عزابيات.. بس مغص للعزابة

[ابراهيم]

* المتزوجين طوالي شابكين ليك العزابة .. اعمل حسابك ما تقع ... والعرس دة مسئولية صعبة وما تعرف شنو شنو .. مع انو كلامهم دة يؤدي الى ارتفاع الايجارات وزيادة معدل البوران بضم الباء على وزن فُعلان.



* تلقى العزابة الفي البيوت بعرسوا قبل العزابة الفي بيوت العزابة السر شنو ما تعرف ...!!



* بيت العزابة في أي حي بكون مشهور باسم (بيت العزابة) ومميز كمان ليه ما تعرف .. ما ممكن يكون اسمو بيت ناس فلان (باسم كبير العزابة مثلا) زي البيوت العادية ولا العزابة مخلوقات غير عادية...!!؟



* أكتر حاجة متوفرة في بيوت العزابة الكشتينة دة بالنسبة للعزابة العاديين .. اما المثقفاتية من العزابة فبتلقى رقعة شطرنج وجرايد كمية ...



* العزابة في الغربة مبشتنين اكتر من العزابة في وطنهم ...



* قالوا في عزابي مشى لي حنان بلو بلو قال ليها والله تاني اسمعك تغني مغص مغص يا العزابة بكسر ليك خشمك .. ما عارف تاني غنتها ولا ما غنتها ..!!



*أغرب حاجة ودي GL جديدة لنج .. ظهرت بيوت عزابيات .. كيف ما تعرف..!!



*العزابة جنهم يشكو القميص جوة البنطلون ويشيلوا قلم BiG في الجيب الامامي ودايماً يغلب عليهم الطابع الكلاسيكي ليه ما تعرف ...!!



* سمعت تحت تحت قالو البشير عايز يعرس للعزابة كلهم والباريكس(1) يديهم بدل بورة عندكم فكرة الموضوع دة مشي لغاية وين؟؟



* العزابي الهرش حنان بلوبلو دة يكون مالوا ..



1- مغيوظ من الفول والعدس

2- زعلان عشان هو عزابي

3- كان بحب حنان بلوبلو



ضع دائرة حول رقم الاجابة الصحيحة











ــــــــــــــــــــــــــــــــــــــــــــــــــ ــــــــــــــــــــــــــــــــ

(1) بايركس = من بار يبور بوراً .. وهو الذي فاته او فاتها القطر الشال معاوية

[خالد عبدالماجد]

المتزوجين طوالي شابكين ليك العزابة .. اعمل حسابك ما تقع ... والعرس دة مسئولية صعبة وما تعرف شنو شنو .. مع انو كلامهم دة يؤدي الى ارتفاع الايجارات وزيادة معدل البوران بضم الباء على وزن فُعلان.

فعلا ياإبراهيم نحن ماعارفين الناس ديل قصدهم معانا شنو الواحد كل مايقول خلاص قرب يجهز حالوا عشان يعرس يجونا بالكلام المسيخ المحبط دة لكن أقول ليك أحسن حاجة ندخل كلامهم بي أضان ونطلعوا بالتانية لأنو صراحة غير العرس ماعندنا أي خيارات وفترنا من البشتنة في حياة العذوبية الواحد مشتاق يرجع البيت يلقى الغداء جاهز والغيار مغسل ومكوي واهم شئ ( العين الطايرة ) دي فكرك ياإبراهيم في حاجة بتخليها ( ترك ) غير العرس .
وبعدين عزابة البيوت ديل ماضاقوا طعم حياة العوائل عشان كدة الواحد عايز يعيش هذه الحياة الجميلة التي عايشها بنفسه بسرعة خلاف عزابة بيوت العزابة الفاتحين إضنينهم لي كلام المعرسين المسيخ ( داك ) .

[ابراهيم]

http://www.elhoot.net/Music/Elgtaar.wma
امسك قبضنا عزابي ...
وكما يا خالد في واحدين يقولو بعد يعرسوا تلقى الواحد حالتوا بالبلا ويشجعك يقول ليك عرس والعرس تمام وما تعرف شنو شنو ... لكن شكلو ما بكون مطمن يلاوز بيك .. الظاهر هم وجهين لي عملة واحدة :)
الواحد محتار يسمع كلام ياتو نوع فيهم ..!!! يخلونا حايمين كدة لغاية ما القطار يمر...

