الذكاء بتاعك في راسك الكبيرة ده نسبته كم؟!

[سوار الياسمين]

انتبه وركز معايا

هذا إختبار صغير و بسيط جدا

فيه أربعة أسئلة سهلة

لتقرير مستوى فكرك
وغبائك

الاختبار للجنسين ذكور واناث
أجوبتك يجب أن تكون تلقائية وفورية

بدون تفكير أو إهدار الوقت

ولا غشّ

جـــــــــــاهز ؟؟


انطــلق

السؤال الاول
انت الآن مشارك في سباق جري وأجتزت العدّاء الثاني


في أي ترتيب أنت الآن؟





الجواب




إذا أجبت بأنّك الآن في المركز الاول ...... تبقى غبي
لانك اجتزت العداء الثاني واخذت مكانه
لذا أنت الآن في المركز الثاني


معلش حاول تانى فى السؤال الثاني

السؤال الثاني
اذا اجتزت العداء الاخير ! في اي موقع انت ؟
بسرعه جاوب ما تفكرش






اذا جاوبت الثاني من الاخير تبقى برضه ...... غبي

فكر فيها شوية

امممممم


كيف اجتزت الاخير وانت الاخير اصلا ؟
لانك آخر واحد وما وراكش حد

معليش معليش حاول تاني


السؤال دة بقى عملية حسابيه بسيطة جداً بس ما تحاول
تستعمل لا قلم ولا ورقه ولا أله حاسبه
قلنا الغش ممنوع


السؤال الثالث
خذ 1000 نقطة واجمع عليها 40 نقطة واجمع عليها 1000 نقطة
واجمع عليهم 30 نقطه و 1000 نقطة و 20 نقطة
واجمع بعد 1000 نقطة و10 نقط

المجموع كام بسرعة ؟؟؟

اكيد جوابك 5000

غلــــــــــط


امممم شكلك غبي بقوة

لان الجواب الصحيح 4100\


جرب مرة ثانيه باستعمال آاله حاسبه وتأكد


باين عليك اليوم دة مش يومك
إنت لسة ما فطرتش ؟؟


آخر محاوله وآخر سؤال

السؤال الرابع
أبو مارى عنده خمس بنات
1. تشاتشا

2. تشيتش

3. تشيتشي

4. تشيتشا

5. ؟ ؟ ؟ ؟


فكر بسرعة .... البنت الخامسة إسمها إيه ؟؟

اكيد قلت تشوتشو؟

لالالالالالالالالا


غلط ياغبي

قلنا لك الراجل إسمه أبو مارى
يبقى البنت الخامسة إسمها مـــارى


راجع أجوبتك واتمنى أن تكون فى يوم من الأيام ذكى

مع تحياتى لكم بتحسين مستوى ذكاءكم

[نور العيون]

الله يديك العافيه و الحمد لله كنت ذكيه

[DANY]

والله ياسوار نحن فى الجامعه امتحان ذى ده ماشفناه
يعنى لازم تحرجينا يعنى؟؟؟؟؟ :p

[sambaaa]

الاخت العزيزة / سوارالياسمين

اول حاجة حمدا لله على إيابك
وتاني حاجة اشتقنا لمقالبك ومداخلاتك الكوميدية
وتالت حاجة انا زاتي عندي ليك مقلب رهيب في القريب العاجل
بس انتي شدي حيلك بعدين

[نزار حسن محمد]

الاخت سوار الياسمين,... والله انا طلعت غبى جدا جدا وما جاوبت ولا سؤال لكن اكتره حاجه عجبتنى وضحكتنى عنوان الموضوع...
ا اديك ا لصحه والعافيه .... ود حسن

[سوار الياسمين]

اختي الغالية نور العيون

الحمد لله انك طلعتي ذكية واشكرك على مشاركتك

[سوار الياسمين]

اخي داني

مشكور على تشريفك ومشاركتك وفي ذمتك ناس الجامعة المانصيحين أسإلتهم مش غريبة وعجيبة زي دي

