ضيفنا العزيز لهذا الاسبوع .. مكتول مدني .. على الكرسي الساااااااخن .. [الأرشيف]

sambaaa

17-04-2006, 10:05 AM

http://www.asmilies.com/smiliespic/txtsmall/006.GIF (http://www.asmilies.com/)
http://www.asmilies.com/smiliespic/txtsmall/aaa0asmilies.gif (http://www.asmilies.com/)
الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى
http://www.asmilies.com/smiliespic/FAWASEL/048.gif (http://www.asmilies.com/)
ضيفنا اليوم أخ عزيز وغالي علينا..
صدناه بعد أن صادنا أيام كثيرة..
فارسنا لهذا الاسبوع عضو نشط جداً..
يعشق جميلتنا مدني ..مكتول في حبها ..
بدءاً نتركه يتحدثاً قليلاً معرفاً بنفسه ..

http://www.asmilies.com/smiliespic/FAWASEL/053.gif (http://www.asmilies.com/)

من هو مـــكتول مدني ؟

http://www.asmilies.com/smiliespic/FAWASEL/059.gif

(http://www.asmilies.com/)
<TABLE width="100%" border=1><TBODY><TR><TD width="100%" bgColor=#000080>

<MARQUEE style="COLOR: #ffff00" direction=right>ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت</MARQUEE>

</TD></TR></TBODY></TABLE>

sambaaa

25-04-2006, 01:39 AM

مرة اخرى نرحب بالاخ العزيز / مكتووووووووول مدني
ضيفا عزيزا على الكرسي الساخن ..
ومن هنا أناديه بأن تقدم أيها الفارس .. وبان ليك الآمااااااان ..
وما تشرد يا حبيبوووووووووووو ...:D

zoolfrda

25-04-2006, 01:46 AM

أمانة ما وقع راجل ...
حبابو 100000 مكتولنا

زيكو منيب

25-04-2006, 07:46 AM

http://www.asmilies.com/smiliespic/ar_welcome/aaa7asmilies.gif (http://www.asmilies.com)
http://www.asmilies.com/smiliespic/ar_welcome/aaa8asmilies.gif (http://www.asmilies.com)
http://www.asmilies.com/smiliespic/ar_welcome/ss1717.gif (http://www.asmilies.com)
يالله يا مكتول ما تخاف حنستجوبك بس يالله http://www.asmilies.com/smiliespic/ar_welcome/sss1414.gif (http://www.asmilies.com)
http://www.asmilies.com/smiliespic/ar_welcome/aaa4asmilies.gif (http://www.asmilies.com)

جنفر

25-04-2006, 09:09 AM

وينك يامكتول ماتتجرس نحن حنكون حنينين شديد معاك بس انت اظهر وبان وعليك الامان :) :) :)

الجندي المجهول

25-04-2006, 10:03 AM

نفسي اتعرف علي مكتول هواك دا واعرف هو من وين في مدني لاني بالجد طولت شديد

ابومرام

26-04-2006, 05:20 AM

وين مكتول شنو الحكاية ما تخاف الكل هنا اخوانك نحن عارفين مكتول بمدني لكن دايرين نعرف انك مكتول باخوانك
×××××××××××××××××××××××××××××××××××××××××××××××××× ×××××××××××××××××××
عارفني منك لا الزمن يقدر يحول قلبي عنك لا المسافةولا الخيال يبعدني منك ولا يحرمني عنك عارفني منك

نور العيون

26-04-2006, 08:37 AM

و الله مكتولد الله يديه العافيه ماداير يظهر لغايه حس مالوا بحضر في العده ولا شنو

bakri

26-04-2006, 08:58 AM

شنو يامكتول مدنى

نحن فى انتظاااااااااارك

ابومرام

27-04-2006, 03:11 AM

سامبا الحكاية شنو يا اخوي ما تفقد لينا مكتول وتجيب لينا منو خبر انشاء الله يكون المانع خير وطمنا عليه
×××××××××××××××××××××××××××××××××××××××××××××××××× ××××××××××××××××××
مرت لحظات وكمان ساعات طالت وحياتك منتظرين لو وشوش صوت الريح في الباب يصبغنا الشوق قبل العينين

