المساعد الشخصي الرقمي

مشاهدة النسخة كاملة : خدش الحياء العام وحجة الاستحكام


عماد الصادق
20-06-2006, 12:22 AM
[خدش الحياء العام وحجة الاستحكام

[هلنا السمحين في سوداننا الحبيب

غلاء فاحش .. وضبان .. باعوض
كهرباء في ولا مافي
كتاحة ولا طين
فول !!! بــ خمسين (ألف)

برضو راجعين راجعين
وغير حب السودان
تب ما دايرين..

وإيد مع إيد تجدع بعيد
وخلونا من البعاعيد
البعاعيد كترو!!!

[على كل .. أنا عاوز من أصحاب الهمة
في السودان أن يفعلو شيئا لإيقاف
منظر مؤذي في بصاتنا السياحية
التي تجوب شمالا وجنوباً
البصات السياحية اللي فيها تلفزيون[

[بيعرضو فيها أفلام تقشعر لها الأبدان
بيعرضو فيها حاجات تخلع
عجيب
[وممكن يجي المضيف بكل بجاحة
يمكن بكل جهل..
يرش عليك معطر !!!

لازم نساعد بعضنا إن شاء الله بالدعاء
على القضاء على هذه الظاهرة المؤذية
امل حياتى
20-06-2006, 12:24 AM
مشكور اخوى على الكلمات الرائعة يعطيك الف عافية
ابراهيم
20-06-2006, 03:07 AM
الاخ المناضل عماد الصادق
تحايا واشواق

دي العولمة يا عمدة
أكبر حجة
وثم يأتى بعدها ناس البيزنس اصحاب البصات السياحية وهم ناس هناي ديلك
فمن أين للمواطن الذي يعيش في حالة من الخوف والحذر المفرط
واللهث حيال اشياؤه اليومية البسيطة ...
التغذية الفكرية الاتفتحت علينا دي غايتو يحلنا منها الحل بلة
التفريط حاصل يا عمدة في كل المحلات والفجج
والإنهيار المجتمعي بقى خطر يهدد الجميع تحت ظلال الرضوخ القسري

الغلاء الفاحش والضبان والباعوض ، والكهرباء المتذبذبة ،كتاحة وطين وفول !!! بــ خمسين (ألف).
دي بقت ثوابت استكان للإنسان العادي واحياناً الفول ببقى رفاهية لبعض الناس .. اها في ظل الثوابت القاسية دي في زول بقدر يفتى في موضوع التلفزيون الخليع؟



لك تقديري
أبوبكرحامد
20-06-2006, 04:32 AM
حباب العمدة .... أذكر أننى عدت للسودان قبل حوالى ثلاث سنوات بعد غربة متواصلة لمدة خمس سنوات ، وفى إحدى المرات ركبت أحد البصات السياحية من مدنى للخرطوم ، هنالك خدمات جميلة ، وأخرى " شترا " ، قام مساعد البص بتوزيع عصائر واعتذرت له بسبب السكرى ، وحين شارف البص على الوصول للخرطوم أخرج المساعد فتيل ريحة ومر على الركاب وكل راكب يمد يده كأنما هنالك جلد فى حصة تسميع ، وحين جاء دورى أبديت اندهاشى لهذه الخدمة الغريبة وقلت له بالحرف الواحد :
" هسى نحنا 52 زول ننزل الخرطوم متريحين بى نفس الريحة دى - ناس الخرطوم اقولوا علينا شنو ، أكيد بيقولوا علينا هبل وربش "
حينها ضحك بعض الركاب ، واندهش البعض الآخر بين من صنفنى " متفلسف " وبين من صنفنى " جانوار ".
صالح ابوشوارب
20-06-2006, 08:53 AM
التحية للعمدة
وحمد الله على السلامة انت مشيت السودان ولا شنو
وفعلا ياعمدة ظاهرة غريبة وعايزة زول شجاع اول ما المضيف ( الكمسارى ) يشغل الشريط يقوم يعترض بوسيلة مهذبة حتى يخجل الكمسارى ( اذا خجل ..... وما اظن )

