يا جماعة عندي ليكم خبر .. عمكم ودالماحي ضيفنا على الكرسي الساااااخن .. تعالوا جاااااي

[sambaaa]

http://www.asmilies.com/smiliespic/txtsmall/006.GIF (http://www.asmilies.com/)

http://www.asmilies.com/smiliespic/txtsmall/aaa0asmilies.gif (http://www.asmilies.com/)

الإخــــــــوة الأعـــــــــــــــزاء .

مرة أخرى نلتقيكم في رحاب هذا الملتقى

http://www.asmilies.com/smiliespic/FAWASEL/048.gif (http://www.asmilies.com/)

ضيفنا غالي علينا كلنا ..

أحببناه .. فبادلنا بحب اكبر ..

أدمن لقائنا كما ادمن ( السفه ) ..

فأدمنا نحن وجوده الجميل بيننا ..

تعالوا الليلة نفتفته عشان نشوف آخره ..

http://www.asmilies.com/smiliespic/FAWASEL/053.gif (http://www.asmilies.com/)


من هو الحاج / جمال الماحي ؟؟؟

http://tabatpeople.com/songs/imad/al3oba.ram



http://www.asmilies.com/smiliespic/FAWASEL/059.gif



<TABLE width="100%" border=1>
<TBODY><TR>
<TD width="100%" bgColor=#000080>
<MARQUEE style="COLOR: #ffff00" direction=right>ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت</MARQUEE>
</TD>
</TR>
</TBODY></TABLE>

[mnoma]

ازييييك ياود الماحي ...ان شاء الله بس علبتك تكون مليتها تمباك
ولو ما مليتها ما مشكلة اخونا عزيز عيسى ما قصر معاك تب مشى جاب ليك التمباك من دكان ود الصول
تمباك أصـــــلي يا معلم ... وكمان جهز ليك البنبر والنعقريب الهباب ماااااا قصر معاك بس انت البجيبك شنو
وعلى ما تظهــــر عندي ليك سؤال على خفيييف كده
زي ما قال سامبا : من هو الحاج / جمال الماحي ؟؟؟
نبذه سريعة كده بالله عنك ...
ولحدي ما أرجع ليك تاني ...أشــــوفك عافية
:)

[نزار حسن محمد]

حبابك الف ياعشى البيتات.... هوى ياخوى جماعة المنتدى ديل ناوين ليك نية سودا شــــــــــــــــــــد حيلك ونكرب للحرابه ... وناس المديده حرقتنى كتار....كدى
انت اول حاجه حضر الحقه وكفتيرة الشاى ...وعندى ليك سؤال خفيـــــــــــــــــــــف فى التعريف يوم عرسك كنت لابس جلابيه ولا شارستون ..ومرحبا بيك جاينك بعد شويه.... يازعيم

[أبوبكرحامد]

صورتك الخايف عليها .... عاوزين الصورة ياسامبا

[bakri]

حبابك حبابك اخوى

ياجماعه الزول دة براحه عليه ماطفشوة علينا

انا عندى ليك سؤال صغير

متين اتعلمت تسف التمباك ؟

و اول مرة سفيت فيها متين؟

بجيك راجع

[نور العيون]

امانه يا ود الماحي ما دكست لكن الله يكون في عونك من الاسئله اللي حتنهال عليك

[عزيز عيسى]

عمكم الحاج جمال ودالماحي (أبوسفه) لسه في الكوفير..
وزعلان قال التمباك بتاع ودالصول (ما صاموتي) أبى يفك ليهو خرمتو..
والصورة لو ما نزلها أنا بتكفل بيها وأنزلها ليكم..
بس كدي أصبروا عليه شوية..
وخلوني أمشي أسن سكاكيني وبجيكم راجع..
ود أبوشوارب.. أحجز الفروة لو بتقدر تقنع سامبا..

[Jamal Elmahi]

حبابكم ...حباب أهلي ...حبابكم..
حبابكم يالغالي وعزيز تيرابكم...
خباركم سالين سكاكينكم وشايلين حرابكم...
اكرام الضيف السلخ ولاّ عاد نسيتو أجدادكم,...
ماقالو ليكم تقشو الواطه وفوقا تفرشو تيابكم
وتجيبو ليهو اللويزو ومويه بارده من تيباركم
وبدل الضيف تضبحو الخروف وتنادو أحبابكم...
وتجيبو الصعوت وجردل بقنيه عشان يدوبي قصادكم
الفضيحه والستره متباريات والكرم باريكم من عقابكم....

ود الماحي

[الجندي المجهول]

يا ودالماحي عليك النبي تجي يا قسيم الريدفوقك النبي
يا ود الماحي عاوزين كامل المعلومات لاني محتاج اليك بشدة وانت عني بعيد ........
يا سامبا الصورة الصورة يا واقد في جوفي النار ما ترسل صورتك تذكار

[Jamal Elmahi]

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى
http://www.asmilies.com/smiliespic/FAWASEL/048.gif (http://www.asmilies.com/)
ضيفنا غالي علينا كلنا ..
أحببناه .. فبادلنا بحب اكبر ..
أدمن لقائنا كما ادمن ( السفه ) ..
فأدمنا نحن وجوده الجميل بيننا ..
تعالوا الليلة نفتفته عشان نشوف آخره ..


http://www.asmilies.com/smiliespic/FAWASEL/053.gif (http://www.asmilies.com/)

من هو الحاج / جمال الماحي ؟؟؟



http://www.asmilies.com/smiliespic/FAWASEL/059.gif



(http://www.asmilies.com/)
<TABLE width="100%" border=1><TBODY><TR><TD width="100%" bgColor=#000080>




<MARQUEE style="COLOR: #ffff00" direction=right>ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت</MARQUEE>




</TD></TR></TBODY></TABLE>




مرحب بيك سامبا...وأرحب بكل أهلي وأحبائي في المنتدي ...,وأحب أن أشيد بالمنتدي أداره ومشرفين وأعضاء...وحقيقة أصبحت تربطني بالمنتدي صلة رحم قويه ومتينه وربنا يدوّم المحبه والمحنّه والود بيناتنا...
البنبر يعاين لي وأنا أعاين ليهو...هو أبسم لي وأنا أكشّر ليهو ...ومادام هو وسيلة تواصل وتعارف فخلوني أتوهّط ليكم فيهو والزارعا الله في الحجر بتقوم....

البطاقه الشخصيه:
ألاسم : جمال الماحي هجو
ألاقامه في السودان: الجنيد الحله...وشيخ الجنيد هو جدّي الكبير...ود شيوخ البطانه...ومصنع السكر حقنا والداير ليهو سكر يفتح عبّو...بلا تموين بلا لمّه...
الاقامه الحاليّه : مقيم بأمريكا..وساكن بهيوستن ...وأنا وزوجتي وأولادي نحمل الجنسيه الامريكيه ...لكن برضو مازلنا عرب بطانه متمسكين بعاداتنا وتقاليدنا مع أنو الاولاد أتحنكشو شويه وغايتو الله يكضّب الشينه...
الحاله الاجتماعيه : متزوج والحمد لله من بت القبايل والاصول الهديّه ورضيّه سنيه محمد البدوي ...قريبتي وجدّها برضو شيخ الجنيد عشان كدا مستحملاني ومكطعا في مصارينا والله يكون في عونا....
عسل البيت ألام طبعا...وألله دي خوفه ساي....أما سكر البيت فهي أبنتي الصغيره أميره ...وبدلعا بي سكر الجنيد...ولانها هي ويحيده فاتفقت معاها ما تتزوج ألاّ بعد ما أنا أشتت وهي وافقت بروح طيبه وبالمناسبه عمرها أربعه سنين...وهي أصغر واحده في البيت...أما الاولاد عندي والحمد لله أربعه وطبعاً أخوكم كان ساكي البنيّه وكل مرّه يطلع ولد وراسو قوي كمان....
أبزغ سفتي ونواصل....

[عزيز عيسى]

يا جمال البطاقة الشخصية ناقصة كثير..
الجماعة عايزين الصورة.. ومعلومات إضافية إنت عارفها..
أنا متابعك وحارسك..
أحسن تكملها على بال ما أسن سكيني.

[Jamal Elmahi]

ازييييك ياود الماحي ...ان شاء الله بس علبتك تكون مليتها تمباك
ولو ما مليتها ما مشكلة اخونا عزيز عيسى ما قصر معاك تب مشى جاب ليك التمباك من دكان ود الصول
تمباك أصـــــلي يا معلم ... وكمان جهز ليك البنبر والنعقريب الهباب ماااااا قصر معاك بس انت البجيبك شنو
وعلى ما تظهــــر عندي ليك سؤال على خفيييف كده
زي ما قال سامبا : من هو الحاج / جمال الماحي ؟؟؟
نبذه سريعة كده بالله عنك ...
ولحدي ما أرجع ليك تاني ...أشــــوفك عافية
:)

حباب منوما...الدابا قايما من نوما..
حباب منوما الفي البنات كبيركوما
حباب ست البنات الراسيه ما ملخوما...

ورداَ علي سؤالك نبذه صغيره عني....وكمواصله للبطاقه الشخصيه....

ألعمل: أعمل أستاذاَ بكلية ساي فير بهيوستن -أمريكا..وأقوم بتدريس مادة الرياضيات.. Cy-Fair College-Houston
بعد تخرجي من الجامعه عملت بشركة الكايد أخوان بالسعوديه وتدرجت من مدير مشروع حتي أصبحت مدير عام المتابعه والتنفيذ لكل مشاريع الشركه...في أثناء تحضيري للماجستير عملته بالتدريس في جامعة الجرطوم وبعد الماجستير أستاذاّ بجامعة كردفان....
التعليم: حالياَ أحضر في دكتوراه في جامعة فينيكس بأريزونا
ماجستيرالعلوم الزراعيه في علم الفيروسات - جامعة الجرطوم- Virology
بكالريوس العلوم الزراعيه في أمرض النباتات Plant Pathology
شهادة تأهيل المعلمين لتدريس الرياضيات بكلية ساي فير بهيوستن Teacher Certification-Mathematics-Cy-College-Houston
شهادة التدريب لتدريس اللغه الانجليزيه -جامعة كامبريدج -لندن -ساي فير (Certificate of English Language Training (CELTA
شهادة شبكة سيسكو -معهد برايت للتكنولوجيا بهيوستن Cisco Certified Network Associate(CCNA) Brite Institute of Technology
نشفتو ريقي دا بنبر دا ولاّ محكمه...ذكرتوني سعال نكير...من ربك ....ما دينك...
بديها زوغه وبجيكم صاد ..النشوف اٍّخرتكم شنو....
ود الماحي

[خالد هاشم علي]

حباب منوما...الدابا قايما من نوما..
حباب منوما الفي البنات كبيركوما
حباب ست البنات الراسيه ما ملخوما...

ورداَ علي سؤالك نبذه صغيره عني....وكمواصله للبطاقه الشخصيه....

ألعمل: أعمل أستاذاَ بكلية ساي فير بهيوستن -أمريكا..وأقوم بتدريس مادة الرياضيات.. Cy-Fair College-Houston
بعد تخرجي من الجامعه عملت بشركة الكايد أخوان بالسعوديه وتدرجت من مدير مشروع حتي أصبحت مدير عام المتابعه والتنفيذ لكل مشاريع الشركه...في أثناء تحضيري للماجستير عملته بالتدريس في جامعة الجرطوم وبعد الماجستير أستاذاّ بجامعة كردفان....
التعليم: حالياَ أحضر في دكتوراه في جامعة فينيكس بأريزونا
ماجستيرالعلوم الزراعيه في علم الفيروسات - جامعة الجرطوم- Virology
بكالريوس العلوم الزراعيه في أمرض النباتات Plant Pathology
شهادة تأهيل المعلمين لتدريس الرياضيات بكلية ساي فير بهيوستن Teacher Certification-Mathematics-Cy-College-Houston
شهادة التدريب لتدريس اللغه الانجليزيه -جامعة كامبريدج -لندن -ساي فير (Certificate of English Language Training (CELTA
شهادة شبكة سيسكو -معهد برايت للتكنولوجيا بهيوستن Cisco Certified Network Associate(CCNA) Brite Institute of Technology
نشفتو ريقي دا بنبر دا ولاّ محكمه...ذكرتوني سعال نكير...من ربك ....ما دينك...
بديها زوغه وبجيكم صاد ..النشوف اٍّخرتكم شنو....
ود الماحي



الغزيزيللللللللللله...

يمين ياود الماحي سيرتك الذاتية دي تشغلك وزير براااااااااااحة !!!!!!!! :eek: الخراااااااابل...

هازول ها كان كده انت متواضع لينا ساااااااه في الدكان!!!!!!! وكمان ود المأزون كان داير يركبك بي ورا في الأندروبل!!!!!!!!!

أها بعد جنس الكلام الشفناه ده بنقوم ليك صالح من العنقريب ونقول ليهو ( ها قوم لا فوق للبروف ود الماحي ) ونقعد نتفن في الواطة جنبك ونسمع في كلامك زي المفتش

[عزيز عيسى]

أها يا جماعة ما قلت ليكم الزول دا مو ساهل..
لكن بعد دا كلو المحيرني قعدتو في البنبر..
وعراقيهو البلبسو بالقلبة..
يدوبي اليوم كلو..
ويطق طق في الواطة بي قرجتو..
وسفتو البقنطرا زي الخاتي ليهو دومة في شلوفتو!!

[Jamal Elmahi]

هاأأأناس ...الداهي دا صانّي مالو ...فراش ولاّ كرسي ساخن...ساأأأمبا أأأبوي ما تسخن لينا البنبر دا بي أغاني عرضه..
ألكنداكه ..العوبه..دهب الخزانه...أتصلّح معانا أأأسامبا...أنا كان لحقته لامن قومته من بنبري دا ما بجيكم صاد...والدايرني بلقاني مصنقر في دكان ود الصول...


ود الماحي

[Jamal Elmahi]

حبابك الف ياعشى البيتات.... هوى ياخوى جماعة المنتدى ديل ناوين ليك نية سودا شــــــــــــــــــــد حيلك ونكرب للحرابه ... وناس المديده حرقتنى كتار....كدى
انت اول حاجه حضر الحقه وكفتيرة الشاى ...وعندى ليك سؤال خفيـــــــــــــــــــــف فى التعريف يوم عرسك كنت لابس جلابيه ولا شارستون ..ومرحبا بيك جاينك بعد شويه.... يازعيم

حباب أبوي ..حباب ود حسن...
أنا عرسي علي الطلاق قرّب يفوتني ...وسودانير شكيتا علي الله وشتحتها فوق ود حسونه يعوج ليها جنحاته ويفتل ليها قدوما....لكن الحمدلله وصلته قبال يوم واحد من العرس...وقصة العرس وسودانير فيلم هندي نعرضو في سينما الخواجه...

يوم العرس كنت لابس جلابيه بيضاء مكويه...وقالو كدا حنوني ...والحفله الماخمج بدت ..والفنان عارف أهلي ..أهل العوض بحبو أغاني الحماسه والعرضه...وأول أغنية عرضه جات الوالده والخالات جوني عايمات ذي الوزين ...وأخوك كان ياداب من أنتهو من حنة الكرعين...وهشته وقمته عليهن وفجخته الحنه فجخ شين لامن وصلت نص الساق وأصحابي يكوركو ..امسكو العريس...أمسكو العريس...الحنه أأأناس...الجلابيه...وأخوك يعرض في نصهن...علي الطلاق لامن حننوني بالنهار....

ود الماحي

[Jamal Elmahi]

صورتك الخايف عليها .... عاوزين الصورة ياسامبا

حباب ود الماذون...هاأأأزول الصوره ...الصوره...بالله التقول صورة نانسي عجرم...غايتو ان داير تشوفني ...شفته الصوره النزلا أبراهيم ...الولدين البشربو من الزير ...الصغيروني فيهم بس الخالق الناظر...فولا وأنقسمت نصين....
وبعدين أأبوي الخواجه مش قال ليكم في الكوفير ...أها لوكو لي الصبر...والسايب بتاع الكوفير قال طريقه ترفع الشلوفه التحت لي فوق مافي...أها والرأي شنو...ألاّ الواحد يركب ليها زراره ذي ما قلته...عشان السسته بتحمي الزول النضمي...
غالي والطلب رخيص أأأود المأذون...


ود الماحي

[عزيز عيسى]

سامبا وخالد وليد حمد موسى.. والله إتلومتوا طب مع ودالماحي..
ها جماعة الزول دا زول بطانة ساااكت بدور أغاني الدلوكة..
ما تشوفولو أغاني عرضة خلو الجني دا الينطط..
بس أنا خايفو يقوم يسرح مع أغاني العرضة ويفكنا على الهواء..

[Jamal Elmahi]

حبابك حبابك اخوى

ياجماعه الزول دة براحه عليه ماطفشوة علينا

انا عندى ليك سؤال صغير

متين اتعلمت تسف التمباك ؟

و اول مرة سفيت فيها متين؟

بجيك راجع

حباب بكري أخوي...حباب الارباب...
حبابو جمل الشيل...حبابو المابعرف الميل...

السفه ...الصعوت ...التمباك ...العماري...سلطان الكيف....
مالك أأأبوي داير تهيّج علي الذكريات...
أنا حقيقةّ ما بسف وعمري ما سفيت...بس أعز أصحابي كانو بسفو...وطبعاّ الدنيا الفرندقس وزعتنا كل واحد في حته...والغريبه لما تجي سيرة التمباك طوالي بتذكر أصحابي مع أنهم دايماّ في البال ولما أدافع عن التمباك كأني بتكلم بي لسانم ...وبرضو بحب المرح والضحك والونسه والمكاواه...وأهو الواحد بفضفض مع أخوانو هموم الغربه المامعروف حدّها وين ... مش أحسن برضو من الواحد يطرشق .....كدي ناولني كيسك دا....

ود الماحي

[Jamal Elmahi]

امانه يا ود الماحي ما دكست لكن الله يكون في عونك من الاسئله اللي حتنهال عليك

حباب نور العيون ...حباب ست العفاف والصون...
لو بأيدي كنته فرتقته .. فتّه بنبركم ولحقته البنطون
وعشانكم يالحبايب هادي تصنقره والكائن يكون

ود الماحي

[Jamal Elmahi]

عمكم الحاج جمال ودالماحي (أبوسفه) لسه في الكوفير..
وزعلان قال التمباك بتاع ودالصول (ما صاموتي) أبى يفك ليهو خرمتو..
والصورة لو ما نزلها أنا بتكفل بيها وأنزلها ليكم..
بس كدي أصبروا عليه شوية..
وخلوني أمشي أسن سكاكيني وبجيكم راجع..
ود أبوشوارب.. أحجز الفروة لو بتقدر تقنع سامبا..


ياخواجه بتاع الكوفير الله يكطعو قال لي يا تدخل أنتا يا السفه لكن الاتنين ألاّ علي جتتي ...قلته ليهو خلاس التدخل السفه...أنا الداخلها شنو من غير سفه...
ياخواجه الجماعه شابكني الصوره ..الصوره ...بالله التقول صورة مايكل جاكسون....هاك نانسي عجرم دي....
ود أبشوارب دا راقدلو فوق راي ولاّ شنو...
أنا المحيرني أأألخواجه الشباب ديل عينم للحناكيش والجكس العاجبم في استضافة الجلاكين شنو...هسه كان خلونا قاعدين في دكان ود الصول ما كان أخير...غايتو الله يقضي الاسبوع دا علي خير...

ود الماحي

[Jamal Elmahi]

الغزيزيلللللله...

يمين ياود الماحي سيرتك الذاتية دي تشغلك وزير برااااااااحة !!!!!!!!!! :eek:

الخرااااااابل...

هازول ها كان كده انت متواضع لينا سااااااااه في الدكان!!!!!!!!!

وكمان ود المأزون كان داير يركبك بي ورا في الأندروبل!!!!!!!!

أها بعد جنس الكلام الشفناه ده بنقوم ليك صالح من العنقريب ونقول ليهو

( ها قوم لا فوق للبروف ود الماحي )

ونقعد نتفن في الواطة جنبك ونسمع في كلامك زي المفتش



حباب ود هاشم حباب أبوي...الناس أأبوي مابقيسوها بي شهاداتا ...الناس بقيسوها بي معرفة الرجال المتلك وأبشوارب وودعيسي ودالماذون والرشيد ودالصادق العمده وسامبا وودالصول وحمدتووالباشا ودحسن نزار وود وداعه وسوباوي وبكري والجندي المجهول وزول فردا ومكتول سكينه أبراهيم ومكتول مدني وأبومرام وأبوروان وياسر ورهيب واللسته تطول أأأبوي...وبحسب ليك لي باكر...ومعرفة الرجال كنز أأألخزين وأنتو ياكم الدخري أأأبوي...

ومعرفة الاخوات محنّه وياما بيناتن أخوات الواحده بي عشره رجال...أميمه...مهيره...سلوي أم أحمد..نور العيون...سوار الياسمين..فدوي الحسن...منوما ..سالي..عشوشه..دعاش..اللمسه الساحره..وعيرهن ممن سكن القلب ولم أستحضره....

وعلي الطلاق أبشوارب ما يقوم من العنقريب وأنا ياني ود الماحي الزمان أأبوي وعلي الطلاق كان ما الامانه بتقتضي أنو الزول يكون صريح مع أخوانو مافي داعي لي سيرة الشهادات وكلنا أولاد حواء وأدم وكلنا أخوان ...والفوارق بتذوب بين الاخوان ...وود أبشوارب ياهو تاج رأسنا..وياهو ساسنا...والرهيفه التنقد....