الشريف الهندي

27-04-2006, 06:12 AM

مكتول مدني من ماليزيا فات الصين

والله تعبته يامكتول مدني

هههههه

sambaaa

27-04-2006, 10:10 AM

الاخوة الاحباب

والله بكل اسف فشلت محاولاتي في تفسير غياب الاخ الحبيب / أمين ..
وأسأل الله ان يكون غيابه هروباً من سخانة الكرسي الراجياهو ..
واملي ان يكون مانعه عن الظهور خير ..

ولو كان ده مقلب بقول ليهو :

دي ما المحرية فيك يا حبيبووووووووو

مكتول مدنى

27-04-2006, 06:30 PM

بسم الله الرحمن الرحيم
اخى سامبا مشكور حبيبى على الورطة دى
اخوتى الاعضاء انا متاسف جدا على التاخير والذى حدث لظروف خارجة عن ارادتى ولكم العتبى حتى ترضوا

السؤال الاول
الاسم: امين يوسف الامين
العمر: من مواليد مدنى الجميلة فى 30_3_1985
طالب طب سابقا بالخرطوم
وطالب حاليا بماليزيا ( الكلية دى تخصصا شنو انا ما عارف لحدى هسة)
الحالة الاجتماعية عازب والحمدلله
لكن النشأة كانت فى برى لظروف عمل الوالد والدراسة

جنفر

28-04-2006, 03:18 AM

حمدلله على السلامه يامكتول مدني
سؤالي ليك الطف موقف ليك واصعب موقف
انا وعدتك انو السؤال يكون ساهل وانا بوفي بالوعد

اميمه عشريه

28-04-2006, 04:36 AM

تحياتي يا مكتول اها اخواتك الكبار وصلوا وبسلمو عليك وبقول للجماعه رفقا يا اخوانا بمكتول ديه .. نسعد بوجودك في الكرسي الساخن .. زي نصيحتي للجميع جيب معاك مكيف ال جي قواااااااااااااااااوم شكلهم ناويين عليك .. ربنا يعينك .. يلا يا رجل حدثنا عن اغترابك واشمعني ماليزا .. طب الخرطوم مالو ؟؟

sambaaa

28-04-2006, 06:33 PM

جيتك يا حبيبووووووووو بقولة خير سريعة كده ..

أها حمدلله على سلامتك يا فردة .. يلا ركز معاي وعاين لي جاي ..:D

واحب انبهك ان الاجابات على الاسئلة يجب ان تكون بمنتهى الصراحة

* ماذا تعنى لك مدنى الجميلة؟

* اكثر شخصية تحبها استثناء الاهل واكثر شخص ترتاح له فى المنتدى و اكثر شخص يضحكك فى المنتدى وتتمنى وجوده بإستمرار ؟

* السلك التعليمي من الخلوة والروضة للجامعة مع ذكر موقع الدراسة؟

* لو ماكنت من مدنى من اية مدينة كنت تتمنى ان تكون؟ وماتقول لى مدنى

* يا امين آخر مرة إتنشلت فيها متين ؟

* اى نوع من المكيفات تستخدم؟

* حلم دائما براودك في اليقظة؟؟؟

بس خلاص يا أمين دى البداية بس فاتحة شهية الوجبات الرئيسية فى السكة يا حبيبوووووو ..:p

مهيرة

28-04-2006, 10:54 PM

الأخ امين

سلامات

عود بينا في سياحة جميلة كدة ذكرياتك في مدني
والكاتلك فيها شنو :D

مع تحياتي

نزار حسن محمد

29-04-2006, 12:19 AM

اخى مكتول مدنى انا داير اريحك شويه من الكرسى الساخن عند طلب ((فى فيلم عرس الزين ..كان الزين بكوريك ياناس البلد ان مكتول فى حوش ناس............ وتانى يوم البيت بكون عرسوها .)) فانا دايرك تعرس لبنات المنتدى كلهم كل يوم تكورك على وحده والعزاب نشوف ليهم واحده مكتوله .... اديك العافيه