اما انت يا جانوار اوع تكون الريحة بت السودان ؟.. يقولوا ناس الباص ديل ما شين الدافنة ههههه
أبوبكرحامد
21-06-2006, 12:12 AM
اما انت يا جانوار اوع تكون الريحة بت السودان ؟..
والله ياشواربو انا لى هسى ان لقيت ريحة السيد على بتريح بيها " الحقنى وانجدنى "
عماد الصادق
21-06-2006, 01:24 AM
مشكور اخوى على الكلمات الرائعة يعطيك الف عافية

شكراً على المرور...
بس كتير بفكر في ... أمل حياتي
الاغنية الكانت مجنناني زماااااان
لكن انت ميل ولا فيميل!!!!
عماد الصادق
21-06-2006, 01:32 AM
الاخ المناضل عماد الصادق
تحايا واشواق

دي العولمة يا عمدة
أكبر حجة
وثم يأتى بعدها ناس البيزنس اصحاب البصات السياحية وهم ناس هناي ديلك
فمن أين للمواطن الذي يعيش في حالة من الخوف والحذر المفرط
واللهث حيال اشياؤه اليومية البسيطة ...
التغذية الفكرية الاتفتحت علينا دي غايتو يحلنا منها الحل بلة
التفريط حاصل يا عمدة في كل المحلات والفجج
والإنهيار المجتمعي بقى خطر يهدد الجميع تحت ظلال الرضوخ القسري

الغلاء الفاحش والضبان والباعوض ، والكهرباء المتذبذبة ،كتاحة وطين وفول !!! بــ خمسين (ألف).
دي بقت ثوابت استكان للإنسان العادي واحياناً الفول ببقى رفاهية لبعض الناس .. اها في ظل الثوابت القاسية دي في زول بقدر يفتى في موضوع التلفزيون الخليع؟



لك تقديري



أبرهومة الحبيب
والله على قولك وسط هذا الكم الهائل مين يقدر يفتي
لكن
الحل شنو..
غايتو صراحة ..
المرة الجاية
بربي الشنب
,احلق صلعة
وألبس لي أنصارية
وأشيل لي عصاية أم صامولة
وكان راجل الود بتاع البص
يقوم يعمل حركات ويشغل لي شريط
فيلم مصري ولا مصارعة ولا ولا
وأصلو جربنا الذوق مانفع
عماد الصادق
21-06-2006, 01:43 AM
حباب العمدة .... أذكر أننى عدت للسودان قبل حوالى ثلاث سنوات بعد غربة متواصلة لمدة خمس سنوات ، وفى إحدى المرات ركبت أحد البصات السياحية من مدنى للخرطوم ، هنالك خدمات جميلة ، وأخرى " شترا " ، قام مساعد البص بتوزيع عصائر واعتذرت له بسبب السكرى ، وحين شارف البص على الوصول للخرطوم أخرج المساعد فتيل ريحة ومر على الركاب وكل راكب يمد يده كأنما هنالك جلد فى حصة تسميع ، وحين جاء دورى أبديت اندهاشى لهذه الخدمة الغريبة وقلت له بالحرف الواحد :
" هسى نحنا 52 زول ننزل الخرطوم متريحين بى نفس الريحة دى - ناس الخرطوم اقولوا علينا شنو ، أكيد بيقولوا علينا هبل وربش "
حينها ضحك بعض الركاب ، واندهش البعض الآخر بين من صنفنى " متفلسف " وبين من صنفنى " جانوار ".

ودالمأذون..
إنت العصير ده ماكان تشيلو
مادافع تمنو دبل..
والريحة كان تشيل الفتيل كلو
وتخليهم يستغربو
تخيل التذكرة كانت بــ 18 ونص السنة الفاتت
السنة دي بــ 22 سنار الخرطوم..
قالو الدولار سعرو نزل!!!
عماد الصادق
21-06-2006, 01:53 AM
التحية للعمدة
وحمد الله على السلامة انت مشيت السودان ولا شنو
وفعلا ياعمدة ظاهرة غريبة وعايزة زول شجاع اول ما المضيف ( الكمسارى ) يشغل الشريط يقوم يعترض بوسيلة مهذبة حتى يخجل الكمسارى ( اذا خجل ..... وما اظن )

اما انت يا جانوار اوع تكون الريحة بت السودان ؟.. يقولوا ناس الباص ديل ما شين الدافنة ههههه

عزيزنا أبوشوارب
الواحد كلو مايتذكر جيتك
ريقو يجري....