ود الماحي

[خالد هاشم علي]

]
أها أأأأأأأأأأأأأأأأأأود الماحي في شان كلامك الحلو ده اللي يتخت في الجرح يبرا... عندك ليك خبرا حلو بالحيل....

صالح ابو شوارب جاء جدة والليلة متغدي معاي والحمد لله اتوفقت ولميت في عمده ود الصادق وحيتغدي معانا هو كمان بإذن الله...وكمان حتي ابو بكر الآدمن جاي علينا في الغدا.... أها قولك شنو ؟؟؟؟ عليك الله مالمة حلوة بالحيل؟؟؟؟؟ بس ناقصاكم وربنا يجمعنا بيكم في ساعة خير.[/COLOR]

[نزار حسن محمد]

هلا ..هلا ..ودالماحى ..حرم عفيت منك عــــــــــــــديل ...الجماعه ماسكتهم الكان شايل سوط عنج والكان شيل سيف والكان شيل مطوه ..وحتى الحناكش ... الكانو بقولى ياااااى ودالماحى ابوسفه ....مابندور ..اسى بحاوله اتعلموا كلام ناس العوض ؟؟؟ وناس الدكان ربطه يافطه قالوا بدوره ينتخبوك لرئاسة المجلس لكن دحين ياوالماحى ناس البندر ديل ماترقد لهم على ضمان الكلام الحلوه اى بعجب لكن الجماعه بفتشو للكلام التحت تحت وكدى عندى باقى نضمى فوق موضوع العرس بس حلفتك تقول الحقبقه يوم قطع الرحط مارشوك باللبن وقطوك بالفركه.. بعدين ام العيال بعد ماقطعت بالبنطون من الجنيد كيف عملت مع السلم الكهربائى بتاع ناس امريكا .... اه بمشى بجيك... ودحسن

[Jamal Elmahi]

]
أها أأأأأأأأأأأأأأأأأأود الماحي في شان كلامك الحلو ده اللي يتخت في الجرح يبرا... عندك ليك خبرا حلو بالحيل....

صالح ابو شوارب جاء جدة والليلة متغدي معاي والحمد لله اتوفقت ولميت في عمده ود الصادق وحيتغدي معانا هو كمان بإذن الله...وكمان حتي ابو بكر الآدمن جاي علينا في الغدا.... أها قولك شنو ؟؟؟؟ عليك الله مالمة حلوة بالحيل؟؟؟؟؟ بس ناقصاكم وربنا يجمعنا بيكم في ساعة خير.[/COLOR]

دي اللمّه ولاّ بلاش...والله ليكم وحشه أأأناس ...أنا غايتو بشد سرجي وأركب حمارتي وهادا دربي عليكم ...ولاّ أقولك أخير أغشا ود الماذون أربط حمارتي الخدرا عندهم ...دحين بتذكرا أأأود هاشم ...ما ظنيتك بتذكرا أأأبوي أنتا ما شفته حماري الحمامي...أها ونقول كدا أنا وود الماذون نركب أندروبلو ونغشي الخواجه عزيز عاد بنبقي براو...ونقول كدا نشاقق بي درب الحدبه...أها أأأبوي بعد ما نفوت باب شريف ونصل شارع المينا نلف يمين ولاّ شمال...ولاّ نشاقق بوشنا....غايتو كان لاغايت الواطه ما ضوهرت ماوصلنا أتغدو تب....وكان رحنا الماتعودنا كلو فوق دربكم يهون ...
السلام أمانه لابشوارب والفرده عمده قول ليهو صرف النظر عن المساكين رحمه...والادمن غدوهو علا ما تدوهو الشاي كيتاَ عليهو...وقول ليهو كفاك تحليه أبشوارب والعمده...علي الطلاق أنا كان لقيتكم أكل ماني دايرو....

ود الماحي

[Jamal Elmahi]

سكر الجنيد

[sambaaa]

http://9q9q.com/May/1148042047.bmp (http://9q9q.com/)

http://tabatpeople.com/songs/imad/al3oba.ram

[sambaaa]

<MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 500px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 298px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=7 scrollDelay=100 direction=up width=400 bgColor=#000000 height=298><CENTER>http://9q9q.com/May/1148042348.jpg


http://9q9q.com/May/1148042348.jpg
http://9q9q.com/May/1148042348.jpg
http://9q9q.com/May/1148042348.jpg
</CENTER>
</MARQUEE></FONT>

[اميمه عشريه]

تحياتي ود الماحي وسلام عظيم لاسرتك وللاميره اميره ربنا يحفظها ليك..
لديك لهجه خاصه تميزك كلام اهلنا العرب وناس البطانه كيف استطعت ان تحافظ على كل هذا المدخور من اللهجه ولم تقم الغربه بطمس معالما وفرنجتها ..؟
كيف تجد الشعب الامريكي لا تقول لي انه ودود ولطيف فهؤلاء الساسه من اين اذن اليسو امريكان ... هل انت معي ان مكانه ابليس تزعزعت في الكون بسبب منافسها القوي بلاد العم سام .. كيف استطعت ان تشق طريقك وسط كل هذا الخضم الضخم من موجات العداء تجاه هذا البلد ..؟ ولي عوده .. مع امنياتي بان يكون العنقريب بردا وسلاما عليك
دمت ابدا ,,,

[Jamal Elmahi]

يا ودالماحي عليك النبي تجي يا قسيم الريدفوقك النبي
يا ود الماحي عاوزين كامل المعلومات لاني محتاج اليك بشدة وانت عني بعيد ........
يا سامبا الصورة الصورة يا واقد في جوفي النار ما ترسل صورتك تذكار

حباب الجندي المجهول...أها أأأبوي أنا جيت انتا وين يا نور العين.....
أها الجندي نزلته ليكم صورة سكر الجنيد ..قصرته معاكم أأأبوي ...,وانا مأخرني راجي عمتي تنشف...والعراقي مضغتو الغنمايه برقعو لي فيهو...علا كان رسلته لي سروال وعراقي من باب شريف بدرعن وبصّور قبال الغنم ما يعرفن....



ود الماحي

[salwa]

ود الماحي...انا عندي سؤال لكن انقول ليك خايني انا اخر شيء عشان احصل اكبر منحة سكر او القى لي عروس لولدي جاهزة بسكرها هههههههههههه عليك الله انتظرني بس راجعة ليك

[ابومرام]

حبابك اخوك ود الماحي والله تب ماقصرت معانا والله جعلت الفرحة تملى كل المكان انت انسان بحق الانسانية احيك وحي الامورة سكر الجنيد ربنا يخليها ليك ويحفظها ما تشوف شر ،،، لكن ياود الماحي عنقريبك دا ما زحيت لينا شوية نقعد معاك فيها ونشرب فيه قهوة العصر والعصرية نمش معاك للبيارة نشوف المشروع نخش من الكبري ونزور عمنا على العباس في الطرمبة ونجي نشرب معاك شاي المغربية ونسمر معاك في ضوء القمرة وتجيب لينا كورة لبن بي رقوته لمن تملى بيها شنبك وتترع سااااااااااااااااااااااااااااااااااااي ونمشي نتعشى مع اخونا فادي وست الحبايب الوالدة ،،،،، كدي واعدل راسك بي سفة وانا برجع لي ناس ود العباس ديل واجيك ودعتك الله فوق صاحب الوداعة ،،،،

[Jamal Elmahi]

هلا ..هلا ..ودالماحى ..حرم عفيت منك عــــــــــــــديل ...الجماعه ماسكتهم الكان شايل سوط عنج والكان شيل سيف والكان شيل مطوه ..وحتى الحناكش ... الكانو بقولى ياااااى ودالماحى ابوسفه ....مابندور ..اسى بحاوله اتعلموا كلام ناس العوض ؟؟؟ وناس الدكان ربطه يافطه قالوا بدوره ينتخبوك لرئاسة المجلس لكن دحين ياوالماحى ناس البندر ديل ماترقد لهم على ضمان الكلام الحلوه اى بعجب لكن الجماعه بفتشو للكلام التحت تحت وكدى عندى باقى نضمى فوق موضوع العرس بس حلفتك تقول الحقبقه يوم قطع الرحط مارشوك باللبن وقطوك بالفركه.. بعدين ام العيال بعد ماقطعت بالبنطون من الجنيد كيف عملت مع السلم الكهربائى بتاع ناس امريكا .... اه بمشى بجيك... ودحسن

حباب ود حسن ..حباب ود الأصول...أنا أأبوي ما سكته لي زول ...وحواء والده أأابوضراع في منتدانا دا في الزيّ والاحسن كمان...وأنا كان ما الخواجه عزيز واقف لي في راسي ويسوي لي البطاقه ناقصه وكان حيتمها هو قلته أحسن تجي مني أنا وأهو كلنا أخوان وأمكن نحتاج لبعض...وبرضو ياني ود الماحي وسفتي ما بخليها وحقتي البوظت لي جيوب جلاليبي برضو ما بخليها ...

ود حسن أأأبوي أنتا المسلطك علي منو في موضوع العرس؟؟ سمعته أأأبوي ولاّ جابو ليك ولاّ الاتنين...؟؟
قامت السيره الماخمج...سيرة أهل العوض متوجهين بيت العروس...ألاعمي شايل المكسر...وأهل العروس كانوا ساكنين في مصنع السكر بيوت الموظفين وطبعا أرقي مننا نحن أهل العوض الاصليين...نجي لي موضوع اللبن...أخوك من أبشرن أأأبنات...أبشرن بالخير عطشته لامن ريقي نشف...جابو لينا أأأبوي كويرة اللبن ..أدو العروس أخدت ليها جغيمه وماسكاها في خشما عشان ترشني بيها...وادوني الكوره عشان أخد جغيمه أرش بيها العروس...أنقر أخوك ما قام بي كويرة اللبن ...علي الطلاق كرطعتها تب وحلفته طلاق علي العروس تبلع جغمتا الدايره ترشني بيها...النسوان نصهن قعد يزغرتن والنص التاني الضحك شرطن ولي يوم الليله ماسكنها لي...
سلم الكهربا أنتا أأأود حسن حاوي ولاّ شنو.....؟؟
أول ما المره جات أمريكا كلما تشوف سلم الكهربا تقول لي هوي أأأبوي أنا بشاقق بي تحت ساي ...درب السلامه للحول قريب....
وعليك أمان الله لي يوم الليله كلما تركبو تتخازز حتي بنيتنا الصغيرونه تضحك عليها...

ود الماحي

[عزيز عيسى]

علي الطلاق كرطعتها تب وحلفته طلاق علي العروس تبلع جغمتا الدايره ترشني بيها...
أول ما المره جات أمريكا كلما تشوف سلم الكهربا تقول لي هوي أأأبوي أنا بشاقق بي تحت ساي ...درب السلامه للحول قريب....
وعليك أمان الله لي يوم الليله كلما تركبو تتخازز حتي بنيتنا الصغيرونه تضحك عليها...

ود الماحي

من زمان بقول عموري وأميرة بضحكوا على أمهم ليه؟
وسنيه دي ليه مكجنة اللبن؟!!
أتاري جمال مهددها من يوم العرس.. ومشربها الروب..
علشان كدا ما قادرة تقيف في سلم الكهرباء..
كان تحلفي عليهو حرم وترشيه باللبن.
:D

[عزيز عيسى]

يا جمال جيتك..
أنا أبضراع أنا أبسكين..
أنا الخواجة شايل اللبادة..
أنا التتر أبو عجاجة..
البقبض الجرادة بالجبادة..
وبخاف من ضبح الجدادة..

جيتك بسيوفي وسكاكيني..
قاعد ليك ومتحكر في الواطة..

تعال يا أخوي النسعلك سعال..

اللي ما يعرف جمال إنو الزول دا بحب الشعر الحلمنتيشي..
ومرات بينظم أبيات حملنتيشية ظريفة جدا.. حسب المزاج..

يا ريت تحكي لينا عن علاقتك بالشعر الحلمنتيشي.. ونوادر أيام الدراسة الجامعية..

أصبر لي..بجيك صادي.. لما تجاوب على السعالين.

[sambaaa]

http://9q9q.com/May/1148064930.bmp (http://9q9q.com/)

عمنا / ودالماحي

طبعا ده العنقريب عشان تاخد راحتك تمام عشان قعدتك حتطول معانا شوية كده

وبكرة كمان بنجيب ليك دولاب عشان العراريك والجلاليب بتاعتك

الجندي المجهول مشى باب شريف مخصوص عشانك وقطع طاقة دمور كاملة يا أأأأبوي

اها بعد ده صنقر وما تشيل هم تب

كمان شايف البنية امورة خطفوها قبال نقول كلمتنا

وشوف عيني السيرة إتحركت من أديس أبابا

وانا جاييييييييك تب وده كلو ترحيب

أمسك الخشب وخليك جاااااااهز ..

:)

[Jamal Elmahi]

عمر الغلباوي

اذا رأيت عمر الغلباوي مكشراَ أنيابه
فلا تظنن أن عموري الشقي يبتسم

[عزيز عيسى]

الجني الشقي المكشر سنيناتو اللي إسمو عمر دا أصلو ما قاعد في الواطة..

كدي نحكي ليكم قصتي مع مستر عموري..

صادف يوم زرت فيه بيت الاخ جمال..
ووقتيها أميرة يا دوب مولودة صغيرة..
وكانت بتبكي الظاهر عليها عندها مغص الاطفال..
قمت قلت لي أمها أديني ليها أنا بشيلها ليك أسكتها..
قامت أمها أدتني ليها شلتها..
وفي أثناء ما بهز في أميرة علشان أسكتها جاء عمر يتلبد ببسمته العجيبة وسينيناته
المكسرات الشينات ديك.. دا حالتو بعد التجميل..
كانن سينيناته أشنى من الشايفنهن في الصورة الفوق دي..
وبي إبتسامة ساخرة قال لي باللغة الانجليزية طبعا:
Uncle Aziz: Do you know why my sister is crying

الترجمة: عمو عزيز إنت عارف أختي ليه بتبكي؟

قلت ليه: Sure I don't know Doc

الترجمة: لا أبدا ما عارف يا دكتور.

قال لي: My sister is crying because she's afraid of black people
الترجمة: أختي بتبكي لأنها بتخاف من الناس السود.. طبعا كان قاصدني.

قالها وعلى طول قام هرب جري فتح الباب وعلى الشارع .

عليكم الله شوفوا زي الجني العنصري دا.. على مين؟
على واحد من أبناء جلدته!! :D

أنا غايتو قربت أقوم أجري أشوف لي طوبة وأديه ليك فلقه في نص راسو..
لكن كرعينه مرقنو..

في اللحظة ديك كنت أنا وأبوه وأمه وأخواته قربنا ننشرط من الضحك..
وقلت ليه يا إبن الذين أشوفك تجي داخل بيتكم دا تاني.

[Jamal Elmahi]

تحياتي ود الماحي وسلام عظيم لاسرتك وللاميره اميره ربنا يحفظها ليك..
لديك لهجه خاصه تميزك كلام اهلنا العرب وناس البطانه كيف استطعت ان تحافظ على كل هذا المدخور من اللهجه ولم تقم الغربه بطمس معالما وفرنجتها ..؟
كيف تجد الشعب الامريكي لا تقول لي انه ودود ولطيف فهؤلاء الساسه من اين اذن اليسو امريكان ... هل انت معي ان مكانه ابليس تزعزعت في الكون بسبب منافسها القوي بلاد العم سام .. كيف استطعت ان تشق طريقك وسط كل هذا الخضم الضخم من موجات العداء تجاه هذا البلد ..؟ ولي عوده .. مع امنياتي بان يكون العنقريب بردا وسلاما عليك
دمت ابدا ,,,

مرحب حباب أميمه...حباب نوّارة المنتدي الضاويه الكون
حباب دعاش الخريف... الهمبريبو يسطل كم مليون

من نسي قديمو تاه... والماعندو قديم يابت أمي ما عندو جديد....أما العرب ناس البطانه ديل أهلي وأنا بفتخر بي انتمائي ليهم ...وناس الحاره ديل أهلي ..والغبش ديل أهلي...ودايماَ معشعشين جواي بي أصالتم وكرمن وشهامتن وعزّة نفسن ...أعذونا في اللغه الدارجيه يا ناس المنتدي الثقافي...
وقدرته أحافظ عليها بطرق عده...بحب أكتب بيها...وأتخاطب بيها مع كتير من الاصدقاء والاهل..مغتني كتير من أشرطة الفيدو البتعكس التراس...الخ...

الشعب الامريكي شعب ودود وطيب ومتفهم دي حقيقه..فبحكم معاشرتي لهم كجيران وزملاء عمل وفي الانشطه الاجتماعيه والمجاملات فهم نموذج للمجتمع الواعي المتحضر..وحتي المتدينين منهم ولله ببالغو...أقصد المسلمين منهم ...وحكاية من وين جو الساسه ...أهو ذي ما عندنا في السودان من وين جو الساسه؟؟؟..نفس المعادله الشعب السوداني وحكومته فرق الليل للنهار وبرضو الشعب الامريكي وحكومته نفس الشئ ..والمابعيش معاهم ما بعرفم..وعلاقتنا مع الجيران ذي في السودان..يعني زوجتي لو عملت ليها أكله عجبتا بتضوقا ليهم وهم برضو ...الخويجيجات الصغار بجو يبيتو عندنا واولادنا يبيتو معاهم...بعاينو لي بيتنا لو سافرنا وبسقو لينا زراعتنا لغاية ما نرجع...والله بقو لينا أكتر من أهل...والموضوع بتوقف علي مدي تعاملك معاهم...وكتير نخلي بيتنا فاتج ما حصل والله يوم لقينا حاجه مفقوده...والاولاد كتير نسو عجلاتم في الفريق بجيبوهن لينا في البيت...
وفي الشغل كل الناس سواسيه في كل الحقوق والواجبات...الموضوع كبير وممكن نتكلم فيهو لي بكره لكن أكتفي بي كده...

ود الماحي

[Jamal Elmahi]

ود الماحي...انا عندي سؤال لكن انقول ليك خايني انا اخر شيء عشان احصل اكبر منحة سكر او القى لي عروس لولدي جاهزة بسكرها هههههههههههه عليك الله انتظرني بس راجعة ليك

حباب أم أحمد...أنا راجيك تب أأأخيتي....
تعالي بي عمودك أبو أربعا حلل..أيي عمودك الكبير ...حله ملاح ويكاب وحله ملاح أم بقبق النعمنو ويكة السنه دي طلعت بدري هلا هلا...والحلتين الباقيات عصيده عشان الناس كتار ...الشعيريه والسكسكانيه تعالي شايلاهن في بسكلّه ساي...السكر راقد عندنا فضلة خيرك ما تتعبي تجيبي ومواعينك البتجيبيهن بنملاهن ليك سكر تب....ما تتأخري لامن الضيوف يفوتو...

ود الماحي

[Jamal Elmahi]

حبابك اخوك ود الماحي والله تب ماقصرت معانا والله جعلت الفرحة تملى كل المكان انت انسان بحق الانسانية احيك وحي الامورة سكر الجنيد ربنا يخليها ليك ويحفظها ما تشوف شر ،،، لكن ياود الماحي عنقريبك دا ما زحيت لينا شوية نقعد معاك فيها ونشرب فيه قهوة العصر والعصرية نمش معاك للبيارة نشوف المشروع نخش من الكبري ونزور عمنا على العباس في الطرمبة ونجي نشرب معاك شاي المغربية ونسمر معاك في ضوء القمرة وتجيب لينا كورة لبن بي رقوته لمن تملى بيها شنبك وتترع سااااااااااااااااااااااااااااااااااااي ونمشي نتعشى مع اخونا فادي وست الحبايب الوالدة ،،،،، كدي واعدل راسك بي سفة وانا برجع لي ناس ود العباس ديل واجيك ودعتك الله فوق صاحب الوداعة ،،،،

حباب أبومرام ...خيرك عمّ اليمن والشام....
أنت أأأبوي بس تعال العنقريب والبيت الفيهو العنقريب كلو هولك ...ونحن بنتفّن ليكم في الواطه...أنتو أأأبوي بلقوكم وين؟؟؟
لما مشيتو بالكبري وشققوك المشروع أأأبومرام دحين غشيتو السيسبانه...الكمبو ...والله فيهو جنس مريسه تدي ربك العجب ...والشيه ليها عطرابه..لكن فادي بكون من الكبري وعلي الجامع....لكن أأأبوي تعال لينا وأنا هناك عشان ألففك اللفه الماخمج....أرقد أأأعيش....

