الزول ده وين ؟؟؟

[عمك تنقو]

http://www.wadmadani.com/up/pic/muhtadi.jpg

انتو كما حارقكم غياب الزول ده أنا حارقني شديد
مطلوب القبض عليه حيا فقط !!

والجائزة بيت جاهز بالشرق

هههههههههههههههه

عليكم الله فتشوا معاي ؟

[امل حياتى]

لا يا عمك تنقو بصراحة ده مطلوب دوليا" ههههههه

[waheeb]

فيك الخير والله ,, والله عمنا أبو المهتدى يعطي المنتدى نكهه خاصه نرجو ان يكون بخير ونشوفو بينا قريب ان شاء الله.
دمت عمنا تنقو .. الزول الرائع البفقد الناس الغايبين..

[ابراهيم]

والله حارقنا يا عمك تنقو ..
دة عمنا ابو المهتدى شخصياً ..
ربنا يرجعوا لينا بالسلامة ...


انا من محلى دة ماش افتش
بس انت فتش لينا قطعة في
(التكيلات .. المربعات .. القطاطي .. الملكية)
وليك علي بي عمنا ابو المهتدى

[ابراهيم]

هوي يا ناس منتدي و دمدني !!!!!!! عندي ليكم شمار حااااااااااااااااااااااار
أصلو عمكم أبو مهتدي تم رصده يتجول في شرفات المدينة مرتديا جلابية أنصارية متوشحا بشال و عمامة منتعلا مركوب نمر يتمخطر في شوارع المدينة كانه ملك يحادث نفسه و يقول لها باللهجه المصرية (( آل سكاكا آل... آل السعودية آل)).
يومي يضرب الفول المظبط من أبو ظريفة .. و الشاي المنعنع من ست الناس .. و ما شغال بي ناس المنتدي شغله ... بس لمان زنقتوا ليكم قال لي و الله مشتاق و خرمااااااااان عديل للمنتدي بس ناس سوداتل إتلوموا معاي
أه يا ناس الزول ده سوف يظهر ليكم بعد يوم يومين

صول سودان



هذا آخر ما وردنا من أخبار عن عمنا المختفى ابو المهتدى
الخبر دة لقيتو حايم في البوست بتاع الصور
عن طريق عمنا ود الصول

[عمك تنقو]

أولادي - أمل ووهيب وابراهيم

انتو الفيكم البركة وفتشتوهو معاي
واتاري خبرو جابو لينا ابراهيم

يعني ظهر في منتدي الصور كمان
وجاب خبرو ود الماذون

عرفنا الفول والشاي والشال والجلابية والعمة

الحوامة دي لزومها شنو ؟

الله يستر يا ابو المهتدي !!!

ابراهيم واطاتك ياغالي في مربع (1) جنب بيت عمك تنقو

الموديك بعيد هناك شنو !