سوق الدرجة وفتة بمويه جبنة

[سفيان]

اجمل الزكريات الحلوة فى سوق الدرجة وعم عثمان الفوال والفتة بموية الجبنة كثير من ابنا مدني درسو فى مدارس مدني الثانوية والسني حيث سوق الدرجة والفتة بموية الجبنة التى تتطور اسمها لاحقا الى البوش حيث اننا من فترة اوائل الثمانينات وحيث الشباب والقوة وسماحة ابنا مدني التي نتمني ان تكون موجودة الان ودمتم]

[أبوبكرحامد]

سفيان يافنان .......... الحديث عن سوق الدرجة يطول ، يالها من ذكريات ويالها من أيام نواضر ، مازلت اذكر مجلس مدنى جنوب وذاك الشاى الذى مازلت أبحث عن نكهته ولم أجدها رغم مرور مايربو على العشرين عاماً ، سأعود لك وكما تغنى عصام محمد نور " سايقنى الحنين "

[خالد هاشم علي]

طبعا ياسفيان زي ماقلت ليك في بوست سابق انا من خريجي مدرسة السني ومن الرواد الأصلين في سوق الدرجة والفتة بي موية الجبنة.
بس كان في مشكلة بتعترضنا يوميا وتعترض معظم الشباب وهي ( الصحن الفاضي) وكنا كل يوم نقيف وننتظر صحن يفضي ونكشف نقول ديل قربوا ينتهوا نقيف جنبهم عشان اول مايقيفوا نجري صوف نختفوا قبل مايتسلط عليهو زول تاني.
كل يوم نحن في جنس المشكلة دي لغاية ماحلاها ليها واحد تفتيحة من الشلة .... قام سرق الصحن من المطعم وشاله معاهو المدرسة وبقي خاتيهو معاهو جوة الدرج.
وانتهت المشكلة بقينا نمشي نتقدل وشايلين صحنا معانا نعضي تمام ولمن واحد يقول لينا ياشباب الصحن بعدكم ( نقول ليهو محجوز ياأبو الشباب).

أيام

[سفيان]

شكرا ابوبكر وخالد هاشم على المرور ويعني بحاول اذكر شوية من مدني بعد ماء طال الغياب ونتمني عودة الجميع الى مدني الجميلة مدني يا اجمل خبر

[خالد عبدالماجد]

الحبيب خالد هاشم
قلت لي الصحن جوة الدرج .
لكن حكاوي يازمن والكراسات وين أوع تكون في المطعم http://www.kassalahome.com/php/images/smiles/36_11_6[1].gif غايتو أنحن الحمدلله سندوتشات ساكت من ( الفخيم ) والصحانة البي الصف دي ماشفناها .
تحيات ياشباب على الإندياح الجميل

[سفيان]

]يا ود كسلا انت ما عشت احلى ايام ودمدني حيث الفتة واسمع نحن السندوتشات كان عندنا فيها راي كبير واسال الشباب ناس ابوبكر وخالد وليك الف تحية[/COLOR]

[نزار حسن محمد]

والله ياسفيان انت فنان .. ياخى الموضيع دى بتنكوته من وين وتهيج علينا احلى الذكريات .. طيب ياسفيان بتذكر السجاير ((.......ابو نخله بعد الفته وكباية الشاى....)) ،،،،

[سفيان]

شكرا نزار نحن شوية قايتو كنا بنشرب بنرجي بس بباقي الفطور يعني افضل وليك الف تحية ريال نقوم نجيب سيجارتين ونخمسة مع بعض وليك الف تحية

[سفيان]

ودكسلا السندوتشات كان عندنا حاجة شامة تجلس بكل كبرياء حوار مدرسة المزاد المتوسطة بنات وما احلاها ايام

[rasheed]

الأخوان الحلوين سفيان ، ود الماذون ، خالد هاشم ، نزار وود كسلا ليكم التحية هيجيتني الذكرى ويا حليله من أيام مضت ولن تعود ولو دفعنا بباقي سنين عمرنا الهزيلة المليئة بالهم والغم والنكد - ليس إعتراض على حكمة ربنا ونحمد الله على الحال - وإنما هي بكاء ونحيب ونواح وزد ما شئت إن شئت 0 الأخ هاشم والله أنتو كنتو داقسين جداً لحدي ما جاكم الفردة ده أظنوا ما كان معاكم واحد عائد من سنة تانية عشان يوريكم اللعبة دي لكن نحن كنا مصاحبين بتاع الدكان وصحنا ده قاعد تحت البنك بتاعو مجهز فيه موية الجبنة وزيت السمسم والشطة والبصل عارف لأنو ما في زمن لازم تخلص الفطور سريع لأنو ملحقات الفطور كتيرة وما عاوز أذكرها حتى نوصف بالملاعين ،، وبعدين كان في جماعة فرد تانين بدكو (( جاية من دك يدكو إذ هو داكي الحصة الثانية )) وطبعاً دي موزعة كل يوم على واحد وده كلو عشان يمشي يحجز ليهم الصحن ،، لكن برضو داقسين عشان بدكو ،، أهم حاجة إنك تصاحب بتاع الدكان عشان ترتاح وتعرف المقابل شنو ،، كل يوم نقول ليه نكتة جديدة بس ،، شوف الدنيا كانت حلوة كيف ،، ويا ود الماذون ما تحرمنا من الذكريات ومنتظرين ، وود كسلا أنت في العالي وبتأكل سندوشات يعني في الإبتدائي كنت بتفطر بتورتة ولا شنو ، نزار والله بالغت لكن الجماعة ناس السندوشات ديل بعرفوا ليك أبو نخلة والقندول ما أظن 00 أتمنى ليكم الصحة والعافية جميعاً ، وطوفة فد يوم في ربوع مدني

