المساعد الشخصي الرقمي

مشاهدة النسخة كاملة : عشوشة.. عشوشة.. عشوشة أين أنت


عزيز عيسى
19-06-2006, 08:10 AM
عشوشة.. عشوشة.. عشوشة أين هذه الرائعة..
اختفت من المنتدى فجأة دون أن تذكر الأسباب..
ومع كل أسف لم يسأل عنها أي أحد..
لقد افتقدناك أرجو العودة.

فردتك الحنكوش
عزيز
Jamal Elmahi
19-06-2006, 08:34 AM
عشوشه عشتي وعشعشتي في عشنا فعشنا...
عشانا وعشاؤنا وعشرتنا وعشيرتنا..
عشقناك عشق عشاق عشائري ..
فلا تعشرقي بنا عشراقة عشراق ...

ود الماحي
عشوشه
19-06-2006, 09:38 AM
عشوشة.. عشوشة.. عشوشة أين هذه الرائعة..
اختفت من المنتدى فجأة دون أن تذكر الأسباب..
ومع كل أسف لم يسأل عنها أي أحد..
لقد افتقدناك أرجو العودة.

فردتك الحنكوش
عزيز
الحنكوش عزيز
نعود والعود احمد
الاخوه فى المنتدى اختفيت لظروف خارجه عن ارادتى وها انا عود بعد إنتفاء ظروفى
الاخ عزيز الكل سال عنى يكفى اننى صعنت فى داخلكم عرشاً وبتم تفتقدوننى

عزيز ها انا عدت
فردتك الشمس عشوشه
عشوشه
19-06-2006, 09:42 AM
عشوشه عشتي وعشعشتي في عشنا فعشنا...
عشانا وعشاؤنا وعشرتنا وعشيرتنا..
عشقناك عشق عشاق عشائري ..
فلا تعشرقي بنا عشراقة عشراق ...

ود الماحي
جمال الماحى

ليتنى استطيع ان اقول شعراً او نثراً احاكى به ما تكتب
طبعاً لا يرضينى ان اعشرق بكم عشراقه عشراق



عشوشه
أبوبكرحامد
19-06-2006, 09:05 PM
أهلاً بعودتك عشوشة ، سعداء بإطلالك مجدداً عبر المنتدى ، ونترقب مشاركاتك المتميزة .
sambaaa
19-06-2006, 09:42 PM
آخيراً عشوشة ..؟

حبابك الف يا اختنا العزيزة
سعادتنا بك تملأ أرجاء بيتنا الكبير
فالبيت بيتك والكل هنا أخوانك
وكلي امل أن لا يتكرر الغيااااااب .
zoolfrda
19-06-2006, 09:47 PM
حمداً لله على السلامه يا عشوشه

وأتمنى لكي دوام العافية والتواصل
خالد هاشم علي
19-06-2006, 11:47 PM
رجع البلد....
بعد السنين المره...
يادوب العيون...
ماسهرن هجـــــــــــــد...
ابراهيم
20-06-2006, 02:20 AM
على قدوم الواردين يأتى الخير
الشكر للعزيز عزيز عيسى فهو دوماً يتفقد الغائبين
وعوداً حميداً لشمعة المنتدى وشمسها
عشوشة
وبي جيتك بيتنا نور
عزيز عيسى
20-06-2006, 04:23 AM
عشوشه عشتي وعشعشتي في عشنا فعشنا...
عشانا وعشاؤنا وعشرتنا وعشيرتنا..
عشقناك عشق عشاق عشائري ..
فلا تعشرقي بنا عشراقة عشراق ...

