الضحك.. أحدث تقنيات إنقاص الوزن!(عليكم الله اضحكوا)

[salwa]

قدم مجموعة من الباحثين في جامعة فاندربيلت بولاية تنيسي الأمريكية في المؤتمر الأوروبي السنوي للبدانة الذي عقد في أثينا باليونان، بحثا جديدا يثبت أن الضحك من 10 إلى 15 دقيقة يومياً يجعل الإنسان يحرق ما بين 10 إلى 40 سعرا حراريا وهي نفس الكمية التي توجد في قطعة شيكولاتة صغيرة.





وأجريت تجربة لإنقاص الوزن بالضحك على 45 شخصاً تجمعهم علاقة صداقة تم وضعهم في غرفة مغلقة وتم قياس معدل حرقهم للطاقة أثناء مشاهدة مقتطفات من لقطات تليفزيونية كوميدية فوجدوا أنهم حرقوا 20 % من السعرات الإضافية أثناء الضحك مقارنة مع مجموعة أخري كانوا يجلسون معا أثناء مناقشة جادة.



وقد كشفت الدراسة أن الرجال يضحكون أكثر من النساء وأن أطول ضحكة استغرقت 20 ثانية. ويشار هنا إلى أن دراسات أخرى أوضحت بأن الضحك يعود بفوائد صحية جمة على الإنسان، كما أن فوائده تصل إلى حد المساعدة على تلطيف البشرة وتفتيحها.

[حسن على]

تسلم يا ام احمد
انا حا اضحك لي الصبا ح
ومن اسع ههههههههههههههههههههههههههه

[esmat]

الضحك يعود بفوائد صحية جمة على الإنسان

[سوار الياسمين]

صباحك ورد وبنفسج وكل الرياحين اختي سلوى

وموضوعك لذيذ

لكن على حد علمي انو الضحك بيأدي للجوع يعني بيسمن ما بيخس

وعن الضحك بيفتح البشرة من بكرة بطلق ليك الخبر ده عند النسوان

وشوفي بعدين بيحصل شنو


وتحياتي ليك يا الغالية

[سواااح]

الغالية سلوي ..

الدنيا دي الناس مالهم معقدينها كده

والله ما فيها حاجة بتستاهل

دمــــــــــــتي ،،

[sambaaa]

يا ام احمد

بس انا ملاحظ أن اصحاب الوزن التقيل دائماً دمهم خفيف وبيحبوا الضحك شديد
وانا برتاح جداً لما اشوف دبدوب أو دبدوبة اثناء الضحك ..
وأشكر لك هذه الدعوه الجميلة للضحك .. وياريت كمان الابتسام .. عشان الصورة تطلع حلوة .

[نور العيون]

تسلمي يا غاليه و انا اقول وزني ما بزيد مالوا اتاريهو من الضحك تسلمي حقوا الواحد ينتبه و يزيد وزنو

[salwa]

تعرف حسن ضحكتك سمعتها هنا بتصدق لا طبعا لكن ربنا يجعل ايامك كلها ضحك يا رب...تسلم على مرورك

[salwa]

احبائي
عصمت...سوار... سواح ...نور ... سامبا
وجودكم غالي وغالي ... ثم غالي ويا ريت لو نتلم عشان نضحك مع بعض فعلا من القلب

[سوار الياسمين]

غايتو انا يا ام احمد راجياك في السودان

عشان نضحك مع بعض

[معتز حمدتو]

مشكورة اختي سلوي علي المعلومه بس اول مرة اعرف ان الضحك بخسس واهلنا في السودان اقولوا الضحك يموت القلب
وسال الله العلي القدير ان يجلعنا دوما في غبطة وسرور ولا ننسا قول الرسول صلي الله عليه وسلم تبسمك في وجه اخيك صدقة .
يعني صدقة وتقليل وزن .....

[salwa]

يا ريت سوار انا بحسب الايام متين تعدي بسرعة ومنتظراك طوالي على احر من الجمر

[salwa]

والله اخي معتز عموما الضحك مفيد باي حال من الاحوال وفوائده كتيرة زيد عليها انك بتنسى همومك وانت بتضحك دي براها ما نعمة من الخالق
الله يديم علينا البسمة يا رب... تشكر على وجودك الراقي

[رامى طلبه]

انا بعرف وا حد مريض مشى الطبيب وفى كل مره بعد الكشف الدكتور يقول ليهو ما عندك شى .. المهم غير الدكتور ومشى لدكتور تانى بعد الكشف كتب ليهو فى الروشته ..... اضحك تصح ...ههههههههههههههههه بايخه مش ؟

[ابراهيم]

بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟

[shaqawa]

عرفنا الضحك بضعف
والذعل بسوى شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