يا اخوى زمنا دة قالوا الحياة الزوجية لازم يكون فيها اشتراكية ونبطشية .. واحتمال النبطشية تبقى كل يوم عليك غسيل وطبيخ ومكوة وقطيع بصل .. وكان مغالطني أسأل عمنا عزيز عيسى ... (أسأل معرس ولا تسأل عزابي) ...
نسأل الله انو العين الطايرة ترك .. يا ابو الخلد ..
ونهدي الغنية لى كل العزابة .. والعزابيات .. والناس القطارهم مر

تسلم يا ابو الخلد ...

[عزيز عيسى]

وأنا بهدي ليكم أغنية:

الفرع القام دابا.. أحيا أنا.. شقاوة العزابة.. ووب أنا..
الفرع القام دابا جمبنا شقاوة الغلابة.. ووب أنا..

أها عليكم الله عاجبكم الكلام دا؟؟ يا عزابة يا مبشتنين يا حيرانين.. يا شقيانين.. يا الراسكم مقطوع..
إنتو خايفين من (العين الحارة).. ولا بتخافوا من ضبح الديك؟
أنتو عارفين الناس في محلات كثيرة ما بيرضوا يأجروا البيوت للعزابة ليه؟
لأنو عينكم طايرة!!..
تجروا الكراسي وتتكوموا قدام خشم الباب وهات يا تنظير في بنات الفريق..
دي سمحة ودي حلوة ودي شينه جنس شنا ودي متقرضمة..
تقول بتعزلوا في بطيخ.. عشان كدا الناس مكجناكم..
وبنصحكم تعرسوا وترتاحوا من الشقاوة..
ولا أقول ليكم الما بتلحقو جدعوا..

[ابراهيم]

شايف يا خالد ..
ما يطمنوك اصلو ..
والاغرب من كدة انهم كانو في يوم من الايام عزابة
يا عزيز بدل تعملوا لينا Sharing وتقنعوا الجكس
تزيدو الطين بلة:confused:

[امل حياتى]

والله يا ابراهم كلامك كله واقعى مشكور اخوى يعطيك الف عافية

[فدوى الحسن]

أزيكم شباب جيت مارة بي هنا وقلتى ارفع من روحكم المعنوية شوية وشايفة نفسي اول بت تجي تديكم التحية وحياة العزوبية مافي احلى منها ده في رأي الخاص...وحتى بعد ما يتزوجوا بحنوا لبيت العزابة وبقضوا فيه اجمل اللحظات وبسترجعوا الذكريات ...صااااااااح ؟؟؟؟

[نور العيون]

العزابه مالهم عايشين في حالهم غايتوا الله يدي العافيه و يعرس للعزابه كلهم بدون فرز

[ابومرام]

ليك التحية اخي ابرهومة ::
والله ماعارف الحكاية شنو مع العزابة لكن قد تكون احياناً فيها شي من الحرية لكن انا اشهد لمجموع من اصحابي بقول ليك والله الحبكانة وتبعاتها دي فترة بس قبل الزواح لكن بعدين كل شي بنتهي يبقى الهم الوحيد دايرين خبر جيب معاك وجيب وجيب وينتسو الحجات الدقاق الزماااااااااااااان ديك كانت اساس المودة والباقي انتو عارفنه ولا رايك شنو يا ابراهومة ،

[zoolfrda]

آي ...

مالنا كمان

شدااااد... عسل....

إنتو بس الغايرانين مننا...

عرس .. وما حنعرس أصلوا ...