وما عدمناك

[سوار الياسمين]

العزيز جدا سامبا

اولا اشكرك على ترحيبك
ثانيا خوفي من المشاركة تاني في المنتدى بسبب مفاجئاتك انت بالزات
والله يستر شكلك عايز تخوفني وارجع اغيب تاني

[سوار الياسمين]

اخي نزار
تبرى من الغبى وأسعدتني جداً مشاركتك في الموضوع
وماعدمناك أنشاء الله

[شبندر]

الأخت سوار الياسمين
أولاً لقيت نسبة الذكاء في راسي الكبير 50% والحمد لله
ثانياً : مداخلة كنت اعمل استاذ لمادة الرياضيات في الثانوي وفي أحدى الحصص بعد ما خلصت قلت للطلاب بان علماء الأحياء بيقول بان نسبة الذكاء بتقل كل ما زادت نسبة القرابة بين الأم والأب وفي هذه اللحظات ضحك أحد الطلاب وسألته فقال لي بهذا يكون والدي متزوج أخته .

[سوار الياسمين]

اخي شبندر

مرحب بيك في البوست ده
ورد الطالب بتاعك ده بالغ عديل كدة

لك كل الود وما عدمناك

[الجندي المجهول]

سوار الياسمين الحاجات دي بتجيبوها من وين الله يجازي محنك " الله يديك العافية يا مقلاب"

[سوار الياسمين]

اخي الجندي المجهول

بالبفتش ما بيغلب وتحياتي ليك

والذكاء بتاعك إنشاء الله لقيتو مرتفع

[zukibush]

الاخت سوار الياسمين
الله يديك العافيه
يعنى لازم تحريجينا والله انا افضحته فضيحة السواد والرماد خليها فى سرك
وهاتى اضانك احسن ان منتسبة جديدة وخايفة انحرج وحياة امى ولا سؤال

[zoolfrda]

الأخت الغالية سوار الياسمين
مرحب بيك على العودة القوية دي وتاني ما تقطعي الخبر

وأنا عندي ليك سؤال :

واحد لا بس أسود في أسود بدلة سودا وقميص أسود وبنطلون أسود وخزمة سودا وما شي في نص الشارع وأنوار الشارع مطفية والسيارات أنوارا مطفية

بعد ده كلو مافي أي سيارة خبطتو !! للللليه؟

[سواااح]

الاخت سواااار الياسمين

انا شايف انو مشيت تمام

بس في سؤال عديت فيهو بتاع الارقام

والله ما بكره حاجه زي الارقام والحساب

مع انها شغلي

لك الشكر ...

دمــــــــــــــــتي ،،

[جنفر]

ههههههههههههههه
تسلمي ياسوار الياسمين لكن اسئلتك ماحاجه فاهمه شديد

[سوار الياسمين]

أخي المميز زول فردة

لك كل التحايا على مشاركتك لكن قلتى ولا سؤال ده صعبة شديد

هههههههههههههه

ولغزك ده حيرني لاكن بعتقد أنه الليل أو عزرائيل
ههههههههههههه

ما عدمناك وإنشاء الله تاني ما بقطع أبدا

[سوار الياسمين]

الاخت سواااار الياسمين

انا شايف انو مشيت تمام

بس في سؤال عديت فيهو بتاع الارقام

والله ما بكره حاجه زي الارقام والحساب

مع انها شغلي

لك الشكر ...

