت انكم بتحبوغناء البنات وكده
فحقو من هسه نعرف اجيكم بالبدله ولا الرداء :D :D

ود مبيوع...
نحن أأأبوي بنحب البنات وغناء البنات ...الرجاله طايره...
والرداء أأألعشّاي خشم بيوت...في جكسا في خط سته...دردقني في النجيله...الزعاطه ..رونالدو والمرمي...الهمبريب...والوساده الخاليه...الشطيمطّي...
أشكال والوان حسب الاعنيه...
أتا ما سمعته نكتت الفنان اللابس رداء وكان خالف كراعو بغني...
أنا أحسن أتخارج برفدوني بعد دا ...بنرجاك أأأبوي في الكريبه...

ود الماحي

Jamal Elmahi

19-07-2006, 10:22 AM

يا جماعة انا في اخر الدنيا في استراليا ونفسي يزوروني ناس مدني الحبيبة
لانو شايفاكم بتتعازموا في الزيارات وناسين ناس الفربة التانين
فهل من مجيب

كر عليّ يا سيده الوداك أستراليا شنو يا بت أمي...اتي ما سمعتي بي دبي وابوظبي ...غايتو الله يستر عليك من تماسيحم الكتيره دي يقوم يلم فيك تمساح عشاري يخطفك علينا....أتضارفي علي نفسك يابت امي...
أها هسه الابري والحلو مر والقنقليس والويكه والحرجل والعطرون والمحريب يصلنّك كيف؟؟
الله يرد غربتك يا بتي ...

ود الماحي

ياسر مبيوع

19-07-2006, 10:26 AM

ود مبيوع...
نحن أأأبوي بنحب البنات وغناء البنات ...الرجاله طايره...
والرداء أأألعشّاي خشم بيوت...في جكسا في خط سته...دردقني في النجيله...الزعاطه ..رونالدو والمرمي...الهمبريب...والوساده الخاليه...الشطيمطّي...
أشكال والوان حسب الاعنيه...
أتا ما سمعته نكتت الفنان اللابس رداء وكان خالف كراعو بغني...
أنا أحسن أتخارج برفدوني بعد دا ...بنرجاك أأأبوي في الكريبه...

ود الماحي

والله ضحكتنى يا ود الماحى
الحق الآدمن فى واشنطن بى عزومه
والا كشكر ليهو
غايتو لو محلو كت لحقتك الرايح :D

Jamal Elmahi

19-07-2006, 12:42 PM

والله ضحكتنى يا ود الماحى
الحق الآدمن فى واشنطن بى عزومه
والا كشكر ليهو
غايتو لو محلو كت لحقتك الرايح :D

الادمن أأأبوي هسه فوق عديلو ما جايب خبر... النعمنو من ما يصل واشنطن بتعولم من البشوفو في الشارع ...طبعاَ الجكس وبالذات في الصيف ابو من غير هدوم و صاحبنا مافي ليهو طريقه يغض الطرف ألاّ يغمّض ويأجر ليهو زول يقودو في الشارع...وبيني وبينك ناس السعوديه لما يجوا هنا حكمة الله حتي الدقينه بتبدأ تنحت براها وتقع صوفه صوفه من البشوفوهو والعوينات بحمّرن من كترت البحلقه...وأهو فرصه لينا نشاقق وننط لينا كم خط أحمر والزارعا الله في الحجر بتقوم...

ود الماحي

ياسر مبيوع

20-07-2006, 06:42 AM

الادمن أأأبوي هسه فوق عديلو ما جايب خبر... النعمنو من ما يصل واشنطن بتعولم من البشوفو في الشارع ...طبعاَ الجكس وبالذات في الصيف ابو من غير هدوم و صاحبنا مافي ليهو طريقه يغض الطرف ألاّ يغمّض ويأجر ليهو زول يقودو في الشارع...وبيني وبينك ناس السعوديه لما يجوا هنا حكمة الله حتي الدقينه بتبدأ تنحت براها وتقع صوفه صوفه من البشوفوهو والعوينات بحمّرن من كترت البحلقه...وأهو فرصه لينا نشاقق وننط لينا كم خط أحمر والزارعا الله في الحجر بتقوم...

ود الماحي

ود الماحى كدى النسعلك
اوروبا دى مافيها ناس من مدنى
والا المنتدى دا ما بتعامل باليورو
هسه كان قلنا السعوديه كان جوك ناس
حلة زنقو زاتم

lamis

20-07-2006, 08:01 AM

الف مرحب بيك يوم 08-12
في هولندا وبنتمنى تعجبك البلد البارده دي

تحياتي

معتصم عيدروس

21-07-2006, 12:25 AM

يا صديقي ياسر
تحياتي
اتمني لك النجاح في جولتك

ياسر مبيوع

21-07-2006, 07:12 AM

الف مرحب بيك يوم 08-12
في هولندا وبنتمنى تعجبك البلد البارده دي

تحياتي

شكرا يا لميس
برودة المنافى يهونها دفئ الاحبه
من اهلنا الطيبين
ساكو ن فى امستردام يوم 25/7
تحياتى لك

ياسر مبيوع

21-07-2006, 07:18 AM

يا صديقي ياسر
تحياتي
اتمني لك النجاح في جولتك

اخى الحبيب معتصم
كم من التحايا والاشواق
سأزوركم بإذن المولى فى عيد الاضحى
اراك فى ربوع ودمدنى الحبيبه
سلامى لكل الاحباب

lamis

21-07-2006, 07:46 AM

شكرا يا لميس
برودة المنافى يهونها دفئ الاحبه
من اهلنا الطيبين
ساكو ن فى امستردام يوم 25/7
تحياتى لك

وو والله قربت تصلنا
مرحب بيك وبتمنى تعجبك هولندا
حتنزل وين مع اهل ليك??
وحتقيم حفله في لايدن بس??

تحياتي...
اختك بت مدني

ياسر مبيوع

21-07-2006, 11:26 AM

وو والله قربت تصلنا
مرحب بيك وبتمنى تعجبك هولندا
حتنزل وين مع اهل ليك??
وحتقيم حفله في لايدن بس??

تحياتي...
اختك بت مدني
يوم 12/8
فى لايدن-هولندا
19/8 & 14/8
فى بروكسل
26/8
فى باريس
2/9 كاردف
9/9 لندن
حا اكون فى امسترام برفقة زوجتى آمال وابنى باسل
مع بعض الاصدقاء
اتمنى ان نلتقى