أنا مامشيت وماطنيت السنة دي نازل
مشو الأولاد...
والذوق مانفع .. بعاينو ليك
وما بردو عليك.. إلا بابتسامة تهكمية
تجيل كلمات طايرة في الهواء..
ياخي ما تعاين ...

كمان المشكلة في الاستريو
لو السواق من النوع الذي لا يعرف السواقة
إلا وسط الهجيج والضجيج ...

طيب ممكن لو احتجيت يقول ليك
إنت مدام كده!!
اللي جابرك على الركوب معانا شنو!!
Jamal Elmahi
22-06-2006, 04:11 PM
[خدش الحياء العام وحجة الاستحكام

[هلنا السمحين في سوداننا الحبيب


برضو راجعين راجعين
وغير حب السودان
تب ما دايرين..



بعافيتك أأأبوي كان مابكره تجي راجع حانف وشّك ...دا كان فضل فيك وش من الباعوضه....هاك البف باف دا....

ود الماحي
elfatih61
22-06-2006, 10:04 PM
اعزائي عماد الصادق -- أبوبكر حامـد - أبوشوارب - ودالماحـي تحياتي ليكم جميعاً
الإفـلام - والريحـة البتعمل الحساسيـة دى خلاص إتعودنا عليها 00 أخر التقليعــات الظهرت دلوقت
وطبعا أنا أخر واحد منكم جاي من الســودان 00 بقي في حاجـة جديــدة وهي إنو الكمساري يقوم
بجمع التذاكــر من الركاب أثناء الرحلـة ويطبقها ويضعها في طبق ويجرى عمليــة
( سحب على تذكرتين رابحتين ) والجائــزة هي ( إسكراتــــش ) لكل تذكـــرة فائــزة 0 طبعا الشخصين
الفائزيــن مع الجوائز دى بلاقـوا ا نظـرات الحســد من كل الركاب بما فيهم الكمساري !!! وإمكن إعجاب !

ولنرى ماذا تحمل لنا السنة القادمة داخل الباصات الفارهة المكندشـة !!
sambaaa
23-06-2006, 02:05 PM
الاخ العزيز / عماد ..

تضافرت عوامل شتى لتولد ظواهر غريبة ودخيلة على مجتمعنا
إقتصادية كانت او إعلام سلبي .. وكان الإنسان البسيط هو الضحية الاولى والمباشرة لكل العوامل سالفة الزكر
واذا ما تتبعنا مسيرة اي ظاهرة نجدها تتولد داخل كيان الفرد ثم اسرته ثم المجتمع بأسره..
إذن السؤال هنا .. كيف يعالج الفرد ؟؟
كيف تكون التربية ؟
عماد الصادق
23-06-2006, 10:34 PM
بعافيتك أأأبوي كان مابكره تجي راجع حانف وشّك ...دا كان فضل فيك وش من الباعوضه....هاك البف باف دا....

ود الماحي

[حبيبنا ود الماحي
إنت من زمن البف باف
السنة الفاتت
طبعا سنار فيها بعوض إييييك
وفي سنار في المزاد
سمعت بمسوح ضد البعوض
ريحتو زي زيت الفول
المهم اتمسحت
والشلاليق ما خليتهم
وحياتك الناس الجنبي كلهم ينكرشو ويهشو
وأنا خاتي كراع على كراع
والمربوطة بجيبها حداشر!!![
اميمه عشريه
24-06-2006, 01:16 PM
انا بس بقرأ وممحنه !!!!!!!!!!!!!وخاته الخمسه على الاتنين :eek: :eek: :eek:
عماد الصادق
24-06-2006, 10:24 PM
انا بس بقرأ وممحنه !!!!!!!!!!!!!وخاته الخمسه على الاتنين :eek: :eek: :eek:

الأخت أميمة عشرية..