ود الماحي

[أبوبكرحامد]

والله ياجيمى عينى باردة ، يادوبك يومين والأسئلة زى المطر ، اها بندور نعرف ولدوك متين ، عارفين الزمن داك ماكان فى شهادات ميلاد ، بس ورينى ياتو سنة - وبندور الصورة تكون حديثة عشان نسوى ليك شهادة تسنين ، وبندور نعرف مراحلك الدراسية من زمن الشهادة بى نظام الرقع - ودى تشرحا للجنيات عشان اعرفو تاريخنا ، اها بجيك صادى عشان الدكان خليتو فاتح - ود الصول حالف ما اقعد فى الدكان

[امير عبدالباقي]

العزيز ود الماحي لك كل الود وانت علي هذا الكرسي فعلا كنت فارسا جسورا في ردك وانت تمتطي الحمار الابيض
سوالي شكلك كده درست زراعه الوداك للرياضيات شنو
ماذا تعني لك هذه المدن الحصاحيصا
رفاعه
صمنع الجنيد ؛ مدني
البنطون
المشروع
هل تعرف هذا الاسم (محمد العباس الخضر)
ولنا عوده

[سوار الياسمين]

عمنا الكبير ودالماحي (تقديرا وليس تكبيراً)

منور العنقريب الساخن (الكرسي سابقاً) ومنور المنتدى كله

أمانة ناس مدني ما لقو ليهم صيدة وأي صيدة صيدة بمرتبت وزييييييييييييييييييييير ونصيحة مني كلم أم العيال (يديها العافية تعلق ليك خرزة ( خرزة شنو والله مع العيون الكثيرة ده عايز ليك سبحة عديييييييل ) تكفيك من العين (عاد جنس عيون حتطقشك يا ود الماحي أرجاها ساااااااااااي عاد)

وبريد أسألك س}الين خفاف يعني بعد إذنك

هي ما حسادة ...... :eek: لكن الراس القريت بيهو الحاجات الكثيييييييييرة ده جبتو من وين )؟؟؟

وثاني سؤال بعد ما يدعمك ناس المنتدى عشان تبقى لينا وزير أي وزارة تحب ترأس ؟ ولماذا ؟؟

والسؤال الأخير أذكر لينا أفراد عائلتك ( الأبناء ) وأعمارهم وربنا يخليهم ليك


ويخلي ليك السكرة بتاعتك وما أوصيك عليها عشان انا وحيدة زيها دلعها لأنو البت :p حبيبة أبوها

[zoolfrda]

عاد يا سامبااا كرسيك ده ما جيااااااااب

أبشوارب مش ندك الكوشتينه وبس ...نشرّطا ونشتري كشتينه لبنانيه حتي دامت الاسود والشيريه عيونم خدر....أنا غايتو بتباخت بي دامت الهارت...هي بت الهارت دي أبوها عجرم برضو أأأبشوارب....

ود الماحي

آها يا بووي شن قولك في الكلام ده

وعندي ليك رجعه قويه بس انكمل الأقاشي ده

[الجندي المجهول]

والله يا ودالماحي دا الاتوقعتوا بس خذلتني فيمخل الاقامة بالجد كنت خاتيها يا هولندا او النرويج وجاني احساس انك بعيدشديد من السودان وكلامك وتعليقاتك ما تعليق زول قاعد في الخليج واهو ما فاتت حاجة اوروبا بنت عم امريكا وربنا ينعم عليك بالصحة والعافية لكن سفتك مبالغة " وسوال فني هناك في امريكا دي يا اااخوووي التمباك دا بتلقاهو وين وممنوع ولا ساكت القصة فاكة والكيس بيكم دولار لانو عندي شوال عطرون امن استفيد منو آآآخويولا رايك شنو

[امل حياتى]

معقول يا سامبا تقعد والد الماحى فى الكرسى وبدون ما تكلمنى ايه الفوضلى دى يا سامبا وبعدين ود الماحى لقى راحته وينو
الكرسى الساخن ده بصراحة مش كرسى ساخن دى كوشه بتاعت عرس لانه لاقى الرطوبه يلا عايزين تسخين شويه هههههههههه

[Jamal Elmahi]

يا جمال جيتك..
أنا أبضراع أنا أبسكين..
أنا الخواجة شايل اللبادة..
أنا التتر أبو عجاجة..
البقبض الجرادة بالجبادة..
وبخاف من ضبح الجدادة..

جيتك بسيوفي وسكاكيني..
قاعد ليك ومتحكر في الواطة..

تعال يا أخوي النسعلك سعال..

اللي ما يعرف جمال إنو الزول دا بحب الشعر الحلمنتيشي..
ومرات بينظم أبيات حملنتيشية ظريفة جدا.. حسب المزاج..

يا ريت تحكي لينا عن علاقتك بالشعر الحلمنتيشي.. ونوادر أيام الدراسة الجامعية..

أصبر لي..بجيك صادي.. لما تجاوب على السعالين.


الحلمنتيش وما أدراك ما الحلمنتيش
ناس يقولو شعر دريش...
وناس قالو ذيّو مافيش...
ونحن معاهو للطيش...

الشعر الحلمنتيشي وليد اللحظه ..بالظبط ذي ما حاصل في بوست أبراهيم خبريني يا سكينه في المنتدي الثقافي...بداها أبراهيم وتعال شوف الحلمنتيش رقد هبطرش..
في فترة الجامعة كان عندي قصائد كتيره لكن ما كنته بكتبا وما زلته حافط بعض منها ..حا أنزلو لاول مره في منتدانا دا ..لو لقيت الوقت ودكان ود الصول فكاني ...أصلي بحب الونسه والدردشه والضحك ودا المصبرنا علي الغربه...
وأول قصيده حلمنتيشيه ...أول محاوله كانت بعنوان ....بتقحّي....واليك بعض ما أذكره منها...

بتقحّي وبرضو تقولي عشراقه...
يا أمحليقيماَ رقيّق سنقاقه...
تخليني تمسكني أم هلا هلا وأحلب الناقه...
قحي انتي وبتوّع ليك أنا
وتوعي أنتي وعوع بطرش أنا
ولو طلعت كتكوته بتكرتن ليك أنا...
أنتي يام كتكوته ويا طعم الملوته
يا قرصة المارقوته ويا نعجة الببت المربوطه..
شلاليفك طراريم الخلا المخلوته
وشّك كمونيه ما مخروته
وكرعينك سرابه معوّجه ومحروته...
وتوعي أنتي وبرضو بطرش ليك أنا....

ود الماحي

[bakri]

حباب اهل الدرقه والسيف

حباب البكرمو الضيف

كلمنا عن

حلم يراودك فى اليقظه والاحلام؟

ايام لايمكن نسيانها ؟

[خالد هاشم علي]

العزومة فاتتكم والله ياشباب... ابو شوارب وعماد الصادق والآدمن ... كانت لمة حلوة والولية ام هاشم ظبطت لينا كبدة ابل ماخمج وأسالوا صالح ابو شوارب( عشان ماتقولوا مرتي حنكوشة وده بس عشان تأأأأأأأأمنوا). وحاولنا ندخل عليك بي كم سؤال ياود الماحي لكن الونسة شغلتنا شوية وقلنا فرصة جية عمنا صالح لي جدة دي مابتتعوض.

أها سؤالي ليك ياود الماحي... كتير سمعنا بالشخصية الفذة شخصية شيخ شيوخ البطانة ( الشيخ عوض الكريم ابو سن) فياريت تحدثتنا عنه وعن القبائل التي تسكن البطانة والعلاقة بينهم ومنطقة حدود البطانة الفعلية ( يعني تمتد من وين ولي وين) وبالمناسبة أنا من مواليد تمبول يعني من مواليد البطانة( أصلي ) لانو والدي كان مهندس قسم تمبول وكنا بنجي مصنع الجنيد طوالي ( الله عليك يازمن).
سمعت كتير عن ظاهرة الهمباتة فمن الناس من يمجدهم ومنهم من يعتبرهم عصابات فياريت تورينا الهمباتة ديل شنو؟؟؟؟؟؟؟؟؟

[DANY]

ياعم ود الماحى ممكن تعرس لى بنتك 00والله اسكنها ليك فى الشكابه واكلها الوياكاب0اخليها ليك تنسى امريكا 0
ر

[ابراهيم]

ود الماحي ..
سلامات يا راجل يا طيب القلب

وليك وحشة وآسفين للتأخر عليك في العنقريب وسط الهمبريب لبعض المشاغل
ها يا زول ها انت راجل موسوعة ومتلبد لينا ورا كلام اهل العوض ساااااااااااااااااااكت
اتاريك شبعان رياضيات وتكنولوجيا
ماشاء الله عيني باردة عليك
وربنا يزيد ويبارك

دحين ما عندي اسئلة جاهزة لكني حاسأل لي سؤالين صغيرين كدة وبجيك صادي تاني


* كيف جمعت بين الزراعة والرياضيات والشبكات؟

* علم الرياضيات في المجتمعات يأخذ اهميته النسبيه من مجتمع لاخر تبعاً لتقدم هذه المجتمعات .. في رأيك هل المنهج الذي يدرس في السودان وطرق تدريس العلوم الرياضية تنسجم مع مجتمعنا ..

* لماذا اختر علم الفيروسات دون غيره من حقول الهندسة الزراعية؟

* ماذا اضافت ليك شهادة الزمالة الـCCNA من سسكو
وهل عملت في مجال الشبكات؟

* ود الماحي مبدع ويكتب الشعر الحلمنتيشي .. هل لك كتابات أدبية اخرى ؟

* هناك اقبال كثير على الزواج من قبل الاعضاء فرأينا ان نرشح بالنسبة والتناسب أكثر عضو وعضوة متوافقين لعقد قرانهم الشهر القادم فمن يا ترى تختار من الاعضاء كبداية لهذا البرنامج؟

* رايك شنو في البوتقة التعجبية وما هي آثارها الطبوغرافية على منتديات ود مدني؟


ابقى عافية بمشى وبجيك صادي

[مهيرة]

مرحب بيك سامبا...وأرحب بكل أهلي وأحبائي في المنتدي ...,وأحب أن أشيد بالمنتدي أداره ومشرفين وأعضاء...وحقيقة أصبحت تربطني بالمنتدي صلة رحم قويه ومتينه وربنا يدوّم المحبه والمحنّه والود بيناتنا...
البنبر يعاين لي وأنا أعاين ليهو...هو أبسم لي وأنا أكشّر ليهو ...ومادام هو وسيلة تواصل وتعارف فخلوني أتوهّط ليكم فيهو والزارعا الله في الحجر بتقوم....

...لكن برضو مازلنا عرب بطانه متمسكين بعاداتنا وتقاليدنا مع أنو الاولاد أتحنكشو شويه وغايتو الله يكضّب الشينه...
الحاله الاجتماعيه : متزوج والحمد لله من بت القبايل والاصول الهديّه ورضيّه سنيه محمد البدوي ...قريبتي وجدّها برضو شيخ الجنيد عشان كدا مستحملاني ومكطعا في مصارينا والله يكون في عونا....
....


:D :D

والله ياود الماحي منور كتير كتير
يخليك ويخلي اولادك يا ود الجنيد
طبعا انت كنت في زيارة معنا قي سلطنة عمان ( مع اهلك الجنيدين )
رايك شنو في البلد والنادي السوداني واكتر حاجة عجبتك ..
أكيد أكلت المفروك والويكاب

لهجة البطانة والكلام السمح ولهيج السوداني الأصيل ..
وأمريكا بكل هذا الرونق والجمال والمساحة والطبيعة التي تفوق البطانة
بمراعيها وسهولها وجبالها ..
من غير رعاة البقر فيها :
هل هناك هجعات شعبية تذكرهم بالماضي مثل الدوبيت عندنا ؟؟
بعيدا عن الدمار الذي لا يعلم عنه ثلاثة ارباع الشعب الامريكي
وانا عارفه ناسا كلهم لحم راس !

[خالد حمد موسى]

العزيز الغالي ودالماحي

اولاً ليك خالص التحايا ولكل الاسرة الكريمة

وان شاءالله العنقريب يكون برداً وسلاماً عليك

بالنسبة للاسئلة مافي شي جاهز لكن دي ليك اسئلة

صغيرة بما انك من الجنيد طبعا الجنيد اناعشته فيها فترة ولن انساها ابداً

سؤالي ليك :- اولاً انت من وين في الجنيد

من البويضاء ولا وداالسيد ولا الكديوه ولا ديم الياس

ولا من الجنيد البياره.

وماذا يعني لك حي ابنوره وماذا تعني لك البركس

وكمان عندي بعض الشخصيات كانت في ادارة مصنع سكر الجنيد

منهم العم احمد عبدالغني اذا سبق ليك بمعرفته ومن ابنائه عادل

اذا تزكر الكلام دة ,, اكان ماتكون الغربة مسحت العندك

ولك مني خالص التحايا . وراجع ليك ان شاءالله .

[zukibush]

حباب منوما...الدابا قايما من نوما..
حباب منوما الفي البنات كبيركوما
حباب ست البنات الراسيه ما ملخوما...

ورداَ علي سؤالك نبذه صغيره عني....وكمواصله للبطاقه الشخصيه....

ألعمل: أعمل أستاذاَ بكلية ساي فير بهيوستن -أمريكا..وأقوم بتدريس مادة الرياضيات.. Cy-Fair College-Houston
بعد تخرجي من الجامعه عملت بشركة الكايد أخوان بالسعوديه وتدرجت من مدير مشروع حتي أصبحت مدير عام المتابعه والتنفيذ لكل مشاريع الشركه...في أثناء تحضيري للماجستير عملته بالتدريس في جامعة الجرطوم وبعد الماجستير أستاذاّ بجامعة كردفان....
التعليم: حالياَ أحضر في دكتوراه في جامعة فينيكس بأريزونا
ماجستيرالعلوم الزراعيه في علم الفيروسات - جامعة الجرطوم- Virology
بكالريوس العلوم الزراعيه في أمرض النباتات Plant Pathology
شهادة تأهيل المعلمين لتدريس الرياضيات بكلية ساي فير بهيوستن Teacher Certification-Mathematics-Cy-College-Houston
شهادة التدريب لتدريس اللغه الانجليزيه -جامعة كامبريدج -لندن -ساي فير (Certificate of English Language Training (CELTA
شهادة شبكة سيسكو -معهد برايت للتكنولوجيا بهيوستن Cisco Certified Network Associate(CCNA) Brite Institute of Technology
نشفتو ريقي دا بنبر دا ولاّ محكمه...ذكرتوني سعال نكير...من ربك ....ما دينك...
بديها زوغه وبجيكم صاد ..النشوف اٍّخرتكم شنو....
ود الماحي
ود الماحى أبوى اريتك بعافيه ازيك ود امى العنقريب سخن بيك ولدى أحيا عليك ود امى

[Jamal Elmahi]

يا شباب نأسف لانقطاع التيار الكهربائي ..أقصد الارسال...
خميسنا وجمعتنا سبت وأحد...والزيارات والاجتماعيات...ديك ولدت وداك عندو سمايه..وداك في المستشفي وديك قايم عليها الضرس...
والله يعظّم الاجر....أها جيتكم ...نحن كنا واقفين وين؟؟؟؟

ود الماحي

[Jamal Elmahi]

http://9q9q.com/May/1148064930.bmp (http://9q9q.com/)

عمنا / ودالماحي
طبعا ده العنقريب عشان تاخد راحتك تمام عشان قعدتك حتطول معانا شوية كده
وبكرة كمان بنجيب ليك دولاب عشان العراريك والجلاليب بتاعتك
الجندي المجهول مشى باب شريف مخصوص عشانك وقطع طاقة دمور كاملة يا أأأأبوي
اها بعد ده صنقر وما تشيل هم تب
كمان شايف البنية امورة خطفوها قبال نقول كلمتنا
وشوف عيني السيرة إتحركت من أديس أبابا
وانا جاييييييييك تب وده كلو ترحيب
أمسك الخشب وخليك جاااااااهز ..
:)

سامبا أأابوي حساب ولاّ كوار؟؟؟
قلتو اسبوع وقلنا حبابكم وهسع أنا الباقي لي تلاته يوم....الحساب ولد أأأبوي...دحين بدل الدولاب جيب لي علوق لي حمارتي ...
وبعدين أأأبوي أنتا القدام العنقريب دي تبروقه ولاّ كسيده...؟؟؟ والتانيه أأأبوي الدمور البلبسو ليكم منو في الحر دا ؟؟؟ غايتو ألاّ كان أسويو بردعه ..علا بلبس عراريق الساكوبيس ...خفاف لا بغلتن عليك ولا بوسخن كرعيك...

ود الماحي

[Jamal Elmahi]

والله ياجيمى عينى باردة ، يادوبك يومين والأسئلة زى المطر ، اها بندور نعرف ولدوك متين ، عارفين الزمن داك ماكان فى شهادات ميلاد ، بس ورينى ياتو سنة - وبندور الصورة تكون حديثة عشان نسوى ليك شهادة تسنين ، وبندور نعرف مراحلك الدراسية من زمن الشهادة بى نظام الرقع - ودى تشرحا للجنيات عشان اعرفو تاريخنا ، اها بجيك صادى عشان الدكان خليتو فاتح - ود الصول حالف ما اقعد فى الدكان

ولدوك متين دي أأاود المأذون غايتو ربنا العليم لكن الحاجه الله يطوّل في عمرها قالت لي ولدوك سنة البحر طمح وصل بيوت ناس محومد ود الخدر ويا ها ذاتا السنه العرسو فيها بتول بت فكي علي...أها وأنتا أحسبا أأأالنجيّض....ولاّ أقولك يا ها دي صورة جديده لنج أنت سنني علاّ ما تفوتني الاتنين وتلاتين ...أصلو الدنيا دي يا داب ما ولّفنا عليها...ألله يخربا أم بناين قش....
الرقع أأأزول هسع دا وكتن!!! ؟؟
نحن كنا أول دفعه طبقوا فينا الثانوي العام ...والرقع وقفت بعد داك بي سنه ولاّ سنتين ...لكن علي الطلاق أنا ما رقعته...والجديد شديد

[Jamal Elmahi]

العزيز ود الماحي لك كل الود وانت علي هذا الكرسي فعلا كنت فارسا جسورا في ردك وانت تمتطي الحمار الابيض
سوالي شكلك كده درست زراعه الوداك للرياضيات شنو
ماذا تعني لك هذه المدن الحصاحيصا
رفاعه
صمنع الجنيد ؛ مدني
البنطون
المشروع
هل تعرف هذا الاسم (محمد العباس الخضر)
ولنا عوده

مرحب حباب أمير الامراء...
أبدأ ليك من ألاخر لاهمية الاستاذ والمربي الجليل الخال محمد العباس الخضرعليه رحمة الله...وهي داب معرفه أأأبوي ..انها علاقة دم بالاضافه لانه رمز من رموز الجنيد الحله...
الرياضيات هوايه اضافةَ للنقص في معلمي الرياضيات بامريكا وسهولة تدريسا والتحضير لها...
الحصاحيصا ...بها بعض أقاربي...ولي بها أجمل الزكريات..وبالمناسبه عمي كان ماسك تعهدات المطاعم بمصنع الصداقه وكنت أعمل معهم في الاجازات أيام الثانوي والجامعة وكنته أحرف جرسون...
رفاعه...ألا ليت الشباب يعود يوماَ...درسته بها الثانوي العام والعالي ...رفاعه الحكوميه ...ورانا طوالي مدرسة أمل المجتبي العامه للبنات فكنا بنقرأ سطر ونفط سطرين....
مصنع الجنيد...تزوجت فيه المدام وكانت به أجمل أيام حياتي ...
مدني ...الله فوق مدني ...البندر...الحضاره والرقي...وبالمناسيه جدي الاستاذ بابكر الجنيد كان كبير المشرفين التربويين في مدني وكان ساكن مربع واحد وكنت بقضي معاهم بعض الاجازات...
البنطون...حلقة الوصل بين أهلي أهل العوض والبندر...
المشروع...مشروع السكر...أول معلقة سكر تنكب في السودان بس نسو يسوطوهو...
ويأتي دوري لاسألك عن علاقتك بالاستاذ محمد العباس الخضر؟؟؟

ود الماحي

[Jamal Elmahi]

عمنا الكبير ودالماحي (تقديرا وليس تكبيراً)

منور العنقريب الساخن (الكرسي سابقاً) ومنور المنتدى كله

أمانة ناس مدني ما لقو ليهم صيدة وأي صيدة صيدة بمرتبت وزييييييييييييييييييييير ونصيحة مني كلم أم العيال (يديها العافية تعلق ليك خرزة ( خرزة شنو والله مع العيون الكثيرة ده عايز ليك سبحة عديييييييل ) تكفيك من العين (عاد جنس عيون حتطقشك يا ود الماحي أرجاها ساااااااااااي عاد)

وبريد أسألك س}الين خفاف يعني بعد إذنك

هي ما حسادة ...... :eek: لكن الراس القريت بيهو الحاجات الكثيييييييييرة ده جبتو من وين )؟؟؟

وثاني سؤال بعد ما يدعمك ناس المنتدى عشان تبقى لينا وزير أي وزارة تحب ترأس ؟ ولماذا ؟؟

والسؤال الأخير أذكر لينا أفراد عائلتك ( الأبناء ) وأعمارهم وربنا يخليهم ليك

ويخلي ليك السكرة بتاعتك وما أوصيك عليها عشان انا وحيدة زيها دلعها لأنو البت :p حبيبة أبوها

حباب بت أخوي ..حباب عروسة المنتدي...حباب سوار الياسمين ...حباب هبه...
كان أنتي نسيتي أنا ما نسيت...طالبك جلابيتين وعراقيين...أشيل وأسعل منك...ولما طولتي الغيبه قلته ياربي البنيّه عرسوها وطارن علي العراريق ولاّ شنو...؟؟؟

أما عن الراس القريت بيهو الحاجات دي....الكلام أأأبتي ما علي الراس ...الكلام علي التمباك البعدل الراس...القرايه يا ست البنات في البلد دي أجمل حاجه والدايرو بتقراو..والحشاش يملا شبكتو...
أما الوزاره ...الطاقه ...بترول ساي...فكّه تمام...كنجالات تقيله ...أقح منها لوزير المواصلات ووزير التشييد لعمل أحدث شبكة طرق تربط البلد ببعضها لتسهيل اندماج المواطنين ببعضهم واذابة العنصريه والقبليه..وبالتالي التخلص من المشاكل والحروب وكل ما من شأنه جر عجلة التنميه للوراء...
رصد ميزانيه تقيله لتطوير التعليم والنهوض به لمواكبة العصر وسد أحتياجات البلد....
ألابناء...محمد 17 سنه دخل الجامعه السنه دي وحفلة تخريجو من الثانوي يوم السبت 27 مايو ودي بمثابة دعوه للحضور...
أحمد 14 سنه ...الماحي 12 سنه سميتو علي أبوي رحمه الله...عمر الغلباوي 8 سنوات...
البت حبيبة أبوها فعلاّ...ونحن ما بنتفارق وما فاضل لي ألا أشغلا معاي...وأياك أعني وأسمعي يا جاره....