[خالد عبدالماجد]

الرائع إبراهيم
نعمل شنو مجبورين نسمع كلام الشماتة دة وأصلوا مافي شئ فاتنا صغار وجهّال والواحد لولقى واحدة ماقرت البوست بتاع جنيفر بتاع ( الترويض ) مستعد يعرس الليلة قبل بكرة .
لكن بيني وبينك ياإبراهيم هسع الواحد لوعرس تاني بسمع غناء سمح ذي غناء محمود دة ولابضوق ليه طعم ؟
تلقى الواحد أخلاقوا في نخرتوا ومما يتعشى تلقى كرهان حياتوا من قومة الصباح وعيال المدارس .
أنا عندي واحد صاحبي كان كلوا هموا العرس لمن عرس كلوا مايكون ماشي على البيت تلقى صاري وشوا التقول مودنوا الإلزامية .http://www.kassalahome.com/php/images/smiles/36_6_3[1].gif

[نزار حسن محمد]

والله حيرتونا... دا حـــــــــــــــار ودا مابنبـــــــــــقى براه؟؟؟ (( اخوانى العزابه ماسمعته بى اشراركم عوزابكم.. والله ياخوانا الكلام دا ما من فراغ .. اولا العرس نصف الدين ثانيا انتوا ناسيت الموت ولاشنــــــوا ... عموما انصــــــــح جميع العزابه بعدم سماع الكلام المحبط .. واقوليهم عرسوا اليوم قبل بكـــــــــــــــــره عياليكم اكبـــــــــــــرو معاكم وينفعوكم .. وبعدين قولوا ودحسن قال كلام

[sambaaa]

ابراهيم يا اخوي ..

والله احسن نكون صريحين ونقول الحقيقة ..
العزوبية شر مستطير ..
وكل عزابة الارض اشرار ومساكين ومغلوب على امرهم
وقد قال مسطول زات مرة ..
( العزابي تافه ) ..
هههههههههههه
مع الاعتزار لنفسي ولكل عزابة الارض ..
همسة ..
( رايك شنو نعمل عرس جماعي لعزابة وعزابيات المنتدى ؟؟ ) ..
اكسب الاجر يا ابراهيم وابدأ بنفسك ..

[نور العيون]

يلا يا جماعه ما تشيلوا هم يلا كل واحد يختار ليه واحده و تعالوا كلموني و انا حاعمل ليكم العرس الجماعي و انا اولكم رايكم شنو و انا اايد راي سامبا

[ابراهيم]

وأنا بهدي ليكم أغنية:

الفرع القام دابا.. أحيا أنا.. شقاوة العزابة.. ووب أنا..
الفرع القام دابا جمبنا شقاوة الغلابة.. ووب أنا..


يا عزيز الغنية دي بغنيها منو؟
والله حالتو صعبة لكن
البشوف مصايب الناس تهون عليه مصيبتو:D

[ابراهيم]

أزيكم شباب جيت مارة بي هنا وقلتى ارفع من روحكم المعنوية شوية وشايفة نفسي اول بت تجي تديكم التحية وحياة العزوبية مافي احلى منها ده في رأي الخاص...وحتى بعد ما يتزوجوا بحنوا لبيت العزابة وبقضوا فيه اجمل اللحظات وبسترجعوا الذكريات ...صااااااااح ؟؟؟؟

يا سلام عليك يا فدوي يا احساس ..
اها يعني كلامك دة تأييد للعزوبية ولا شنو:confused:

[ابراهيم]

العزابه مالهم عايشين في حالهم غايتوا الله يدي العافيه و يعرس للعزابه كلهم بدون فرز

آمييييييييييييييين يا نور العيون
المشكلة العزابة مسالمين وعايشين لحالهم لكن الناس ما مريحنهم

[ابراهيم]

ليك التحية اخي ابرهومة ::
والله ماعارف الحكاية شنو مع العزابة لكن قد تكون احياناً فيها شي من الحرية لكن انا اشهد لمجموع من اصحابي بقول ليك والله الحبكانة وتبعاتها دي فترة بس قبل الزواح لكن بعدين كل شي بنتهي يبقى الهم الوحيد دايرين خبر جيب معاك وجيب وجيب وينتسو الحجات الدقاق الزماااااااااااااان ديك كانت اساس المودة والباقي انتو عارفنه ولا رايك شنو يا ابراهومة ،

سلامات يا غاندي .. وينك ياجميل مشتاقين ليك والله
لو عارف موضوع العزابة بجيبك كان كتبناه زماااااااان
معني كلامك يعني الحب والرومانسيات بعد الزواج بتنتهي؟
دي بسيطة .. وعلاجها بس انت قبل الزواج ما تكتر منها وخزنها لغاية تدخل القفص الذهبي
لكن المشكلة القفص الذهبي لكن الطريق ليهو زي الطريق للمليون في (من سيربح المليون)
الحب والحاجات الدقاق البتنتهي بعد الزواج دي انا ما بتفق معاك فيها واصحابك ديل زيهم وزي باقى المتزوجين الناغمين على العزابة وعمنا عزيز واحد منهم

[ابراهيم]

آي ...