[روبش]

العزيز ... سفيان
لك التحية والشوق ..
ما أجمل سرد الذكريات العطره .. وما أحلاها عندما تأتي من اولاد دفعة .
والله يا سفيان نحن من كترة الزحمة على حجز الصحن ... حولنا اتجاهنا لبقالة ( كمال مطر ) وبقينا حناكيش

[الجندي المجهول]

والله يا اخوان رجعتمونا الي زمن جميل سوق الدرجة وكمال مطر وفي المزاد خالتك شامة ناس الحبوب واميرة المنافس الخطير لي خالتك شامة وسوق المزاد كمان يا شباب بس زي ماذكر واحد من الاخوان مشكلة الصحن الفاضي دي كانت هاجس كبير خلاص وموية الجبنة معاها الدكوة ( الفول المسحون ) عشان الفته تبقي سابكة والناس كان بيهما الكم وليس الكيف لانو الجوعة كان بتكون كبيرة وكثرة الايادي الحلوة بتزيد من نهمك الي اكل اكبر كمية من البوش ويا حليلك يا بوش ( الشبندر والرشيد عمر فطوركم كتان بتكملوهو في مجلس مدني جنوب صاح ولا انا غلطان

[سفيان]

شكرا اشباب رشيد روبش الجندي المجهول وكانت زكريات حلوة وان الرشيد عمر بتاع مدني الثانوية طوالى قاعد خلف السور الغربي خلف اوضة الكهربا وليكم الف تحية

[خالد عبدالماجد]

وود كسلا أنت في العالي وبتأكل سندوشات يعني في الإبتدائي كنت بتفطر بتورتة ولا شنو

لكن ياسفيان مابااااالغت معاي عديل
على الطلاق التورتة دي أنحن مابنشم ريحتها إلا في الأعياد والمناسبات الرسمية
والسندوتشات موضوعها بفهموا خالد هاشم ولنا فيها ذكريات رائعات ووقفات ذي مويتكم بتاعت الجبنة الفي سوق الدرجة وصحانتكم الداسنها جماعة تحت البنك وجماعة في الدرج ويقال أنو في جماعة كانوا خاتنها عند الجيران الجنب المطعم ..

[rasheed]

يا سفيان ليك التحية وطبعاً ما عرفت لهسع سفيان منو ،، لكن زي ما قلت للجندي المجهول نشر الغسيل ده خلوه في رسائل خاصة يا جماعة 00 عمنا الآدمن عمل ليكم رسائل خاصة عشان ما في داعي تشروا غسيلنا ده 00 أوضة ا لكهرباء وبيت موسى المكوجي ، وبعدين مدني الثانوية دي ما كان فيها سور السور عملوه للأولاد الصغار الهسع ديل ، وقبل كده حكيت في المنتدى ذكريات عن سور مدني الثانوية وكانت الحكاية أبطالها جماعة معروفين - الله يطراهم بالخير - وكانت عن السور الجنب الجامع طوالي ، وكانوا واقفين جنب السور وطبعاً السور ربع حيطة ومن سنة 1956م وفجأة السور وقع 0 فقبضهم عمك الصول حسين - رحمة الله عليه - ووداهم للوكيل وقال ليه الطلبة دول وقعوا الحيطة اللي جنب الجامع ، فلما سألهم الوكيل قالوا ليه والله كنا واقفين وجات طيرة ركت في السور قام السور وقع ،، الوكيل عاين ليهم كده وقاليهم كمان شاربين حاجة 0 حليل الزمن الجميل ويا حليل مدني الثانوية ودوري الفصول وميدان السلة وخلف الجامع وجمعية الموسيقى وسفرة الداخليات أيام والله أيام 0 عرفت أنو الداخليات عملوها داخليات لبنات جامعة الجزيرة ،، ده برضو كلام 0 وينك يا روبش تحياتي من على البعد يا حبيب ؟؟؟؟

[خالد عبدالماجد]

والله يارشيد ضحكتني شديييييييييد قلت لي الطيرة ركت في السور قام وقع ....
حلووووووووووة شديد
دي ذكرتني قصة الطلبة البجوا المدرسة متأخرين يتلبوا بالحيطة مرة الأساتذة عملوا ليهم كمين ولابتين في السور في واحد بخاف من الجلد شديد جاء متأخر ومايتلب إلا بالحتة اللابت فيها المدير الولد تلب أول مانزل شاف المدير وطوالى هاك ياحليفة ( والله ماتلبت ) هههه
المدير ماعرف يعمل ليه شنو قال لي كان كدي أمشي على فصلك ....

[gondi]

الله يديك العافية .....وبس

[الجندي المجهول]

والله يا لرشيد عمر الذكريات حلوة لكن بي صراحة انا السفرة البيتتكلم عنها دي ما حاضرها لكن انو الداخلية بقت داخلية بنات دي انا عارفها يا راجل يا قديم الله يديك العافية وتنجح في الامتحان يا هداف اسمع انت زيكو " منتصر الزاكي " وحداثة " ياسر صديق عثمان بحيري "دفعتك ولا انت قدامهم

[السلامى]

ياخى رجعت بى الى الوراء كثيرا عندما كنت أدرس بمددرسة الدرجة المتوسطه ( ياحليلها ) فكنا نهاجر من المدرسة للسوق لنشرب الشاى العجيب من القهوة الوحيدة فى السوق وكان ياما كان سوق يحمل نكهة خاصة