سمل الحلفاوى
21-06-2006, 08:28 PM
هذا المقال كتبته في صحيفة الصحافة بتاريخ 24/11/2005 ردا علي مقال للدكتور البوني
مع وعثاء الحياة.. دائماً اتكئ على عمودك.. حاطب ليل مع اني بصراحة كدا بكره الليل.. كتاباتك فيها متعة وترويح عن مشاغل الحياة الكثيرة.. بس مرات عندك خرمجة بالواضح كدا. قرأت في عمودك بتاريخ 9 نوفمبر نقدك للفنان وردي لأنه غنى بالرطانة في السهرة بالتلفزيون الاتحادي.. ( ودي فيها ايه يعني).. ما كل يوم بنسمع الغنا بالعربي في التلفزيون ونحن النوبيين الناطقين بغيرها ما احتجينا يوم.. ولا قلنا يوم محمد الامين عكر مزاجنا في السهرة ديك.. ولا زيدان طمم بطنا في برنامج ازيكم الرمضاني.. ولا قلنا ندى القلعة عكننت مزاجنا بغناها في التلفزيون ( معقولة برضو).
وبراك يادكتور البوني قلت بعظمة لسانك وردي فنان القمة السودانية ( ما جبت حاجة من عندك) ما برضو ابو الجعافر قمة الصحافة السودانية وتحت تحت بنسمع من الناس انه كتاباته امتع واشيق من كتاباتك.
( ومحي الدين صابر برضو من عندنا) وعندنا حضارة من قبل الآف السنين حضارة ممتدة من الاسكندريا الى سوبا.. وجدنا ترهاقا وبعنخي.. ملوك الزمان.. والتاريخ بيأكد ان الحضارة الموجودة في مصر هى امتداد للحضارة النوبية الموجودة في السودان.. والما مصدق يمشي يسأل د. جعفر ميرغني.. بتاع الحضارات دا.. وانا بقترح لدكتور جعفر ميرغني يحول اسم معهد الحضارات السودانية الى معهد الحضارات النوبية.. لأنه مافيش حضارة إلا الحضارة النوبية.. ولا انا غلطان.
في تلك السهرة حقيقة استمتعنا كنوبيين وآخر انبساط.. ونمنا مرتاحين عكس د. البوني النام زعلان.. وفي ايه.. لانو وردي غنا بالرطانه.. وما غنا لمحجوب شريف والدوش واسماعيل حسن ومرسي صالح سراج.. ونسيت خليل فرح امير شعراء السودان ( برضو من عندنا).. ما قلت ليك النوبيين قمة في كل شئ بس انت ما مصدقني يا دكتور البوني.
ومن حق وردي يغني بالرطانة.. ومن حقنا نستمتع بالاغاني النوبية.. والما عاجبو يشرب من موية البحر.. وشكري لادارة التلفزيون لأننا استمتعنا في تلك السهرة الرمضانية.
وكانت فرصة طيبة لكل النوبيين للتلاقي بتخاطر حول شاشة التلفزيون.. واغاني الهجرة وفراق الديار والاحبة.. والذكريات الاليمة في زمن عبود وعلى فكرة عندي بلدياتي عمره 70 سنة.. سافر مع ابنه الى الخرطوم لاجراء عملية في البطن .. وكان من مصادف القدر.. ان الدكتور الذي سيجري العملية هو ابن الرئيس عبود.. فعندما عرف من ابنه.. قال مش عايز عملية ابوه طلعنا من البلد وابنه حيطلعنا من الحياة.. وحكايات كثيرة عن الهجرة والدموع التي انهمرت في وداع وادي حلفا.. كانت لا تقل روعة من باريس وحلفا دغيم ولا باريس. كانت جنة وارفة بنخيلها ونيلها وخيراتها.. وحقيقة الحلفاويين هاجروا الى شرق السودان دون عناد او قوة رأس لأن الوطن والتضحية من اجله مبدأ ثابت في حياتهم.. ( يعني في الوطنية برضو قمة).
وهذه دعوة لحب الوطن.. نجعل الوطن في قلوبنا وفي حدقات عيوننا.. وشرقه.. ونبقى دوماً محبين للوطن.. الوطن يحتاج الى ايدي بيضاء وعقول متفتحة وقلوب محبة.