ود الماحي
إفتكرتك يا جمال بتمتم.
والله أكثر حاجة أسعدتني عودة فردتي عشوشة..
والله الزولة دي إشتقنا ليها شديد..
وأكيد حتديك كوز موية بارد تفك بيها العشراقة.
عزيز عيسى
20-06-2006, 04:39 AM
الحنكوش عزيز
نعود والعود احمد
الاخوه فى المنتدى اختفيت لظروف خارجه عن ارادتى وها انا عود بعد إنتفاء ظروفى
الاخ عزيز الكل سال عنى يكفى اننى صعنت فى داخلكم عرشاً وبتم تفتقدوننى

عزيز ها انا عدت
فردتك الشمس عشوشه
الأخت الغالية والرائعة دوما عشوشة،

الحنكوشة خبيرة الراندوق الراقي،

عاجز عن الشكر لتلبية نداء أخوانك والعودة للمنتدى..
جيتينا وفيك ملامحنا.. وخليتنا نشم مع عودتك دعاش القاش وهمبريب توريت
لقد إشتقنا إليك ولمشاركاتك المفيدة والقيمة.. وقفشاتك الظريفة.
ظروفك مقدرنها لكن أرجو أن لا تطول فترة غيابك مرة أخرى عنا وتحرمينا من شوفتك.
وعلشان الفرحة تتم عايزين من الأخوات مهيرة وأميمة عشرية وسوار الياسمين وباقي الأخوات
يعزمن البنات علشان نجهز لينا سيرة من مدني لغاية كسلا (باللواري)..
علشان نغني.. دودوبي من مدني شارع الري.. لكسلا عرج بي..
ويلا يا خالد ودكسلا أعزم باقي الشلة وخلونا نفرح بعودة أختنا عشوشة.
عزيز عيسى
20-06-2006, 04:43 AM
أهلاً بعودتك عشوشة ، سعداء بإطلالك مجدداً عبر المنتدى ، ونترقب مشاركاتك المتميزة .

الأخ ودالمأذون،

عشوشة دون شك إنسانة رائعة ومتميزة وكلنا نترقب مشاركاتها الثرة.
عزيز عيسى
20-06-2006, 04:46 AM
آخيراً عشوشة ..؟

حبابك الف يا اختنا العزيزة
سعادتنا بك تملأ أرجاء بيتنا الكبير
فالبيت بيتك والكل هنا أخوانك
وكلي امل أن لا يتكرر الغيااااااب .

العزيز سامبا،

أخيرا عادت أختنا عشوشة وكلنا أمل في عودة باقي المبدعين
من الأخوة والأخوات الذين طالت فترة غيابهم عنا..
المنتدى اليوم محتاج إليهم.. ويا ريت الناس كلها ترجع
ونعيد الذكريات مع بعض وننسى هموم الغربة وآلامها.
عزيز عيسى
20-06-2006, 05:00 AM
حمداً لله على السلامه يا عشوشه

وأتمنى لكي دوام العافية والتواصل
الأخ العزيز عبدالمنعم (زول فردة)

فرحنا كلنا بعودة عشوشة ونأمل في عودة باقي الاخوان والأخوات لكي تتم الفرحة.
قبل فترة سمعنا بأن الأخوان محمد أبوروان وياسر أبوريلان سيعودوا للمنتدى..
مازلنا ننتظر بشوق عودتهم..
وأيضا أمل من الأخ الرائع جمال الدين (أبوحنيفة) الزمن المريح العودة..
لقد أفتقدناك كثيرا.
وأيضا بسأل عن الزول الشين أخونا خطاب العبيد والأخ أمينو
وباقي العقد الفريد الذين سيأتي ذكرهم.

ولك كل الود
عزيز عيسى
20-06-2006, 05:27 AM
رجع البلد....
بعد السنين المره...
يادوب العيون...
ماسهرن هجـــــــــــــد...
الغالي ودهاشم،

تلم الجماعة ودأبوشوارب والأدمن وعماد الصادق في جده وتظبطوا العضة براكم
شيء كبدة إبل وشيء سمك.. وما ترسل لينا ولا حتى صورة الحسك..
تعرف الحسك يا خالد..
أنت عارف أخوك خواجة وكبدة الأبل ما بيأكلها..
لكن والله لمتكم فرحتنا.. وطبعا سعدتم أيما سعادة بلقاء الأخ ودأبوشوارب..
والأخ صالح مشكور كثير وما قصر في تكبد المشاق والسفر الى جده.
ربنا يجمع الأخوان كلهم على خير..
لما أجيكم في جده عايزك تكلم أم هاشم تجهز السمك والملوخية وبس.