مالنا كمان

شدااااد... عسل....

إنتو بس الغايرانين مننا...

عرس .. وما حنعرس أصلوا ...

يا فردة انت كدة شفت كيف لو ما شجعونا معنوياً ومادياً ما حنعرس
والبلد كلها تتملى بايركس .. ونكون سامهنا في الاقتصاد القومي:D

[ابراهيم]

لكن بيني وبينك ياإبراهيم هسع الواحد لوعرس تاني بسمع غناء سمح ذي غناء محمود دة ولابضوق ليه طعم ؟
تلقى الواحد أخلاقوا في نخرتوا ومما يتعشى تلقى كرهان حياتوا من قومة الصباح وعيال المدارس .
أنا عندي واحد صاحبي كان كلوا هموا العرس لمن عرس كلوا مايكون ماشي على البيت تلقى صاري وشوا التقول مودنوا الإلزامية .http://www.kassalahome.com/php/images/smiles/36_6_3[1].gif

المشكلة يا خالد دة هاجس بزرعو فينا الناس المتزوجين والحياة الزوجية يبدو لي اجمل من كدة وفي امثال كتيرة لازواج حياتهم تحسدهم عليها حب وبساطة وتفاهم وتشوفهم تحلف تقول دي مخطوبين ما متزوجين ..
اديك مثال حي عندنا في جزيرة الفيل .
حاج الشريف .. وحاجة التاية
ديل من ما قمنا لقيناهم عايشين حياة حب وإلفة بلا حدود .. ما انجبوا ولا طفل ساكنين في غرفة جالوص امامها شجرة نيم تحتها زير موية .. وفي زاوية من حوشهم الوسيع مربوط حمار حاج الشريف ...
جدنا حاج الشريف شغال في جنينة قريبة والله لو إتأخر من الشغل ثانية تلقاها راجياهو في الباب شفقانة عليهو ...واعمارهم اقل حاجة في حدود التمانينات او التسعينات لكن الحب البينهم بزيد كلو ما يكبروا وكان بيضربوا بيهم المثل في الحي .. لغاية ما ربنا يرحمهم اتوفوا .. ومؤكد في امثال كتيرة زي دي بس نحن عايزين المتزوجين يقيفوا معانا ويحكو لينا عن تجاربهم عشان تكون دفعة للعزابة وعشان كمان بناتهم ما يبورو ...

[ابراهيم]

والله حيرتونا... دا حـــــــــــــــار ودا مابنبـــــــــــقى براه؟؟؟ (( اخوانى العزابه ماسمعته بى اشراركم عوزابكم..

سلامات يا نزار ..
شكراً للاعتراف ببراءة العزابة ... العزابة ديل اجدع ناس بس الرياح دوماً تأتيهم بما لا يشتهوا

[ابراهيم]

ابراهيم يا اخوي ..

والله احسن نكون صريحين ونقول الحقيقة ..
العزوبية شر مستطير ..
وكل عزابة الارض اشرار ومساكين ومغلوب على امرهم
وقد قال مسطول زات مرة ..
( العزابي تافه ) ..
هههههههههههه
مع الاعتزار لنفسي ولكل عزابة الارض ..
همسة ..
( رايك شنو نعمل عرس جماعي لعزابة وعزابيات المنتدى ؟؟ ) ..
اكسب الاجر يا ابراهيم وابدأ بنفسك ..

يا سامبا .. انت متزوج صح؟
العزابي هو ذلك المخلوق المسكين والذين يعاني من الوحدة ويفتقد السعرات الحنانية
وبعدين العزابي دة زول زي باقي الناس الفيهم الشرير والجميل
وصحبك المسطول دة حاقد بس .. وانا لو في محلك كان فتحت فيهو بلاغ ..

