الحبش0000ظاهرة الفسادالاخلاقيوالاقتصادي والثقافي

[حسن على]

الحبش ........ ظاهرة الفساد الاخلاقي والاقتصادي والثقافي..

--------------------------------------------------------------------------------

السلام عليكم ...
ان السودان ارض المليون ميل مربع هي ايضا وللأسف ارض المليون جنس وعرق نعم انها الحقيقة من يهتم بالاقامات وارجاع المشردين بعد انتهاء الحروب .
ان الموضوع خطير جدا والاخطر انه ذو جوانب متعددة اقتصادية وثقافية ودينية واخلاقية
وسوف ابدأ بأخطرها وهي الفساد الاخلاقي :
للاسف لقد تفشت هذه الظاهرة بصورة لا يمكن ان يتصورها احد فقد انتشرت بائعات الهوى ( نسبة 99% حبشيات ) في قلب العاصمة وفي شوارع معروفة حتى لدى العامة مثل شارع الستين والديم وبري ونمرة اتنين وسوف تعجب اذا قلت لك ان النظام العام في شارع الستين وعلى مدار شهر كامل ( ما بعد الثانية عشر ليلا ) اعتقل 96 من بائعات الهوى وكن معهم اما سوداني ( النسبة الاكبر) او اجنبي او حبشي فيا للعجب
نعم انتشر الفساد الاخلاقي في مجتمعنا والذي كان من اكتر المجتمعات محافظة وياللاسف اذا اطلعت على صفحات الدار تجد ان كل يوم تجد على الاقل طفل حديث الولادة ومجهول الهوية مرمي بالقرب من المستشفيات
انتظر منكم الردود ...
ويتبع .

[خالد عبدالماجد]

الأخ حسن أشكر لك هميمية الطرح وتلمسك لقضية تؤثر في مجتمعنا السوداني بصورة كبيرة ...
هي ظواهر فاسدة غزت المجتمع السوداني ويجب أن يتم محارتها أولاً من قبل قاطني تلك المناطق وثانياً من قبل الجهات الحكومية إذا لم يتم ذلك فسنكتفي بالبكاء على القيم الضائعة والأخلاق المنحسرة ....
السؤال هو بماانك ذكرت أن هذا الشئ أصبح معروفاً للجميع فكيف يتقبل أهالي تلك المناطق وجودهذه الممارسات بينهم؟ ..

[HaSsOoN]

واللهي دا مشكله كبيره وخطيره جدا على المجتمع السوداني اتفشت مش في الخرطوم بس حتى في مدني ...وفعلا ا فساد اخلاقي ناتج ضعف الوازع الديني وتدهور الحاله الاقتصاديه ...وهي برضوا من اسباب تفشي مرض الايدز بما انو الاعلام السوداني مامظهر الحقيقه.....والحقيقه انو المرض دا متفشي اكتر بكتير من النسب الذكروها في الاعلام والسبب الاول بائعات الهوى...نسئل الله السلامه ياجماعه ...ويديك العافيه ياحسن على فتح الموضوع الخطير دا والهام في نفس الوقت

[mohammed ahmed]

من أخطر الأشياء التي تهدد المجتمعات تفشي ظاهرة البغاء وما طرح أمر خطير لا يمكن السكوت عليه ولنفرض سكت من في يدهم القرار لإنصرافهم في أمر أخرى كل واحد يفسر بطرقته ولربما هناك تجار لبيع الجنس ومحاربة شباب البلد بسلاح بائعات الشهوة حاملات المرض الخطير ]( الإيدز ) الذى أصبح يهدد كافة المجتمعات بكل العالم إحفظوا أنفسكم يا شباب ولا تنساقوا وراء شهواتكم فتهلكوا وتندموا حيث لا ينفع الندم 00
حفظ الله أبناء وبنات بلدى
حمام

[sambaaa]

الاخ العزيز / حسن ..

