اين بلبل مدني الصداح/ صديق متولي

[haroun ahmed]

اخوتي في المنتدي ..السلام عليكم./.غني البلبل الصداح قال في مدني احلي كلام فيها القبة والصلاح../...في مدني يااخواني لي محبوب جفاني../...الليالي الهادية في البادية كيفن انساها../...في عينيا امسحي عصفورة شقاك.../..وكم وكم اشدا لنا هذا البلبل وكم اطربنا بصوته الشجي...لماذا نتجاهله؟.......اين الفنان الميدع القدير.....صديق متولي....اطال الله في عمره........هارون عترة

[elfatih61]

أعلم أنه قبل عدة أشهر كان متنقــلاً بيـن الامارات وسلطنة عمــان 00 وأحيـا كثيـراً
من الحفلات العامة والخاصــة وأخر حفلاته كانت بأبوظبي كانت برفقة الفنـان صديـق
سرحـان الذي حضر في زيارة له من السعوديــة وكونا ثنائي جميل في تلك الفتـــرة

واللي عنده الخبــر اليقيــن يدلنا عليهم ومن هنا بنقل لهم السلام الحار وتمنياتــــــي
لهم بالظهور بالجديد المتجدد 00

/الفاتح/

[haroun ahmed]

الاخ الفاتح الف شكر علي هذه المعلومات القيمةولمتابعتك للاستاذ صديف متولي...ونرجو من الاخوة الاعضاء يفيدونا بمن يعرف .....وينكم يا ناس مدني اخباركم؟ ما الجديد هذه الايام في مدني عامة؟.......هارون عترة

[elfatih61]

اخي هارون ود عتـــره 00
شكرا ليــك كتيــر00 وشايفك بتسأل عن أخبار مدني !!!
ما أنا قبل كـده أقترحت 00 قلت يا جماعة يا ناس المنتدى القاعديــن في السودان
وفي مدني يمدونا بأخبار المدينة أول بأول خاصة من داخل أحياءهم بقصــــــد
الاخبار الاجتماعيــة ( الافراح والاتراح ) عشان نعرف نهىء ونعرف نعزي 00
ويانا ناس مدني كلنا واحــد في الحلوة والشينــة00

لكن وحياتك يا غالي طنشونـــي 0000 !!!

ولا شنو يا أخواني !! رأيكم !!

الفاتح

[haroun ahmed]

شكرا يا الاخ الفاتح لاهتمامك انا بنادي بطول حسي ......يا اخواني في المنتدي الساكنين مدني ارجو ان تمدونا باخبار مدني طازة ....عليكم الله نحن في الغربة نتشوق لسماع الاخبار لتطمئن غلوبنا................................يا..هووووووو ووووووووووووي لا تبخاو لينالا بذلك .......................................... هارون عترة................

[الجندي المجهول]

والله يا شباب المعلومة العندي انو هو وصديق سرحان موجودين في مدني وتم عمل اكثر من حفل تحت رعاية وزير الثقافة بمدني الاستاذ عبد الحليم سر الختم واتمني ان يوكنو بخير ونعيش عيشة البساطة

[haroun ahmed]

شكرا اخي الجندي المجهول لهذه المعلومة ونتمني ان تمدنا عن مدني واحوالها....نحن في الغربة نتمي نقراء كل شيء عن الوطن....ولك التحية والاحترام.......هارون عترة

[معتز حمدتو]

الفنان صديق متولي موجود في الامارات وقد قابلته يوم حضوره من السودان بتاريخ 26/4/2006م وقد كان لقائي به صدفتا وقد علمت بانه مقيم متنقلا ما بين امارة الشارقة وعجمان وهو في كامل صحته بس ما اعطي الشيب فرصه اظهر وكعادته في كامل اناقته (بدله ولا عريس في يوم الدخلة )

[mohammed ahmed]

وبالله يا أخوانا بالمره شوفو لينا الناس ديل وين كمان
صوت دافي ملئ بالأحاسيس بقولوا لو علي إدريس وين إنت ياخي والله مع الحردلو ثنائي رائع لكما التحيه ماتسدوا لينا الفراغات الحاصله دى عارفكم من نوع الفنانين الما بحبو أضواء الإذاعة والتلفزيون بس ليكم معجبين00 إيه حكاية أبوعركي البخيت يعني أدوك عين والله شنو الله يحفظك ولك التحيه من علي البعد ( جسمي انتحل ) 00 أضيفو لينا جزء من أعمالهم بقسم الأغاني 00 ياسلام والله قبل يومين سمعت لي قصيدة رائعة اعتقد إسمها ( الفردوس ) أعجبني ما أعجبني فيها ( ما ترتاح في ضل فرعو ضاربو السوس ) أو هكذا 00 أتحفونا بيها 0
حمام