دمــــــــــــــــتي ،،


اخي العزيز سواح

وميييييييييييييييييين سمعك انا ما في شي مكرهني الا الشغل مع المحاسبين
ومن يومي بكرهى :cool: عمىىىىىىىىىىىىىىىى


وربنا يديك العافية يا سواح :)

[سوار الياسمين]

مشكور حبيبتي جنفر

إنشاء الله بس تكوني جاوبتي كويس

وما عدمناك يا غالية

[امل حياتى]

والله ياسوار اتخيلتك استاذة رياضيات مجرد ما اقرأ خذ 1000 نقطة واجمع عليها 40 نقطة واجمع عليها 1000 نقطة
واجمع عليهم 30 نقطه و 1000 نقطة و 20 نقطة
واجمع بعد 1000 نقطة و10 نقط

المجموع كام بسرعة ؟؟؟

اكيد جوابك 5000

غلــــــــــط


امممم شكلك غبي بقوة
والله العظيم خفت اتخيلتك حتجلدينى هههههههههههههههههههههههههههههه
يعطيك الف عافية اختى سوار يا ياسمين وربنا ما يحرمنا منك ابدا

[سوار الياسمين]

قلتلي ي امل حياتي مدرسة رياضيات
انااااااااااااااااااااااااااااااااااااااااااااا
واعوذ بالله من قولت انا
اخر وحدة من تفكر تنطق كلمة رياضيات
بشوفا زي العمى

وربنا يديك العافية

[امل حياتى]

ليه ياسوار الياسمين انت كنت زمان بتحضرى حصة الرياضيات بالشباك ولا شنو بس اوع كنتى بتشفى التماريين هههههههههه
يعطيك الف عافية اختى سوار مشكورة بس ممكن ماهو السبب لكرهك الرياضيات لازم فى سبب

[salwa]

سوار العسل
والله جد تسميتي في محلها وعسل موضوعك كمان لكن والله هل تعلمي انا عن نفسي جطه ليك جوطة لا عرفت الالف من ماري من الاولى ولا العاشرة وبقولها ليك من اولها انا هندية عديل كده في الحاجات الذي دي مع الاعتذار لمزوني لان الهنود ديل ما بيرضى فيهم ههههههههه .. شكرا ليك سوار بس لو ممكن تغشيشيني شويه بعدين طيب.تسلمي سوار

[سوار الياسمين]

اخي العزيز امل حياتي

سبب كرهي للرياضات بصراحة ما بفهمها بسرعة وده شيء ما بخجل منو

واصلا في حياتي ما حبيت المدرسة بتاعت الرياضيات في اي مرحلة دراسية سبحان الله كده لله

ولاني اساساً ما بحب الحساب والحساب يوم العذاب الله يجيرنا منو

وتحياتي ليك

[HaSsOoN]

سوار الياسمين يديك العافيه لاكن ناس امل حياتي والجندي المجهول ماعارفاهم قادين علوم خفي عليهم شويه هههههههههههه انا غايتو طلعتا ازكى زول فيكم ...وكتري من المقالب

[سوار الياسمين]

العزيزة ام احمد

والله انتي العسل ومن ناحية الجوطة فما في زول سلم منها
والغش ما مشكلة انا ستوا بغششك من العين ده قبل ده

وتحياتي ليك

[سوار الياسمين]

اخي حسون

تحياتي ليك وسعيدة بوجودك هنا
في زمتك طلعتى ازكى زول
كدي عيني في عينك

ومقالبي كثيرة بس ارجاني

[waheeb]

مرحب سوار الياسمين ,,
الحمد لله ما طلعت غبي ميه الميه وبعد راسي الكبير دا قدرت اجاوب..
شكرا علي موضوعك وفي انتظار ابداعاتك...

[سوار الياسمين]

اخي وهيب

اسعدتني مشاركتك جدا
والحمد لله الراس الكبير جا بيفايدة
هههههههههههه

تحياتي ليك

[امل حياتى]

ههههههههههههههههههههه والله ياسور الياسمين انت عسل عديل كده والله صح الحساب يوم الحساب

بس حسون بيقول انا والجندى قادين علوم بس انا سمعت حسون كان زمان بيجيب اعد فى الاملاء طوالى ربنا يكون فى عونه هههههههههههههههه
تحياتى الى اخوى حسون يعطيك الف عافية

[سوار الياسمين]

يديك العافية يا امل حياتي

ومنو الماكان قادي ايام زمان

الله يرحمها

هههههههههه