د. البوني متعك الله بالصحة والعافية.. ولك مني كل التحايا وتحايا كل عموم النوبيين في السودان وخارج السودان.. ولك العتبى حتى ترضى..
مع وعثاء الحياة.. دائماً اتكئ على عمودك.. حاطب ليل مع اني بصراحة كدا بكره الليل.. كتاباتك فيها متعة وترويح عن مشاغل الحياة الكثيرة.. بس مرات عندك خرمجة بالواضح كدا. قرأت في عمودك بتاريخ 9 نوفمبر نقدك للفنان وردي لأنه غنى بالرطانة في السهرة بالتلفزيون الاتحادي.. ( ودي فيها ايه يعني).. ما كل يوم بنسمع الغنا بالعربي في التلفزيون ونحن النوبيين الناطقين بغيرها ما احتجينا يوم.. ولا قلنا يوم محمد الامين عكر مزاجنا في السهرة ديك.. ولا زيدان طمم بطنا في برنامج ازيكم الرمضاني.. ولا قلنا ندى القلعة عكننت مزاجنا بغناها في التلفزيون ( معقولة برضو).
وبراك يادكتور البوني قلت بعظمة لسانك وردي فنان القمة السودانية ( ما جبت حاجة من عندك) ما برضو ابو الجعافر قمة الصحافة السودانية وتحت تحت بنسمع من الناس انه كتاباته امتع واشيق من كتاباتك.
( ومحي الدين صابر برضو من عندنا) وعندنا حضارة من قبل الآف السنين حضارة ممتدة من الاسكندريا الى سوبا.. وجدنا ترهاقا وبعنخي.. ملوك الزمان.. والتاريخ بيأكد ان الحضارة الموجودة في مصر هى امتداد للحضارة النوبية الموجودة في السودان.. والما مصدق يمشي يسأل د. جعفر ميرغني.. بتاع الحضارات دا.. وانا بقترح لدكتور جعفر ميرغني يحول اسم معهد الحضارات السودانية الى معهد الحضارات النوبية.. لأنه مافيش حضارة إلا الحضارة النوبية.. ولا انا غلطان.
في تلك السهرة حقيقة استمتعنا كنوبيين وآخر انبساط.. ونمنا مرتاحين عكس د. البوني النام زعلان.. وفي ايه.. لانو وردي غنا بالرطانه.. وما غنا لمحجوب شريف والدوش واسماعيل حسن ومرسي صالح سراج.. ونسيت خليل فرح امير شعراء السودان ( برضو من عندنا).. ما قلت ليك النوبيين قمة في كل شئ بس انت ما مصدقني يا دكتور البوني.
ومن حق وردي يغني بالرطانة.. ومن حقنا نستمتع بالاغاني النوبية.. والما عاجبو يشرب من موية البحر.. وشكري لادارة التلفزيون لأننا استمتعنا في تلك السهرة الرمضانية.
وكانت فرصة طيبة لكل النوبيين للتلاقي بتخاطر حول شاشة التلفزيون.. واغاني الهجرة وفراق الديار والاحبة.. والذكريات الاليمة في زمن عبود وعلى فكرة عندي بلدياتي عمره 70 سنة.. سافر مع ابنه الى الخرطوم لاجراء عملية في البطن .. وكان من مصادف القدر.. ان الدكتور الذي سيجري العملية هو ابن الرئيس عبود.. فعندما عرف من ابنه.. قال مش عايز عملية ابوه طلعنا من البلد وابنه حيطلعنا من الحياة.. وحكايات كثيرة عن الهجرة والدموع التي انهمرت في وداع وادي حلفا.. كانت لا تقل روعة من باريس وحلفا دغيم ولا باريس. كانت جنة وارفة بنخيلها ونيلها وخيراتها.. وحقيقة الحلفاويين هاجروا الى شرق السودان دون عناد او قوة رأس لأن الوطن والتضحية من اجله مبدأ ثابت في حياتهم.. ( يعني في الوطنية برضو قمة).
وهذه دعوة لحب الوطن.. نجعل الوطن في قلوبنا وفي حدقات عيوننا.. وشرقه.. ونبقى دوماً محبين للوطن.. الوطن يحتاج الى ايدي بيضاء وعقول متفتحة وقلوب محبة.
د. البوني متعك الله بالصحة والعافية.. ولك مني كل التحايا وتحايا كل عموم النوبيين في السودان وخارج السودان.. ولك العتبى حتى ترضى..