elfatih61
25-05-2006, 12:04 PM
** شعرت بنشوة وسرت قشعريرة عجيبة في جسـدى وأنا أرى باص ( ســوار ) يبطىء من سرعته
ليدخل المنحى يساراً للشارع ( جددوه وعملوا فاصل في الوسط) الداخل للسوق الشعبي من جنب
مستشفى الشرطة الجديد ويمينك مواصلات الجزيرة ويسارك المقابـر 00 شعور جميل قمرنى فـي
هذه اللحظة وأنا أدخل للمدينة التى طالما إشتقت إليها ( مدني ) 00 نظرت يسارا سلمت على أهـل
المقابــر وقرأت الفاتحة والأخلاص لي والـدي الشيخ/ الضو علي ، رحمة الله عليه 00 وقف البــاص
وتجمعت عشرات سيارات (الأتـوس ) تاكسى مدني كلو بقى اتوس 00 تلفت يمينا ويسارا 00 كــل
الناس الواقفين ياهم ناس مدني زاتم حتى لو ما بتعرفهم لكن فيهم الطيبــة والأخلاص شعرت إني
عايز امسكم واحد واحد وأسلم عليهم بالاحضان 00
** خلال تواجدي في الإجازة شفت الكثيــر الكثيــر 00 شفت السمح والزين وشفت كمان الشيــن وأنا عايـز
أخلى سفرتي دى يستفيدوا منها الناس الماشين إجازات وأنور أخوانا اللي ليهم زمن ما سافـروا
نصيحتى لاخواني إنهم تاني يوم لوصولهم يمشوا يعملوا التأشيــرة (التأشيرة بقت في مدني )
في حي الاندلـس خلاص شالوها من حي المطار وغايتوا الأخوان العاملين في المكان دا قاعدين
يبذلوا جهد كبير عشان يخلصوا معاملات الناس ويريحوك في التأشيرة ودفع الضرائب والزكاة
والخدمات وإستخراج ( كرت الاعفاء من الخدمة الوطنية ) المهم إنهم رغم طريقتهم الطيبة ومعاملتهم
الجميلة إلا إني شعرت وقت ما جيت للتأشيرة كنا حوالي (15) شخص كنا عاملين زحمة شديدة 00
فما عارف الناس دى ح تعمل شنو في الإجازات لمن الناس تجي بالمئات 00 يا ريت من هسـى
يعملوا حسابهم ويستعدوا ويطوروا طريقتهم الشاغلين بيها دى عشان الزحام ح يكون شديــــد
والمكان (بيت عادي ) يعنى ضيق بالنسبة للناس اللي ح تجى في إجازات 00 لانوا المغتربيـــن
ديل وقتهم محسوب شديد 00 والله يعينا ويعينكم علينا ولكم التحية والاجـلال يا جهاز العامليـن
بالخارج / فرع مدني 00
من الحاجات الجميلة اللي لفتت إنظاري ( سنتــر البرعــي ) و ( الكاســـح ) طبعا في ناس كثيرين
مسطحيــن 00 سنتر البرعي دا عبارة عن سيوبر ماركت كبيــر في شارع المحطة قبل ميدان
دار رعاية الشباب والطابق العلوي منه عبارة عن كافتيريــا رائعة الجمال والديكور زجاج وستائر
وتكييف وطاولات وشاشة تلفزيون والصالة تقدم فيها الوجبات والمرطبات والقهوة الحبشيـة فـي
ركن منها وباين عليه صاحب المحل صاحب زوق وصرف دم قلبوا عشان يعمل المحل بالمنظر دا
لكن نسى شىء واحد مهم جدا إنو يعمل (دورة تدريبية ) للعاملين في الطابق العلوى عن كيفية
التعامل مع الزبائن وخدمتهم والعمل على راحتهم 00 يا ريت نشوف عندكم الاحسن لانو (أسمكم
ماهو هيــن ) 0
المكان الثاني (الكاسح) مكان رائع للحد البعيــد صاحبوا بذل فيه الجهد والمال عشان يعملوا
بالشكل اللي فيه دا وهو يقع في الطريق لي أم سنط - وطبعا فات على صاحب المكان دا أنو
يعمل (يافطة ) بالمنطقة الصناعية تنبه الناس لمكان (الكاسح) دا ويــن ويدقها في طرف الشارع
لانو المكان بعيــد عن الشارع والماعارف مكانوا ح يعدى ساكت 00 وبنصح كل الاخوان يمشوا
المكان دا في الإجازة لانو ح يقضوا فيه وقت جميــل 00 وبالمقابل يا ريت صاحب المكان الرائع
دا يدرب ناسوا على ( فن التعامل مع الزبائن وكيفية خدمتهم ) ويعفي الناس من أن يقطعوا
ويدفعوا في الباب عشان يدخلوا 00 وكمان عشان نجي تاني 00 !!
