الإعرابي سيد الحمارة

[غسان]

زارني صديقي "مختار" وهو ضابط بالشرطة ومسئول عن تمشيط خط بورسودان – مدني وحكاني عن حوادث السير التي تحدث في هذا الطريق وكيف يفقد المصابين صوابهم بعد الحادث ويتفوهون بكلمات "خارم بارم" كأن يقول أحدهم : المطرة دي صابة من متين, ويكون أساسا مافي مطرة مما يضطر رجال الشرطة الي ضربهم بالكف "تكفيتهم".

ذات مرة انقلبت حافلة قادمة من بورسودان وكان هناك إعرابي "راكب حمارو" بالقرب من موقع الحادث فربط حماره في أقرب شجرة وأسرع نحو الحافلة المقلوبة وأخذ يخرج المصابين من داخل الحافلة فأمتلأ جلبابه بالدم وعندما حضر مختار وعساكره أخذو يسألون المصابين واحد تلو الاخر : انت كويس , فيرد المصاب بكلام خارم بارم مما يضطر العسكري الي تكفيته , وأمسك مختار بالإعرابي ظانا أنه من المصابين فسأله : انت كويس , فرد الإعرابي : انا ربطت حمارتي ... وقبل أن يتم جملته كان مختار أعطاه كف ظانا انه يهلوس, وكلما حاول الإعرابي توضيح الموقف يقول: ربطت حمارتي ... فتنهال عليه أكف العساكر فلا يجد سوا السكوت.

ولم يكتشفوا أنه عابر طريق الا بعد أن وصلوا الى مستشفي مدني.

[الجندي المجهول]

هكذا انت دائما يا غسان عسل ودمك خفيف . بس لكن كنت بتغيظ احمد السر في الدافوري وجنك تلعب ضدو وبيني وبينك سيد الحمارة دي زكرني زول كان معانا في الدافوري انت معاي يا غسام ولا برة الشبكة ... وانا معاك يا فردة " وتلفون نادر خضر لا يمكن الوصول اليه " وشكلوا في الامارت الايام دي " رايك شنو نشوف ليك عمر جعفر ولا سند ولا هشام مرحوم ولا شبارقة ولا لازم من الخرطوم

[امل حياتى]

هههههههههههههه والله انت عسل يا غسان يديك الف عافية

[غسان]

عزيزي الجندي ... حليل ايام كنت بتخلي منتصر يدردق في الواطة ومحمد كمال يتلفت ذي الحرامي
..... فنانين مدني حلوين لكن مستهلكين

[غسان]

حبيبنا أمل حياتي شاكرين مرورك ويديك العافية يارائع

[sambaaa]

هههههههههههههههههههههههههههههههههههه

يااااااااااااا غساااااااااااااان انت وين من زمااااان ياخي ؟؟؟؟؟؟؟؟؟؟؟؟

[esmat]

هاهاهاهاهاهاههاها
حلوووووووووووووووووه منك

[جنفر]

هاهاهاهاهاهاها
حلوة شديد ياغسان

[نزار حسن محمد]

غسان العريس ... (( لمن لايعرف غسان فهو شديد السخريه وسف احكى لكم هذه القصه عن غسان فى يوم بعد ماتغدينا جابو تحليه كاستر وغسان اخر واحد اخذ ملعقه فنقصت ملعقه لاخوه احمد فماشى المطبخ وجاب كمشه عشان يحصل غسان قبل مايكمل الكاستر فما كان من غسان الا انه قال لى احمد هو شنوا يااحمد قال ليك دى تلماتش)) برنامج المسابقات الالمانى.

[خالد عبدالماجد]

ياغسان ياخي والله كتلتنا بالضحك .
طبعاً أتخيلت الراجل خدوا وارم من الكفيت وصوتوا رايح من محاولة إقناع العسكر بأنو سيد الحمارة المقرشة في الشجرة .
مليار تحية على الضحكة المنتزعة من القلب .



http://www.moveed.com/data/thumbnails/118/rose10.gif .