السلامى

29-04-2006, 03:03 AM

بالله طب ماليزيا فيه شنو جديد يعنى مثلا بتشرحواهناك ( صارقيل ) وضح

مكتول مدنى

29-04-2006, 03:10 AM

حمدلله على السلامه يامكتول مدني
سؤالي ليك الطف موقف ليك واصعب موقف
انا وعدتك انو السؤال يكون ساهل وانا بوفي بالوعد
اختى جنيفر والله ماقصرتى فى السؤال ابدا والحمدلله انك من النوع البوفى بوعده
الطف موقف لى
للمواقف اللطيفة كتييرة اديك منها واحد
لما جيت مسفر هنا اول مرة كان يوم عيد الفطر المبارك وما نمت يوم الوقفة والطيارة مواعيدا الساعة 2 صباحا والنتيجة انى نمت فى المطار والطيارة فاتتنى واتهمونى انى فوت الطيارة من نفسى والنتيجة انى عيدت فى السودان لكن مافى مدنى

واصعب موقف لما جيت مسافر من السودان برضو فى المرة التانية وكانت دموع اختى الصغيرة وهروب اهلى من وداعى هى اصعب مواقفى
ان شاءلله اكون اجبت اجابة كاملة على سؤالك ختى جنيفر

مكتول مدنى

29-04-2006, 05:36 AM

تحياتي يا مكتول اها اخواتك الكبار وصلوا وبسلمو عليك وبقول للجماعه رفقا يا اخوانا بمكتول ديه .. نسعد بوجودك في الكرسي الساخن .. زي نصيحتي للجميع جيب معاك مكيف ال جي قواااااااااااااااااوم شكلهم ناويين عليك .. ربنا يعينك .. يلا يا رجل حدثنا عن اغترابك واشمعني ماليزا .. طب الخرطوم مالو ؟؟

اختى اميمة اهلا ومرحب بيك وشرفتينا بزيارتك لينا هنا
وانا عارف ان سامبا مبيت لى النية من بدرى :D
والله اختى اميمة انا حديث تجربة بموضوع الاغتراب انا طلعت من السودان فى نوفمبر الماضى والغربة والله حارة نار لكن انا سويتا فى نفسي ودى رغبتى يعنى ما عندى طريقة انط منها
بالنسبة لطب الخرطوم والله هو احسن طب فى السودان بعد جامعة الجزيرة لكن انا لم تكن رغبتى دراسة الطب بل الطيران الحربى تحديدا وبعد موافقة الاهل _بعد تعب شديد_ تحطمت طائرة بورتسودان لتعود الاسرة وتجتمع وترفض الامر جملة وتفصيلا وانتهى الامر الى تركى دراسة الطب والالتحاق بجامعة ملتيميديا الماليزية والدراسة بكلية تخصصاتها العمل السينمائي والمؤثرات
والتصميم
وصناعة افلام الكرتون
وانا الى الان لم اختر اى منها
ارجو ان اكون قد اجبت على جميع الاسئلة بنجاح
بالمناسبة ابلغى تحياتى الى الاخ ولاء _انا عرفته من النت وطلع صديق خيلانى وكمان خالتى معاهم فى المانيا_

مكتول مدنى

29-04-2006, 06:22 AM

جيتك يا حبيبووووووووو بقولة خير سريعة كده ..