ظاهرة الفساد الأخلاقي آخذة في الانتشار السريع جدا ما لم ينتبه رب الاسرة وما لم تنتبه الحكومة
فبكل اسف الوالد اصبح يغرد خارج السرب ولا يعلم بما يدور في بيته وإنتفت الغيرة من الأخ
والحكومة في سبات عميق جدا عما يدور للتحول السلبي الخطير لأخلاقيات المجتمع ..
وما يبكي اكثر أن الإعلام في وادي آخر وبعيدا‘ كل البعد ..
بل أن إعلامنا وللأسف الشديد جداً اضحى يساعد في نشر كل اشكال الفساد والرزيلة وسط الشباب من الجنسين ..
ولله درك يا سودان

[حسن على]

ان الفساد الاخلاقي ادى الى تدهور الوضع الاقتصادي فتجد الشاب الذي يجري ورى شهواته في الغالب من ميسوري الحال لانه يدفع مقابل المتعة او من غير ميسوري الحال وبالتالي يقوم بالحصول على مبلغ المتعة بأي طريقة تخطر بباله وهذا هو الاخطر
لكن
بالنسبة للتدهور الاقتصادي حقيقة تجد ان معظم المطاعم والركشات الذين يعملون بها هم من الاحباش وسوف اروي لكم كلام قاله ابن جيراننا وهو يعمل سائق ركشة عن صعوبة العمل بعد ان اصبح الاحباش يملكون ركشات ويزاحموهم في رزق يومهم ..

ويتبع ..

[mohammed ahmed]

بالله ياناس قول لي
الوالد لما يورى الولد والبت الصاح والغلط يعمل شنو بعد كده 00 ( التربية باختصار يمسكوك أول الدرب) وبعد كده يراقبوك في السير بما يرضي الله ورسوله 00 والواحد لما يفكر يسلك سلوك خطأ بتحرى إنو الانظار ما تكون متابعاه يعني الوالد بنتهي مهمتو لما يربي صاح وبعد بنصرف نحو الإلتزامات الاخرى وافتكر مراقبة البنيات أهم من مراقبة الوليدات وحقو الشباب يكونو في مستوى المسئولية 000 ونلتقي
حمام

[حسن على]

مشكورين علي الردود والتفاعل في الموضوع
تتبع

[تاكابي]

الاخ حسن علي

التحيه لك لطرحك لهذا الموضوع القيم والذي اصبح هاجساً ملاحاظاً في السودان في هذه الفترة التي اصبحت
تتشكل فيها الاخلاقيات بقدر التغيرات الثقافية والاقتصادية التي برزت في الوضع السوداني في ظل مايسمي
بالطفرة التنمويه في ظل طفرة عكسية للاخلاق والآداب السودانية الاصيلة ..
اخي حسن .. دون الذهاب الي ماهو ابعد في مسببات هذا الانحراف الاخلاقي الذي وصل الي درجة الكارثة
دعنا نكون صريحينا مع انفسنا قليلا ونحدد مسبباتها الحقيقية دون البحث عن شماعات لها وكأننا شرفاء
ولايخرج منا الا كل ماهو طيب ولا نعرف الرذيلة الا عبر هؤلاء الاحباش .. نحن ياعزيزي وصل بنا الحال من
تردي اقتصادي مما جعل الاعراض تباع في جامعاتنا باسم الزواج العرفي وقد كنت في زيارة الي السودان
وقد رأيت بأم عيني كيف اصبح السودانيات -ولا اقول جميعهن- في شوارع الخرطوم وفي كل مدينة يبعن
عروضهن من اجل ساندوتش بيرجر او شحن موبايل او غيرها وياحبذا لو كنت قادماً من غربتك بسيارة فارهة فستجد
السهولة في كل المقررات -علي قول سعيد صالح- وتخيل واحدة قادمة من الاقاليم وتدرس الجامعة بمصروف
لايتعدي الخمسون او الخمسة وسبعون الف جنيه !! كيف سيكون حالها في وقت تجد بعضهن ممن انعم الله
عليهن وهي في كامل اناقتهن وكل ماهو ضروري وكمالي متوفر لها ،فستجد هذه المسكينة نفسها في
ظروف الحوجة امام بعض الاغراءات التي وان صمدت فيالسنة الاولي من دراستها فلن تصمد في الثانية وهكذا تعيش
امام صراع من اجل البقاء بشرف والمرأة كائن ضعيف فكيف لها في ظل ظروف اقتصاديه تغير كل شئ ..
حقاً نحن في مشكلة حقيقة تحتاج منا المكاشفة في المقام الاول حتي نعالجها ..
واما الاحباش فكما قلت فهؤلاء ليس لهم دين يردعهم او عادات او تقاليد او اسرة تحاسبهم فكيف نقيس انفسنا بهم
ونحن اصحاب دين وقيم ومجتمع مربي بعادات وتقاليد ضاربة في الشرف ..

