vivid
19-04-2006, 01:20 AM
المصدر الرئيس
www.albahala.com/html
زمان في المرحل الابتدائية درسنا في مقرر المطالعة كل أنواع الطيور و الحيوانات . . خصوصاً الطيور ذات الكعب العالي . . درسنا أن الهدهد هو صديق المزارع . . و أن البجعة هي صديقة المزارع . . و أن طيرة البقر هي كمان صديقة المزارع . . حتى أبو مركوب درسناهو أنه صديق عمر بالنسبة للمزارع . . و حكمة الله ناس فصلنا كانو في شكلهم و سحناتهم يشبهون البجع و أبو مركوب . . الكرعين الطوال و الرقبة الحدادي و مدادي التي لا تحدها حدود . . حتى ريحتهم كانت طير طير . . في واحدين الله تم ليهم الناقصة أداهم بدل الخشم منقار . . و نحنا العورة كنا فرحانين بي مقررنا الجديد . . نطلع من الحصة و نقعد نتغالط مع بعض . . هل البجعة ياها السمبرية؟؟؟ و كان كانت البجعة ياها السمبرية . . أبو السعن دا يطلع شنو؟؟؟ . . و أبو مركوب تابع لي ياتو فصيلة من الطيور . . و مركوبو دا أصلة و الا جلد نمر . . كان مخنا تخين . . متل مخ طيور . . و استاذ المطالعة . . مربي الطيور . . كان عارف المسألة دي . . و كان سعيد معانا كل السعادة . . كل يوم يجيب أصحابو و ضيوفو و يعزم باقي المعلمين عشان يحضروا معاهو حصة المطالعة . . بعد ما نقرأ ليهم درس المطالعة يقوم استاذ المطالعة يجر ليهو فلكابة . . و يقول لينا . . يا طيور هيا إلى التمثيل . . يقوم يسوقنا برة الفصل . . و نقعد تحت شجرة النيم الوحيدة في الفصل . . و نحنا و خوفاً من فلكابة أستاذ المطالعة . . نقوم نوزع روحنا إلى سمبر و رهو و طير بقر و أبو مركوب . . أي واحد مننا كان عارف فصيلتو شنو . . الواحد فينا بدون ما يلكزوهو . . يمشي براهو لي فصيلتو . . كان كان سمبرية يمشي مع السمبر . . و كان كان رهوة يمشي مع الرهو . . و كان أكان أبو مركوب يمشي مع أبان مراكيب . . و الساعة الفيها استاذ المطالعة يرفع فلكابتو و يضرب بيها الواطة معلناً بداية المسرحية . . حسب الرسول صاحبنا يقول كدي . . و يتشعلق فوق شجرة النيم . . و يفر يدينو . . و يصيح بأعلى صوته . . أنا البجعة أنا صديقة المزارع إلخ إلخ إلخ . . أهل الديم كانو سمان و شحمانين . . كانوا هم من يؤدون دور البقر . . و طيرة البقر كانت خليل البوم . . كان متمرس في تقليد و محاكاة طيرة البقر . . يطير من ضهر ديامي إلى ضهر ديامي آخر . . و يقعد يقوقي . . و يناجي . . أنا طيرة البقر . . أنا صديقة المزارع إلخ إلخ إلخ . . و الدياميين كل ما خليل البوم يرك في ضهر واحد فيهم . . يهشوهو بي ضنب مصنوع من شجرة النيم . . أمبوووووووووع أمبووووووووع أمبووووووع . . بالنسبة لي أنا كنت الرهوة . . أطير من بعيد لي بعيد و أسرخ . . كرو كرو كرو كرو . . طبعاً كرو كرو كرو كرو . . دا صوت الرهو . . كنت رهوة مثالية . . تجيد الغناء . . بس كان عاجبني هيثم الهدهد . . يا ربي هسي نحنا كبااااااار . . و بقية السرب الولوف تفرق على أرجاء كافة أرجاء العالم . . لكن لي هسي نفسي أعرف هيثم الهدهد حصل ليهو شنو.