أها حمدلله على سلامتك يا فردة .. يلا ركز معاي وعاين لي جاي ..:D

واحب انبهك ان الاجابات على الاسئلة يجب ان تكون بمنتهى الصراحة

* ماذا تعنى لك مدنى الجميلة؟

* اكثر شخصية تحبها استثناء الاهل واكثر شخص ترتاح له فى المنتدى و اكثر شخص يضحكك فى المنتدى وتتمنى وجوده بإستمرار ؟

* السلك التعليمي من الخلوة والروضة للجامعة مع ذكر موقع الدراسة؟

* لو ماكنت من مدنى من اية مدينة كنت تتمنى ان تكون؟ وماتقول لى مدنى

* يا امين آخر مرة إتنشلت فيها متين ؟

* اى نوع من المكيفات تستخدم؟

* حلم دائما براودك في اليقظة؟؟؟

بس خلاص يا أمين دى البداية بس فاتحة شهية الوجبات الرئيسية فى السكة يا حبيبوووووو ..:p 
حبيبى سامبا دة شنو البتعمل فيهو دة قربت ازوغ والله
ساجيب على جميع الاسئلة بالترتيب وساكون صريحا معك ومع الاخرين
الاول : مدنى هى كل حياتى وهى امى الحنون والحضن الدافئ الذى الجاء اليه كلما حاقت بى الكروب ويكفى مدنى عظمة انسانها
الثانى : والله يا سامبا بحبك انت وكل اخوتى فى المنتدى وبرتاح ليك فى المنتدى ويضحكنى جمال الماحى باشعاره الظريفة واتمنى وجوده باستمرار
الثالث: روضة القيادة العامة ومن ثم التمهيدى فى المنزل والابتدائي فى مدرسة الخرطوم العربية العالمية اما الثانوى فقد درست السنة الاولى فى معهد صلاح بالصحافة وتركتها فى الصف الثانى لبعدها من المنزل حيث انى اسكن برى وانتقلت الى معهد عابدين فى البرارى ومن ثم الى مدرسة الكويت الثانوية التى امتحنت منها الشهادة السودانية والجامعة بالخرطوم وحاليا فى ماليزيا
الرابع : عزيزى سامبا لقد عرفت معظم مدن السودان وعرفت ناسها ولكنى ايضا عرفت مدنى _زهرة المدائن_ وصدقنى ان السودان وبرغم عظمته وعظمه اهله ومدنه لم اجد فيه مدينة تضاهى اميرتنا جمالا او القا او حتى ثقافة ولذلك لو لم اكن من مدنى لتمنيت ان لا اولد
الخامس: عزيزى سامبا لم انشل من قبل ولكنى سرقت حين نسيت المحفظة فوق ماكينة صرف النقود وحين عدت بعد اقل من دقيقة لم اجدها فى مكانها
السادس : مكيفات كولداير التى تضاهى المستورد جودة هههههه (زمان كنت بديت اسجر وخلاص انتهينا من موضوع التدخين)
السابع : العودة والاقامة فى مدنى وقضاء ما تبقى لى من عمر فى ربوعها هى حلمى الدائم فى اليقظة والمنام وهو ما ساعمل على تحقيقه باذن الله
عليك الله دى البداية :eek: :eek: طيب النهاية بتكون كيف
:confused: ;) ;) انت تعال هنا الاسئلة دى جبتها من وين

مكتول مدنى

29-04-2006, 06:35 AM

الأخ امين

سلامات

عود بينا في سياحة جميلة كدة ذكرياتك في مدني
والكاتلك فيها شنو :D

مع تحياتي

اختى مهيرة كيف احوالك واحوال اهلنا السودانيين فى عمان
والله اختى مهيرة اى حاجة فى مدنى كاتلانى
السوق _ شارع النيل _ المنتزهات _ السينمات _ المستشفى _الجامعة _ بركات _ الزمالك _ جزيرة الفيل
يعنى اختى مهيرة اى نقطة فى مدنى كاتلانى
وللاسف زكرياتى ما كتير انا معظم الوقت بقضيه فى جناين جدنا شقدى فى الجزيرة او فى مشروع نور الدين الزراعى لكن البقولوا ليك ان اى لحظة قضيتها فى مدنى كانت من اجمل اللحظات فى حياتى
شكرا لكى اختى مهيرة