الله يكفيك ويكفينا شر المحن!!!!
لكن قولي لي شعورك شنو
لو كنت راكبه في بص
مدني الخرتوم
ومن ما البص اتحرك
الجنبك مرق كيس التسالي
وقع طرق طاق طرق
غايتو
زمان لمن نمشي حديقة الحيوانات
بنستمتع لمن نشوف القرد يطقطق بالتسالي !!!!!!

مسؤولة من الخير
أخبار أخونا سعد عشرية شنو (دفعة)
elfatih61
25-06-2006, 06:52 AM
بقوا يوزعوا أكيـاس للركاب منذ لحظة تحرك الباص عشان يختوا فيها الاوساخ
لكن الغرض الاساسي منها ( للتمبـــاك ) !! واللبيب يفهم !
عماد الصادق
26-06-2006, 06:46 AM
بقوا يوزعوا أكيـاس للركاب منذ لحظة تحرك الباص عشان يختوا فيها الاوساخ
لكن الغرض الاساسي منها ( للتمبـــاك ) !! واللبيب يفهم !

الفاتح الضو
أولاً موضوع الأكياس ده قديم..
بعدين ما أظن الشباب هسه
سفتهم في الشفة الدنيا ... أو تحت اللسان!!!
كل هنيهة بي بزقة..!!
الشباب بقى يخت السفة بحرافة وشكلها قيافة..
ما يعرف نفسه سافي إلا لمن تجيهو خرمة تانية
ويطلعوها ليك بهدوء وبكياسة
تتذكر أبو الجعران الكان بدردم (الغائط)
طيعا ناس الهيئة حايمين!!! وإن شاء الله الغائط ده ما يجيب هوا
مع إنو ما قبل الغائط هوا ...
أقصد من ذلك التشابه بين ما يدردمه أبوالجعران
والذين يسفون في الشفة العليا أيمنها للأعسر... والعكس للأيمن..
يعني من السفة ممكن تعرف الزول ده أشول ولا صعايدي...
..
نهايته الأكياس السودا حقة الزبالة غلبت كل أنواع الأكياس
استعمالاتها عدة ومزايها فريدة أهمها ما بتشوف الجواها
ممكن قروش
ممكن هدوم
ممكن لحم
لكن نادر مايكون داخلها زبالة!!!
هي كما الزبالة يعملو ليها راس وقعر ومصاريف..
بالمناسبة في مدينتنا
ناس البلدية كتر خيرهم عملو لواري سفنجات وهوستن
وحايمه في الحواري تشيل في الوسخ!!!
بس لسه العمال راسهم في نخرتهم
أقصد نخرتهم في أخلاقهم....
يكبو ليك نص الوسخ قدام الباب..!!!
واللذيذ بتلقى المحصل راكب بي قدام
وكان ما عجبك جنس لطيف..
آي نحن مالنا ما زي البشر عندنا جنس لطيف!!!

بالمناسبة محمد كمبال جابو لينا جدة
Jamal Elmahi
26-06-2006, 05:10 PM
حتي أنتا يا ود الصادق تقول لي أبوالدرداق أبوالجعران؟؟!!
أتا حبوبتك ما قالت ليك حكاية أبوالدرداق لمّن قال داير يعرّس القمرا علي سنة الله ورسوله...قالت ليهو طبعاَ يا أبو الشباب أنا بلقي أحسن منّك وين يانور العين..بس طبعا أتا ما بتقدر تحصلني لكن كان نضفته لي الواطه من القلا-غايط (نصها من أبشوارب والنص التاني كلام كريم) أنا بجيك نازله ..أبو الدرداق قال ليها بسيطه ياست العرائس ليك عليّ ألاّ أخلي ليك الواطه تلمع ما فيها ولا قلو....قلو-غائط حايم ...من ديك صاحبنا أشتغل يدردق في حقات الحراميه الغلاد ديلك الدرديق اللي يوم الليله...وبرضو يقول لي أبوالجعران....

