المساعد الشخصي الرقمي

مشاهدة النسخة كاملة : ندااااااااااااااااااااااء هام للاخ العزيز ود الماحى


صالح ابوشوارب
25-04-2006, 08:16 AM
الأخ ودالماحى وينك يا راجل يا أصيل .. اشتقنا ليك والله .. واشتقنا للبنبر والسفة المقنطرة وانت بتحولا من اليمين المتطرف الجمهورى الى اليمين الوسط الديمقراطى .. وفي اثناء التحولات تطرشق وتجهجهك .. اشتقنا لكتابتك البرتقاليه وهي خاصة فيك انت وبس .. اشتقنا لى توقيعك وانت تقول ( لا تلكز كلوة اخيك بكراععك فانت عندك كلوة والناس عندهم كلاوى ) مش كدا يا ود الماحى .. وكنت بقول ليك يا ودالماحي كل ما اشوف توقيعك اتحسس كلوتى لانى مستلفها ... نسيت يا ودالماحي ... بالله ارجع .. وجيب معاك الخواجة عزيز عيسى ... كلنا والله في انتظاركم وعلى رأسنا بكرى 0
أبوبكرحامد
26-04-2006, 05:28 AM
الأخ ودالماحى وينك يا راجل يا أصيل .. اشتقنا ليك والله .. واشتقنا للبنبر والسفة المقنطرة وانت بتحولا من اليمين المتطرف الجمهورى الى اليمين الوسط الديمقراطى .. وفي اثناء التحولات تطرشق وتجهجهك .. اشتقنا لكتابتك البرتقاليه وهي خاصة فيك انت وبس .. اشتقنا لى توقيعك وانت تقول ( لا تلكز كلوة اخيك بكراععك فانت عندك كلوة والناس عندهم كلاوى ) مش كدا يا ود الماحى .. وكنت بقول ليك يا ودالماحي كل ما اشوف توقيعك اتحسس كلوتى لانى مستلفها ... نسيت يا ودالماحي ... بالله ارجع .. وجيب معاك الخواجة عزيز عيسى ... كلنا والله في انتظاركم وعلى رأسنا بكرى 0
بعد الكلام السمح ده مافى شى اتقال ........ ياود الماحى قرب تعال ماتبتعد
Jamal Elmahi
26-04-2006, 07:15 AM
الأخ ودالماحى وينك يا راجل يا أصيل .. اشتقنا ليك والله .. واشتقنا للبنبر والسفة المقنطرة وانت بتحولا من اليمين المتطرف الجمهورى الى اليمين الوسط الديمقراطى .. وفي اثناء التحولات تطرشق وتجهجهك .. اشتقنا لكتابتك البرتقاليه وهي خاصة فيك انت وبس .. اشتقنا لى توقيعك وانت تقول ( لا تلكز كلوة اخيك بكراععك فانت عندك كلوة والناس عندهم كلاوى ) مش كدا يا ود الماحى .. وكنت بقول ليك يا ودالماحي كل ما اشوف توقيعك اتحسس كلوتى لانى مستلفها ... نسيت يا ودالماحي ... بالله ارجع .. وجيب معاك الخواجة عزيز عيسى ... كلنا والله في انتظاركم وعلى رأسنا بكرى 0

العزيز الوفي أبو شوارب.....غالي والطلب رخيص....

أفوت عيونكم أقبّل وين...؟؟؟
وأسيبكم انتو بس لي مين...؟؟؟

العرجه لي مراحا....وكراع البقر جيّابه....والرهيفه التنقدّ....

ود الماحي
خالد هاشم علي
26-04-2006, 08:47 AM
ياها المحرية فيك ياود الماحي... عارفنك مابترجع كلمة الرجال...
بابكر
26-04-2006, 09:57 AM
ياها المحرية فيك ياود الماحي... عارفنك مابترجع كلمة الرجال...

ياراجل يافولكلور00وينك00يمين بالله وحشتنا انت والخواجه 00عزيز 00 يعنى شنو بقيتو00خواجات ونسيتونا000!!!!!!!!!
Jamal Elmahi
26-04-2006, 01:03 PM
بعد الكلام السمح ده مافى شى اتقال ........ ياود الماحى قرب تعال ماتبتعد


حباب الخزين ...حباب المهل ود المأذون...
حبابك عشره...وفوق العشره ذيد مليون...
حباب الغالي النورو ضوّه الكون...
حباب البهيل القدحو ما ماعون...