[bakri]

هههههههههههههههههههههههههههههههه

والله ضحكتنى بعد قربت اقع من الكرسى

يديك العافيه

[غسان]

وانت ياودكسلا ماعارف كمان الحصل في المستشفي طبعا الجماعة المصابين بشرطو ليهم ملابسهم عشان يعرفو مكان الجرح
وصاحبك العربي مسكو شرطو ليهو جلابيتو والدكتور لما ما حصل جرح سألو مجروح وين قال ليهو مجروح في خدي الوارم ده

بكور مشكور علي المرور واكون طالبك ضحكة

[ابراهيم]

ههههههههههههههههههه
والله مبالغة يا غسان ...
هو ما يقولو انا كويس ويخلص.
لازم يبداها ليهو من ربطة الحمار ..

الحوادث دي حكاويها كتيرة ... منها
قالو حصل حادث في طريق بورتسودان والناس ابتهدلت واتبشتنت
اها الناس اتلمت حول الحادث يشوفو الكويس منو والمات منو وكدة
قال ليك كان في واحد طش وطلع برة الشبكة قام لقى جنبو في راس زول
بس شال ليك الراس وبقى حايم بيهو يا جماعة دة راس منو؟ يا جماعة دة راس منو؟
كان في ادروب واقع جنب اللستك قال ليهو كان فوقو سفة دة هقنا:D

[عزيز عيسى]

غسان.. يا سلام عليك.. أضحكتني حلوة شديد.. مسكين الاعرابي إتملأ كفوف..



يا جماعة دة راس منو؟ يا جماعة دة راس منو؟
كان في ادروب واقع جنب اللستك قال ليهو كان فوقو سفة دة هقنا:D
ابراهيم،
الله يجازي محنك.. المرة دي ضحكت بطول صوتي وما قدرت أوقف ضحك..

[rasheed]

غسان ونزار ولا نزار وغسان والجندي المجهول تحياتي ليكم ،، وطبعاً يا نزار ما قصرت في تلي ماتش ،، ويا ها دي حالتو العريس الجاي ده ،،
بس بالله كان تقدروا تحكوا لناس المنتدى قصة الـ 2 كيلو باسطة الجابهم والدكم العم حسن ربنا يديه الصحة والصباح ما 00000 تم الباقي أنت ولا غسان ،، وبهدي باقي القصة للعزيز عزيز عيسى والله مشتاقين كتير وإبراهيم برضو ،، لكم التحايا جميعاً وللعريس الممسوخ ،، لكن الجندي المجهول ده ما عرفتوا ياغسان وكان معانا في الدافوري ،، ده ود العمدة ولا منو ،،

[خالد عبدالماجد]

وانت ياودكسلا ماعارف كمان الحصل في المستشفي طبعا الجماعة المصابين بشرطو ليهم ملابسهم عشان يعرفو مكان الجرح
وصاحبك العربي مسكو شرطو ليهو جلابيتو والدكتور لما ما حصل جرح سألو مجروح وين قال ليهو مجروح في خدي الوارم ده




ياغسان ياحبيبي يعني لازم تكمل الباقي الواحد ماصدق طلع من الأولى بي سلامتو تكملها بي التانية .
والله الإعرابي مسكين وأنا عارف الجلابية المشرطة وإعادة تأهيلها ذاتها مشكلة غير الخد الوارم .
بالله ياغسان كتر لينا من الضحكات دي لأنو الواحد محتاج ليها بي شدة .

[ابراهيم]

غسان ونزار ولا نزار وغسان والجندي المجهول تحياتي ليكم ،، وطبعاً يا نزار ما قصرت في تلي ماتش ،، ويا ها دي حالتو العريس الجاي ده ،،
بس بالله كان تقدروا تحكوا لناس المنتدى قصة الـ 2 كيلو باسطة الجابهم والدكم العم حسن ربنا يديه الصحة والصباح ما 00000 تم الباقي أنت ولا غسان ،، وبهدي باقي القصة للعزيز عزيز عيسى والله مشتاقين كتير وإبراهيم برضو ،، لكم التحايا جميعاً وللعريس الممسوخ ،، لكن الجندي المجهول ده ما عرفتوا ياغسان وكان معانا في الدافوري ،، ده ود العمدة ولا منو ،،


يا رشيد سلامات ليك وحشة والله
يا شباب منتظرين قصة الـ2 كيلو باسطة