ود الماحي
عماد الصادق
26-06-2006, 09:53 PM
حتي أنتا يا ود الصادق تقول لي أبوالدرداق أبوالجعران؟؟!!
أتا حبوبتك ما قالت ليك حكاية أبوالدرداق لمّن قال داير يعرّس القمرا علي سنة الله ورسوله...قالت ليهو طبعاَ يا أبو الشباب أنا بلقي أحسن منّك وين يانور العين..بس طبعا أتا ما بتقدر تحصلني لكن كان نضفته لي الواطه من القلا-غايط (نصها من أبشوارب والنص التاني كلام كريم) أنا بجيك نازله ..أبو الدرداق قال ليها بسيطه ياست العرائس ليك عليّ ألاّ أخلي ليك الواطه تلمع ما فيها ولا قلو....قلو-غائط حايم ...من ديك صاحبنا أشتغل يدردق في حقات الحراميه الغلاد ديلك الدرديق اللي يوم الليله...وبرضو يقول لي أبوالجعران....

ود الماحي

حباب ود الماحي وصباحكم خير
الفريق البشجع فيهو أمبارح ما فاز على سويسرا
غايتو صراحة قلة حياء ومسخرة الفرجة في ناس كاكا وشفشنكو ديل...
نسوي شنو عاد لازم تتفرج وتعرف ليك كم لاعب
عشان تبقى مواكب..

نرجع لأبو الدرداق بتاعنا دااااك..
طبعا أخوك كان ناسي اسمو.. لكن الفعل موجود..
داير أسألك هو أبوالدرداق ده عارفه كان بدردم اللي ما يسماش
لكن بودي وين.. نضافة ساي للواطة
ولا عندو غرض فوقو!!!
نور العيون
26-06-2006, 11:28 PM
والله الزمن د بقت في حاجات كتيره عاوزه محاربه بس عاوزين الشجاعه ولا شنو
عماد الصادق
27-06-2006, 12:29 AM
والله الزمن د بقت في حاجات كتيره عاوزه محاربه بس عاوزين الشجاعه ولا شنو

بتنا نور العيون..

كلامك صاح... الغلط كِتر!
والشداعة بقت ما بتجيب!
يبقى نشوف ولا شنو دي!!!
عزيز عيسى
27-06-2006, 03:46 AM
عمدتنا ودفعتنا،

طبعا أخوك ليهو زمن ما سافر السودان..
والكلام البتقولوا فيهو دا بشوفه رهاب رهاب..
لكن شايفكم شنافين جنس شناف.. على قول ضياء..
الواحد يشربوا عصاير ويدوه حلاوة ويرشوا بالريحة
وبرضو ما مبسوط.. طيب الناس ديل يسوا ليكم شنو بعد دا..
ما تحمدوا الله الكمان ريحوكم بريحة.. التقول كمساري البص
شم في الركاب ريحة ما عجبته..
أكان كدي الواحد لما ينزل السودان ما يشيل معاهو ريحة
ما عندي مشكلة الريحة دي لو كان بت السودان ولا فلور دمور
ولا السيد علي خليهو اليرش هو أنحنا لاقين حد يرحنا.. :eek:
بس كل حاجة ولا يرشنا بالريحة البكفنوا بيها الأموات ديك..
حظكم إترقيتوا الواحد يركب البص ينزل شبعان ومرفه وكمان متريح
أها تاني عايزين شنو؟
حكاية الريحة دي ذكرتني موقف طريف سأحكيها فيما بعد..
عماد الصادق
27-06-2006, 05:48 AM
عمدتنا ودفعتنا،

طبعا أخوك ليهو زمن ما سافر السودان..
والكلام البتقولوا فيهو دا بشوفه رهاب رهاب..
لكن شايفكم شنافين جنس شناف.. على قول ضياء..
الواحد يشربوا عصاير ويدوه حلاوة ويرشوا بالريحة
وبرضو ما مبسوط.. طيب الناس ديل يسوا ليكم شنو بعد دا..
ما تحمدوا الله الكمان ريحوكم بريحة.. التقول كمساري البص
شم في الركاب ريحة ما عجبته..
أكان كدي الواحد لما ينزل السودان ما يشيل معاهو ريحة
ما عندي مشكلة الريحة دي لو كان بت السودان ولا فلور دمور
ولا السيد علي خليهو اليرش هو أنحنا لاقين حد يرحنا.. :eek:
بس كل حاجة ولا يرشنا بالريحة البكفنوا بيها الأموات ديك..
حظكم إترقيتوا الواحد يركب البص ينزل شبعان ومرفه وكمان متريح
أها تاني عايزين شنو؟
حكاية الريحة دي ذكرتني موقف طريف سأحكيها فيما بعد..