ود الماحي
Jamal Elmahi
26-04-2006, 01:13 PM
ياها المحرية فيك ياود الماحي... عارفنك مابترجع كلمة الرجال...


حباب أبوي حباب ود هاشم
حباب الاسد المربعن جاسم
شاحد الله بعد هاشم تجيب القاسم
ود الماحي
sambaaa
26-04-2006, 01:30 PM
http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)
http://www.sudaneseonline.com/SudaneseMusic/music/MohdAlmaghrabi/Al_Kan_Daka__mohamed_al_maghrabi@sudneseonline.mp3


حمدلله على سلامتك يا ود الماحي
فقدناااااااااااااك
Jamal Elmahi
26-04-2006, 01:42 PM
ياها المحرية فيك ياود الماحي... عارفنك مابترجع كلمة الرجال...

ياراجل يافولكلور00وينك00يمين بالله وحشتنا انت والخواجه 00عزيز 00 يعنى شنو بقيتو00خواجات ونسيتونا000!!!!!!!!!



ود الصول أخوي ...سجم خشمنا عاد كان بقينا خواجات...
ما نسينا القرقريبه والطايوقه في الدوكه أم لدايات
ما نسينا الهمبريب الهابي من مدني لي بركات...
والموليته والحنتوت...غموديّه والفات الفات...
أنا لسّه فيني رقشه أمّا الخواجه ...كر علينا ما فات فيهو الفوات...ود الماحي
Jamal Elmahi
26-04-2006, 02:41 PM
http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)http://9q9q.com/March/1142304459.gif (http://9q9q.com/)
http://www.sudaneseonline.com/SudaneseMusic/music/MohdAlmaghrabi/Al_Kan_Daka__mohamed_al_maghrabi@sudneseonline.mp3


حمدلله على سلامتك يا ود الماحي
فقدناااااااااااااك

عفارم عليك أأأسامبا....عليّ الطلاق عرضتّه لما شرشوفي وقع...والسروال كان ما كنته طابق ليهو التكّه كان عييك عليهو....
والله يكفينا شر الادمن ما يجينا حايم بي جاي ...أصلو اليومين ديل حوامتو كترت....

ود الماحي
zoolfrda
26-04-2006, 07:22 PM
ود الماحي حبابك
أقاشي كيف معاك :)
مهيرة
26-04-2006, 08:05 PM
فعلا جمال الماحي وسط الساحة فقدناك
وما احلي الاقلام التي تحمل القيم والمباديء
وان غلبت عليها الطرفة

مرحب بعودتك يارائع
اميمه عشريه
27-04-2006, 03:24 AM
ايويويييييييييييييييييييييييييييييييييييوي وصل ود الماحي وصل يا زول يا عسل والله كنا ناوين نديك يومين ما ظهرت فيهم كان تشوف شوفتك معانا والله لمن تقول الروب
عزيز عيسى
27-04-2006, 04:48 AM
وجيب معاك الخواجة عزيز عيسى ... كلنا والله في انتظاركم وعلى رأسنا بكرى 0
الزول السمح شديد أبومنار،

تحياتي يا غالي،

أشكرك على رسالتك الرقيقة وتفقدك لأخوانك..
الغريبة قبل اسبوعين زارني الأخ جمال الماحي وأولاده في البيت..
وكنا جالسين في (راكوبة) داخل حوش البيت نتذكر في كلامك ودموعنا تجري من الضحك..
تحدثت مع الأخ جمال حول العودة الى المنتدى.. إتضح إننا الاثنين كنا مشغولين بالدراسة..
وطبعا تأكدت إنه ما كان زعلان..
وبالأمس تحدثت مع الاخ جمال وذكرت له بأنني انتهيت من المرحلة الأولى ووعدته بأني راجع قريب..

المهم زنقة حتستمر لفترة من الزمن.

مع خالص ودي وتقديري،
عزيز عيسى
27-04-2006, 04:58 AM
يمين بالله وحشتنا انت والخواجه 00عزيز 00 يعنى شنو بقيتو00خواجات ونسيتونا000!!!!!!!!!