زيكو منيب

29-04-2006, 10:50 AM

http://9q9q.com/apr/1146340549.mp3
http://www.asmilies.com/smiliespic/ar_welcome/10_asmilies-com.gif (http://www.asmilies.com) بيك يا مكتول مدني

مرحب بيك تاني في الكرسي الساخن وسؤالي ليك؟؟؟

طالب طب سابقا بالخرطوم يعني كملت ولا ماكملت؟؟؟

السؤال الثاني.....؟؟؟ ماهو فريقك السوداني المفضل؟؟؟ وما هو النادي العالمي المفضل ليك ؟؟؟ وما هو المنتخب العالمي اللذي تراه افضل المنتخبات في العالم؟؟؟

دي الاسئله دي في البادية ... بداية معرفة يعني ok انتظرني بس وانا بجيك تاني...

زيكو منيب

29-04-2006, 10:51 AM

وينك يا مكتوووووووول

مكتول مدنى

29-04-2006, 09:21 PM

اخى مكتول مدنى انا داير اريحك شويه من الكرسى الساخن عند طلب ((فى فيلم عرس الزين ..كان الزين بكوريك ياناس البلد ان مكتول فى حوش ناس............ وتانى يوم البيت بكون عرسوها .)) فانا دايرك تعرس لبنات المنتدى كلهم كل يوم تكورك على وحده والعزاب نشوف ليهم واحده مكتوله .... اديك العافيه
عزيزى نزار كيف احوالك
اخى نزار انا مستعد ابقى الزين لكن بس عاوز منك تزرينى تقول لى المتزوجة منو من الما متزوجة عشان انا ما اتورط ساى واتكلم فى واحدة تكون متزوجة وزوجها بدخل المنتدى ويلقانى متكلم فيها وتبقى مشكلة
ومن هسي انت شوف لينا مكتولة
تحياتى ودمت سالما

مكتول مدنى

29-04-2006, 09:28 PM

بالله طب ماليزيا فيه شنو جديد يعنى مثلا بتشرحواهناك ( صارقيل ) وضح

العزيز السلامى انا لا ادرس الطب فى ماليزيا
ولمزيد من التفاصيل يمكنك قراءة ردى على الاخت اميمة
وازيدك من الشعر بيت
توجد فى ماليزيا كليتين فقط لتدريس الطب فقط وكمان الطب فى ماليزيا الله لا يوريك ليه هنا العلاج لكل الامراض واحد من النزلة للقلب العلاج حبوب صفر اللون بس وهنا كمان لو كنت بتشتكى من وجع راس بقولوا ليك عندك خرم فى القلب ودة حصل هنا كتير لاخوانا السودانيين دة غير العلاج الخاطئ
دمت اخى السلامى ومرحب بيك معانا

HaSsOoN

30-04-2006, 04:02 AM

اول شي يديك العافيه يامكتول مدني على ابداعاتك الرائعه البتتحفنا بيها على طوووول ولمزيد من التقدم والنجاح في الحياه العلميه والعمليه وعندي ليك كم سؤال كد: اديني موقف جميل وموقف طريف وموقف حزين مرو بيك في مدني الجميله؟ وفي ماليزيا برضوا؟؟ لانو شكلك كدا مواقفك كميه ...................وتاني شي اديتك تلاته وروود حمرا وصفرا وبيضا تهديها لي منو؟؟؟
دي حاجات خفيفه كدا علشان بعد ماتجاوبم نسخن شويه ههههههههههههههه

ودمتم ياغالي

gondi

30-04-2006, 09:00 AM

هي مدينتنا ...تهبنا نوع من التفرد الخاص و الانزواء من بقايا العالم الرمادي......
تهبنا الانصياع لعوالم العشق المختفي داخل شموع مساكن أهدابنا....
تستبيح دواخلنا الي الانصياع لها بلا تردد.....
الان نستمد منها الامان و منازل الهوي المجبول منها لها
.....................الان لا نستطيع أن نفعل شئ إلا إمتهان حبك يا مدني........