عزيزنا يا دفعتنا يا
صراحة الريحة ودالمأذون كان يمد ايدو
لكن باين مُراقب!! لكن الكلام على البخاخ المعطر للجو!!!
ده استعمالو قبل فترة من استخدام المكان!!!
لأنو فيهو مواد كيماوية ضااارة..
لكن لمن نكون قاعدين في البص
ويجو يرشو علينا زي المدخلننا الكرنتينة!!
سعال بمناسبة الكرنتينة دي!!!
وين أبو هاشم!!!
elfatih61
27-06-2006, 09:51 AM
عزيز محيسى
يعنى إنت ما سمعت ( أبوبكر حامــد ) قال شنو ! للكمساري !! وما خلى الكمساري يرشوا بالريحــة
وقال ليــه ( إنت عايز ناس الخرتوم يقولو علينا شنو !! ناس مدنى كلهم متريحين بي ريحــة واحــدة ) 00 وإنت يا عزيز
خرمان ساكت عشان طولت ما سافرت 00 لكن نصحيتى ليك لمن تجي مسافر ( الريحة الزيتية ) الصغيرة ديك خلي معاك
واحدة وقت السفر !! وح تذكرني كويس !!

عماد الصادق 00
(( آآآآو حبيب الكل 00 أبو أشـواق - عمدتنا كلنا كيفك يا حبيب 00 قفشاتك العجيبة دى وسخريتك دى ما بتخليها
ممسوخ من زمان 00 يعنى معقول ( محصل عربية الوسخ يكون من الجنس اللطيف !!! لكن مقبولة منك يا عمدة !! )
تحياتي ليــك وللود الشقي (كمبولا)
Jamal Elmahi
27-06-2006, 05:12 PM
ياخوانّا أنتو الريحه البتنضموا فيها دي ياها قدّر ظروفك ولاّ حاجه تانيه؟؟
قدّر ظروفك دي عيبوها لي ؟؟ ما أخير من العطرابه يعني أبوضراع كان رفع أيدو مسك ماسورة البص نص البص يجيهو فشل كلوي...أها أخير قدّر ظروفك ولاّ الفشل الكلوي وشحتفة الروح....بس بدل ما يقولو للواحد جيب يدك عشان يرشوهو بالريحه أحسن يقولو ليهو أرفع يدك عشان يرشو الاباط دا ما ياهو مكان العطرابه ذاتو.....ويجعل سرّو في أضعف خلقو....

ود الماحي
عماد الصادق
27-06-2006, 10:09 PM
عماد الصادق 00
(( آآآآو حبيب الكل 00 أبو أشـواق - عمدتنا كلنا كيفك يا حبيب 00 قفشاتك العجيبة دى وسخريتك دى ما بتخليها
ممسوخ من زمان 00 يعنى معقول ( محصل عربية الوسخ يكون من الجنس اللطيف !!! لكن مقبولة منك يا عمدة !! )
تحياتي ليــك وللود الشقي (كمبولا)

الفاتح الضو الراج الضو
إنت ماسمعت أهلنا الخليجيون والخليجيات
حمر وزرق وملونين!!!
قاعدين يخوفوا شفعهم بالقناة الفضائية السودانية!!!
الجنس اللطيف أبوي قسمة ونصيب..
فعلاً جنس لطيف .. والعملية عملية حسابية بسيطة..
ما علينا .. وحكاية الجنس اللطيف في عربات الزبالة..
أنا ما بتكلم عن عربات الزبالة في الخرتوم ولا مدني
دي حبيبي في سنار المدينة ....
والله شوف عيني .. وكشيخ الوسخ في خشم الباب شوف عيني..
واستعمال كيس الزبالة الأسود لكل شئ ... كل شئ ... إلا الزبالة !!
برضو شوف عيني...
وأثبتها ليك كيف.. !!!!!! عليك الله صدقني....
عماد الصادق
27-06-2006, 10:18 PM
ياخوانّا أنتو الريحه البتنضموا فيها دي ياها قدّر ظروفك ولاّ حاجه تانيه؟؟
قدّر ظروفك دي عيبوها لي ؟؟ ما أخير من العطرابه يعني أبوضراع كان رفع أيدو مسك ماسورة البص نص البص يجيهو فشل كلوي...أها أخير قدّر ظروفك ولاّ الفشل الكلوي وشحتفة الروح....بس بدل ما يقولو للواحد جيب يدك عشان يرشوهو بالريحه أحسن يقولو ليهو أرفع يدك عشان يرشو الاباط دا ما ياهو مكان العطرابه ذاتو.....ويجعل سرّو في أضعف خلقو....