[ابراهيم]

يلا يا جماعه ما تشيلوا هم يلا كل واحد يختار ليه واحده و تعالوا كلموني و انا حاعمل ليكم العرس الجماعي و انا اولكم رايكم شنو و انا اايد راي سامبا

خلاص يا جماعة ما دام قلتو كدة ...
طبعاً انتو عارفين الموضوع حساس شوية عشان كدة تتكون لجنة من كبار المنتدى ناس ابو المهتدي وابو شوارب وعزيز وود الصول وود الماذون .. واللجنة تقوم تختار كل شهور خمس ازوج ويا ريت لو الاعضاء يجو يرشحو خمسة اعضاء وعضوات لايقين لبعض وبعد كدة يحصل الفرز وكل شهر يكون في عشرة عزابي وعزابيات ودعوا العزوبية ووقعوا في القفص الذهبي .. ولا رايكم شنو ...

ما تجي اميمة عشرية تقول سرقتها منها الفكرة:D

[عزيز عيسى]

يا عزيز الغنية دي بغنيها منو؟
والله حالتو صعبة لكن
البشوف مصايب الناس تهون عليه مصيبتو:D
الأغنية دي ما عندها فنان محدد..
لكن الشيء البعرفو بغنوها العزابة لما يكون راسهم مقطوع وما عارفين يعملوا شنو!!
بيقوم واحد فيهم يدخل المطبخ ويشيل الحلة ويقعد يدق عليها (عازف إيقاع) ويغني..
بعد شوية يلقى باقي العزابة يقوموا يشيلوا وراهو ويندمجوا مع الأغنية..
يعني بفرقوا بيها الزهج..
أسأل مجرب.. ولا تسأل طبيب.

[خالد عبدالماجد]

وفي امثال كتيرة لازواج حياتهم تحسدهم عليها حب وبساطة وتفاهم وتشوفهم تحلف تقول دي مخطوبين ما متزوجين ..


إبراهومة :
بالتأكيد توجد الكثير من الزيجات الناجحة التي تجعل للحياة طعماً ومعني هذه الزيجات التي فيها ماذكرت من التفاهم والحب المتبادل هي ماتجعلنا نتمنى أن يتمم الله علينا نعمه بنعمة جديدة وهي الزواج وكما قال أخونا ودحسن أكبر فائدة يمكن أن يجنيها المتزوجون هي ان أبنائهم يكبرون معهم ويفيدونهم عندما تجور عليهم السنين .
غايتو الشباب لو أتفقوا على الزواج الجماعي أنا سجلوني في راس القائمة لاني ضيف والصبر الفينا كمل .

[سفيان]

واحد عشرين عزابي ودايما رئيس الميز قام اتورط عرس سالو الشباب العرس كيف قال ليهم نفرين مميزين مع بعض واحد دافع والتاني ما دافع والما دافع عامل رئيس الميز [COLOR=Magenta]]

[نور العيون]

يلا اختاروا و نكون اول ناس عملوا الحاجه د يلا

[فدوى الحسن]

أنا أول المرشحييييين للفكرة ومعاكم يا عزابة
ههههههههه

[sambaaa]

يا عم ابراهيم وينك ؟؟
انت ما شايف الموضوع سخن كيف ؟؟
كون اللجنة دي سريع سريع قبال الحلة تبرد ..
ههههههههههههه
والكلام ليك يالمفتح عينيك ..

[نزار حسن محمد]

اخى ابراهومه .... ياخى الاغنيه جميله جدا بتاعة القطار المره ومحمود عبد العزيز كان اداوء رائــع للغايه .... تعرف يابراهيم اخونا عزيز عيسى ده من ناس زمان عشان كده اغنية الفراع القام دابا دى اول مره غنوه فى تلفزيون الجزيره وانا برضى من ناس زمان عشان كده بتذكره كويس وهى بتقول

الفرع القام دابا وب انأ شقاوة العزاب وب أنا
يالنيمه الجرجـرتى وب أنا فى بيتنا ظاللتى
ووب أنا
فى بيتنا ظللتى و وب انا السكنو تندلتىو وب انا
* *
يا الشايل الجريده ووب انا يقراه ويعيده ووب انا
يقره ويعيده ووب انا دى القسمه عند سيدا و وب انا
* * *
يا شيل المجله و وب انا يقراه واداله وب أنا
يقراه واداله وب أنا دى القسمه عند الله و وب انا