ود الماحي

[Jamal Elmahi]

عاد يا سامبااا كرسيك ده ما جيااااااااب

أبشوارب مش ندك الكوشتينه وبس ...نشرّطا ونشتري كشتينه لبنانيه حتي دامت الاسود والشيريه عيونم خدر....أنا غايتو بتباخت بي دامت الهارت...هي بت الهارت دي أبوها عجرم برضو أأأبشوارب....

ود الماحي

آها يا بووي شن قولك في الكلام ده

وعندي ليك رجعه قويه بس انكمل الأقاشي ده

شكيت محنك أأأفرده...هأأأزول الونسه الدقاقه هولة دكان ود الصول الجابا حايمه بي جاي شنو...حكمتو بالغه ...غايتو الحكومه دي ما فضل ليها غير الروح....دحين أأأبوي تعال لي في دكان ودالصول تجر معاي العنقريب علي ضل الضحا ونفتو سوي ...باقي هنا الحيطان قالو اضنينا مكرفونات بس...

ود الماحي

[Jamal Elmahi]

والله يا ودالماحي دا الاتوقعتوا بس خذلتني فيمخل الاقامة بالجد كنت خاتيها يا هولندا او النرويج وجاني احساس انك بعيدشديد من السودان وكلامك وتعليقاتك ما تعليق زول قاعد في الخليج واهو ما فاتت حاجة اوروبا بنت عم امريكا وربنا ينعم عليك بالصحة والعافية لكن سفتك مبالغة " وسوال فني هناك في امريكا دي يا اااخوووي التمباك دا بتلقاهو وين وممنوع ولا ساكت القصة فاكة والكيس بيكم دولار لانو عندي شوال عطرون امن استفيد منو آآآخويولا رايك شنو
شوال عطرونك دا عندي فيهو التلت...
التمباك حامدنو وشاكرنو راقد هنا...وبالمناسبه الخواجات عندهم تمباك حقهم وبسفو بي بناتم ...وحتي في الدول الاوربيه عندهم عماري ساموطي وأقوي تمباك قالو السويدي..سفه واحده تخليك لافي سورو...والبنات السويديات تلقي الواحده ذي النجفه ومكرضما سفتا بزاويه 45 درجه..وطبعا في مفهوم انو السودانيين هم الشعب الوحيد البسف...لكن التمباك ظاهره عالميه وموجود في معظم دول العالم مع أختلاف بسيط في التركيب...يعني شايلين حال السودانيين بس...

ود الماحي

[Jamal Elmahi]

معقول يا سامبا تقعد والد الماحى فى الكرسى وبدون ما تكلمنى ايه الفوضلى دى يا سامبا وبعدين ود الماحى لقى راحته وينو
الكرسى الساخن ده بصراحة مش كرسى ساخن دى كوشه بتاعت عرس لانه لاقى الرطوبه يلا عايزين تسخين شويه هههههههههه

حباب أمل حياتي ...
من ألله ما خلقني ما شفته لي كوشة عرس بلا عروس...دحين أأبوي جيب لي العروس وتعال ينوبك ثواب...أهو نكون طلعنا من شيتكم دا بي فايده...وما تقول لي حلم الشبعان بستي كولا....

ود الماحي

[mnoma]

من تراب أرض البطانة جيت تجر النم
جئت كنسمة دعـــاش...
كلامك كمطــــر الرشاش الــــرش في أرض البطانة الهشة

يسعد صباحك ومساءك يا ود المـــاحي
المرة دى جيتك راجعة بي جبنتي وبخور تيماني كمااان
وفي ونستنا اللذيذة دى عاوزاك تكلمنا شوية عن العاب الشفع في البطانة ايامك ناس شليل وينو ... وغيرها
وكلمنا كمان عن الحاردلو و اشعارو ... وكلمنا عن مجادعات الدوبيت

وأكيد كلنا في المنتدى أذان صاغية

مع احترامي
:)

[Jamal Elmahi]

حباب اهل الدرقه والسيف

حباب البكرمو الضيف
كلمنا عن

حلم يراودك فى اليقظه والاحلام؟

ايام لايمكن نسيانها ؟

مرحب حباب بكري ...تعرف يا بكري ليك معزّه خاصه لانو أخوي الوحيد أسمو بكري....وفيك ريحة الاهل...
حلم يراودني ...اني أشوف أولادي مرتبطين باهلم وبي البلد ومشبعين بعاداتنا وتقاليدنا وكل مناي أنو يتزوجو سودانيات لربطهم أكتر...وأن شاء الله ما أكون سبب في أني فصليهم من مجتمعنا السوداني....ودعواتكم معاي...
أيام لايمكن نسيانها...كل لحظه بين أحضان أسرتي لها طعمها ونكهتها الخاصه....

ود الماحي

[Jamal Elmahi]

العزومة فاتتكم والله ياشباب... ابو شوارب وعماد الصادق والآدمن ... كانت لمة حلوة والولية ام هاشم ظبطت لينا كبدة ابل ماخمج وأسالوا صالح ابو شوارب( عشان ماتقولوا مرتي حنكوشة وده بس عشان تأأأأأأأأمنوا). وحاولنا ندخل عليك بي كم سؤال ياود الماحي لكن الونسة شغلتنا شوية وقلنا فرصة جية عمنا صالح لي جدة دي مابتتعوض.

أها سؤالي ليك ياود الماحي... كتير سمعنا بالشخصية الفذة شخصية شيخ شيوخ البطانة ( الشيخ عوض الكريم ابو سن) فياريت تحدثتنا عنه وعن القبائل التي تسكن البطانة والعلاقة بينهم ومنطقة حدود البطانة الفعلية ( يعني تمتد من وين ولي وين) وبالمناسبة أنا من مواليد تمبول يعني من مواليد البطانة( أصلي ) لانو والدي كان مهندس قسم تمبول وكنا بنجي مصنع الجنيد طوالي ( الله عليك يازمن).
سمعت كتير عن ظاهرة الهمباتة فمن الناس من يمجدهم ومنهم من يعتبرهم عصابات فياريت تورينا الهمباتة ديل شنو؟؟؟؟؟؟؟؟؟

حباب ود هاشم ...حباب أهلي...
نحن عزومتنا أأأبوي ترجعوا لينا الغاليين...أبوروان ...ياسر..فردتي عمده ودالصادق..وكل من غاب عنا كان حردان أو كجار...وأم هاشم عداها العيب والله تمبول كلها تكفيها ليك كبدة أبل...وأبشوارب الله يديهو العافيه الكاكاويه كاسره فيهو ضلعه والضلعه ضغطت علي الكلوه هردتا ليو مرّه واحده....عشان تاني ما يمشي يزازي بالفريق...

شيخ البطانه عوض الكريم أبو سن غني عن التعريف ..فهو فحل من فحول البطانه ومن شعرائها...
أكبر قبائل البطانه هم الشكريه...وأطلق لفظ عموم الشكريه علي نظارة الشكريه لضمها قبيلة الشكريه وقبائل أخري كاللحويين والبطاحين والجعليين والجموعيه وغيرها من القبائل الاخري كالحلاوين ومعظمهم غرب النيل منطقة الحلاوين ناس ود حبوبه..
أما حدود البطانه الجغرافيه بصوره تقريبيه شمالاَ تحد بنهر عطبره وشرقاَ حلفا وخشم القربه والجنوب الشرقي منطقة القضارق وقندر أي حدود السودان مع الحبشه ...من جهة الجنوب مشروع الرهد الزراعي علي الرغم من أنه اخذ بعض من أراضي البطانه....وغرباَ النيل الازرق....
الهمباته...هم فرسان وفحول بمفهوم تلك الفتره لانو كان بقلعوا من الغني وبدو الفقير...يعني ما بسرقو انما قلع رجاله وحمرة عين..وأذكر عندنا قريبنا همباتي بعد ما ربنا تاب عليهو قال كان عندو صاحبو موظف تعبان وغلبان وما قادر يتزوج ...فلما سألو المانعك شنو ؟؟؟ قال ليهو والله حق الدعوه ما عندي ...قال ليهو ها أأأزول الدعوه كلها تور ولاّ خمسه خرفان....فرد عريس الهنا انا أأزول حق خروف واحد ماعندي تقول لي خمسه...الهمباتي قال ليهو كان كدي علي الطلاق عرسك الجمعه الجايه واعزم الناس أأزول...قال سقناهو يوم الاتنين ودقشنا البطانه ...وقفنا في أحسن مراح وسيدو يعاين قلته للعريس بكفنّك كم أأزول ..قال خمسه ...رفعنا خمسه وقلنا لي سيد المراح اتا ولاّ الخرفان ..قال الخرفان ...أتحركنا بالعربيه شويه والعريس راكب مع خرفانو...قال دق العربيه أقبفو أأأناس أقيفو ...قال وقفنا ...مالك أأألعريس ...قال ليهم ما نسينا خروف الحلاله.....ودا نموذج من الهمبته....علي الرغم من تعدد اشكالا...

ود الماحي

[خالد هاشم علي]

ود الماحي ..
سلامات يا راجل يا طيب القلب

وليك وحشة وآسفين للتأخر عليك في العنقريب وسط الهمبريب لبعض المشاغل
ها يا زول ها انت راجل موسوعة ومتلبد لينا ورا كلام اهل العوض ساااااااااااااااااااكت
اتاريك شبعان رياضيات وتكنولوجيا
ماشاء الله عيني باردة عليك
وربنا يزيد ويبارك

دحين ما عندي اسئلة جاهزة لكني حاسأل لي سؤالين صغيرين كدة وبجيك صادي تاني


* كيف جمعت بين الزراعة والرياضيات والشبكات؟

* علم الرياضيات في المجتمعات يأخذ اهميته النسبيه من مجتمع لاخر تبعاً لتقدم هذه المجتمعات .. في رأيك هل المنهج الذي يدرس في السودان وطرق تدريس العلوم الرياضية تنسجم مع مجتمعنا ..

* لماذا اختر علم الفيروسات دون غيره من حقول الهندسة الزراعية؟

* ماذا اضافت ليك شهادة الزمالة الـCCNA من سسكو
وهل عملت في مجال الشبكات؟

* ود الماحي مبدع ويكتب الشعر الحلمنتيشي .. هل لك كتابات أدبية اخرى ؟

* هناك اقبال كثير على الزواج من قبل الاعضاء فرأينا ان نرشح بالنسبة والتناسب أكثر عضو وعضوة متوافقين لعقد قرانهم الشهر القادم فمن يا ترى تختار من الاعضاء كبداية لهذا البرنامج؟

* رايك شنو في البوتقة التعجبية وما هي آثارها الطبوغرافية على منتديات ود مدني؟


ابقى عافية بمشى وبجيك صادي

عليك الله ياود الماحي شفت جنس الجنا االي إسمو برهوته ده؟؟؟؟ حالتو قال ليك ماعندي أسئلة بس عندي سؤالين صغنونيين !!!!!!!!!!! هسة في ذمتك ديل سؤالين يابرهوتة؟؟؟؟ أكان كده أسال أسئلتك الكبيرة والصغنونة وديها لي غادي ( علي وزن كان كده إتعشي عندنا وقزقز بره)

[صالح ابوشوارب]

مرحب بيك يا غالى
والله من سافرت شاغل بالى
وفرحان جابوك وانا عارفك ما بتبالى
بس كنت في جدة مع خالد هاشم التربالى
انشاء الله تزور جدة وتشوف الكبده الفى بالى
ام هاشم ظبطت الصفرة ياريت انت والخواجة الغالى
لكن راجعين

[Jamal Elmahi]

ياعم ود الماحى ممكن تعرس لى بنتك 00والله اسكنها ليك فى الشكابه واكلها الوياكاب0اخليها ليك تنسى امريكا 0
ر

مرحب حباب DANY خلاس أأأبوي رسل قولة خير وانتظرو موية رمضان...

ود الماحي

[سوار الياسمين]

عمنا ود الماحي

ربنا يخلي ليك اولادك وتشوفهم يا يمة ناجحين فالحين

وبعدين انت نازل السودان بتين عشان انت كشفتى حالي في المنتدى

خليني اخلص واديك الجلابتين والعراقيين ولا رايك شنو

ارسلو ليك بي ارامكس او فيدكس

عشان كشف الحال ده ما ليهو داعي

وفوق ليهو جلابية صغيرونة لعموري وتوب صغيروني لسكر الجنيد وسكر المنتدى

ده امانة يعني ما تمشي تبيعها

[Jamal Elmahi]

ود الماحي ..
سلامات يا راجل يا طيب القلب

وليك وحشة وآسفين للتأخر عليك في العنقريب وسط الهمبريب لبعض المشاغل
ها يا زول ها انت راجل موسوعة ومتلبد لينا ورا كلام اهل العوض ساااااااااااااااااااكت
اتاريك شبعان رياضيات وتكنولوجيا
ماشاء الله عيني باردة عليك
وربنا يزيد ويبارك

دحين ما عندي اسئلة جاهزة لكني حاسأل لي سؤالين صغيرين كدة وبجيك صادي تاني


* كيف جمعت بين الزراعة والرياضيات والشبكات؟

* علم الرياضيات في المجتمعات يأخذ اهميته النسبيه من مجتمع لاخر تبعاً لتقدم هذه المجتمعات .. في رأيك هل المنهج الذي يدرس في السودان وطرق تدريس العلوم الرياضية تنسجم مع مجتمعنا ..

* لماذا اختر علم الفيروسات دون غيره من حقول الهندسة الزراعية؟

* ماذا اضافت ليك شهادة الزمالة الـCCNA من سسكو
وهل عملت في مجال الشبكات؟

* ود الماحي مبدع ويكتب الشعر الحلمنتيشي .. هل لك كتابات أدبية اخرى ؟

* هناك اقبال كثير على الزواج من قبل الاعضاء فرأينا ان نرشح بالنسبة والتناسب أكثر عضو وعضوة متوافقين لعقد قرانهم الشهر القادم فمن يا ترى تختار من الاعضاء كبداية لهذا البرنامج؟

* رايك شنو في البوتقة التعجبية وما هي آثارها الطبوغرافية على منتديات ود مدني؟


ابقى عافية بمشى وبجيك صادي

غايتو يا أبراهوهه دا شيتاَ أصلو ما شفنا
لا في الترعه لا في النيل
دا ما قدر الله جانا عديل ...
وبرضو جاي صاد يابوخليل...
مرحب بيك أخوي وحبابك ألف....
كيف جمعته بين الزراعه والشبكات والرياضيات ...قسمتي أأأبوي ...الزراعه عشان مشروع الجنيد كل الاماني وقتيها كان تبقي مفتش زراعي أو مهندس زراعي وزيتنا في بيتنا...الشبكات عملته شهادتا زمن التكنولوجيا بي خيرا وسيسكو في السماء...الرياضيات لنقص معلمي الرياضيات في أمريكا والوظائف علي قفا من يشيل اضافة لحبي للرياضيات...وسهولة تدريسا...
علم الرياضيات تطور مع التكنولوجيا ..وبالذات في أمريكا داخل في علم الفلك (ناسا) في الهندسه في الطب وكلو وايضاَ في السودان داخل في معظم التخصصات والمجالات...
علم الفيروسات كان علم جديد والجديد شديد...بالاضافه لانو العالم الميكروسكوبي عالم عجيب وحكمة الله مشابه لعالمنا...
شهادة سيسكوCisco عرفت بيها طريقة عمل ونوع الشبكات والراوترز والسيرفرز الخ.... ثقافه تكنولوجيه...ولم أعمل في هذا المجال...
كتبته كتير من القطع النثريه ولم احتفط بما كتبت فلقد كنت هاوي...
بالنسبه لعرس شباب المنتدي أنا بصراحه ما عارف المتزوجه من الغير متزوجه ...بس عارف بت أخوي عروسة المنتدي خفيفة الروح والظل سوار الياسمين...وحأختار ليها أكتر شاب مهذب ودمو خفيف ويقدر يشيلا لينا في عيونو...وهي تأشر بس وجاهزين للصفاح...يا ولد جيب العمّه....
سعالك الاخير بتاع البوتقه والطبقرافيه كان فهمتو أطير وأقع في البير...وشيشك علينا يا برهومه...رفقاَ بالباب يا أحباب...

ود الماحي

[Jamal Elmahi]

سكر الجنبد

[Jamal Elmahi]

سكر الجنيد

[DANY]

بس يا عمنا دايرين نشوف صورتك 00عليك الله كان ماختيتها

[خالد حمد موسى]

سلامات ياودالماحي

الحكاية شنو ياحبيب الاسئلة البتاخز اكثر من اسبوع دي كيف :D :D

[Jamal Elmahi]

هاأأأناس أنتو المراريا نسيتوها ولاّ شنو؟؟؟
منو الفي البلد بتغيب منو أسبوع كامل ماتديهولكزه...أها جيتكم علا خلاص الليله اخر يوم ...يوم القفله...بالله أتعسمته....أنتو أأأناس بنبركم دا موسرنو بي سيخ....بعد دا خلاص السعل بجاوبو والما سعل ما أشوفو حايم يزازي بي جاي...الجوّه جوّه والبرّه برّه...وهادا دربي علي دكان ودالصول...

ود الماحي

[الشريف الهندي]

ود الماحي ........... سيد البلد

والله جيتك وقعدت في الكرسي البقا ليك عنقريب غاليه بالحيل
وطيب النفوس ظاهر العنقريب شال ود الماحي كلو

ومنور كتير والله بطلتك الحلوه دي

ولقينا من حلاة حديثك ما يفرح القلب بالحيل

دحين مرحب بيك ألف والفين وأنت فايت لود الصول
وماك ماشي بعيد

فمن الجميل فعلا أن نجد من هو مثلك يصفو بيه المقام

وأما سكر الجنيد ماشاء الله بس عسل الجنيد ربنا يخليها وتفرح بيها
وربنا يخلي أولادك كمان وأمهم

وأبقا لينا دايما بألف خير

غير عكاز الصندل وريحه الصندل ومركوب الهنود
كمان لبسة البنجابي لعسل الجيد

[نزار حسن محمد]

ود الماحى اخــــــــــــوى كيفنك والله يازول الاسبوع مره ذى رمشة العين ولسع ماشبعنا منك وبعدين بنتى فايزه كل يوم دايره تسلم على عسل الجنيد ااااه ياخوى عشان انزل الصوره الكتبت فوقه بنتى للاميره غلبنى عديل فى النهايه اتصلت باخونا نبيل حمدتو وشرح لى الطريقه كيف غايتو لو مالحقته نزلتها هنا برسله ليك فى الدكان
وتحياتى للاسره الكريمه وكل المعاك فى بلد الخوجات .. ااااه ياخوى خليتك بعافيه.

[Jamal Elmahi]

:D :D

والله ياود الماحي منور كتير كتير
يخليك ويخلي اولادك يا ود الجنيد
طبعا انت كنت في زيارة معنا قي سلطنة عمان ( مع اهلك الجنيدين )
رايك شنو في البلد والنادي السوداني واكتر حاجة عجبتك ..
أكيد أكلت المفروك والويكاب

لهجة البطانة والكلام السمح ولهيج السوداني الأصيل ..
وأمريكا بكل هذا الرونق والجمال والمساحة والطبيعة التي تفوق البطانة
بمراعيها وسهولها وجبالها ..
من غير رعاة البقر فيها :
هل هناك هجعات شعبية تذكرهم بالماضي مثل الدوبيت عندنا ؟؟
بعيدا عن الدمار الذي لا يعلم عنه ثلاثة ارباع الشعب الامريكي
وانا عارفه ناسا كلهم لحم راس !

حباب مهيره...أعفي لي يا خيتي عن تأخير الرد...ولو بيدي كنته طوعته الليالي....
السلطنه حلو بي ناسا...وحقيقةَ قضينا فيها أجمل الايام وعملو لينا حفله دكاكينيه بي بدرالدين فرقة الاصدقاء ...بدرالدين فنان مبالغه يطربك لامن تقول بس...وكمان كوميدي يضحكك لامن شرشوفك ينقطع...بيت قريبي الفاتح الجنيد تحول بقدرة قادر لنادي سوداني...أكتر حاجه عجبتني طيبة ناس السلطنه ...قصر المده ما خلتني شفته النادي السوداني...عدينا وأسرتي أربعه أيام في السلطنه...في المرّه الجايه انتي من هسه معزومه معانا....
ناس الاقاليم هنا عاداتم ذي ناس الاقاليم عندنا ...أهل العوض...كان عندنا جيران من خواجات الاقاليم يعني زوجتي ترسل ليهم صحن فيهو أكل لايمكن يرجعول ليك فاضي...وكتير من عاداتم قريبه لينا....