الزول الرائع ودالصول،

شن لم الخواجات مع ناس البطانة يا بابكر..

والله ما نسيناكم لكن المشغوليات غلبت علينا..

يا جماعة عمدتنا عماد الصادق وين..
الزول دا اختفى مالو؟..
أرجو أن تتصلوا به وتطمئنوننا عليه..

مع خالص ودي،
الخواجة
Jamal Elmahi
27-04-2006, 10:14 AM
ود الماحي حبابك
أقاشي كيف معاك :)

يا فردا حبابك ...أرجاني أأأبوي عند أبو ظريفه...أحجز طربيزه ركن...وجهّز حاجه تهضم لينا الاقاشيه...بس أوعاك من البستي كولا بسوي لي أبنحّار..والشطّه خليها خدرا أأأبوي النعمنّو الحمرا بتهيّج علي المصران...

مشقاققه...
أنا خايف كان ضقته أكل أبو ظريفه أسوّي الدرب مساسقه....

ود الماحي
sambaaa
27-04-2006, 10:23 AM
الزول السمح شديد أبومنار،
زارني الأخ جمال الماحي وأولاده في البيت..

http://www.asmilies.com/smiliespic/new/007.GIF (http://www.asmilies.com/)http://www.asmilies.com/smiliespic/new/007.GIF (http://www.asmilies.com/)http://www.asmilies.com/smiliespic/new/007.GIF (http://www.asmilies.com/)
عمو ود الماحي انت شيبة ؟؟؟
هههههههههههههههههههه
أمانة ما وقع راجل ..
إزيك يا عمو .. والله قايلك دفعة ..
Jamal Elmahi
27-04-2006, 10:33 AM
فعلا جمال الماحي وسط الساحة فقدناك
وما احلي الاقلام التي تحمل القيم والمباديء
وان غلبت عليها الطرفة

مرحب بعودتك يارائع

حباب مهيره ...حباب الاصيله بت عبود
حباب الحسينه الرزينه ست الكرم والجود
حباب البسمه ذي النسمه هابّه ماها هبوب


ود الماحي
bakri
27-04-2006, 10:43 AM
حقيقه انت ود الصول
ود الاصول وخاتى القول

ومانعدمك انشاءالله
madaniboy
27-04-2006, 10:46 AM
ود الماااااااااااااااااحي حبااااااااااااااااااااااااااابك عشرررررررررررررررررررررررررررررررررررررة
فاقد حنان
Jamal Elmahi
27-04-2006, 10:54 AM
ايويويييييييييييييييييييييييييييييييييييوي وصل ود الماحي وصل يا زول يا عسل والله كنا ناوين نديك يومين ما ظهرت فيهم كان تشوف شوفتك معانا والله لمن تقول الروب


أبشري...أبشري بالخير أأأبت عشريه وأنا أخوك...
يا ست البنات في سيرتك السمحه كل البعرفك يلوك..
يا بت القبائل أهلك فرسان عرب وملوك
يا الدهب المجمّر البتشابو ليك و ما بصلوك...

ود الماحي
Jamal Elmahi
27-04-2006, 02:17 PM
الزول الرائع ودالصول،

شن لم الخواجات مع ناس البطانة يا بابكر..

والله ما نسيناكم لكن المشغوليات غلبت علينا..

يا جماعة عمدتنا عماد الصادق وين..
الزول دا اختفى مالو؟..
أرجو أن تتصلوا به وتطمئنوننا عليه..

مع خالص ودي،
الخواجة

وأنا بكورك معاك أأألخواجه لي ود الصادق بي طول حسّي....

ود الصادق يا فردتي لو جار الزمان...
يا عمدتنا أمرق تعال أأأبوي الدار أمان...
وان ما ظهرته ياني اللاحقك حتي لو في أم درمان...
كلام السراويل خلينا أأبوي كان تبرد الاضان...
وكلام أبشوارب داك والداهي القدر الباذنجان...
ما بنجيب سيرتو أأبوي علاّ في الدكان...
براك خربانه وأنا منتظرك واقف ديدبان....