الفرع القام دابا وب انا شقاوة العزابه وب انا
بذكر كان الفنان شاب ولابس جلابيه ذى بتاعت اهلنا ناس العوض وبغنى بالرق وقد اشتهرت هذه الاغنيه فى ذلك الزمن.
مع تحياتى للاخوه العزابه وانشاء الله قريبا نشوفكم فى القفوص الذهبيه .... ود حسن

[سوار الياسمين]

شايفة البنات متحمسات شديد يا خوانا

الحكاية شنو يا سامبا

[سوار الياسمين]

انتو عارفين كل فترة استلمو ليكم زول عرسو ليهو

والشيلة تب ما بتغلبنا لاكن خلوا بنات المنتدى يتولوا عملية الشرا

عشان النسوان جنهم السوق وروحنا سلبة

بس انتو لزو لينا القريشات واحنا علينا المجهود

رايكم شنو في الموضوع ده

[ابراهيم]

تحياتي ليكم ...
وبعد غياب عدنا
البوست دة انا سلمتو لي سامبا ..

[حسن على]

والله يا ابراهم كلامك كله واقعى مشكور اخوى يعطيك الف عافية

[السلامى]

والله يااخوى أبراهيم أشهد الله من ما يوم أتزوجت لم أذهب الى مسرح أوسينما وكان ذمان لمن الناس تجى تنوم أنا بخرج من البيت أسع وين من المغرب يجى الواحد يتلمى مع الجداد تفتكر الحكاية دى بتخلى البشوفك يعرس ( ولا أقول ليك مالى ومالك جرب وعلى باليمين حق العزومه على ) ما تهرش خش

[ابراهيم]

السلامي معليش يا حبيب وانت عارف حال العزابة الواحد بكون سرحان طوالي اها مع السرحة البوست دة سقط سهواً وراح .. لكن مرض حامد ألهمني بالمكان ولقيته
قلت لي العزومة عليك؟

[ابراهيم]

الحبيب يا سامباً
لومتنا مع العزابة بما فيهم العبد لله
وينك يا صديق

[عماد عبدالشكور]

أزيكم شباب جيت مارة بي هنا وقلتى ارفع من روحكم المعنوية شوية وشايفة نفسي اول بت تجي تديكم التحية وحياة العزوبية مافي احلى منها ده في رأي الخاص...وحتى بعد ما يتزوجوا بحنوا لبيت العزابة وبقضوا فيه اجمل اللحظات وبسترجعوا الذكريات ...صااااااااح ؟؟؟؟

ااااااااااااااااااااه زمن والله ايام العذوبية وبيت العذابة
لكن يا فدوى انت قايلة الواحد بعد مايعرس عندو طريقة تاني عشان يمشي بيت العذابة ولا يحن ليها ؟ انسي!

[ابراهيم]

ااااااااااااااااااااه زمن والله ايام العذوبية وبيت العذابة
لكن يا فدوى انت قايلة الواحد بعد مايعرس عندو طريقة تاني عشان يمشي بيت العذابة ولا يحن ليها ؟ انسي!


اها يا عمدة ما قلت لينا انت معانا ولا مع الخيانة
احسن العرس ولا العزوبة ولا كدة مزبوط:eek:

[امنية بكري]

والله حالتكم تصعب على الكافر


غايتو انا عندي تلاته بنات على بال ما يصلوا الثانوي تكونوا كونتواروحكم للخطوبه
هههههههههههههههههههه


معليش يا شباب قلنا نضحكم شويه بدل الحاله

الانتوا فيها دي

والله ياخوانا الواحد يرجع بيتوا يلقا مرتو مستنياو

تابخه وقاعده وحياتها كلها هو منو وليو بعد كده

دي ما بدنيا ويكون ليك شافع يقوليك يابابا جيب لي معا وجيب لي وجيب لي

واول ما تجي تلقاو بابا جاء بابا جاء

في احلا من كده

اكسبوا زمنكم وما تشتغلوا بكلام زول الزواج نص الدين ولا شنو

[عزيز عيسى]

إبراهيم العزابي إزيك،

الموضوع دا واحد من المواضيع الجميلة والمميزة.. ما عارف ليه أختفى
الوقت دا كله وين؟..

