ماذا ستفعل اذا اكتشفت ان اختك تحب؟

[سامر احمد مصباح]

السلام عليكم ورحمة لله وبركاته ... اود ان اشير الي موضوع هام جدا .. المهم الموضوع بأختصار . ماذا ستفعل اذا اكتشفت ان اختك علي علاقه مع احد الشباب ؟؟ هل ستتكلم وتأخد وتدي معاها وتنصحها وتوعيها علشان تأخد بالها في طريقه تعاملها معه ؟ ام ستغض النظر كأنك لا تعرف شيئا .؟ ام ماذا ستفعل بالضبط لو وجدت نفسك في هذا الموقف؟؟
اريد ان اعرف اراء الاخوه . وتعليق الاخوات .
ولكم جزيل الشكر .
دوما .
سامر

[الجندي المجهول]

والله يا سامر احمد مصباح سؤالك جرئ بصورة ما عادية لانو عادي ممكن ولد الجيران عندكم يكون علي علاقة باختك انا الان بحاول اصور الموضوع في عقلي وما قادر امكن لانو ما عندي اخوات غير اخواتي الفي المنتدي لكن الاجابة قطعاً انت لازم تشوف الموضع دا من جذورا واختك دي عمرها كم والانسان دا منو وكدا لانو بتسهل السيطرة علي الموضوع لو اختك او اختي في مرحلة اقل من الجامعة لكن لو في الجامعة بعد كدا بتعتمد في علاقتك مع اختك وثقتها فيك ومدي ادراكها ووعيها . القصة بالجد صعبة يا سامر والحل ممكن يكون ساهل وممكن يكون صعب علي حسب المرحلة والعمر وساواصل معك هذا الموضوع في الايام القادمة باذن الله

[اميمه عشريه]

اييييييييييك لو اكتشفت انا اكتشاف زي ده اول شي حأشوف هي عرفته كيف لو بالموبايل حارميهو في اول غسله في الغساله لو بالانترنت طوالي على الاتصالات وقطع اشتراكا لو عن طريق صديقتا بتصل بيها وبديها كلام زي وشها وكرت احمر من دخول بيتنا لو في الجامعه انتظر السميستر ده يخلص واحولا جامعه تانيه لو في رابطه ثقافيه او مساهمات او اي شئ من هذا القبيل مافي داعي تاني تمشي خالص لو من خروجا للسوق تاني السوق حجل بالرجل ......والله لكن جحيم بس حتعيشو المسكنيه دي ..........!!!
تتخيلو انه في بشر كده في العالم ده !!؟يا جماعه يعني شنو لو اختي حبت ده ما شعور انساني وشئ غايه في الطبيعه يعني ما فلتت بره الفطره طالما انه هي انسانه من طينه البشر يعني ما انسانه آليه ليه ما تحب وتتحب بشكل واعي وجميل انساني مهذب طالما هي في عمر تعي فيه ما لها وما عليها .. ليه م اتجرب هذا الشعور العادي جدا كشعور العطش والجوع والحزن والفرح وكافة ملامح الاحاسيس الانسانيه .. وليه اخوها يفترض انه هو فقط الانسان وانه هو المنزه من الخطأ وانه ما بخطئ ؟ هل لانه ذكر بيفترض انها دون عنه اذا كان ده نوع تفكيره فعفوا ده حيكون حتما زول بليد لا يفقه شيء في المشاعر الانسانيه .. ولا انتظر منه الا كما اسلفت سابقا حيرميهو في الغساله يعني حيرميهو في الغساله ...

[الامين]

...... تسجيل حضور ...


مشكور اخي سامر

الحقيقة ... ماحارضى

[خالد عبدالماجد]

الأخ سامر
السودانيون عموماً تحكمهم عادات وتقاليد اسهمت كثيراً في تشكل الشخصية السودانية ولااعتقد أن بالسودان من يمكن أن يقبل أن تكون أخته على علاقة بأي شخص كان العلاقات المسموح بها عندنا هي العلاقات التي تبدأ من داخل البيوت وبخطوة جادة تجعلها في قالب مقبول وأعتقد أن حديث من سبقوني فيه التأكيد على وحدانية الرؤى في هذا الأمر .

[sambaaa]

الاخ / سامر ..

