لو خيروك حا تختار ياتو اسم

[الجندي المجهول]

دا لو ما كان اسمك كنت بتتوقع اهلك يسموك منو

يعني لو اسمي اشرف وما كان سموني ليهو كنت بتوقع مصطفي وعاوز مشاركتكم يا شباب ( وعارفك يا مرتضي ساتي لو ما كان سموك مرتضي كان حا تتمني يسموك حسن جاد الله بتاع السمك :p )

[خالد عبدالماجد]

حقيقة ياجندي من أكثر الأشياء التي أشكر عليها أهلي دائماً ان أسموني ( خالد ) فانا أحب هذا الأسم جداً وهذا ليس من باب الغرور .
ولكن استجابة لموضوع طرحك فإذا خيرت لأختار أسم آخر أعتقد أني سأختار ( أحمد ) .

[الجندي المجهول]

تسلم يا رائع يا خــــــــــــــــــــــــ أحمد ـــــــــــــــالـــــــــــــــد ود كسلا

[mnoma]

انــــــــا يا جندي كنت ح اختار اسم
مــــيســـــــــم ... لكن برضو في النهاية ح اكون ياااني منومة
:)

[امل حياتى]

عشانك يا منومة لو جاتنى بنت بسميها ميسم
مشكور ياجندى يعطيك الف عافية

[الجندي المجهول]

تسلمي يا منومة ( ممكن توريني معني الاسم ) وشكرا علي النسيم الماري

[جنفر]

انا كان المفروض يسموني اريج لكن عاجبني اسراء شديد بدون غرور يعني

[الجندي المجهول]

لكن اسم اريج دا ما مبالغة كان ( اريج دهب الخليج ) واسراء برضو ما هين واديك العافية

[مزوني]

ههههههههههههههههههههههههههههه

والله يا الجندي انت شكلك شقي جدا جدا

فكرتك حلوة يا عسللي

أنا طبعا كان مفروض يسموني وائل القفل الموبايل لا مسكول لا رسايل

لكن تاني بقوا على مازن

ولو داير الصراحه اسمي عاجبني شديييييييييييييييييييييييييييييييييييييييييد

ولو ما كان سموني مازن كنت حأتمنى أضعف الإيمان يكون اسمي المازن

( طبعا أكيد ما من باب الغرور )

وتسلم يا غالي وربنا يديك الصحه والعافيه

[الجندي المجهول]

يا مازن يا سيد شقاوة ( انت لقبك من اليوم سيد شقاوة ) مازن اسم جميل ووائل القفل الموبايل برضو جميل الاجمل من كدا الايام دي وائل في المانيا خاتي قرض مع مايكل بالاك واديك الف عافية يا شقاوة

[mnoma]

عشانك يا منومة لو جاتنى بنت بسميها ميسم
مشكور ياجندى يعطيك الف عافية

والله العظيم يا امل حياتي .... زاتو الواحد ماعارف يقول ليك شنو
بس الله يديك الفي مرادك ... ويوعدك بي أحلى بنية - ميسم -
:)

[mnoma]

تسلمي يا منومة ( ممكن توريني معني الاسم ) وشكرا علي النسيم الماري


أوريك جــــداً يا جندي معني الاسم
مــيســـم : معناه من يبدو عليها أثر الحســـن و الجمال وهو كذلك العــــــلامة

أما مـــــي - وده أسمي الحقيقي - فمعناه: الام و المرضعة .... أو صغــــار القردة التي تجذب الانتباه
وعند اليونان و الرومان هو رمــــز الخصب و الربيع
ومي من الاسماء الشاعرية قديماً ... وأيضاً صالون الانسة مي زيادة كان ملتقي للشعراء و الادباء في العصر الحديث

اهااااا كده كيف يا جندي ..انشاءالله أكون ما قصرت معاك بس
:)

[الجندي المجهول]

اهااااا كده كيف يا جندي ..انشاءالله أكون ما قصرت معاك بس

يا رب تسلمي وتب ما قصرتي ما يقصرن ايامك يا مي ( صاحبي خطيبتو اسمها مي بيدلعها بيقول ليها ميويكا )

[sambaaa]

انت يا جندي تعال هنا ..
انت اسمك الحقيقي منو ؟؟
خامينا من الصباح ونحن ساكتين ليك ..
ههههه

[نور العيون]

والله انا لوماكان سموني نور كنت بختار يكون اسمي شهد لكن نور العيون عسل شديد ولا شنو يال جندي ما تورينا الاسم الحقيقي ليك

[الجندي المجهول]

والله لو انتو من مدني حقيقة من كتاباتي حات تعرفوني والشفوت من بدري عرفوني وانا اخليكم للظروف وعليكل حال انا نازل السودان باذن الله بداية شهر 6 ونتقابل في زواج اخونا غسان ود بركات وبالمناسبة العرس في المنيرة وكلكم معزمين وانا وزير العريس اها كدا برضو ما عرفتوني ؟؟؟؟