والله فرحنا بعودة الفردة عشوشة..
وياريت أخونا سامبا يبحث عن أغنية وداللمين يا حليلو ما رجع البلد وينزلها لينا.
ودي هدية للأخت عشوشة بمناسبة عودتها.

جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
فى عيونو شوق
انهد لحب للناس للوطن
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
انت ما نسمه فى الهجير
انت ما راحة ضمير
انت ما بهجة مشاعر
انت ما رحلة عبير
انت ماياكا الامير
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد
عزيز عيسى
20-06-2006, 05:44 AM
على قدوم الواردين يأتى الخير
الشكر للعزيز عزيز عيسى فهو دوماً يتفقد الغائبين
وعوداً حميداً لشمعة المنتدى وشمسها
عشوشة
وبي جيتك بيتنا نور


الشفيف والرائع دوما برهوته الغالي،

يعجز اللسان عن شكر أختنا عشوشة بالعودة للمنتدى.
فهي إنسانة رائعة حقا وتأتينا دائما بالجديد المفيد..
وهي مكسب كبير للمنتدى ولابد أن نتفقدها
لتضيء صفحات المنتدى بنور شموعها وشموشها.

ولك مني كل الود أخي ابراهيم.
حسن على
20-06-2006, 06:58 AM
حمداً لله على السلامه يا عشوشااااااااااااااااااااااااااااااا

وأتمنى لكي دوام العافية والتواصل
صالح ابوشوارب
20-06-2006, 09:32 AM
عشوشة.. عشوشة.. عشوشة أين هذه الرائعة..
اختفت من المنتدى فجأة دون أن تذكر الأسباب..
ومع كل أسف لم يسأل عنها أي أحد..
لقد افتقدناك أرجو العودة.

فردتك الحنكوش
عزيز


حرام عليك يا قنـجــه كيف ما سألنا عنها

شوف دا اخر موضوع لعشوشة بعنوان التسامح قوة وجمال

الإخوة الأعضاء المحترمون
فلنجعل هذه المساحة للتسامح وخلق أجواء اجتماعية وأخوية معافى من كل الأمراض الاجتماعية الوافدة لنا من الخارج ونسأل الله تعالي أن يلم شملنا ويوفق بيننا انه القادر علي كل شيء, بسم الله ابدأ واسمحوا لي أن أتقدم لكم بخالص شكري وتقديري واحترامي واعتذاري لكم جميعا كما ارجوا منكم السماح والعفو وأتمني لكم العافية والمعافاة.
دى اخر مشاركه لى عشوشه


طبعا يا عشوشة اخر مشاركة ليك كانت في موضوع التسامح قوة وجمال وفي اخر الموضوع كتبتى ( دى اخر مشاركة لى عشوشة )
وطبعا كانت الردود غريبة من بعض الاعضاء
ولكن
كانت ردود الاخوان عزيز وود الماحى وشخصى
ولكن طنشتينا

رد الفردة عزيز ( انت ياعزيز لقيت ليك فردة وعملتنى ( قنـــجه ) ههههههه

ليه كده يا عشوشة مالك عايزه تعقدي علينا الأمور زيادة..
أنت أنسانة عزيزة علينا.. وكفاية الفينا ومكفينا..
أرجو أن تعدلي عن رأيك.. نحن نحتاج إليك كثيرا..

رد الاخ ود الماحى
عشوشه ...عائشه انت في أعماقنا...معشعشه في حنايانا...وعشك الذي بنيتيه بحنانك وعطفك وخوتك الصادقه الصافيه النقيّه احتوانا جميعاَ....
عشوشه التسامح رائع وجميل كما ذكرتي وسيكون أجمل لو بدأتي به أنتي وما حرمتينا منك....سامحينا عشوشه....سامحينا يمّه كان قصرنا معاك....والله ليك وحشه وما بنبقي بلاك...