شكراً للموضوع القيم ولنا عودة ..

تاكابي..

[حسن على]

هذه قصة ابن جيرانا
احمد هارون شاب في بداية العشرين شغال في ركشة وساكن مه اهلو في بيت تحت الانشاء ( غفرا ) وهو الوحيد الذي يكفلهم
تم سجنه ثلاثة ايام وبعد الحبس بدا يحكي لي قصتو المريرة قال : زي الساعة اتناشر وربع بليل كنت سايق الركشة بشارع الستين وقام واحد رفع لي يدو ولم وقفته ليو لقيت معاو اتنين حبش قمت خفت وقلت ليو ماشين وين قال لي نهاية الشارع دا وبس قمت قلت ما مشكلة كن قالو ماشين الجريف جوه كنت قلت ليهو لا لاكن هو ماشي نهاية الشارع وقلت ليو اركب ..وفي نص الطريق وجنب قسم الشرطة الفاتح على شارع الستين شفت لي زول واقف في الظلط ولابس قميص وبنطلون عادي وقفت قام قال لي عليك الله (تكلة ) لي قدام وركبتو جنبي ولمن قربنا للقسم قام طلع بطاقة تثبت انو شرطي وقال لي انزل هنا ونزلنا في قسم الشرطة وتم اعتقالنا كلنا انا والسوري والحبشيتين وتم تفتيشنا كلنا ووجدو مع الحبشية الاولى قزازة ويسكي وطبعا اول مرة اشوف وسكي في حياتي ولقوا في موبايل السوري افلام اباحية كتيرة جدا وقاموا دخلونا الحراسة ((بدأت العبرة تخنقه )) وبدو يدقوا فينا وقالو لينا كنت ماشين وين وطبعا انا قلت ليهم كل شي وما في زول صدقني

[elfatih61]

الموضوع دا علاجو عايز نفره ومجهود كبير 00 دى يا شباب حرب رهيبة وموجهة وليها جذور خارج وداخل البلاد
عشان الواحـد يقول :
" أظفر بذات الديـــن تربت يــداك "

والله يعينا على الايام الجايــة

[امل حياتى]

والله يا اخوى حسن انا بشوف الضعف دائما" من الانسان السودانى دائما" ضعيف امام الحبشيات فى اى مكان فى العالم ولم اعرف السر فى ذلك حتى اليوم
ولى رجعة لان بصراحة موضوعك مهم للغاية للنقاش فيه سلام مؤقت

[khalid ahmad]

اخى حسن على / لك التحية
اعتقد انك قسوت كثيراً على هذا الشعب المناضل بهذا العنوان القاسى وكان يجب ان تاخذ موضوع
الانحلال الاخلاقى من جزوره دون التعرض لفئة بعينها دون الاخرى لان الرزيلة التى تتكلم عنها توجد فى كل
مكان فلا يجوز لك ان تظلم شعب بأكمله تربطنا معهم علاقات جيرة ونسب بتصرف جزء صغير منهم فنحن
سودانيين ونعرف ما يجرى فى السودان جيداً من انحلال اخلاقى فى دارفور وفى جنوب السودان وحتى فى
العاصمة القومية فهل معنى ذلك انهم كلهم احباش؟
ولك كل الود.