ود الماحي

[Jamal Elmahi]

العزيز الغالي ودالماحي

اولاً ليك خالص التحايا ولكل الاسرة الكريمة

وان شاءالله العنقريب يكون برداً وسلاماً عليك

بالنسبة للاسئلة مافي شي جاهز لكن دي ليك اسئلة

صغيرة بما انك من الجنيد طبعا الجنيد اناعشته فيها فترة ولن انساها ابداً

سؤالي ليك :- اولاً انت من وين في الجنيد

من البويضاء ولا وداالسيد ولا الكديوه ولا ديم الياس

ولا من الجنيد البياره.

وماذا يعني لك حي ابنوره وماذا تعني لك البركس

وكمان عندي بعض الشخصيات كانت في ادارة مصنع سكر الجنيد

منهم العم احمد عبدالغني اذا سبق ليك بمعرفته ومن ابنائه عادل

اذا تزكر الكلام دة ,, اكان ماتكون الغربة مسحت العندك

ولك مني خالص التحايا . وراجع ليك ان شاءالله .




حباب خالد...حباب ود حمد...كدي أول حاجه أعفي لي أأأبوي عن تأخر الرد...والزائر في يد المزيور...
والتانيه أنتا ولدنا ومننا وفينا...
أنا أأبوي كما أسلفت من الجنيد الحلّه...ست الاسم ..ست الجلد والرأس وجدنا شيح الجنيد...
أما عن أحياء المصنع أبنوره والبركس فزوجتي هي التي سكنت المصنع...والدها محمد البدوي بله عمل في الهندسه المدنيه...وأولاده دكتور عبد الحليم محمد البدوي أستشاري أمراض الصدر والجهاز التنفسي في بريطانيا ودكتور مالك محمد البدوي يعمل مع الامم المتحده وأحتمال تكون بتعرفهم...
وتشكر لتشريفك لنا...
ود الماحي

[Jamal Elmahi]

ود الماحى أبوى اريتك بعافيه ازيك ود امى العنقريب سخن بيك ولدى أحيا عليك ود امى

حباب Zukibush
العنقريب مسخن بي وكمان فيهو مارقوت بالله كطّع لحمي ...ما تشلبو معاي نمرقو للشمش برا أأبوي...

ود الماحي

[سوباوي]

الجميل .. ود الماحي ...

يا رجل ما أعذبك .. وما أجملك .. وهذا الذي تفعل هو ما قرأنا في بطن الكتب من تواضع العلماء ...

لا أريد أن أعتذر .. لأنني موجود من بدري ومتابعك .. تماماً .. تدهشني صراحة بهذا الجمال والصفاء الذي

تحمله .. لا سؤال لي الآن فلا زلت ملجم أمام حضورك الجميل هذا ...

العزيز ود الماحي .. أنت رجل نقي هل لديك فكرة ؟ سمي هذا سؤلاً إن شئت !!!

أنا احترمك يا ود الماحي بلا حدود .. وأفتخر بك .. وأفخر أننا تحادثنا ذات فضاء ..

أتمنى أن يمدد جلوسك هنا ..

تحياتي وكن أخضر الدهر ضاحة سنينك ومعاك سكر الجنيد أكيد ...

[sambaaa]

أتمنى أن يمدد جلوسك هنا ..
...
يا زول هه .. عمك والله مددنا ليهو جلوسو معانا تب ..
ما كتير يعني .. شوية بس ..:)
اسبوع كمان ..
ويا عمنا ابوسكر الجنيد ما تكسر بخاطرنا .. نحن عارفنك زول حارة وما بتتضارى ..
صلي على النبي وشمر تاني من جديد ..
( يلا شباب دوروا عمكم ده كويس .. الزول ده مليان كلام ولازم يطلع منو )
وكدي هاك العوبة دي تاني ..
http://tabatpeople.com/songs/imad/al3oba.ram

[ابومرام]

ود الماحي حبابك وابونا الشيخ فرح قال حباب النافع وانت بلا شك كلك نفع وحيوية وروحانية بكل معاني الحديث اذا تحدثنا عن شخصك فوالله لم نوفيك حقك ولو البسيط لانك شامخ شموخ نخلينا المنتاهي في رفعته ونقي وصفو في نفسك عموما لم اتحمل ان افارقك و الاطلاع عن كتاباتك وكل زيارة لي للمنتدى اكون على عجالة حتى اطلع على كل حرف تكتبه وعلى الرغم انتهى الاسبوع احس باني لم اقابلك واحساسا باننا تقابلنا شخصيا ورغم اننا تقابلنا عبر الخواطر ،، لك التحية وللاسرة الكريمة وربنا يخليهم ليك والامورة سكر الجنيد وسكر السودان وودعتك الله وفي امان الله بس العنقريب دا بدل ما تختوها في الشمس من المارقود انا متبرع ليكم بالحبل والوسار على اخونا ابراهيم قال عنده خبرة في الوسا ،،، في امان الله وكان حين بنتقابل

[Jamal Elmahi]

[center]
يا زول هه .. عمك والله مددنا ليهو جلوسو معانا تب ..
ما كتير يعني .. شوية بس ..:)
اسبوع كمان ..
ويا عمنا ابوسكر الجنيد ما تكسر بخاطرنا .. نحن عارفنك زول حارة وما بتتضارى ..
صلي على النبي وشمر تاني من جديد ..
( يلا شباب دوروا عمكم ده كويس .. الزول ده مليان كلام ولازم يطلع منو )
وكدي هاك العوبة دي تاني ..
http://tabatpeople.com/songs/imad/al3oba.ram

حباب سامبا....تقعد سنه للحول ما تقوم بخاطر زول....وعشان خاطركم الغالي أها هادي تصنقره أسبوع تاني رغم انو ضهري أعوج...الحواشات بدورن الفقده والحماره بتدور العلوق لكن برضو طلب الحبان ليهو مكان...بس خفو علي عمكم شويه ..كل واحد سعال وبالكتير سعالين أصلو الاضنين تقلن العوينات طششن ودخل المابتعالج...

ود الماحي

[الزعلان]

اقول ماعندكم ماعند جدتي

[Jamal Elmahi]

من تراب أرض البطانة جيت تجر النم
جئت كنسمة دعـــاش...
كلامك كمطــــر الرشاش الــــرش في أرض البطانة الهشة

يسعد صباحك ومساءك يا ود المـــاحي
المرة دى جيتك راجعة بي جبنتي وبخور تيماني كمااان
وفي ونستنا اللذيذة دى عاوزاك تكلمنا شوية عن العاب الشفع في البطانة ايامك ناس شليل وينو ... وغيرها
وكلمنا كمان عن الحاردلو و اشعارو ... وكلمنا عن مجادعات الدوبيت

وأكيد كلنا في المنتدى أذان صاغية

مع احترامي
:)

حباب منوما حباب أختي....

الليله الصعيد جاب الهبوب مقلوبه
وطرّاني أم شليخ والجلسه في الراكوبه...

الجبنه والبخور ما عندكم ...فنجان جبنه بي شمالو يسوي الدنيا بي حالو....
انتي حاوي ولاّ شنو ؟؟ بالله الجبنه كان ما سو ليها البخور مابتنفني...
ألعابنا في البطانه أيامنا كانت ..الاكس بوكس X-BOX والبليستاشن والرمّه وحبّاسه وشدّت وكوكرع وشليل وينو أما الانتندو كان دقّه قديمه...
أما الحاردلو والدوبيت والمجادعات فالكلام فيهن يطول ويحلو لما الجلسه تكون حقيقيه والجبنه مدوره والهمبريب يودي في دخان البخور شمال ويمين..والحبايب كلهم قاعدين مع بعض...والحي مصيرو يلاقي ..فدحين أعفي لي أأأخيتي....

ود الماحي

[Jamal Elmahi]

عليك الله ياود الماحي شفت جنس الجنا االي إسمو برهوته ده؟؟؟؟ حالتو قال ليك ماعندي أسئلة بس عندي سؤالين صغنونيين !!!!!!!!!!! هسة في ذمتك ديل سؤالين يابرهوتة؟؟؟؟ أكان كده أسال أسئلتك الكبيرة والصغنونة وديها لي غادي ( علي وزن كان كده إتعشي عندنا وقزقز بره)

حباب ود هاشم حباب أخوي...
دا كلو كوم وكبدة الابل حقتكم كوم..وستات الكسره كوم...أنا بعد قريت وصف أبشوارب لغداكم شميت يدي لقيت ريحتا ملاح أم رقيقه هبشتا خشمي لقيت باقي بصله من دكوة كبدة الابل...الكترابه غايتو أبشوارب وصّاف جنس وصف....بالله لي هسه أتدشي ....غايتو كان الناس بتسوي وصف أبشوارب دا مافي داعي لكمرات الفيديو....

ود الماحي

[Jamal Elmahi]

مرحب بيك يا غالى
والله من سافرت شاغل بالى
وفرحان جابوك وانا عارفك ما بتبالى
بس كنت في جدة مع خالد هاشم التربالى
انشاء الله تزور جدة وتشوف الكبده الفى بالى
ام هاشم ظبطت الصفرة ياريت انت والخواجة الغالى
لكن راجعين

حباب أبشوارب ...حباب الخير ..
غايتو أأأبشوارب أنا كلما أجوع أقرأ موضوعك عن غداكم الكارب مع ودهاشم ...والله ببداو من ستات الكسره لغايت ما أصل التحليه أم طوابق وقبال ما أهبشا بكون شبعته ووقفته زمباره ..غايتو تاني ألاّ أبدا بالعكس وأخلي التحليه ستات الكسره...والحي مصيرو يلاقي...

ود الماحي

[sambaaa]

حباب سامبا....تقعد سنه للحول ما تقوم بخاطر زول....وعشان خاطركم الغالي أها هادي تصنقره أسبوع تاني رغم انو ضهري أعوج...الحواشات بدورن الفقده والحماره بتدور العلوق لكن برضو طلب الحبان ليهو مكان...بس خفو علي عمكم شويه ..كل واحد سعال وبالكتير سعالين أصلو الاضنين تقلن العوينات طششن ودخل المابتعالج...



ود الماحي

تسلم يا ابوسكرالجنيد



وين يفوتـك الجــــود و الكــرم

جبرت الخاطر و ده كان العشم

إنت الاصل وفـــوق الناس علم

أقعــد عافـية حاشـــاك من الألم

مناي تتهنأ ومن كل الوجع تسلم

[elfatih61]

أبو سكر الجنيـــــد ود الماحــي 00 ياسلام كلامك سمح خلاص 00 وباين علي فاتنى كرســي ساااااخن شديد 00 لكن الحمدالله
حصلتوا وإستمتعت كثيــر بمشاركاتك ومشاركات الاصدقاء 000 لكن يا زول كتابتك بالللون البرتقالي الباهت دا قدد عيونا
عليك الله غير لينـا موية المطرة دى شوية وكبر لينا الخط 00 وأنا والجلاكيــن المن دورنا بنتعب شديــد والسن ليها أحكامها
والعتب على النــظر 00

شكرا يا ود الماحـي لانك سألت وفتشت على أثناء غيابي

أخوك / الفاتح /

[Jamal Elmahi]

عمنا ود الماحي

ربنا يخلي ليك اولادك وتشوفهم يا يمة ناجحين فالحين

وبعدين انت نازل السودان بتين عشان انت كشفتى حالي في المنتدى

خليني اخلص واديك الجلابتين والعراقيين ولا رايك شنو

ارسلو ليك بي ارامكس او فيدكس

عشان كشف الحال ده ما ليهو داعي

وفوق ليهو جلابية صغيرونة لعموري وتوب صغيروني لسكر الجنيد وسكر المنتدى

ده امانة يعني ما تمشي تبيعها

بت أخوي عروسة المنتدي سوار الياسمين ...
كتّر خيرك يابتي وبارك الله فيك ...هديتك وصلت تب..والله يحضّرني عرسك عشان أعرض وأصقّر ليك في الصقيعه...وسكر الجنيد وأمها يرقصوا ليك رقبه لامن تقولي بس..علاّ عمر الغلباوي بحت ليك بريك دانس أصلي...بس أستعجلي وفرحينا وخلي أبوك ياخد نفس...بالله جنس كتمه...

ود الماحي

[ناصر الباشا]

ود الماحي

سلاماااااااااااات يا زول يا رائع

مريت بالعام و وجدت الحلة عامرة و الوجيه ود الماحي مضوي الساحة بوسامته

و اناقة حرفه السوداني الطالع من عمق افواه اصالتنا و روعتنا و مثالياتنا

اها يا زول سعوالي واحد و متعلق بالمنتدى الثقافي

اود الماحي انت زول عندك ملكة رائعة في صياغة الشعر و كلامك سمح بالحيل

و اتضح لي هذا من خلال مداخلاتك في رائعة ابراهيم (خبريني يا سكينة )

مالك يا زول داسي مننا الابداعات دي . فتك بعافية و لي عودة ان شاء الله

[Jamal Elmahi]

ود الماحي ........... سيد البلد

والله جيتك وقعدت في الكرسي البقا ليك عنقريب غاليه بالحيل
وطيب النفوس ظاهر العنقريب شال ود الماحي كلو

ومنور كتير والله بطلتك الحلوه دي

ولقينا من حلاة حديثك ما يفرح القلب بالحيل

دحين مرحب بيك ألف والفين وأنت فايت لود الصول
وماك ماشي بعيد

فمن الجميل فعلا أن نجد من هو مثلك يصفو بيه المقام

وأما سكر الجنيد ماشاء الله بس عسل الجنيد ربنا يخليها وتفرح بيها
وربنا يخلي أولادك كمان وأمهم

وأبقا لينا دايما بألف خير

غير عكاز الصندل وريحه الصندل ومركوب الهنود
كمان لبسة البنجابي لعسل الجيد

حباب الشريف...حباب ود الاصول
النيّه واصله أأبوي ...وهديتك وصلتنا تب..وسكر الجنيد بالبنجابي بقت ذي حفصه وأبكر لما دخلو الفلم الهندي بتاع شامي كابور وسبنا (النكته)...
المقام أأبوي طيب بوجودكم ...والمنتدي منور بيكم بس ما تطولو الغيبه...والهنديات السمحات ديل الله يكفيكم شرهن...ماني حاسد أأبوي علاّ بقران...

ود الماحي

[Jamal Elmahi]

ود الماحى اخــــــــــــوى كيفغك والله يازول الاسبوع مره ذى رمشة العين ولسع ماشبعنا منك وبعدين بنتى فايزه كل يوم دايره تسلم على عسل الجنيد ااااه ياخوى عشان انزل الصوره الكتبت فوقه بنتى للاميره غلبنى عديل فى النهايه اتصلت باخونا نبيل حمدتو وشرح لى الطريقه كيف غايتو لو مالحقته نزلتها هنا برسله ليك فى الدكان
وتحياتى للاسره الكريمه وكل المعاك فى بلد الخوجات .. ااااه ياخوى خليتك بعافيه.

حباب ود حسن ...حباب أبوفايزه...حباب أبوسكر الجزيره...حباب أبوسكر مدني...
كلمته سكر الجنيد قلته ليها لملمي بنات أم لعاب حقاتك سكر الجزيره جايه تلعب معاك..وهسه تشيل وتعاين وكان ما مسكتها كان لحقتكم في بركات...
غايتو قبال مانشوف الصوره بنرسل قولة خير...وأنتو رسلو لينا موية رمضان والضحيه...

ود الماحي

[Jamal Elmahi]

الجميل .. ود الماحي ...

يا رجل ما أعذبك .. وما أجملك .. وهذا الذي تفعل هو ما قرأنا في بطن الكتب من تواضع العلماء ...

لا أريد أن أعتذر .. لأنني موجود من بدري ومتابعك .. تماماً .. تدهشني صراحة بهذا الجمال والصفاء الذي

تحمله .. لا سؤال لي الآن فلا زلت ملجم أمام حضورك الجميل هذا ...

العزيز ود الماحي .. أنت رجل نقي هل لديك فكرة ؟ سمي هذا سؤلاً إن شئت !!!

أنا احترمك يا ود الماحي بلا حدود .. وأفتخر بك .. وأفخر أننا تحادثنا ذات فضاء ..

أتمنى أن يمدد جلوسك هنا ..

تحياتي وكن أخضر الدهر ضاحة سنينك ومعاك سكر الجنيد أكيد ...

حباب سوباي...حباب الحبيب
هسه في زمّتك دي أرد ليك بي شنو؟؟ هأأأزول كلامكم الكبار ومعزّل واحده واحده دا شعراَ ما عندنا ليهو رقبه..ونحن شعر زاتو في..!! دي صلعه حدها الضهرأأبوي... بالله الواحد يتضاير منكم جيهه جيهه بنخاف أأأبوي درابنا دا يفلق واحد فيكم ...وأنتا العشّاي كلك أحساس ولو بمرادنا نضاريك من النسيم ....كتّر خيرك أأبوي وما عندنا قليل مما عندكم...والله يحقق المراد بالشوفه...

ود الماحي

[خالد حمد موسى]

حباب ودالماحي يازول طلعنا معرفة عديل

طيب ابدا معك بالجنيد الحلة وبما انك انت من الجنيد الحلة

اكيد بتعرف عبدالمنعم الاشقر والدة الله ارحمة كان متزوج خالتنا

في ود السيد غرب الحصاحيصا . وارجع معاك لعائلة حرمك.

والد زوجتك بعرفه حق المعرفة راجل عسكري قديم انجليزي

في طباعه وفي لبسه ( برنيطه + قميص + ردة ) الراجل الرهيب

الزي حارب في تحرير سيناء والرجل الزي كافح في الجنيد اشده كفاحاً

وابنه الدكتور مالك دفعة بن خالتي عادل احمد واوالده باشكاتب الرئاسة

واما دكتور عبدالحليم الراجل النابغه الزي احرز المرتبه الثامنة في الشهادة السودانية

وبالنسبة لزوجتك زميلت بنت خالتي اخلاص احمد عبدالغني وكانو ساكنين حي ابنوره

اها ياود الماحي طلعنا معرفة ولا لسه .

وطيب دة سؤال ليك ياودالماحي انت المحيرني الجابك من الجنيد الحلة لي البركس دي القسمة

ولا في علاقة بينك وبين اهل زوجتك .وطبعا اهل زوجتك بعرفهم جميعاً وديل ناس ممتازين اخلاق

وكرم وطيبة مافيهم كلام مرة . وتحياتي للاولاد

وان شاءالله راجع ليك تاني .

[admin]

ودالماحي تحياتي واشواقي .. كيف حالك ان شاءالله تمام .. ربنا يخلي ليك اولادك ويخليك ليهم تشوفهم دكاترة ومهندسين
عندي شوية اسئلة خفيفة ارجو ان يتسع لها صدرك:-
1- لاحظت كما لاحظ المشاركين من قبلي انك درست تخصصات مختلفة زراعة وكمبيوتر وتدريس للغة الانجليزية والرياضيات .. وقد سبق ان اجبت بان مجالات الدراسة متوفرة هنالك ولكن سؤالي هل درست هذه التخصصات لرغبة خاصة فيها بعينها؟ ام كانت لمتطلبات العمل احيانا؟ وما السبب الذي جعلك تتوقف عن دراسة بعض التخصصات والانتقال لغيرها؟
2- احكي لنا قليلا عن بداياتك في امريكا .. ماذا عملت اولا؟ وكيف وصلت هناك؟ ولماذا اخترت تكساس عموما لاستقرار؟ هل تنقلت بين الولايات المختلفة اولا؟ ماهي المدينة الامريكية الثانية التى تتمني العيش والعمل فيها؟
3- هل تتمني لاحبابك واصدقائك الحضور والاستقرار بالولايات المتحدة الامريكية؟ ماهو الشئ الممميز هناك؟ وما الذي يجعلها فرصة ثمينة يحلم بها الشباب في العالم اجمع؟
4- انتا الان سوداني الاصل امريكي الجنسية كيف تتعامل مع هذا الوضع؟ الا تخشي من ضياع الهوية السودانية لابنائك يوما ما؟ اجتماعيا هنالك فروقات كبيرة بين البلدين ايهما تفضل؟ وكيف ستتعامل مع ابنائك اذا ما فضلوا التقاليد والعادات الامريكية عن السودانية؟ هل تؤمن بالحرية الامريكية في العلاقات الشخصية ؟ سياسيا هل تتفق مع ما تفعله امريكا في العرب عموما؟ هل تعتقد ان الطريقة التى تمت بها معالجة الوضع في العراق سليمة؟ هل تعتقد ان هنالك مآرب اقتصادية وراء التحركات العسكرية الامريكية في مختلف بقاع الارض؟
5- متى كانت اخر مرة زرتا السودان؟ هل تفكر في العودة القريبة والاستقرار في السودان؟ الا تحس بان البلد (السودان) في حاجة الى امثالك من زوي العقول النيرة؟ ما الذي لاتجده في السودان؟ وماهي شروطك او امانيك التى ان تحققت في السودان ستعود اليوم قبل غدا؟ هل تعتقد ان القوات الدولية ستدخل السودان فعلا؟ وهل سيحل ذلك الامر ام سيزيده تعقيدا؟ لماذا يتخوف الناس من التدخلات الدولية في بلادهم؟ ماهي مساؤي ومحاسن ذلك؟

ارجو ان تكون اسئلتي خفيفة عليك .. واتمني لك التوفيق من كل قلبي

[صالح ابوشوارب]

اخوى ود الماحى
والله حنيت عليك .. والادمن دا ذكرنى بي ديجانغوم ابو تابوت .. فتح التابوت .. وشال المدفع ..وقال هاكم .. كرررررررر ..