ود الماحي
Jamal Elmahi
27-04-2006, 02:29 PM
الزول السمح شديد أبومنار،

تحياتي يا غالي،

أشكرك على رسالتك الرقيقة وتفقدك لأخوانك..
الغريبة قبل اسبوعين زارني الأخ جمال الماحي وأولاده في البيت..
وكنا جالسين في (راكوبة) داخل حوش البيت نتذكر في كلامك ودموعنا تجري من الضحك..
تحدثت مع الأخ جمال حول العودة الى المنتدى.. إتضح إننا الاثنين كنا مشغولين بالدراسة..
وطبعا تأكدت إنه ما كان زعلان..
وبالأمس تحدثت مع الاخ جمال وذكرت له بأنني انتهيت من المرحلة الأولى ووعدته بأني راجع قريب..

المهم زنقة حتستمر لفترة من الزمن.

مع خالص ودي وتقديري،


حباب الخواجه ..حباب الغالي ...
حباب النبيذ الديمه طاعم وحالي...
لا بياكل نبق لا قنقوليس لاتسالي...
ما بدور أم رقيقه بياكل رغيف طوّالي..
ساكن في القليب وديمه شاغل بالي...

ود الماحي
خالد هاشم علي
27-04-2006, 03:14 PM
الغالين جدا ود الماحي وعزيز دنياي.... مليون مرحب بيكم تاني وتالت ورابع...ازيك ياعزيز والله ليك خرمة عديل كده.. أها وعشان العقد يكتمل بكرة من الصباح بمشي لي عمدة ود الصادق في بيتهم وبقول ليهو ابقي مارق الدار أمان وكلنا في انتظارك... وربنا مايحرمنا من بعض يااااااااااااااااااااااااااااااااااارب
Jamal Elmahi
27-04-2006, 04:40 PM
حقيقه انت ود الصول
ود الاصول وخاتى القول

ومانعدمك انشاءالله

حباب أخوي ...حباب بكري....
حباب الدخري ود رجال كرري
عيونم حمره وشراره باقّه نور ختري
طردو الانقليز من البقعه وكمان بحري...

ود الماحي
Jamal Elmahi
27-04-2006, 04:51 PM
http://www.asmilies.com/smiliespic/new/007.GIF (http://www.asmilies.com/)http://www.asmilies.com/smiliespic/new/007.GIF (http://www.asmilies.com/)http://www.asmilies.com/smiliespic/new/007.GIF (http://www.asmilies.com/)
عمو ود الماحي انت شيبة ؟؟؟
هههههههههههههههههههه
أمانة ما وقع راجل ..
إزيك يا عمو .. والله قايلك دفعة ..

حباب وليدي ...حباب سامبا...أريتني أأبوي كان دفعه...لكن حليلنا فيها ...الدنيا يا داب ما ولّفنا عليها...غايتو كان رفعوا عمر الزهور لي ستين بكون لسّه شباب...غايتو نحنا ماكلين الناس حنك بالشباب شباب القلب ...وقافلين علي دي ....وما تنسي ترسل المصاريف لي عمّك,,,,راجيك في الكريبه أأأبوي...أها وهااااادي تصنقره.....

ود الماحي
Jamal Elmahi
27-04-2006, 04:56 PM
ود الماااااااااااااااااحي حبااااااااااااااااااااااااااابك عشرررررررررررررررررررررررررررررررررررررة
فاقد حنان

حباب نبع الحنان...أخيرلك أأأبوي تكون فاقد حنان من تكون فاقد أتو...يسنفكوك الضحي الاعلي....

ود الماحي
ام قبس
06-01-2011, 02:21 PM
وهنا احضر قامه منن قامات المنتدي عجزا نحن عن ارجاعها
فمن يعيده هو الينا
ومن يمنحنا بعض الوفاء لنعطر به فراش مرضه
ونراه يبتسم رغم الالم فرحا بنا
zukibush
09-01-2011, 12:57 AM
معقولة بس معقولة انا اخر من يعلم
ياخي ايوووووووووووووووووووووووووووووووووووووووووووووووو ووووووووووووووووووووووووووووى
ودسمير
12-01-2011, 08:41 PM
والله يا ود الماحى حسدتك كتيير من حب الحبايب ليك !
وطبعا تانى اكيد ما ح ترفع القزاز .

أسال الله ان يجعلنا ديما قراب