[فجر المشارق]

الاخ / حسن على
الاخوة الافاضل المداخلون ،،، تحايا بكل لهجات ولغات شعوب العالم ، تحية منبعها الانسانية بكل لونية بني الانسان
ندخل في الموضوع حيث ان عنوان المقال الفساد وسوء الاخلاق الذي ضرب المجتمع السوداني في مقتل وارتبط هذا الفساد والانحلال الاخلاقي بجنسية معينة هي الجنسية الحبشية وفي هذا تجني واضح وسب لشعب دولة لها تاريخها وحضارتها وثقافتها يعرفها القاصي والداني والشي المؤسف جداً ان تربط اخي حسن ما حدث في السودان بالاحباش وكأن، السودان ذلك القطر المترامي الاطراف لم يعرف الفساد والانحلال الاخلاقي إلا بمجي الاحباش اليه وهل تعلم اخي ان هنالك مدن سودانية لم يزرها هؤلاء الاحباش وتمارس فيها الرزيلة وبائعات الهوى ودعارة انتاج وطني مائة في المائة .
ثانياً اخي حسن هل الفساد وانحلال الاخلاق يتمثل فقط في بائعات الهوى (الدعارة) ام ان للفساد اوجه عديدة منها الخمر والمخدرات واللواط والرشوة والمحسوبية والسرقة والاختلاس وعدم الايفاء بالامانة والوعد وفساد النظام السياسي و.... والقائمة تطول هل كل هذه الاشياء جاءوا بها الاحباش .
الخرطوم بمدنها الثلاثة هل بائعات الهوى من حبشيات فقط ام ان هنالك عينات وطنية وقبل الاحباش الم تكن هنالك بيوت للدعارة وبائعات الهوى فيها من بني جلدتنا .
كنت اتمنى ان يكون الحديث في العموميات لان نظر ابن البلد للانسان الوافد دائما نظرة دونية مليئة بالاحتقار والاذدراء
وكل شئ سلبي على المجتمع يتهم ويرمى به على الوافد الذي لاذنب له حيث فعلت به الحروب والمجاعة والجفاف والظروف الاقتصادية او السياسية باللجوء كما هو الحال الان بالنسبة لاهلنا بدارفور واوضاعهم بتشاد ومن قبلهم الجنوبيين في كل من اثيوبيا ويوغندا وكينيا واخيراً حادثة السودانيين المؤسفة في المهندسيين بالقاهرة وفي ميدان الجامعة العربية حيث كانت المهازل وتتناولهم القنوات الفضائية وما تسببوا في سوءاخلاق من خمر ....الخ حسب افادة سكان المنطقة من المصريين .
ما اود توصيله اخي حسن لكل انسان عيوب وهنات واخطاء افراد لا تحسب على امة كاملة وكلنا على علم ودراية بالشعب الاثيوبي ذلك الشعب اوى واستجار به المهاجرين وعلى رأسهم جعفر ابن ابي طالب ونفس هذا الشعب الذي خرج منه بلال الحبشي من المبشرين بالجنة وهذا الشعب الذي احتمى به المك نمر ملك الجعليين من الحملات الانتقامية والتي تعرف اليوم بحملات الابادة .
اخي حسن هؤلاء هم احفاد النجاشي وابرهة وبلال الحبشي
كنت اتمنى ان يكون الطرح لهذه المشكلة والقضية طرح داخلي حيث هنالك عوامل مجتمعة لعبت في هذا الانحلال والفساد الاخلاقي منها الانهيار الاقتصادي والحروب والاقتتال الاهلي والتفكك الاجتماعي واختفى الروابط الاجتماعية من هرم القبيلة الى الاسرة الممتدة الى الاسرة الصغيرة . بمعنى ان نناقش مشاكلنا دون ان نجعل من الاخرين شماعة نعلق عليها هذا التدهور المريع في المجتمع
اخي حسن الموضوع ليس بالساهل انظر لحال الجامعات اليوم وما يحصل فيها الج الى دواوين الخدمة المدنية وانظر ما يحصل فيها
صدقني اخي بائعات الهوى من بني جلدتنا يفوق عدد الحبشيات اللائي ذكرتهن .
وفي الختام نسأل الله ان يحفظنا ويحفظ بناتنا واخواتنا وامهاتنا وزوجاتنا وحواء السودان من كل مكروه


فجر المشارق

[نور العيون]

و الله الموضوع د ما حاصل بس في السودان لكن حتى في الامارات بكثره و ما عارفين الظاهره د حتختفي متين و الله الشباب السودانيين بالذات بقوا في أي مكان مع الحبشيه بتاعتوا يكون متزوج و مرتو في السودان و ما يصرف عليها و راتبو كلو ماشي للحبشيه .
ليه الظاهره د أنا ما عارفه هل من ضعف الوازع الديني ام ماذا ؟
غايتوا الله يكون في العون