الحب شعور واحاسيس ملك لكل البشر .. بنتاً كانت او ولد .. وانا بقصد الناضجين طبعاً ..
والدور الطبيعي لأي أخ هو مراقبة اخته مراقبة ايجابية تساعدها على فهم الامور واختيار الصحيح دائماً ..
كما ان دور الاخ تربوي اتجاه اخته ..
لكن لابد من وضع حد معين لهذه العلاقة التي تربطها مع الشاب .. بحيث يجب تسميتها بوضوح معلن وفي وقت وجيز ..
وان لا نسمح بأن تمتد العلاقة تحت مسمى الحب وحده ..
ولذا يجب الأخذ بالشرع هنا .. طالما كان هناك اتفاق متبادل بالقبول يجب حسم هذه العلاقة بما يرضي الله ورسوله ..
إذن ليس هناك ما يمنع وجود علاقه كهذه تحت ضوابط تربوية يسمح بها الدين والمجتمع ..
اخي / سامر ..
هناك سؤال آخر مماثل لسؤالك ..
نحن الشباب نحب وننسج العلاقات مع الفتيات .. أليس من حقنا ذلك ؟
بالتأكيد لنا الحق كاملاً إذا ما كانت هذه العلاقة جادة وهدفها الزواج وتكملة نصف الدين ..
وكل ما يتم تحت مظلة الشرع هو صحيح ..
ختاماً ..
لك مني كل الود لوضع هذا الموضوع للنقاش ..

[جنفر]

انا بأيد الاخ سامبا ياسامر لانو الحب احلى شعور في الدنيا ده من وجهت نظري
وتسلم

[gondi]

والله ياحبيب انت خشيت في موضوع صعب جدا ومهما يكون الواحد منا واصل لمرحلة من الوعي و الادراك و التسامح لكن في الاخر الطبع الشرقي هو الغالب علينا....يعني لو كنت متسامح حيكون تسامحك ظاهري فقط .ومهما تحاول إظهار شكل الرقي و التفهم حيظل بداخلك شئ من حتي ....أما إذا كنت صاحب مزاج متحجر و هو الغالب بدون تجامل برضو ما حيكون عملنا شئ و المشكلة قائمة....و الله يا أصحاب الحل الوحيد نقوم نلم الراسين فيما يرضي الله و رسوله و بصراحة الناس ما بترحم و المجتمع مهما يصل لدرجة من السماح حيكون سماح لحظي ولابد من أن ينفجر بركان غضبه علي أسرة البنت ......يا شباب حاولو ناقشو الموضوع بشفافية و واقعية دون تنغيم للعبارات أو إظهار لشكل المثقفاتية ..

[بابكر]

ادبحها000واشرب من دمها00وباقى الدم اعبيهوفى قزاز000لمن اتذكر فعلتها اطلعو من التلاجه واشرب منو تانى00
انا الحمش 000انا الشلفو خلوه00!!!!

[ياسر فقيري]

أخي سامر حقيقة موضوعك جريء ولكن واقع كل يوم لذا ومن وجهة نظري البسيطة جداً ..
أقول تذكر أن تتعامل مع الموضوع من منطلق الآية الكريمة : ( أن كيدهن عظيم ) .. وقوله صلى الله عليه وسلم ( استوصوا بالنساء خيراً ) .. وستجد نفسك تقود الدفة إلى بر الأمان في بحر متلاطم الأمواج..

بس عندي إضافة صغيرة .. لو اكتشفت أن أختك تلك على علاقة بأحد أقاربك ( ابن خالتك أو خالك أو عمك أو عمتك ) صعبت شوية مش كدا :confused:

[سامر احمد مصباح]

يا جماعه . واللهي انتوا فاهميني غلط .. انا ما ضد الموضوع ده ولا ضد الاحساس ده ولا شئ . انا كل الطرحتوا موضوع للنقاش عاوز اعرف راي الناس فيهوا شنو . اما عن نفسي انا .. اول حاجه مع انوا انا بعيد من السودان من فتره ليست بالفصيره . ولما طلعت من السودان اختي كانت في الابتدائي او الاساس زي ما اسمه حاليا . بس اختي صحبتي جدا وفرده زي ما بقولوا يعني . دايما معاها في التليفون وبتحكي لي اخبارها بالتفصيل ... وانا واثق ومتأكد يوم ما اكون عندها شئ زي ده حتحكي لي وتسألني . واول ما تحكي لي حاجه زي دي . ح اتكلم معاها وافهم منها الموضوع . وبعد كده اقول ليها تتصرف كيف او تتعامل كيف . انا فاهم جدا انوا زي ما من حقي انا كولد احب واعيش حياتي . برضوا من حقها هي ان تحب وتحس كل احساس حلو في الحياه دي . وما من حقي احرمها من حق من حقوقها ..بس لازم اكون متأكد من انها حترتبط بي منوا وفهموا شنو .. علشان الواحد اكون متطمن . ولا انا غلطان يا جماعه .
... ونواصل

[سمسم]

اذا وقع الحب لاتستطيع ان تمنعه خاصه اذا كان من جانب البت

هذا واقع معاش ليس فيه جدال ولاكن هنالك حل واحد هو الزواج

اوشله.