[أبوبكرحامد]

اخوى ود الماحى
والله حنيت عليك .. والادمن دا ذكرنى بي ديجانغوم ابو تابوت .. فتح التابوت .. وشال المدفع ..وقال هاكم .. كرررررررر ..
تعرف ياشواربو قريت ردك لمن انشرقتا من الشاى البشرب فيهو ....... الله اديكم العافية والله واحد من كتر صرة الوش ماقايل عندو خشماً للضحك .
مشاققة : الخشم عند أهل البحرين يعنى الأنف .... وساعات بيسلموا على بعض الوجهاء فى النخرة " أريت لو جربوها معاى اليومين ديل مع النزلة الضاربانى دى " ههههههههه.

.................................................. ........

ود الماحى أحكى لينا قصة البرلمة فى سنة أولى جامعة ؟
وبرلمتك فى أمريكا ؟

[sambaaa]

عمنا العزيز / ودالماحي ..
تحياتي بلا حدود

طبعا الليلة جيتك بأسئلة حلوة جداً وسريعة عشان قبال الإسبوع ما يخلص ...:)
نقول بسم الله .. اشرب ليك كباية شاي كده وجاوب بمزاااااااااااج .. إتفقنا ..

أكمل بزكر إسم أحد الأعضاء في المكان الخالي ..

عضو تراه بأنه أكثر من أخ لك ..............
عضو تتمنى رؤيته ...........................
عضو تراه مرح ومهضوم ....................
عضو اسمه حلو ..............................
عضو تود أن تعرف معنى اسمه ...............
عضو تود أن تغير له اسمه .....................
عضو تحس انه شايب .........................
عضو غاب وتريد عودته ......................
عضو تشعر بانه غامض .......................
أكثر المواضيع شعبية ........................
أكثر موضوع تتابعه .........................

ولك أكيد شكري وتقديري ...
<!-- / message --><!-- sig -->

[sambaaa]

http://www.asmilies.com/smiliespic/FAWASEL/048.gif (http://www.asmilies.com/)

وألف مبروك الإشراف الفخري للمنتديات

http://www.asmilies.com/smiliespic/FAWASEL/053.gif (http://www.asmilies.com/)

http://9q9q.com/March/1142304709.gif

[Jamal Elmahi]

لوكو لي الصبر أأأهلي ...اليومين ديل مضيوفين...علاّ بجيكم ..وأنا أفوتكم أقبّل وين....والسايقه واصله...

ود الماحي

[waheeb]

الاخ العزيز جمال الماحي ..لك التحيه بقدر اريحيتك وانت تتحفنا بردودك الشيقه ..
كنت استمتع بردودك ومداخلة الاخوه الاعضاء لك و انت تمسك بدفه الحديث طيله المناورات الكثيره التي كانت تعترض طريقك ..
اخي هل الاخ فادي الماحي قريبك؟
متي كانت لك اخر زياره للسودان؟

[نزار حسن محمد]

حباب فخر المنتديات ... اه ابوى الجماعه رقوك بجاى فخر المنتدبات والadmin فتحه نيرانه بجاى انا ماقلت ليك من الاول ناس البندر ديل ما ترقد ليهم على ضمان .. كمان جابت ليها مسدسات ودجانقو تعرف السبب كله من الضيفان اصلو ناس الجنيد الضيف بتم عندهم تلاته واربعه يوم .. وعشان التاخر ده لازم تعمل تعويض وتعمل لينا ركــــن صغير عشان كل مانجى ندخل نسلم عليك ... ودعتك الله ياالعشا باللبن...

[عماد الصادق]

فردتنا.. دفعتنا.. ودالماحي
تابعت بشغف ومودة (إيه رأيك في شغف ومودة) ما جايات مع بعض .. لكن فوّت أخوك اليومين الفاتو
واليومين الحاضرات وبكره وبعد بكره .. مشتت وماقادر أحك راسي .. علماً بأن اليد لا تبارح الرأس .!
أتمني بقعادي جنبك في العنقريب وهذا الجو الرطيب.. وقاعد بسمع وبشوف الناس داخله وطالعه..
وأنا أتشرف بتقديم المويه الباردة والشاي.. وشايل حقة الصاعود زي شيل الحناكيش للموبايل!!
وفي انتظار ردك على اللإدمون لأن أسئلته هي ذاته الدايره في مخي.. خاصة وأني بحس إنو قعادنا
بره السودان سواء كان إغتراب أم هجرة ما هي إلا محطة سقنتوته محطة تشبه ميدان أبوجنزير الساعة 2
يعني لازم لازم نرجع.. ولازم لازم نتلاقى قول إن شاء الله..
وشبيكم لبيكم ونلتقي في الدكان...

[Jamal Elmahi]

فردتنا.. دفعتنا.. ودالماحي
تابعت بشغف ومودة (إيه رأيك في شغف ومودة) ما جايات مع بعض .. لكن فوّت أخوك اليومين الفاتو
واليومين الحاضرات وبكره وبعد بكره .. مشتت وماقادر أحك راسي .. علماً بأن اليد لا تبارح الرأس .!
أتمني بقعادي جنبك في العنقريب وهذا الجو الرطيب.. وقاعد بسمع وبشوف الناس داخله وطالعه..
وأنا أتشرف بتقديم المويه الباردة والشاي.. وشايل حقة الصاعود زي شيل الحناكيش للموبايل!!
وفي انتظار ردك على اللإدمون لأن أسئلته هي ذاته الدايره في مخي.. خاصة وأني بحس إنو قعادنا
بره السودان سواء كان إغتراب أم هجرة ما هي إلا محطة سقنتوته محطة تشبه ميدان أبوجنزير الساعة 2
يعني لازم لازم نرجع.. ولازم لازم نتلاقى قول إن شاء الله..
وشبيكم لبيكم ونلتقي في الدكان...

ود الصادق ...العمده...أبوأشواق...حباب أبوي...حباب الأرباب ...عليّ الطلاق أن قالدتك لي باكر ماببل شوقي ليك...أأأفو أأأبواشواق الغيبه دي كلها...
هأأأأناس ما تاكلو لحمي ...أأأي طفرته وبديت من الأخر ...أنا قلته بس أسلّم عليهو وأرجع ليكم ...أها راجع ما تكترو كلامكم...الله أدينا خيركم أأأناس البندر بالله حاجه بتفوتوها مافي ...تنطو للزول في حلقو...تعال أأأعمده أقعد جمبي جاي وحمّر لي للأدمن شوفو هاريني بي ستين سعال....

ود الماحي

[Jamal Elmahi]

أبو سكر الجنيـــــد ود الماحــي 00 ياسلام كلامك سمح خلاص 00 وباين علي فاتنى كرســي ساااااخن شديد 00 لكن الحمدالله
حصلتوا وإستمتعت كثيــر بمشاركاتك ومشاركات الاصدقاء 000 لكن يا زول كتابتك بالللون البرتقالي الباهت دا قدد عيونا
عليك الله غير لينـا موية المطرة دى شوية وكبر لينا الخط 00 وأنا والجلاكيــن المن دورنا بنتعب شديــد والسن ليها أحكامها
والعتب على النــظر 00

شكرا يا ود الماحـي لانك سألت وفتشت على أثناء غيابي

أخوك / الفاتح /
حباب الفاتح..حباب الغالي...هاأأأزول تغتس فرد غتسه لاخبر لا أتر تخلينا نجقلب ذي كلاب الرمّاضه...والله ليك وحشه وفقدناك أأبوي...وأنا كمان طلّعته فيك اشاعه قويه ..قلته ليهم الفاتح مرتو حمّرت ليهو وقالت ليهو يا أنا يا الكمبيوتر...والفاتح قام شال الكمبيوتر جدعو بالشباك ويا دار ما دخلك شر...علاّ أأبوي أشاعتي ما جابت دخل...حمدلّه علي السلامه أأأبوي ومليح البقيت طيب....

ود الماحي

[Jamal Elmahi]

ود الماحي

سلاماااااااااااات يا زول يا رائع

مريت بالعام و وجدت الحلة عامرة و الوجيه ود الماحي مضوي الساحة بوسامته

و اناقة حرفه السوداني الطالع من عمق افواه اصالتنا و روعتنا و مثالياتنا

اها يا زول سعوالي واحد و متعلق بالمنتدى الثقافي

اود الماحي انت زول عندك ملكة رائعة في صياغة الشعر و كلامك سمح بالحيل

و اتضح لي هذا من خلال مداخلاتك في رائعة ابراهيم (خبريني يا سكينة )

مالك يا زول داسي مننا الابداعات دي . فتك بعافية و لي عودة ان شاء الله

حباب ود الباشا..حباب نوارة المنتدي...ذايد جمال ونضار وطيب...
حباب ناس المنتدي الثقافي ..حباب ناس الشفافيه والرهافه...غايتو نحن بنشوف ناس المنتدي الثقافي ديل ذي ناس العمارات ونحن ناس العام ديل أم بدّه بالردميه مش بالزلط...فنشكر تواضعكم وتشريفنا في الكلاكله...
شعرنا أأأبوي ...أقصد درابنا بنجدّع بيهو الناس ومرات بنفلّق بيهو حسب الجو والمزاج والاريحيه وكمان الوكت المتاح ...وكان عاجبكم درابنا دا أنعدلو ساي أأأبوي وجهزو ديتول وشاش وشوية لزق لزوم الكدمات والكرادم وما تنسو التلج قالو بفش الورم...

ود الماحي

[Jamal Elmahi]

حباب ودالماحي يازول طلعنا معرفة عديل

طيب ابدا معك بالجنيد الحلة وبما انك انت من الجنيد الحلة

اكيد بتعرف عبدالمنعم الاشقر والدة الله ارحمة كان متزوج خالتنا

في ود السيد غرب الحصاحيصا . وارجع معاك لعائلة حرمك.

والد زوجتك بعرفه حق المعرفة راجل عسكري قديم انجليزي

في طباعه وفي لبسه ( برنيطه + قميص + ردة ) الراجل الرهيب

الزي حارب في تحرير سيناء والرجل الزي كافح في الجنيد اشده كفاحاً

وابنه الدكتور مالك دفعة بن خالتي عادل احمد واوالده باشكاتب الرئاسة

واما دكتور عبدالحليم الراجل النابغه الزي احرز المرتبه الثامنة في الشهادة السودانية

وبالنسبة لزوجتك زميلت بنت خالتي اخلاص احمد عبدالغني وكانو ساكنين حي ابنوره

اها ياود الماحي طلعنا معرفة ولا لسه .

وطيب دة سؤال ليك ياودالماحي انت المحيرني الجابك من الجنيد الحلة لي البركس دي القسمة

ولا في علاقة بينك وبين اهل زوجتك .وطبعا اهل زوجتك بعرفهم جميعاً وديل ناس ممتازين اخلاق

وكرم وطيبة مافيهم كلام مرة . وتحياتي للاولاد

وان شاءالله راجع ليك تاني .



أفو أأأود حمد ...هاأأأزول نحن ما طلعنا معرفه وبس نحن أهل أأأبوي ...
أما علاقتي بي ناس أبو البدوي علاقة لحم ودم لانو هم أساساَ من الجنيد الحلّه وسكنو المصنع لظروف العمل وحالياَ هم مستقرين في الجنيد الحله وبالاضافه لاننا أهل برضو جيران بالحيطه...وزيتنا في بيتنا...
ومرحب بيك أخ وصديق...والحي مصيرو يلاقي...
ود الماحي

[Jamal Elmahi]

ودالماحي تحياتي واشواقي .. كيف حالك ان شاءالله تمام .. ربنا يخلي ليك اولادك ويخليك ليهم تشوفهم دكاترة ومهندسين
عندي شوية اسئلة خفيفة ارجو ان يتسع لها صدرك:-
1- لاحظت كما لاحظ المشاركين من قبلي انك درست تخصصات مختلفة زراعة وكمبيوتر وتدريس للغة الانجليزية والرياضيات .. وقد سبق ان اجبت بان مجالات الدراسة متوفرة هنالك ولكن سؤالي هل درست هذه التخصصات لرغبة خاصة فيها بعينها؟ ام كانت لمتطلبات العمل احيانا؟ وما السبب الذي جعلك تتوقف عن دراسة بعض التخصصات والانتقال لغيرها؟
2- احكي لنا قليلا عن بداياتك في امريكا .. ماذا عملت اولا؟ وكيف وصلت هناك؟ ولماذا اخترت تكساس عموما لاستقرار؟ هل تنقلت بين الولايات المختلفة اولا؟ ماهي المدينة الامريكية الثانية التى تتمني العيش والعمل فيها؟
3- هل تتمني لاحبابك واصدقائك الحضور والاستقرار بالولايات المتحدة الامريكية؟ ماهو الشئ الممميز هناك؟ وما الذي يجعلها فرصة ثمينة يحلم بها الشباب في العالم اجمع؟
4- انتا الان سوداني الاصل امريكي الجنسية كيف تتعامل مع هذا الوضع؟ الا تخشي من ضياع الهوية السودانية لابنائك يوما ما؟ اجتماعيا هنالك فروقات كبيرة بين البلدين ايهما تفضل؟ وكيف ستتعامل مع ابنائك اذا ما فضلوا التقاليد والعادات الامريكية عن السودانية؟ هل تؤمن بالحرية الامريكية في العلاقات الشخصية ؟ سياسيا هل تتفق مع ما تفعله امريكا في العرب عموما؟ هل تعتقد ان الطريقة التى تمت بها معالجة الوضع في العراق سليمة؟ هل تعتقد ان هنالك مآرب اقتصادية وراء التحركات العسكرية الامريكية في مختلف بقاع الارض؟
5- متى كانت اخر مرة زرتا السودان؟ هل تفكر في العودة القريبة والاستقرار في السودان؟ الا تحس بان البلد (السودان) في حاجة الى امثالك من زوي العقول النيرة؟ ما الذي لاتجده في السودان؟ وماهي شروطك او امانيك التى ان تحققت في السودان ستعود اليوم قبل غدا؟ هل تعتقد ان القوات الدولية ستدخل السودان فعلا؟ وهل سيحل ذلك الامر ام سيزيده تعقيدا؟ لماذا يتخوف الناس من التدخلات الدولية في بلادهم؟ ماهي مساؤي ومحاسن ذلك؟

ارجو ان تكون اسئلتي خفيفة عليك .. واتمني لك التوفيق من كل قلبي

حباب الادمن ..حباب أبوبكر..
هاأأزول انتا طالبني مغسه ولاّ شنو...؟؟هسه في زمّتك ديل خمسه أسئله ولاّ خمسين ...كل سعال حاشي جوّه ليهو عشره أسئله...وطبعا مابقدر أغالطك ..وهو في زول بقدر يغالط ليهو محاسب؟؟ تطلعا لي كلها كسور وبواقي...الله يعيني غايتو...
اجابة السؤال الاول تعدد التخصصات...أنا أؤمن بتعدد التخصصات والمعرفه الكوكتيليه وعدم الحصر في مجال واحد ما أمكن ذلك ...وهذا الامر متاح هنا مما جعلني حتي في الدكتوراه أختار مجال مجتلف وهو الأداره وقيادة المؤسساتManagement and Organizational Leadership
ألسؤال التاني...جئت لأمريكا لدراسة الدكتوراه بقبول من جامعة Texas A &M University وأول وظيفه عملته مترجم بمركز هيوستن الطبي وكنته تبع سفارة الامارات ..ودا من أكبر المراكز الطبيه في العالم...أخترت هيوستن لجوها ..مافيها جليد في الشتاء ..زرت عدة ولايات ولم تعجبني كهيوستن..
تاني مدينه أود أن أسكن بها هي هيوستن برضو...أدروب ولوف...
التالت...أتمني لكل أحبابي وأصدقائي الاستقرار بأمريكا لفرص التعليم لهم ولابنائهم ...فرص العمل أفضل من أي مكان والدخل أكتر...يعني عامل بسيط في طرمبة بنزين بصرف مرتب طبيب في دول الجليج وأظن انتا شفته بي عينك..ومن الحاجات المهمه العلاج ..يعني الفقير يتعالج علي حساب الدوله في أحسن المستشفيات بالاضافه للضمان الاجتماعي يعني لو الواحد شتت أو بقي عاجز عن العمل لاي سبب أو مرض مرتبك بكون ماشي لغاية ماتموت ...بأختصار ما في قرش أبيض ليوم أسود ..لانو بعد تصل السن القانونيه للمعاش مرتبك بكون ماشي لامن تشتت...
السؤال الرابع ..دا أصعب سؤال...صراحة هاجسي الاكبر ضياع هويتنا السودانيه علي الرغم من نضالنا مع اولادنا ليتمسكو بعاداتنا وتقاليدنا ومحاولة ربطهم بي مجتمعنا السوداني الاصيل..ودا من سلبيات الغربه في أمريكا...يعني الكلام بالعربي يبقي في تلتله...أقول لي عمر تعال يا كبّه ..يجيني جاري يقول لي كبّه يعني شنو يا بابا...بنوديهم أيام الاحد مدارس أسلاميه لدراسة العربي والدين لكن برضو العربي عربي جوبا ...وعربي جوبا أحسن..
لا أؤمن بالحريه الامريكيه في العلاقات الشخصيه فما زلنا متمسكين بعاداتنا وتقاليدنا...هناك خطأ كبير في السياسه الخارجيه الامريكيه ..والله يهدّي السر...معظم المشاكل الحاصله سببها مصالح ومكاسب سياسيه وأقتصاديه...والدليل الاهتمام الحاصل بي دارفور ..ماهو حرب الجنوب ماتو فيها أكتر من أتنين مليون وأستمرت واحد وعشرين سنه وين كانت أمريكا ووين كانت الامم المتحده...يازول هوي مالك عايز تجيب لينا الهبايب...
السؤال الاخير...بالله ريقي نشف...مشينا السودان قبل أقل من تلاته سنوات وماشيين السنه الجايه ان شاء الله...لوتوفرت سبل العيش الكريم والستره سأرجع السودان والعرجه لي مراحا...

[salwa]

الاخ العزيز ..........جمال الماحي
والله كده جد انا اطمئنيت على ولدي نسب تمام ونسيب يشرف من امريكا وحول العالم ووالله بضيف لكلام الاخ خالد انه والله بشهاداتك دي انت مفروض تكون وزير عديل كده بس ما تشوف لي طريقة معاك انا برضي خريجة زراعة بس القاهرة ما وصلت لمرحلتك كده شوف لي زقة معاك هناك في امريكا عشان اقلها تطمئن على بنتك جنبك ونسابتها معاك ..و والله انا عجز لساني حتى عن السؤال لانه الجماعة قبلي ما خلوك جنبة ترتاح عليها وفعلا انت فخر لينا كسودانيين ونعتز بيك والله وبعنقريبك وربنا يزيدك علم ومعرفة بس ما تنسى التوصية لي.والله يخلي ليك وليداتك ويطلعوا زيك في علمك وياخدوا زي شهاداتك وبرضه لغاية بعدين بفكر ليك في سعال كدي مظبط يقعدك صح بدل ما الجماعة ديل خلوك تتململ.وتسلم يا عزيز

[Jamal Elmahi]

اخوى ود الماحى
والله حنيت عليك .. والادمن دا ذكرنى بي ديجانغوم ابو تابوت .. فتح التابوت .. وشال المدفع ..وقال هاكم .. كرررررررر ..

الوجيه أبشوارب...
ديجانغو لا يرحم ...يعني بعد ما يفضّي فيك الرشاش ويهرد مصارينك يجدع فيك السيجاره مولعه...ويركب حصانو ويستعدل طاقيتو ويقول يافكيك علي بانت بي مدرسة الدايات....

ود الماحي

[Jamal Elmahi]

تعرف ياشواربو قريت ردك لمن انشرقتا من الشاى البشرب فيهو ....... الله اديكم العافية والله واحد من كتر صرة الوش ماقايل عندو خشماً للضحك .
مشاققة : الخشم عند أهل البحرين يعنى الأنف .... وساعات بيسلموا على بعض الوجهاء فى النخرة " أريت لو جربوها معاى اليومين ديل مع النزلة الضاربانى دى " ههههههههه.

.................................................. ........

ود الماحى أحكى لينا قصة البرلمة فى سنة أولى جامعة ؟
وبرلمتك فى أمريكا ؟

غايتو أأأود الماذون الادمن دا عليهو جنس غتاته..بعد الرشاش والراجمات يقول ليك أتمني لك التوفيق..
سنه أول جامعه ذي سنه أولي حب...أكبر صدمه كانت الاختلاط بالبنات..يعني كان البت سلمت عليك أنتا تساهر الليل صبّاحي ذي السقده..والعجب كان قعدة جمبك في المحاضره بتكون مسطح أسبوع لي قدام..والحكاوي كتيره ودايره قعده في أبوظريفه والحي مصيرو يلاقي...
أول سنه في أمريكا ...أطرش في الزفه...كنته قايل انقليزي الجامعه بخارجنا مع الخواجات ...أفهم كلمه وعشره لا...فلغة الكتب مختلفه من لغة التخاطب الدارجيه وبرضو اللكنه دايره تعود...وأنا كنته جاي من السعوديه عبايات وتغشي ياحرمه وجماعة الامر بالمعروف والمطوعين ولقيت البلد فاكه العجب في الصيف تقول تغض الطرف تلقي نفسك الاّ تمشي مغمض اليوم كلو...عالم عجيب ومختلف...