[امل حياتى]

والله يا نور انا بقول يمكن الشاب السودانى او الرجل الكبير المعجز يمكن عشان محروم من هذه الاشياء منذ زمن المراهقة وبعدين لما الحبشيه تعطيه كل شىء بالتالى يبقى مجنون بها وثانيا" ضعف الدين والعقيدة والجرى وراء المغريات ( وبينى وبينك دائما" السودانى مبهور بالاجسام الممتلئة وخاصة انت عارفه وفى النهايه مخضوع ) اللهم اصلح حالهم يارب العالمين وكره فيهم ناس دنانش ديل يا ارحم الراحمين عشان نتهى من السالفه دى .

والله يا نور كمان لدرجة انو خربو سمعة السودانيين هنا فى الامارات كل الجنسيات بيقولو السودانى غير قهوة الحبشية فى اوقات فراقه عندو شنو

والشىء الطريف مرة انا قرأت فى جريدة الخليج انو فى حبشية هاربة من كفيلها وهى تعمل خادمة مصابة بمرض الايدز وكاتبين تنويه نحذر الاخوة السودانيين بوجه العموم ومن يعثر عليها الرجاء تبليغ الشرطه
ده كلام ياناس ، الواحد يقول لاحول ولا قوة الا بالله

[زيكو منيب]

الاخ حسن علي موضوعك مفيد و مهم للغاية انا فعلا لاحظت حاجة زي دي بكثرة مبالغ فيها و ايضا بدات تظهر في السعودية و بالاخص الشرقية هنالك عمارة خاصة بالحبش لكن لا يوجد من يعولهن فهم كما يقال سبب الفساد والضياع

[Jamal Elmahi]

نعيب الاحباش والعيب فينا
وما للاحباش عيب سوانا .....بيت الشعر بعد العولمه

خربانه أأأبوي من كبارا...الذين يكنزون الذهب والفضه ولاينفقونها في سبيل الله...
أصلاح الحال يبدا من الاسره السودانيه كوحده بناء أو الخليه الاساسيه في بناء المجتمع ليعم المجتمع أجمع....
والله يكضب الشينه...

ود الماحي

[sambaaa]

والشىء الطريف مرة انا قرأت فى جريدة الخليج انو فى حبشية هاربة من كفيلها وهى تعمل خادمة مصابة بمرض الايدز وكاتبين تنويه نحذر الاخوة السودانيين بوجه العموم ومن يعثر عليها الرجاء تبليغ الشرطه
ده كلام ياناس ، الواحد يقول لاحول ولا قوة الا بالله
والله ده الفضل كماااااااان !!!!!!!!
الكلام ده في اي جريدة يا امل حياتي ؟
لابد من إجراءات قانونية ضد هذه الجريدة
انا في انتظار ردك العاجل

[نور العيون]

و الله يا سامباالكلام القالوا امل حياتي حاصل ولا مفر منه و الحال الوصلنا ليه في الامارات د و الله فضحونا فضيحه بس الواحد يقول الحمد لله و يمرقنا من البلد د مستورين.

[حسن على]

مشكورين علي التفاعل مع هذا الموضوع

[معتز حمدتو]

الاخ / حسن
منذ ان خلق الله البسيطة والخطيئة موجودة ولكنها تبدأ في الظهور الي العلن مع تفشي الجوع والبطاله وعدم الاستقرار والامن ورقم ان سيدنا عمر بن عبدالعزيز قد قال في الاحباش
اذا جاعوا سرقوا واذا اغتنوا زنوا
الا ان بائعات الهوي في السودان لا يمثله الاحباش وحدهم فمن اهلنا يوجد هذا الصنف .
ولكن نسال الله اللطف بعبادها وان ييسر الزواج لان فيه درا لكل هذا .

[التيمان]

والله الموضوع شيق


وداير مناقشه



بس الحبش عجيبين


والشاب السودانى يقول


ليك حبشيه بس انا ماداير اى بت تانى


ودى حقيقه والله