....... ما معني أن نحيا ولا ندري بأن العشق قد يبقا سجينا بين الخلايا؟

زيكو منيب

30-04-2006, 09:53 AM

وينك يا مكتول مدني ما بترد بسرعة

مكتول مدنى

30-04-2006, 02:23 PM

اول شي يديك العافيه يامكتول مدني على ابداعاتك الرائعه البتتحفنا بيها على طوووول ولمزيد من التقدم والنجاح في الحياه العلميه والعمليه وعندي ليك كم سؤال كد: اديني موقف جميل وموقف طريف وموقف حزين مرو بيك في مدني الجميله؟ وفي ماليزيا برضوا؟؟ لانو شكلك كدا مواقفك كميه ...................وتاني شي اديتك تلاته وروود حمرا وصفرا وبيضا تهديها لي منو؟؟؟
دي حاجات خفيفه كدا علشان بعد ماتجاوبم نسخن شويه ههههههههههههههه

ودمتم ياغالي
العزيز حسون صدقت عزيزى المواقف كتيرة لكن المشكلة ان من الصعب تذكرها وهنا ساحاول تذكر ى موقف منها
الموقف الحزين هو انقلاب سيارة امامى على مشارف مدنى وصابة جميع الركاب وحدوث وفيات بينهم والموقف الجميل هو خروج معظم سكان مدنى لنجدة اخوانهم المصابين وهو حقيقة موقف غير مستغرب من سكان مدنى
موقف طريف فى حدى مباريات قمة الجزيرة الاهلى و الاتحاد_سيد الاتيام والرومان_ كما يحلو لعشاقهم تسميتهم احد مشجعى الاهلى جاء فى الشوط الثانى ليتابع المباراة فى الاستاد ودخل غلط على مشجعى الاتحاد والاتحاد كان متاخر بهدف وعينك ما تشوف الا النور لما طلعته رجلينه
نجى للورود الحمرا اهديها لجدى الذى ربانى طفلا
والبيضاء لجدتى التى احضنتنى طفلا يحبو
الصفراء اهديها لامنا كلنا مدينة مدنى العظيمة

وانا مستنيك يا حلو انت بس سخن وتعال

مكتول مدنى

01-05-2006, 02:30 AM

http://9q9q.com/apr/1146340549.mp3
http://www.asmilies.com/smiliespic/ar_welcome/10_asmilies-com.gif (http://www.asmilies.com) بيك يا مكتول مدني

مرحب بيك تاني في الكرسي الساخن وسؤالي ليك؟؟؟

يعني كملت ولا ماكملت؟؟؟

السؤال الثاني.....؟؟؟ ماهو فريقك السوداني المفضل؟؟؟ وما هو النادي العالمي المفضل ليك ؟؟؟ وما هو المنتخب العالمي اللذي تراه افضل المنتخبات في العالم؟؟؟

دي الاسئله دي في البادية ... بداية معرفة يعني ok انتظرني بس وانا بجيك تاني...

مرحب بيك اخوى ابو الزيك
والله الاجابة على سؤالك الاول انا ما انتهيت من الدراسة يعنى وقفتها فى الستنة التالتة
فريقى السودانى المفضل بعد جزيرة الفيل نادى الهلال العظيم
النادى العالمى المفضل لى هو ناديك الحبيب برشلونة
المنتخب العالمى الذى اراه افضل المنتخبات فى العالم هو البرازيل بدون شك وتليه ايطاليا

يلا انا منتظرك يا زيكو

Jamal Elmahi

01-05-2006, 03:13 AM

حباب مكتول مدني ...وبعد عمر طويل مكتول ماليزيا...
الحمد لله أنا دخلته قبال ناس سوباوي ناس المنتدي الثقافي ...وهسع بجوك أأأبوي ويلمو فيك الشفييف والرغيف والبلوفيف والحريف...
سعالي أأأبوي في السياسه ...عن الجكس في ماليزيا...وعيني بارده مدردمات وحليوات ...الواحده تنبلع بي جزيماتا...فدحين أأأبوي سعيت واحده هناك ولاّ لسّع ما لقيت ويحيده سبلت ليك عويناتا وكتلت ليك حيلا وخلتك تقع علي قدومك...وقدحك أأأبوي بتغطيهو في ماليزا ولاّ العرجه لي مراحا...كدي أنضّاره من الحناكيش ديل وأعدل مزاجي بي سفه باقي القعده معاك بتدور المزاج...