كترت عليكم النقة والكلام 00 ولينا بقيـة ونقيف هنا شويه عشان ما تزهجوا
وتقولوا الزول دا ( برانـا بري )
أخوكم / الفاتح /
ليدخل المنحى يساراً للشارع ( جددوه وعملوا فاصل في الوسط) الداخل للسوق الشعبي من جنب
مستشفى الشرطة الجديد ويمينك مواصلات الجزيرة ويسارك المقابـر 00 شعور جميل قمرنى فـي
هذه اللحظة وأنا أدخل للمدينة التى طالما إشتقت إليها ( مدني ) 00 نظرت يسارا سلمت على أهـل
المقابــر وقرأت الفاتحة والأخلاص لي والـدي الشيخ/ الضو علي ، رحمة الله عليه 00 وقف البــاص
وتجمعت عشرات سيارات (الأتـوس ) تاكسى مدني كلو بقى اتوس 00 تلفت يمينا ويسارا 00 كــل
الناس الواقفين ياهم ناس مدني زاتم حتى لو ما بتعرفهم لكن فيهم الطيبــة والأخلاص شعرت إني
عايز امسكم واحد واحد وأسلم عليهم بالاحضان 00
** خلال تواجدي في الإجازة شفت الكثيــر الكثيــر 00 شفت السمح والزين وشفت كمان الشيــن وأنا عايـز
أخلى سفرتي دى يستفيدوا منها الناس الماشين إجازات وأنور أخوانا اللي ليهم زمن ما سافـروا
نصيحتى لاخواني إنهم تاني يوم لوصولهم يمشوا يعملوا التأشيــرة (التأشيرة بقت في مدني )
في حي الاندلـس خلاص شالوها من حي المطار وغايتوا الأخوان العاملين في المكان دا قاعدين
يبذلوا جهد كبير عشان يخلصوا معاملات الناس ويريحوك في التأشيرة ودفع الضرائب والزكاة
والخدمات وإستخراج ( كرت الاعفاء من الخدمة الوطنية ) المهم إنهم رغم طريقتهم الطيبة ومعاملتهم
الجميلة إلا إني شعرت وقت ما جيت للتأشيرة كنا حوالي (15) شخص كنا عاملين زحمة شديدة 00
فما عارف الناس دى ح تعمل شنو في الإجازات لمن الناس تجي بالمئات 00 يا ريت من هسـى
يعملوا حسابهم ويستعدوا ويطوروا طريقتهم الشاغلين بيها دى عشان الزحام ح يكون شديــــد
والمكان (بيت عادي ) يعنى ضيق بالنسبة للناس اللي ح تجى في إجازات 00 لانوا المغتربيـــن
ديل وقتهم محسوب شديد 00 والله يعينا ويعينكم علينا ولكم التحية والاجـلال يا جهاز العامليـن
بالخارج / فرع مدني 00
من الحاجات الجميلة اللي لفتت إنظاري ( سنتــر البرعــي ) و ( الكاســـح ) طبعا في ناس كثيرين
مسطحيــن 00 سنتر البرعي دا عبارة عن سيوبر ماركت كبيــر في شارع المحطة قبل ميدان
دار رعاية الشباب والطابق العلوي منه عبارة عن كافتيريــا رائعة الجمال والديكور زجاج وستائر
وتكييف وطاولات وشاشة تلفزيون والصالة تقدم فيها الوجبات والمرطبات والقهوة الحبشيـة فـي
ركن منها وباين عليه صاحب المحل صاحب زوق وصرف دم قلبوا عشان يعمل المحل بالمنظر دا
لكن نسى شىء واحد مهم جدا إنو يعمل (دورة تدريبية ) للعاملين في الطابق العلوى عن كيفية
التعامل مع الزبائن وخدمتهم والعمل على راحتهم 00 يا ريت نشوف عندكم الاحسن لانو (أسمكم
ماهو هيــن ) 0
المكان الثاني (الكاسح) مكان رائع للحد البعيــد صاحبوا بذل فيه الجهد والمال عشان يعملوا
بالشكل اللي فيه دا وهو يقع في الطريق لي أم سنط - وطبعا فات على صاحب المكان دا أنو
يعمل (يافطة ) بالمنطقة الصناعية تنبه الناس لمكان (الكاسح) دا ويــن ويدقها في طرف الشارع
لانو المكان بعيــد عن الشارع والماعارف مكانوا ح يعدى ساكت 00 وبنصح كل الاخوان يمشوا
المكان دا في الإجازة لانو ح يقضوا فيه وقت جميــل 00 وبالمقابل يا ريت صاحب المكان الرائع
دا يدرب ناسوا على ( فن التعامل مع الزبائن وكيفية خدمتهم ) ويعفي الناس من أن يقطعوا
ويدفعوا في الباب عشان يدخلوا 00 وكمان عشان نجي تاني 00 !!
كترت عليكم النقة والكلام 00 ولينا بقيـة ونقيف هنا شويه عشان ما تزهجوا
وتقولوا الزول دا ( برانـا بري )
أخوكم / الفاتح /