عجبتني مشاركات الأخوان سامبا و سفيان.. ضحكت لغاية ما دمعت.

المشاركة الأصلية كتبت بواسطة sambaaa
وقد قال مسطول زات مرة ..
( العزابي تافه ) ..
هههههههههههه

نكتة الأخ سفيان وورطة العزابي:

المشاركة الأصلية كتبت بواسطة سفيان
واحد عشرين عزابي ودايما رئيس الميز قام اتورط عرس سالو الشباب العرس كيف قال ليهم نفرين مميزين مع بعض واحد دافع والتاني ما دافع والما دافع عامل رئيس الميز

بالنسبة للعزابة الراغبين في العرس ممكن ننظم عرس جماعي (بالكورة)..
وكان على المأذون أبوبكر ودالمأذون جاهز وممكن أجيبو ليكم
يكشح كل العزابة بفاتحة واحدة ويخليهم يتخارجوا..
بس إنتو يا العزابة والعزابيات إتلحلحوا معانا شوية
أعقلوها وتوكلوا على الله..

سؤال:

ليه يا ياجماعة العزابة دائما تلقى حلتهم كاربة وطاعمة؟

[عبدالرحيم سعيد]

وأنا بهدي ليكم أغنية:

الفرع القام دابا.. أحيا أنا.. شقاوة العزابة.. ووب أنا..
الفرع القام دابا جمبنا شقاوة الغلابة.. ووب أنا..

أها عليكم الله عاجبكم الكلام دا؟؟ يا عزابة يا مبشتنين يا حيرانين.. يا شقيانين.. يا الراسكم مقطوع..
إنتو خايفين من (العين الحارة).. ولا بتخافوا من ضبح الديك؟
أنتو عارفين الناس في محلات كثيرة ما بيرضوا يأجروا البيوت للعزابة ليه؟
لأنو عينكم طايرة!!..
تجروا الكراسي وتتكوموا قدام خشم الباب وهات يا تنظير في بنات الفريق..
دي سمحة ودي حلوة ودي شينه جنس شنا ودي متقرضمة..
تقول بتعزلوا في بطيخ.. عشان كدا الناس مكجناكم..
وبنصحكم تعرسوا وترتاحوا من الشقاوة..
ولا أقول ليكم الما بتلحقو جدعوا..


ده رد بليغ واستفزاز لهمم العزابه عشان يعرسوا قوام

[عماد عبدالشكور]

اها يا عمدة ما قلت لينا انت معانا ولا مع الخيانة
احسن العرس ولا العزوبة ولا كدة مزبوط:eek:

كدا مزبوط يا ابراهيم
عني انا مع الخيانة

[ابراهيم]

والله حالتكم تصعب على الكافر




غايتو انا عندي تلاته بنات على بال ما يصلوا الثانوي تكونوا كونتواروحكم للخطوبه
هههههههههههههههههههه



معليش يا شباب قلنا نضحكم شويه بدل الحاله


الانتوا فيها دي


والله ياخوانا الواحد يرجع بيتوا يلقا مرتو مستنياو


تابخه وقاعده وحياتها كلها هو منو وليو بعد كده


دي ما بدنيا ويكون ليك شافع يقوليك يابابا جيب لي معا وجيب لي وجيب لي


واول ما تجي تلقاو بابا جاء بابا جاء


في احلا من كده



اكسبوا زمنكم وما تشتغلوا بكلام زول الزواج نص الدين ولا شنو



والله كلامك سمح ومطمن يا أمنية يمين لو اتلقو خمسة زيك كدة كان المشاكل كل اتحلت
وصراحة الزواج نعمة بالمعطيات الانتي قلتيها دي ويا عزابة المنتدى كلام اختنا امنية دة اتخيل ما بنلقى تشجيع اكتر من كدة ومعاً نحو إكمال نصف الدين ودشدشة العزوبية والعنوسة.
وليك تقديري واحترامي

[ابراهيم]

إبراهيم العزابي إزيك،

الموضوع دا واحد من المواضيع الجميلة والمميزة.. ما عارف ليه أختفى
الوقت دا كله وين؟..