ود الماحي

عزيز عيسى

01-05-2006, 04:20 AM

حباب ولدنا اللامين حبابك الزين،

أنحنا أعمامك دائما حنينين وما بنسألك الأسئلة الصعبة..

لكن عندي شوية استفسارات وأعذرني لو أثقلت عليك..

ذكرت أن الطب لم يكن رغبتك وتركته عن محض إرادتك لأن رغبتك الأساسية كانت الطيران الحربي..
طيب.. لاحظت إنك الآن تتجه الى التخصص في العمل السينمائي والمؤثرات
والتصميم وصناعة أفلام الكرتون وهو مجال آخر يختلف تماما عن
رغبتك الأساسية..
هل نفهم من ذلك أنها رغبة ثانية إتخذتها بعد الطيران أم أن هنالك
ظروف معينة جعلتك تتجه للعمل السينمائي؟

ولماذا إخترت ماليزيا بالذات بدلا عن أي دولة أخرى.

الطلبة السودانيين في ماليزيا يبلغ عددهم حوالى كم؟.. وكيف إتصالاتكم مع بعض؟

شايف عمك ودالماحي بسعلك عن الجكس في ماليزيا وعايزك تغطي قدحك..
عمك ودالماحي دا خرف وبدور يورطك.. أسمع كلام عمك الخواجة
دور بالك على دراستك والجكس ملحوق..

تحياتي الخاصة لمزوني..

ولك كل الود،

ابومرام

02-05-2006, 03:14 AM

مرت لحظات وكمان ساعات طالت وحياتك منتظرين نقول حمدلله على السلامة صراحة مكتول دي كلمة كبيرة اول ما سمعتها كنت فاكرك عمنا لكن لقتيك من ابنائنا الاسئلة كيييييييييييرة لكن المرةدي نديك شوية منها 00
- ماليزيا تمسى اسياء الحقيقية يعني تتعدد فيها شكليات الجمال وبها اعلى واجمل ابراج هل لها ملامح من جماليات مدينتنا مدني 0
- مكتول انت وزير للثقافة والاعلام ماهي توجهاتك لمدينتك 0
- والباقي للمرة الجاية

زيكو منيب

02-05-2006, 11:32 AM

س/مكتول مدني وين الناطق اللي زرتها في السودان و ما هي اكتر مدينة عجبتك طبعا بعد الدينة اللتي تسكن فيها؟؟؟؟؟؟

س/ لو انت بقيت رئيس جمهورية السودان في قرارات انت حتعدلها ولا تخليها زي ماهي ;) ؟؟؟؟

س/طيب سؤال بيني و بينك رايك شنو اوجه الشبه بين ماليزيا و السودان؟؟؟؟؟

ابراهيم

02-05-2006, 09:53 PM

عشانك بكاتل الريح
عشان فؤادي جريح
عشانك انا مكتول ...
مكتول وبموت معاك مكتول
عشانك انا يا مدني ويا ليل ويا نيل

يا مكتول مدني
سلامات ... واشواق

قالوا عناصر الجمال تلاتة .. الخضرة ، الماء والوجه الحسن
ودة اساسيات في مدني زيد على انها ينبوع ثقافة السودان
واي زول رهيف ببقى مكتول ومفتون بالحاجات دي
من اسمك يجي الاحساس بالرهافة والشفافية .. وحبك لمدني
احييك وانت على الكرسي الساخن "قصدي البارد" لأنو ماشاءالله شايف المزيكا الآسرة وبعدين لسا السخانيين ما جوك غايتو لغاية هسى انت محظوظ ..
الكرسي منور بيك اخونا الامين وانا مبدئياً عندي سؤال صغنوني وهو ما سر افتتانك بمدني؟وبمشي وبجيك تاني.