رد شخصى الضعيف بعد نسخ رد عزيز


رجوعك مطلب شعبي .. نرجو الاستجابة
__________________
أبو منار
عزيز عيسى
20-06-2006, 10:57 AM
حرام عليك يا قنـجــه كيف ما سألنا عنها
أبو منار

لاحول يا أبومنار القنجة دي جبتها من وين؟ ههههههه
غايتو بتنكت في حاجات عجيبة..
انت عارف يا صالح ذكرتني بواحدة من حبوباتنا
كان عندها قنجة.. الحاجة دي بتدخل تلبس القنجة دي
كيف.. من صغير ولحدي الآن متحير وبفكر في موضوع
دخولها في القنجة.
القنجة دي كانت تقليعة موضة لبسنها حبوباتنا زمان
تفتكر يا أبومنار القنجة دي بتعادل ياتو تقليعة اليوم؟
أها يا عشوشة دا راندوك وأنا عرفتو.. تقدري تعرفي القنجة؟
لو ما عرفتيها أكون أنا طلعت تفتيحة وإنت طلعتي حنكوشة..
أيه رأيك يا صالح أنا عايز أعمل لي قجة في راسي زي
قجة الولد لاعب الكرة البرازيلي اللي اسمه رونالدو.
قجتو دي عاجباني شديد.
بس أوعك تقولي أمشي للحلاقين جمب حديقة سليمان وقيع الله
يعملوا لي زيها.
:D :D
عشوشه
21-06-2006, 09:19 AM
الاخوه فى المنتدى تشكرو على السؤال عنى بالجد ما ساهل الواحد يسبكم كده بى سهوله
سجمى ياعزيز القنجه دى ما نقشتها بس يتخيل لى حاجه بلبسوها ادينى صنه اضرب تلفون اسال امى وهى بتورينى
اها ياعزيز بعد السؤال والاستفسار اتضح انو القنجه فرده يعنى توب بس بتربط فى الخصر ويلبس زى التوب وكان اخر صيحه فى زمنو اسى طبعا وييييك الموضه خليها ساى بس ما بتطلع من حاجات زمان تقريبا نفس الشكل بس بتغير الموديل والمتريل اسى فى البيور سلك والشفون والانترنت ويييك ما بقدر اعدهم بتلبسو بى نفس طريقة القنجه.
عزيز عيسى
21-06-2006, 11:42 AM
سجمى ياعزيز القنجه دى ما نقشتها بس يتخيل لى حاجه بلبسوها ادينى صنه اضرب تلفون اسال امى وهى بتورينى
اها ياعزيز بعد السؤال والاستفسار اتضح انو القنجه فرده يعنى توب بس بتربط فى الخصر ويلبس زى التوب وكان اخر صيحه فى زمنو اسى طبعا وييييك الموضه خليها ساى بس ما بتطلع من حاجات زمان تقريبا نفس الشكل بس بتغير الموديل والمتريل اسى فى البيور سلك والشفون والانترنت ويييك ما بقدر اعدهم بتلبسو بى نفس طريقة القنجه.
القنجة دي فعلا هي نوع من الثياب أو الفردة كان بتلبسها حبوباتنا زمان..
هسع قلتي لي الحبوبات بقن يلبسن الانترنيت..
والونسة كيف يا عشوشة ما تقولي لي الحبوبات عندهن موبايلات وبتونسن مع بعض..
وكمان بتبادلن النكات والرسائل والصور عبر الموبايلات..
يا حليلك ويا شريرك يا حبوبتي اللبستي موضة القنجة
وما حضرتي عصر النهضة وموضة الانترنيت والموبايلات..
الدنيا دي ما فيها خير.. تديكم بالقنجة وتدي ناس بالأنترنيت!!

ودأبوشوارب يا فردة يا طبنجة تعال أشرح لينا معني قنجة
بلغة أهل اليوم معناها شنو بالله؟
أنا لحدي الآن بضحك في الكلمة دي.
:D :D