عجبتني مشاركات الأخوان سامبا و سفيان.. ضحكت لغاية ما دمعت.

نكتة الأخ سفيان وورطة العزابي:





الموضوع اكل عليه الدهر وشرب لكن لحقنا العقاب اصلو الموضوع بظهر كل ما شبح العزوبية يكشر اسنانه:D




بالنسبة للعزابة الراغبين في العرس ممكن ننظم عرس جماعي (بالكورة)..
وكان على المأذون أبوبكر ودالمأذون جاهز وممكن أجيبو ليكم
يكشح كل العزابة بفاتحة واحدة ويخليهم يتخارجوا..
بس إنتو يا العزابة والعزابيات إتلحلحوا معانا شوية
أعقلوها وتوكلوا على الله..



والله يا عزيز دي فكرة رائعة جداً ويا ريت تتطبق في ارض الواقع والعزابة ما متلحلحين وما مساعدننا الظاهر عاجباهم الحلة الطاعمة:D





سؤال:
ليه يا ياجماعة العزابة دائما تلقى حلتهم كاربة وطاعمة؟



هي لكن تبقى عليهم عزوبية ومساخة حلة يا عزيز دي تبقى مصيبة
غايتو السؤال دة نخليه لي عزابي محترف.

[ابراهيم]

ده رد بليغ واستفزاز لهمم العزابه عشان يعرسوا قوام


والله يا عبد الرحيم هو فعلاً رد مستفز لكن يا جماعة ما كل العزابة من الصنف القالو عمنا عزيز دة في عزابة محترمين ومهذبين ومنظمين لكن بس الظروف معانداهم وبعدين في النوع وصل حد الاشباع من الشواكيش وبقى عندهم هاجس من فكرة الزواج والارتباط .


وأنا بهدي ليكم أغنية:

الفرع القام دابا.. أحيا أنا.. شقاوة العزابة.. ووب أنا..
الفرع القام دابا جمبنا شقاوة الغلابة.. ووب أنا..


غايتو الزول العمل الغنية دي ذاتو ما ظريف
ثم تاني ذاتو يعني سواها كيف

[ابراهيم]

ده رد بليغ واستفزاز لهمم العزابه عشان يعرسوا قوام


والله يا عبد الرحيم هو فعلاً رد مستفز لكن يا جماعة ما كل العزابة من الصنف القالو عمنا عزيز دة في عزابة محترمين ومهذبين ومنظمين لكن بس الظروف معانداهم وبعدين في النوع وصل حد الاشباع من الشواكيش وبقى عندهم هاجس من فكرة الزواج والارتباط .


وأنا بهدي ليكم أغنية:

الفرع القام دابا.. أحيا أنا.. شقاوة العزابة.. ووب أنا..
الفرع القام دابا جمبنا شقاوة الغلابة.. ووب أنا..


غايتو الزول العمل الغنية دي ذاتو ما ظريف
ثم تاني ذاتو يعني سواها كيف

[ابراهيم]

كدا مزبوط يا ابراهيم
عني انا مع الخيانة



يعني يا عمدة انت زبطت امورك وعملت نايم
عايزنك تدفع عجلة التنمية شوية زي اختنا امنية
ولا كيف؟:D

[moh_alnour]

إبراهيم الجماعة قالوا ليك أقلب الموضوع جد
يلا عشان تفك لينا البورة بتاعتنا دي

[ابراهيم]

إبراهيم الجماعة قالوا ليك أقلب الموضوع جد
يلا عشان تفك لينا البورة بتاعتنا دي


الحبيب محمد ود حلتنا سلامات كميات
الموضوع جادي بس عايزين الشباب من الجنسين يبقو جادين ونحن الآن بصدد تكوين لجنة عزابة المنتدى ونختار الرئيس بعد استفتاء شعبي ومن ثم التعاون والتفاكر مع لجنة العوانس بمنتدي النواعم والمسئولة عنه سمر طه وانشاءالله معاً نحو منتدي خالى من العزابة والعزابيات والبورة يا محمد اخوي لازم تنفك لأنو خلاص الكبر خش والواحد اتضايق.

يا محمد وصل سلامي للصديق هشام لغاية ما نتلاقي على الهواء مباشرة
مع مودتي