ود الماحي

ودالماحي يا فاكهة المنتدى
ويا عطر الندى

اليومين ديل عندي حمى شعرية.. غالبا
غالبا .. أصير شاعر .. أرخي أضانك..

الريحة البتكلمو عنها دي ما قدر ظروفك!!!
قدر ظروفك بتدفع حق البخة...
دي ريحة مجاناً داخل بص مدني الخرتوم..
ود المأذون رفض يمد إيدو أبوي... قال خايف من ناس الخرتوم!!!
أنا صراحة ضد فكرة ودالمأذون... كان يمد إيدو...
وكان يشيل العصير...
ويفك التشنيطة...
عزيز عيسى
28-06-2006, 04:50 AM
عزيز محيسى
يعنى إنت ما سمعت ( أبوبكر حامــد ) قال شنو ! للكمساري !! وما خلى الكمساري يرشوا بالريحــة
وقال ليــه ( إنت عايز ناس الخرتوم يقولو علينا شنو !! ناس مدنى كلهم متريحين بي ريحــة واحــدة ) 00 وإنت يا عزيز
خرمان ساكت عشان طولت ما سافرت 00 لكن نصحيتى ليك لمن تجي مسافر ( الريحة الزيتية ) الصغيرة ديك خلي معاك
واحدة وقت السفر !! وح تذكرني كويس !!

الفاتح أخوي.. ودالمأذون الظاهر كان متريح بريحة باترا
وما عايز الكمساري يخرب ليهو ريحتو العاجباهو..
أنا لو كنت في محل الكمساري كان رشيت ليك ودالمأذون من بعيد
وخلي الشكلة تطير.. والبنيه تلعب دورا.
يازول تقول لي شيل معاك ريحة زيتية..
ما أحسن لي أمد يدي على المجان..
ولا أمشي على محلات قدر ظروفك..
سمعنا بيقول عطر جميل والشباب كلهم
بنات على أولاد بيتريحوا بيها.

:D
Jamal Elmahi
28-06-2006, 10:15 AM
ود المأذون رفض يمد إيدو أبوي... قال خايف من ناس الخرتوم!!!
أنا صراحة ضد فكرة ودالمأذون... كان يمد إيدو...
وكان يشيل العصير...
ويفك التشنيطة...

ود الماذون أبي يمد أيدو الاّ يكون راقد ليهو فوق راي...أنا غايتو طقش أضاني الجكسويه الكانت راكبه جمبو من الخرتوم قالت ليهو انا جني وجن ريحة البصات دي ...ما شفتو كيف نفش ريشو ونهر الكمساري وقال ليهو ناس الخرتوم اقولوا علينا شنو..

ود الماحي
elfatih61
29-06-2006, 02:56 AM
ود المأذون000 نحن في إنتظارك !! 00 في إنتظار ردك ودفاعك على القالوا ود الماحـي دا بخصوص الجكسويـه الكانت راكبـة
جنبك في الباص !! غايتـو دا شمار تقيـــل !! غايتو يا ود المأذون قلوبنا معاك والله يعينــك 00 الناس دى شانه عليك
هجوم شديد !! ود الصادق يقول يا ريت لو فكيت التشنيطة 00 ود الماحي بقول نفشت ريشك قدام الجكسويه 00 !
يا ريتك لو كان مديت أديك وإتقيت النقـة الما عايزه تخلص دى !! ونحن بالانتظار 00 !! الردود