فيفيد في
19/04/2006م
www.albahala.com/html
زمان في المرحل الابتدائية درسنا في مقرر المطالعة كل أنواع الطيور و الحيوانات . . خصوصاً الطيور ذات الكعب العالي . . درسنا أن الهدهد هو صديق المزارع . . و أن البجعة هي صديقة المزارع . . و أن طيرة البقر هي كمان صديقة المزارع . . حتى أبو مركوب درسناهو أنه صديق عمر بالنسبة للمزارع . . و حكمة الله ناس فصلنا كانو في شكلهم و سحناتهم يشبهون البجع و أبو مركوب . . الكرعين الطوال و الرقبة الحدادي و مدادي التي لا تحدها حدود . . حتى ريحتهم كانت طير طير . . في واحدين الله تم ليهم الناقصة أداهم بدل الخشم منقار . . و نحنا العورة كنا فرحانين بي مقررنا الجديد . . نطلع من الحصة و نقعد نتغالط مع بعض . . هل البجعة ياها السمبرية؟؟؟ و كان كانت البجعة ياها السمبرية . . أبو السعن دا يطلع شنو؟؟؟ . . و أبو مركوب تابع لي ياتو فصيلة من الطيور . . و مركوبو دا أصلة و الا جلد نمر . . كان مخنا تخين . . متل مخ طيور . . و استاذ المطالعة . . مربي الطيور . . كان عارف المسألة دي . . و كان سعيد معانا كل السعادة . . كل يوم يجيب أصحابو و ضيوفو و يعزم باقي المعلمين عشان يحضروا معاهو حصة المطالعة . . بعد ما نقرأ ليهم درس المطالعة يقوم استاذ المطالعة يجر ليهو فلكابة . . و يقول لينا . . يا طيور هيا إلى التمثيل . . يقوم يسوقنا برة الفصل . . و نقعد تحت شجرة النيم الوحيدة في الفصل . . و نحنا و خوفاً من فلكابة أستاذ المطالعة . . نقوم نوزع روحنا إلى سمبر و رهو و طير بقر و أبو مركوب . . أي واحد مننا كان عارف فصيلتو شنو . . الواحد فينا بدون ما يلكزوهو . . يمشي براهو لي فصيلتو . . كان كان سمبرية يمشي مع السمبر . . و كان كان رهوة يمشي مع الرهو . . و كان أكان أبو مركوب يمشي مع أبان مراكيب . . و الساعة الفيها استاذ المطالعة يرفع فلكابتو و يضرب بيها الواطة معلناً بداية المسرحية . . حسب الرسول صاحبنا يقول كدي . . و يتشعلق فوق شجرة النيم . . و يفر يدينو . . و يصيح بأعلى صوته . . أنا البجعة أنا صديقة المزارع إلخ إلخ إلخ . . أهل الديم كانو سمان و شحمانين . . كانوا هم من يؤدون دور البقر . . و طيرة البقر كانت خليل البوم . . كان متمرس في تقليد و محاكاة طيرة البقر . . يطير من ضهر ديامي إلى ضهر ديامي آخر . . و يقعد يقوقي . . و يناجي . . أنا طيرة البقر . . أنا صديقة المزارع إلخ إلخ إلخ . . و الدياميين كل ما خليل البوم يرك في ضهر واحد فيهم . . يهشوهو بي ضنب مصنوع من شجرة النيم . . أمبوووووووووع أمبووووووووع أمبووووووع . . بالنسبة لي أنا كنت الرهوة . . أطير من بعيد لي بعيد و أسرخ . . كرو كرو كرو كرو . . طبعاً كرو كرو كرو كرو . . دا صوت الرهو . . كنت رهوة مثالية . . تجيد الغناء . . بس كان عاجبني هيثم الهدهد . . يا ربي هسي نحنا كبااااااار . . و بقية السرب الولوف تفرق على أرجاء كافة أرجاء العالم . . لكن لي هسي نفسي أعرف هيثم الهدهد حصل ليهو شنو.
فيفيد في
19/04/2006م