ود الماحي

[Jamal Elmahi]

عمنا العزيز / ودالماحي ..
تحياتي بلا حدود

طبعا الليلة جيتك بأسئلة حلوة جداً وسريعة عشان قبال الإسبوع ما يخلص ...:)
نقول بسم الله .. اشرب ليك كباية شاي كده وجاوب بمزاااااااااااج .. إتفقنا ..


أكمل بزكر إسم أحد الأعضاء في المكان الخالي ..

عضو تراه بأنه أكثر من أخ لك ............ود المأذون والخواجه ودعيسي
عضو تتمنى رؤيته .......صراحة كل أعضاء المنتدي وكلنا أسره واحده...................
عضو تراه مرح ومهضوم ....أبشوارب وفيفد أضحك معهم وأنسي همومي................
عضو اسمه حلو .......مهيره.......................
عضو تود أن تعرف معنى اسمه .......سمل الحلفاوي وبالذات سمل........
عضو تود أن تغير له اسمه ......فاقد حنان الي نبع الحنان...............
عضو تحس انه شايب .......ألادمن..................
عضو غاب وتريد عودته ........أبوروان وحقيقةَ كل الغائبين مكانهم مازال شاغراَ وأتمني من قلبي عودتهم ..............
عضو تشعر بانه غامض ........كل عضو يحمل اسماَ مستعاراَ...............
أكثر المواضيع شعبية .........حب في ود قيحه..والبراحات.............
أكثر موضوع تتابعه .......دردشة دكان ود الصول..................

ولك أكيد شكري وتقديري ...
<!-- / message --><!-- sig -->

أها قصرته معاك أأأسامبا..
ود الماحي

[Jamal Elmahi]

الاخ العزيز جمال الماحي ..لك التحيه بقدر اريحيتك وانت تتحفنا بردودك الشيقه ..
كنت استمتع بردودك ومداخلة الاخوه الاعضاء لك و انت تمسك بدفه الحديث طيله المناورات الكثيره التي كانت تعترض طريقك ..
اخي هل الاخ فادي الماحي قريبك؟
متي كانت لك اخر زياره للسودان؟

مرحب حباب وهيب
نعم فادي الماحي قريبي لحم ودم وهو من الشباب الذين أفتخر بهم ...
كنته في السودان قبل تلاته سنوات وماشين السنه الجايه ان شاء الله...وغالباَ نمر بي جدّه لزوم العمره وأكل كبدة الابل مع ود هاشم...

ود الماحي

[Jamal Elmahi]

حباب فخر المنتديات ... اه ابوى الجماعه رقوك بجاى فخر المنتدبات والadmin فتحه نيرانه بجاى انا ماقلت ليك من الاول ناس البندر ديل ما ترقد ليهم على ضمان .. كمان جابت ليها مسدسات ودجانقو تعرف السبب كله من الضيفان اصلو ناس الجنيد الضيف بتم عندهم تلاته واربعه يوم .. وعشان التاخر ده لازم تعمل تعويض وتعمل لينا ركــــن صغير عشان كل مانجى ندخل نسلم عليك ... ودعتك الله ياالعشا باللبن...

حباب أبوالنسب ..حباب ود حسن...
عيني بارده ماشاء الله فايزه سكر الجزيره عروسه تملا العين ربنا يخليها ويحفظا ليك...أها أأبوي كان كدي نحن جاينكم ناس صفاح ساي...وعمّة أبشوارب علي....
والله أأأود حسن كلامك تب ماوقع واطه...ليك علي ناس البندر تب ما برقد ليهم في أمان وببقي ليهم خازوق والرهيفه التنقد...أنتا أأأبوي قايل أهل العوض هينين والله كان أضربنا ووقفنا اللبن وبهايم اللحمه بس من ناس البندر علا نخليهم يجقلبو والعجب الشفّع كواريك للصباح...ها أأزول ناس البندر ما ببقو برانا...وبقت علينا لا بدورك ولا بحمل براك...

ود الماحي

[Jamal Elmahi]

الاخ العزيز ..........جمال الماحي
والله كده جد انا اطمئنيت على ولدي نسب تمام ونسيب يشرف من امريكا وحول العالم ووالله بضيف لكلام الاخ خالد انه والله بشهاداتك دي انت مفروض تكون وزير عديل كده بس ما تشوف لي طريقة معاك انا برضي خريجة زراعة بس القاهرة ما وصلت لمرحلتك كده شوف لي زقة معاك هناك في امريكا عشان اقلها تطمئن على بنتك جنبك ونسابتها معاك ..و والله انا عجز لساني حتى عن السؤال لانه الجماعة قبلي ما خلوك جنبة ترتاح عليها وفعلا انت فخر لينا كسودانيين ونعتز بيك والله وبعنقريبك وربنا يزيدك علم ومعرفة بس ما تنسى التوصية لي.والله يخلي ليك وليداتك ويطلعوا زيك في علمك وياخدوا زي شهاداتك وبرضه لغاية بعدين بفكر ليك في سعال كدي مظبط يقعدك صح بدل ما الجماعة ديل خلوك تتململ.وتسلم يا عزيز
العزيزه أم النسب ...الاصيله أم أحمد
كتّر خيرك وبارك الله فيك...انتي يا بت أمي عندكم الاهم من الشهادات ..عندكم الطيبه والقلوب الحنينه ..عندكم الاصاله والمحنّه والذوق...
أما عن أمريكا لو ماشالك الراس تشيلك العيون ودا يوم المني لما تشرفونا وتوزرونا وتغزرونا والعز بالاهل يا بت أمي...وربنا يخلي ليك وليداتك وأبو وليداتك ويديك الصحه والعافيه وماتشوفي شر يارب...ودعتك لي أمين ألوداعه من البلا والساعه ..ودعتك للامين وضمين ورب العالمين..ودعتك وداعةَ تغطيك وتحميك وتجعل البركه فيك...

ود الماحي

[Jamal Elmahi]

أحبائي في ختام البنبر الساخن أود أن أشكر الاخ سامبا وكل أسرة المنتدي
وأخص بالشكر كل من شرفنا بي قهوه ولاّ عمود أو صينيه كاربه أو أسئله خفيفه...
قلته أحسن أختم براي قبال مايجيني سامبا وجماعتو يردموني بي كم سعال في الزمن الضايع...
وكل المني أنو ربنا يجمعنا في ساعة خير...وأطلب العفو من كل الاخوه والاخوات وما تنسونا من صالح الدعوات....
ودعتكم الله والرسول...

ود الماحي

[sambaaa]

<MARQUEE style="FONT-SIZE: 18pt; BORDER-LEFT-COLOR: #330099; BORDER-BOTTOM-COLOR: #330099; COLOR: white; BORDER-TOP-STYLE: ridge; BORDER-TOP-COLOR: #330099; BORDER-RIGHT-STYLE: ridge; BORDER-LEFT-STYLE: ridge; BORDER-RIGHT-COLOR: #330099; BORDER-BOTTOM-STYLE: ridge; Bold: 150%" scrollAmount=3 scrollDelay=100 direction=up width=500 bgColor=#330900 height=200><CENTER>عمنا العزيز / ابوسكرالجنيد </CENTER><CENTER></CENTER><CENTER style="MARGIN: 0px">أتت لحظة ما تمنيننا أن تأتي</CENTER><CENTER style="MARGIN: 0px">ولكن عشمنا كبير في عودتك الإختيارية للبنبر</CENTER><CENTER style="MARGIN: 0px">كنا في ضيافتك وتعرفنا بك أكثر</CENTER><CENTER style="MARGIN: 0px">وكم كانت سعادتنا ونحن نتعرف إلى بنتنا الغالية</CENTER><CENTER style="MARGIN: 0px">سكر الجنيد</CENTER><CENTER style="MARGIN: 0px">حفظها الله لك ولنا</CENTER><CENTER style="MARGIN: 0px">وتجولنا عبرك في بلاد المهجر</CENTER><CENTER style="MARGIN: 0px">وكان وسيظل دعائنا لك بالعودة للوطن</CENTER><CENTER style="MARGIN: 0px">سالم وغانم</CENTER><CENTER style="MARGIN: 0px">شكراً لك يا عمنا ..</CENTER><CENTER style="MARGIN: 0px"></CENTER><CENTER style="MARGIN: 0px"></CENTER><CENTER style="MARGIN: 0px"></CENTER>








</MARQUEE>

[خالد عبدالماجد]

شيخ البطانه عوض الكريم أبو سن غني عن التعريف ..فهو فحل من فحول البطانه ومن شعرائها...
أكبر قبائل البطانه هم الشكريه...وأطلق لفظ عموم الشكريه علي نظارة الشكريه لضمها قبيلة الشكريه وقبائل أخري كاللحويين والبطاحين والجعليين والجموعيه وغيرها من القبائل الاخري كالحلاوين ومعظمهم غرب النيل منطقة الحلاوين ناس ود حبوبه..
ود الماحي


الأستاذ بابكر
لك التحايا وانت تكشف لنا عن الجوانب المخفية في شخصيتك من خلال هذه المساحة الرائعة فلك التحايا والتحية لمبتكر هذه الفكرة الرائعة .
ورغم أن الكرسي الساخن يوشك أن يصل إلى محطته الأخيرة إلا أنه لدي تعقيب بسيط على بعض كلمات قرأتها اليوم وأبحث عن ردك فيها
هي كلمات ذكرتها عن قبيلة الشكرية وضمها لعدد من القبائل تحت نظارة الشكرية وذكرك أن من ضمن القبائل التي تنضوى تحت لواء نظارة الشكرية قبيلة الجعليين وبإعتقادي أن هذا الشئ غير وارد على الإطلاق وهذي حقائق تاريخية معلومة للجميع ...
فهل كان ذكرك لإنضواء قبيلة الجعليين تحت نظارة الشكرية خطأً غير مقصود أم ماذ ؟

[Jamal Elmahi]

الأستاذ بابكر
لك التحايا وانت تكشف لنا عن الجوانب المخفية في شخصيتك من خلال هذه المساحة الرائعة فلك التحايا والتحية لمبتكر هذه الفكرة الرائعة .
ورغم أن الكرسي الساخن يوشك أن يصل إلى محطته الأخيرة إلا أنه لدي تعقيب بسيط على بعض كلمات قرأتها اليوم وأبحث عن ردك فيها
هي كلمات ذكرتها عن قبيلة الشكرية وضمها لعدد من القبائل تحت نظارة الشكرية وذكرك أن من ضمن القبائل التي تنضوى تحت لواء نظارة الشكرية قبيلة الجعليين وبإعتقادي أن هذا الشئ غير وارد على الإطلاق وهذي حقائق تاريخية معلومة للجميع ...
فهل كان ذكرك لإنضواء قبيلة الجعليين تحت نظارة الشكرية خطأً غير مقصود أم ماذ ؟


حباب ودكسلا...حباب خالد
أنتا جعلي ولاّ شنو أأابوي...كلامك صاح انو منطقة الجعليين معروفه ولاتنضوي قبيله الجعليين تحت نظارة الشكريه...ولكن ماقصدته أن هناك قري بكاملها جعلية الاصل كالكواهله ولكن جغرافياَ تتبع لنظارة الشكريه ...وكالحلاوين أيضاّ تمركزهم غرب النيل منطقة الحلاوين ولكن لهم بعض القري تقع شرق النيل وبالتالي تنضوي تحت نظارة الشكريه لجعرافية موقعها...
أشكر تعقيبك علي الموضوع...
ود الماحي

[نزار حسن محمد]

الاحباب ...
عشان الاعضاء الجدد يتعرفه على الاعضاء القدماء ..
قلت كل مره بنجيب ناس زمان... وذكريات زمان
وايام زمان ...
ولو عايزنا نرجع ذى زمان قول للزمان ارجع
يازمان

[Jamal Elmahi]

الاحباب ...
عشان الاعضاء الجدد يتعرفه على الاعضاء القدماء ..
قلت كل مره بنجيب ناس زمان... وذكريات زمان
وايام زمان ...
ولو عايزنا نرجع ذى زمان قول للزمان ارجع
يازمان

الوجيه أبو النسب ود حسن حبابو..وحباب اليوم اللينا جابو...
خلعتني آآآعشاي إفتكترتو كرسي ساخن جديد ..بالله لامن شعرة جلدي كلّبت ...الكترابه ...بنبركم الساخن ينشف الحلق ويشحتف الروح ويجيب خمة النفس...وقعته وري النبي سبعه مرات ...محمد معانا ما تغشانا ...

مشاققه...
ليك وحشه آآآعشاي ومشتاقين ...مريت علي بنبري المولع وطريت أيام زمان وناس زمان وياحليل زمان ...كنا كأنو صرّتنا مدفونه في المنتدي ...
الخواجه عزيز رابط بقجتو وخاتيها جمب الباب وجاهز للسفر مويه ونور ..بختو وبختكم ..
تحياتي للأسره الكريمه...

جمال الماحي

[نزار حسن محمد]

الوجيه أبو النسب ود حسن حبابو..وحباب اليوم اللينا جابو...
خلعتني آآآعشاي إفتكترتو كرسي ساخن جديد ..بالله لامن شعرة جلدي كلّبت ...الكترابه ...بنبركم الساخن ينشف الحلق ويشحتف الروح ويجيب خمة النفس...وقعته وري النبي سبعه مرات ...محمد معانا ما تغشانا ...

مشاققه...
ليك وحشه آآآعشاي ومشتاقين ...مريت علي بنبري المولع وطريت أيام زمان وناس زمان وياحليل زمان ...كنا كأنو صرّتنا مدفونه في المنتدي ...
الخواجه عزيز رابط بقجتو وخاتيها جمب الباب وجاهز للسفر مويه ونور ..بختو وبختكم ..
تحياتي للأسره الكريمه...

جمال الماحي

والله يابو الامير ه
لمن شفته اسمك فى البوست فرحته جنس فرح
وقلت فى سرى عود لينا يالليل الفرح داوى القليب
الانجرح ...
غايتو انا شمرته جلابتى واتحزمته واتلزمته
الطوريه جنب السفروق ودخلته كدى على الحواشات
تعال يابوى اليومين ديل الطماطم سعره بقى فى السماء
بقت بديل اللحمه ود الماذون مشى اشترى التيراب
وابوشوارب أجر عمال لى مزرعته قال عنده وجع ضهر
وعزيز جاى اشترى تركتر ولاندروفر من دبى ود الصول
بقى سياسى قال داير ابقى رئيس اتحاد المزارعين ..
والله مشتاقين لك ياعشااااى ومشتاقين لى قعدة الدكان
فى المغيرب ..خسمتك ما تغيب ،،الكل فى انتظارك
ودعتك الله ،،،

[Jamal Elmahi]

والله يابو الامير ه
لمن شفته اسمك فى البوست فرحته جنس فرح
وقلت فى سرى عود لينا يالليل الفرح داوى القليب
الانجرح ...
غايتو انا شمرته جلابتى واتحزمته واتلزمته
الطوريه جنب السفروق ودخلته كدى على الحواشات
تعال يابوى اليومين ديل الطماطم سعره بقى فى السماء
بقت بديل اللحمه ود الماذون مشى اشترى التيراب
وابوشوارب أجر عمال لى مزرعته قال عنده وجع ضهر
وعزيز جاى اشترى تركتر ولاندروفر من دبى ود الصول
بقى سياسى قال داير ابقى رئيس اتحاد المزارعين ..
والله مشتاقين لك ياعشااااى ومشتاقين لى قعدة الدكان
فى المغيرب ..خسمتك ما تغيب ،،الكل فى انتظارك
ودعتك الله ،،،

الوجيه أبو النسب
الطماطم آآآعشاي عرفناها بتزرعوها بدل اللحمه ..أها الكمونيه وأم فتفت والمراره بتزرعوا بدلن شنو!!! الكمونيه ممكن تتحرفنوا تزرعوا بدلا فجل ...باع أرقد آآآآعيش ...والمراره ممكن تخمجوا بدلا موليته بالدكوه لكن أم فتفت لابديل لها غير أم فتفت...والله يكضّب الشينه...
مشاققه ...
مندوبنا السامي الخواجه من أكبر الحناكيش ...قرصة باعوضه واحده ممكن ترقدوا إسبتاليه إتناشر يوم الاجازه ..وكان ركّت فيهو ضبانه بتهيّج عليهو الحساسيّه وعلا يدخل يستحمي ...لكن بيني وبينك حبوب وأخو أخوان ومحاول يتخلص من الحنكشه لكن لقاها في الدم ...وأهو يغالب فيها ويغالبنا ...والراندوق الحافظوا دا أريتو يجيهو في الامتحان ...

بجيك صاد آآآآعشاي ...

[salwa]

نورت تاني يا وقور

وياريت لو يفتحوا تاني عشان نسال الاسئلة النسيناها


على اميرتنا..وبنتنا ..وعروس ولدي

[Jamal Elmahi]

نورت تاني يا وقور

وياريت لو يفتحوا تاني عشان نسال الاسئلة النسيناها


على اميرتنا..وبنتنا ..وعروس ولدي

أم النسب العزيزه أم أحمد
مرحبتين حبابك ..المنتدي منّور بنوركم وريحتو صندل من بخوركم ...
ريحة قلوت بنكم ترمي في الشوك وتغرّق الزول في دميرة بحوركم ..
سكر الجنيد راجياكم لامال لا قولة خير بس العريس وتجهزوا شعوركم...
ونتواصل...
أبو النسب

[بنت الرفاعي]

أحيانا يتفاجأ المرء بأناس قاماتهم في السحاب (ماشاءالله) ويتمنى لو (عارفة أصل لي قامتك دي ولا في الأحلام مش لأني مابقدر(إحتمال مابقدر) لكن ماشاءالله ده كلو عايز صبر وأنا تعبت من الصبر لحدي ما الصبر قال لي كفاك(المشكلة لحدي الآن بصبر))!،
يلتقيهم ويعرف هذه الشخصيات عن قرب عله يحتذي بهم.

زمن الكرسي ماكنت موجودة، لكن سؤالي إبنك حاليا تخصصه شنو؟ وهل تخصصه ليهو علاقة بيك ، ولا رغبة إبنك؟

[sambaaa]

حبايبنا ..
سلامي وسلاماااتي ..
عمنا مستر جيمي .. إزيك .. كيفنك .. الشوق والله كتير والكلام اكتر وليهو طعم خاااص جدا معاك ..:)
اها كدي خلينا من النضمي الكتير ودق الحنك ..
داير اديك سعاااااااال واحد بس :
ود الماحي بين الأمس واليوم
( يعني بقصد بين تاريخ بداية جلوسك على العنقريب الساخن و هذه اللحظة )

[Jamal Elmahi]

أحيانا يتفاجأ المرء بأناس قاماتهم في السحاب (ماشاءالله) ويتمنى لو (عارفة أصل لي قامتك دي ولا في الأحلام مش لأني مابقدر(إحتمال مابقدر) لكن ماشاءالله ده كلو عايز صبر وأنا تعبت من الصبر لحدي ما الصبر قال لي كفاك(المشكلة لحدي الآن بصبر))!،
يلتقيهم ويعرف هذه الشخصيات عن قرب عله يحتذي بهم.

زمن الكرسي ماكنت موجودة، لكن سؤالي إبنك حاليا تخصصه شنو؟ وهل تخصصه ليهو علاقة بيك ، ولا رغبة إبنك؟

حباب مرام ..يا منتهي المرام
وأنا كمان سعيد بمعرفتك وطلتك البهيه مع إنك عايزه تقعديني في البنبر الساخن تاني ...لكن أنا ما بقعد ليكم وبجاوبكم من منازلهم ...
أبني الكبير محمد 19 سنه في تانيه إعدادي طب وأصغر واحده سكر الجنيد 5 سنين ...
مشاققه ...
أعصروا علي القرايه وأصبروا وصابروا عليها ...

جمال الماحي

[admin]

ياجماعة ما تثبتو لينا الكرسي الساخن دا ههههههههههههههههههه

تحياتي واشواقي يا جمال

[zoolfrda]

والله ده نوع جديد من الكراسي

بيسموهو كرسي المابعرفك بيجهلك

نوع متطور من أنواع الكراسي المتحركة

العزيز الوجيه جمالو

منور والله ومرحب بيك في كل الأزمنة والأمكنة

[Jamal Elmahi]

حبايبنا ..
سلامي وسلاماااتي ..
عمنا مستر جيمي .. إزيك .. كيفنك .. الشوق والله كتير والكلام اكتر وليهو طعم خاااص جدا معاك ..:)
اها كدي خلينا من النضمي الكتير ودق الحنك ..
داير اديك سعاااااااال واحد بس :
ود الماحي بين الأمس واليوم
( يعني بقصد بين تاريخ بداية جلوسك على العنقريب الساخن و هذه اللحظة )

العريس زين الشباب سامبا
وأنا أشواقي أكتر ولو مغالطنا أسعل العنبه الراميه فوق بيتنا...
ياحليلك يا سامبا وياحليل أيامك جبتني ضقلي يكركب ووهطني فوق البنبر الساخن ...وهسه داخل علي بدبلوماسية كاسنجر بسعال واحد بس ...بس ياعريس عشانك وعشان الملائكه الحارساك دي كل أسعلتك مجابه ...بس إتا ما تغيب ...وقرّب تعال ...
ود الماحي بين الامس واليوم ياهو زاتو ..زايد شوق ليكم وللبلد وأجمل ماسرّني لقاء الاحبه عمك تنقو.. ود المأذون ..وود حسن ..نبيل حمدتو.. وأم جمال وهو في جمال أكتر من كدا وعقبال ما أشوف بقية العقد الفريد ...ومتين ياالله تلمنا ...

جمال الماحي

[Jamal Elmahi]

ياجماعة ما تثبتو لينا الكرسي الساخن دا ههههههههههههههههههه

تحياتي واشواقي يا جمال
حباب الادمن حبابك ...الاشواق أسكت كب ...
والله دا شكلو بقي بنبر ساخن عديل مع وقف التثبيت ...والله يكضّب الشينه ...

[Jamal Elmahi]

والله ده نوع جديد من الكراسي

بيسموهو كرسي المابعرفك بيجهلك

نوع متطور من أنواع الكراسي المتحركة

العزيز الوجيه جمالو

منور والله ومرحب بيك في كل الأزمنة والأمكنة

الوجيه فرده ...
بس أريتو يبقي زي كرسيك المريح البتلولح من السنه الفاتت دا ..بس ضبانتك دي أمسكا عليك آآآبوي البف باف وكملناهو في الباعوضه خوفا من الحمي النزفيه ...محمد معانا ما تغشانا ...
لكم في القلب مكانه لايتربع فيها غيركم ...
ودمتم ...

[المكاشفى]

وانا اقول مالو المنتدى اليومين دى ريحته عنبر
ويرد الروح وبيزكر ايام زمان
عمنا ود الماحى مليون سلام ومشتاقين
ومرحب بيك فى بنبر القرن؟؟
وعليكم الله ده منو الفنان البحت الكلام الجميل ده

[نزار حسن محمد]

هاآآآ عاد اسوى شنوا ياجمال دنيانا ..بالله صفحة المنتدى العام بقى ليها رايحه وطعم وللون ... والاعضاء الجدد من حقهم يتعرفه عليك ..والجميع مطالب بيك ...الناس مجهجه والعيد على الابواب ..ولابد مكن ايجاد حل لموضوع ام فتفت ..؟
***
احبتى سؤال واحد وبس عشان الزول ما يطفش
مرحبتين حبابك ابو الاميره ..

[zukibush]

ياسلالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالالالالالالالالالالالام
انا مامصدقة الحاج ود الماحي
حبابك اخوى حبابك مليون وين الحى بيك والله ليك وحشة لا توصف ابدا والله
الفا حمد الله على السلامة الشوق بحررررررررررررررررررررررررر
شوف بعودتك جات منوما والغالي علينا استاذنا خالد والله العظيم بكتونى عدددددددددددددددددددديل كده .
سؤالى أخوي ويييييييييييييييييييييييييين الغيبة دى ؟؟

[Madanawi]

عزيزنا ود الماحي
ما بين ذكرى الكرسي الجميل
وتأرجح الشجن النبيل .... قلنا نزرع اكليل
و شتلة تكسر الصمت القبيل .....
حتى لو بنظرة خجولة ،،،،

تحياتي مجددا ودوما لك .. وعبرك للدكتور المرتقب،،

[Jamal Elmahi]

وانا اقول مالو المنتدى اليومين دى ريحته عنبر
ويرد الروح وبيزكر ايام زمان
عمنا ود الماحى مليون سلام ومشتاقين
ومرحب بيك فى بنبر القرن؟؟
وعليكم الله ده منو الفنان البحت الكلام الجميل ده


الوجيه المكاشفي ..ود الشيوخ ...يلحقوني وينجدوني ...وأنا أقول ود حسونه دا دافرني موديني وين ....
مرحب وحبابك ألف آآآآعشاي...المنتدي إنتوا نورو ونوارو وبيكم زايد نضار وجمال وطيب..

[Jamal Elmahi]

هاآآآ عاد اسوى شنوا ياجمال دنيانا ..بالله صفحة المنتدى العام بقى ليها رايحه وطعم وللون ... والاعضاء الجدد من حقهم يتعرفه عليك ..والجميع مطالب بيك ...الناس مجهجه والعيد على الابواب ..ولابد مكن ايجاد حل لموضوع ام فتفت ..؟
***
احبتى سؤال واحد وبس عشان الزول ما يطفش
مرحبتين حبابك ابو الاميره ..

الوجيه أبو النسب ود حسن
الصقر كان وقع كترت البتابت عيب ...وأنا راكز تب ...والاعضاء الجداد والقدام حبابم وكان ما شالم صيوان البنبر الساخن يشيلم الرأس والقلب ...
مشاققه...
ود حسن أخوي عيديتكم للاحبه الاعضاء مفروض تكون حاجه من بيت الكلاوي وخليك مع الزمن ...وأنا آآآآعشاي بصنقر ليكم في طرف البنبر لغاية ما تختارو ليكم عيديه تمام ويستحسن تكون من الجنس اللطيف أبو دم خفيف شربات لزوم هضم خروف الضحيّه الخالي من الحمّي النزفيّه ...

[Jamal Elmahi]

ياسلالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالالالالالالالالالالالام
انا مامصدقة الحاج ود الماحي
حبابك اخوى حبابك مليون وين الحى بيك والله ليك وحشة لا توصف ابدا والله
الفا حمد الله على السلامة الشوق بحررررررررررررررررررررررررر
شوف بعودتك جات منوما والغالي علينا استاذنا خالد والله العظيم بكتونى عدددددددددددددددددددديل كده .
سؤالى أخوي ويييييييييييييييييييييييييين الغيبة دى ؟؟

وأنا زاتي مامصدٌّق ...العروسه نازك بجلالة قدرها ...يا منتدي أحفظ ما عليك ...وياواحد الله ويا عين قهرك الله ...ويا قل هو الله أحد من عين كل حد...أنا كان عارف تحكرتي في البنبر الساخن بتجيب كل الاحبه والغاليين كان قلبتو عنقريب كبير يشيل كل المنتدي وخليناهو من شدة السخانه جمرو يطقطق ...لكن كان النفوس إتطايبت البنبر الصغيروني دا بشيل ألف ....والحمد لله النفوس شدة ما متطايبه بالله الشوق كاتلنا لبعض ونسعل منكم سعال الضهبان ودايماَ إنتوا علي الخاطر والبال ...
الغيبه الطويله سك الدنيا الحدّها ما بتلحق ...مع بعض المطبات الحياتيه وشوية دقداق يخجنا خج ويحرمنا من الاحبه والقلوب الطيبه ...ومهما طال الغياب العرجه لي مراحا...

[Jamal Elmahi]

عزيزنا ود الماحي
ما بين ذكرى الكرسي الجميل
وتأرجح الشجن النبيل .... قلنا نزرع اكليل
و شتلة تكسر الصمت القبيل .....
حتى لو بنظرة خجولة ،،،،

تحياتي مجددا ودوما لك .. وعبرك للدكتور المرتقب،،

الوجيه مدناوي ...لا أوفيك حقك لو قلته فيك كل الحكاوي
لو أشعرته أو أنثرته.... أو حتي لو بقيت أحرف حاوي..
بس بنبركم الساخن آآآعشاي بكسر الضهر ويهرد الكلاوي
ومرات بجيب الهبايب والكتاحات ومرات السموم الكاوي...
أعصروا آآآبوي علي الجكس الزي عجوة القنديلا والبركاوي...

ود الماحي

[عوض صقير]

الأخ الفاضل

جمال الماحى

دعنى أقولها وبكل صراحة
بأن هذا ليس بكرسى ساخن وأنما هذا منتدى قائم بذاته

جامع وشامل ملىء بالحب والنجاح والأمل والتواضع والأخوة والصداقة من خلال وجودك ومداخلاتك الشيقة الحبيبة إلى النفس

فقط أستطيع أن أقول نحن سعداء بك وممنونين بما يجود به قلمك الأخضر

[عثمان جلالة]

ود الماحي ... سلام وشوق كتير ... معاك بتطل علينا ريحة الأرض ... والحواشات ومعاك بتجينا الألفه .... ودايما متفرد في ردك .. الفيهو الأصالة والطيبة ... وحديث الأهل والحبوبات .. المليان حنيه وحكمه والتحية ليك ولكل حبوباتنا .. لأنك بصراحة حبوبة المنتدى بلا منازع ...... فلك ألف تحية

[Jamal Elmahi]

الأخ الفاضل

جمال الماحى

دعنى أقولها وبكل صراحة
بأن هذا ليس بكرسى ساخن وأنما هذا منتدى قائم بذاته

جامع وشامل ملىء بالحب والنجاح والأمل والتواضع والأخوة والصداقة من خلال وجودك ومداخلاتك الشيقة الحبيبة إلى النفس

فقط أستطيع أن أقول نحن سعداء بك وممنونين بما يجود به قلمك الأخضر

مرحبتين حباب الدخري ود صقير
الرزين الرصين المافي ليهو نظير
في الحكمه والفطنه باقي لينا سفير
وأفعالك يوقنّك من سعال منكر ونكير...

[Jamal Elmahi]

ود الماحي ... سلام وشوق كتير ... معاك بتطل علينا ريحة الأرض ... والحواشات ومعاك بتجينا الألفه .... ودايما متفرد في ردك .. الفيهو الأصالة والطيبة ... وحديث الأهل والحبوبات .. المليان حنيه وحكمه والتحية ليك ولكل حبوباتنا .. لأنك بصراحة حبوبة المنتدى بلا منازع ...... فلك ألف تحية


حباب عثمان... حباب ود جلاله
حباب النمّه والمسدار والاصاله
حباب التقابه والتكيّه بي حاله
حباب الدعاش والهمبريب السمح فاله ...

مشاققه ...
ياريتني أطول أبقي حبوبة المنتدي..مخزون إرث وتراث وأصاله ..متحف قومي ومنهاج تربوي ...ياحليلنا آآآآعثمان وياحليل حبوباتنا ...كتلنا فيهن آآآآبوي ...ويعوضنا صاحب العوض...

ود الماحي

[esmat]

سلامات ياعمنا ود الماحي كيف الحال أنشاء الله أخبارك تمام التمام وتغيظ العدو مع أنو ما أظين أكون عندك عدو وأنت المابعرفك بحبك وأتمنى صداقتك ومعرفتك ونحنا شكلنا جينا متأخرين شديد لظروف
أها كدي خلينا من الكلام ده ، شايف الناس ديل من حبهم ليك (قلبوا ليك الكرسي من ساخن لي بارد)
قولي لي عندي سؤال ماكلني ولو الادارة دخلت السؤال بي واسطة ولا منعوا بسألك بسألك:سؤالي ليك (1)من عاداتك اليومية البتعملها عايز تخليها عشان ما عاجباك لكن ما قدرت .
ربنا أحفظ وخليك لينا وخلي ليك أولادك

[Jamal Elmahi]

سلامات ياعمنا ود الماحي كيف الحال أنشاء الله أخبارك تمام التمام وتغيظ العدو مع أنو ما أظين أكون عندك عدو وأنت المابعرفك بحبك وأتمنى صداقتك ومعرفتك ونحنا شكلنا جينا متأخرين شديد لظروف
أها كدي خلينا من الكلام ده ، شايف الناس ديل من حبهم ليك (قلبوا ليك الكرسي من ساخن لي بارد)
قولي لي عندي سؤال ماكلني ولو الادارة دخلت السؤال بي واسطة ولا منعوا بسألك بسألك:سؤالي ليك (1)من عاداتك اليومية البتعملها عايز تخليها عشان ما عاجباك لكن ما قدرت .
ربنا أحفظ وخليك لينا وخلي ليك أولادك

الوجيه عصمت ..حبابك ألف ...ويزيدني شرف معرفتك وصداقتك ..وخليك قريب آآآآعشاي..
بالنسبه لسؤالك العاده اليوميه الماعاجباني وعايز أخليها وما قدرته هي عدم المحافظه علي الكلام بالعربي مع أولادي في البيت عشان ماينسوا العربي وماقدرته ..لانو عربيهم ضعيف وأحسن منو عربي جوبا ..وعلي الرغم من إتفاقي والمدام إنو في البيت الكلام يكون بالعربي مع الاولاد وإلزامهم بالرد بالعربي لكن بمرور الزمن وعدم وجود جيران عرب وعدم وجود مدارس عربيه إتلاشي عربي الاولاد وحتي لو إتكلمنا معاهم بالعربي إلاّ نعيدو تاني بالانجليزي ...وصراحه دا هاجسي الاكبر وضريبه غاليه من ضرائب الغربه وبالذات لمّا يكون الاب والام من أهل العوض وأولادك العربي في تلتله ...وتعال شوف الافلام الهنديه لما نمشي السودان حكاوي أولادي تكون في الحلّه سنه للحول والله يكضّب الشينه...

[عمك تنقو]

الاصلو نخله منّو الخير ما بخلا
والاصلو حنضل كان كبولو السكر ما بحلا...(خالتي حاجه بتول)

ود الماحي ده شنو السوو ليك عرس جديد يطرشني :D

مصادفة ساكت دقشتني الحكاية قلت اقوليك مشتاقين يا أصيل .
أها عشان الناس دي تستفيد جد :D عليك الله بدور اسألك من 3 حاجات :

1 - أضان الحامل طرشة :D يعني شنو ؟؟
2 - حنضل الكيزان :D وريهم الكيزان دي شنو ؟؟
3 - الرّمة وحباسها :D دي رواية عالمية مؤلفها منو ؟؟


قطيعة :
قريبك اليومين ديل معاهو الفنان مصطفي السني بي جاي ونانسي عجاج في الطريق
خم وصّر :D:D

[عزيز عيسى]

الخواجه عزيز رابط بقجتو وخاتيها جمب الباب وجاهز للسفر مويه ونور ..بختو وبختكم ..
جمال الماحي

أنا صريت بقجتي.. وجاهز للسفر من باكر..
وإنت شيل شيلتك مع الكرسي الساخن..
إن شاء الله لما أرجع ألقى الجماعة (نجضوك).. :D
قالوا لي من هسع أبوسفروق مرابط في المطار قدام صالة القدوم..
ويقابض في الركاب واحد واحد ذي البعزل ليهو في بطيخ..
يسعل فيهم.. ها جني إنت ودعيسى؟.. ها جنى إنت ماك الخواجة؟..
وأمبارح راح خابط ليهو واحد من الركاب بالسفروق لأنه
طلع واحد تاني غير الخواجة..
غايتو لو طيارتي تأخرت بيكون فتش ناس أبوظبي كلهم.

[Jamal Elmahi]

الاصلو نخله منّو الخير ما بخلا
والاصلو حنضل كان كبولو السكر ما بحلا...(خالتي حاجه بتول)

ود الماحي ده شنو السوو ليك عرس جديد يطرشني :D

مصادفة ساكت دقشتني الحكاية قلت اقوليك مشتاقين يا أصيل .
أها عشان الناس دي تستفيد جد :D عليك الله بدور اسألك من 3 حاجات :

1 - أضان الحامل طرشة :D يعني شنو ؟؟
2 - حنضل الكيزان :D وريهم الكيزان دي شنو ؟؟
3 - الرّمة وحباسها :D دي رواية عالمية مؤلفها منو ؟؟


قطيعة :
قريبك اليومين ديل معاهو الفنان مصطفي السني بي جاي ونانسي عجاج في الطريق
خم وصّر :D:D

الحبيب الصديق عمك تنقو...مرحبتين حباب الخزين ونورته صيوان البنبر الساخن...
صاحبك نزار عاملني الحيطه القصيره كلما إتحيّر يعصر عليّ أنا ...
أما عن أسعلتك ...يعني في داعي تقلعنا من عصر العولمه وترجعنا لي العصر الحجري وتشمّت فينا الحناكيش...أها جيتك ...
أضان الحامل طرشه آآآآعشان مثل بقولوهو قاصدين بيهو أنو الكلام الكعب والنبز البطال الحامل ما تسمعوا عشان ما تتوحم عليهو ...يعني لو قلته فلان داك قرد بس يقولو ليك أضان الحامل طرشه ما تسمع كلمة قرد تقوم تلد ليها ولد ككو ...
حنضل القيزان ..وليس الكيزان ...ورجاءاَ ما تجيب لينا الهبايب ..حنضل القيزان هو الحنضل البقوم في قيزان الرمله او الصحراء ولنشاف الصحراء من الماء الحنضل أجارك الله مركّز وأحسن يقطعو لسانك وماتضوقو...
الرمّه وحبّاسا لعبتنا زمان بدل البلي إستاشن ..والنوع الغتيت من الاولاد بعقد عراقيهو عشان الضربه في الضهر طوالي تضوق طعم قلبك في خشمك ...
مشاققه...
قريبي ماشه معاهو منقه بس وبعد نانسي عجاج إن شاء الله نانسي عجرم ...
التحيه لك والاشواق وللاسره الكريمه ...

[Jamal Elmahi]

أنا صريت بقجتي.. وجاهز للسفر من باكر..
وإنت شيل شيلتك مع الكرسي الساخن..
إن شاء الله لما أرجع ألقى الجماعة (نجضوك).. :D
قالوا لي من هسع أبوسفروق مرابط في المطار قدام صالة القدوم..
ويقابض في الركاب واحد واحد ذي البعزل ليهو في بطيخ..
يسعل فيهم.. ها جني إنت ودعيسى؟.. ها جنى إنت ماك الخواجة؟..
وأمبارح راح خابط ليهو واحد من الركاب بالسفروق لأنه
طلع واحد تاني غير الخواجة..
غايتو لو طيارتي تأخرت بيكون فتش ناس أبوظبي كلهم.

العيد عيدك آآآآلخواجه ...هو عيد واحد ..ديل أعياد ...شوفة ود المطامير براها عيد ضحيّه ووقوف بي عرفا ...أما ملاقاة أبو النسب ود حسن بتعفيك من سفرة السودان وشوفة الاهل ...الاهل كلهم بتلقاهم في عيون وضحكت ود حسن ...ولقاء بقية المنظومه مدناوي وصحبه لا تضاهيها علا الجنّه أم موز ...
من جبنا سيرة ناس أبوظبي الكلام طار طيرة الريش من الدريش ...

[esmat]

ربنا اخليك وخلي أولادك أنشاء الله
وأنشاء الله أولادك أكون أعلام في اللغة كمان
لأنو زي ما قالت خالتك
الاصلو نخلة منو الخير ما بخلا
ولك التحية وجايييييييييك

[Jamal Elmahi]

ربنا اخليك وخلي أولادك أنشاء الله
وأنشاء الله أولادك أكون أعلام في اللغة كمان
لأنو زي ما قالت خالتك
الاصلو نخلة منو الخير ما بخلا
ولك التحية وجايييييييييك

تشكر عصمت..
موضوع اللغه للشباب داير ليهو جكّه مع شوية همشكوريب أو خلاوي ود الفادني في الاجازات حتي يخشوشنوا...
ما تطوّل تعال صاد ....

[zukibush]

بس طلب يا جيمو
عليك الله عليك الله عليك الله ما تغيب

[Jamal Elmahi]

بس طلب يا جيمو
عليك الله عليك الله عليك الله ما تغيب
غاليه والطلب رخيص يانازك ...أها من يوم الليله دي هادي تصنقره في المنتدي لامن تقولوا لي ورينا عرض أكتافك ...بس إنتي خليك قريبه ..بي قربكم يحلو ويبتسم المنتدي ...
تحياتي للاسره الكريمه ...

[مدناوية]

يعني لما الواحد يشوف ليهو قامة قدامو ممكن يسأل يقول شنو؟؟؟

أنا ما حأقول غير ربنا يديمك فوق رؤسنا

أنته ثروة

ربنا يكتر من أمثالك عمنا جمال الماحي

وكل عام وأنت وأسرتك الكريمة بألف خير

وكل الشعب السوداني داخل وخارج السودان بألف خير

[Jamal Elmahi]

يعني لما الواحد يشوف ليهو قامة قدامو ممكن يسأل يقول شنو؟؟؟

أنا ما حأقول غير ربنا يديمك فوق رؤسنا

أنته ثروة

ربنا يكتر من أمثالك عمنا جمال الماحي

وكل عام وأنت وأسرتك الكريمة بألف خير

وكل الشعب السوداني داخل وخارج السودان بألف خير




مرحبتين حباب مدناويه ..
كل عام وإنتوا بخيرين وذياده ..والعيد مبارك عليكم ..عيداَ بركاته تحفظك وتغطيك وتضاريك وتجعل البركه فيك وتحقق ليك كل أمانيك ...قولي آآآآمييييين ..
إنتوا الثروه يابتي ..شباب المستقبل وأملنا لي قدام ...

[abu_ola]

حبيبي ود الماحي تحيات و شواق شايلنها بالشوالات و الباقي داسنو في المطمورة
كل سنة و أنت طيب و عيداً مبارك عليك آآود عشاي و الجاية أن شاء الله في عرفات


ها جماعة الخير المنتدي دا مالو يا كافي البلا و حايد المحن بقي يرصع في الجــرة !!!! بس عليك أمان الله جــرة احسن من البرسيم المعدل وراثيا

قلت لي يا جنا بعد ما شــاب دخلو الكُتـــاب تاني رجعت لي القراية أم دق يا الحبيب


بجيك صاد بالمهلة يا المبروك

فتك بعافية