وابقى عافية

مكتول مدنى

03-05-2006, 01:50 AM

حباب مكتول مدني ...وبعد عمر طويل مكتول ماليزيا...
الحمد لله أنا دخلته قبال ناس سوباوي ناس المنتدي الثقافي ...وهسع بجوك أأأبوي ويلمو فيك الشفييف والرغيف والبلوفيف والحريف...
سعالي أأأبوي في السياسه ...عن الجكس في ماليزيا...وعيني بارده مدردمات وحليوات ...الواحده تنبلع بي جزيماتا...فدحين أأأبوي سعيت واحده هناك ولاّ لسّع ما لقيت ويحيده سبلت ليك عويناتا وكتلت ليك حيلا وخلتك تقع علي قدومك...وقدحك أأأبوي بتغطيهو في ماليزا ولاّ العرجه لي مراحا...كدي أنضّاره من الحناكيش ديل وأعدل مزاجي بي سفه باقي القعده معاك بتدور المزاج...

ود الماحي

العزيز ود المحى اول حاجة حمدلله على السلامة
والله أآآآ ود الماحى انا مابنفع فى السعية وكمان الناس القصار ديل انا ما بريدوم ليك كلو كلو وكرهت بلدم دى وكجنتهم ليك من جيت هنا
والقدح افو آآآآآآآآآآآآ ودالماحى كيفن الكلام دة كيفن اغطى قدحى هنا وييييييييين بنات بلدى وبنات مدنى السمحات ستتات الحروم فى اى محل
كدى انت ابزق السفة دى وتعال انا برجاكا فى الكرجاكة

sambaaa

03-05-2006, 03:45 PM

انت يا سامبا خلاص انفردت بالمرمى بعد تعبت من الاقوان ومالقيت غير سوار الياسمين المسكينة علشان تنتقم فيها
لكن يا مان الزمن دوار وتانى بنجيك ان طال العمر او قصر
تعرف لانك زغت يومين وكلفت الموضوع ساى الاسبوع بتاعك طلع ناقص 4 ايام لازم تقضيها بعد سوار ومن اليوم قانون الكرسي الجديد لازم تجاوب على 3 اعضاء يوميا على الاقل يعنى الكرسي الساخن لازم يشتعل وممكن جدا الضيف يتم الكرسي خلال شهر يعنى الضيف اقل شئ لازم يجاوب على اسئلة 21 عضو على الاقل وذلك لمدة اسبوع يعنى الضيف ما يجاوب الاسئلة دى فى ساعة ويقول خلصت لكن بعد اسبوع لازم لو عايز يتخارج من الكرسى انه يكون جاوب اسئلة 21 عضو على الاقل بمعدل تلاتة اعضاء يوميا يعنى لو جاوب على 100 عضو فى اليوم برضو دة بتحسب يوم واحد بس ولازم يجاوب على سؤال اليوم باليوم يعنى الاسئلة البايتة لاتحسب من ضمن اسئلة اليوم الجديد
وهذا القانون سيسرى اعتبارا من الضيف القادم وليس الضيف الحالى وباثر رجعى سيسرى على سامبا لان السيد سامبا (ود الموية) حاول يمكر علينا لكن ما بقدر للاسف
ههههههههههههههههههههههههههههههههههههههههههه
حبيت ازكرك يا ماااااااان ..:d
ياربي اتزكرت كلامك ده ؟؟
اها استعد يا حبوب .. انا يا دووووووووب كده جيتك .. فضيت ليك بعد ده .. خليك جاهز وقت الجد جا ..:)

sambaaa

03-05-2006, 04:02 PM

كدي هاااااااااك ديل يا امين لحدي ما ازاكر ليك كويس ..:D
فتح شهيه وكده يعني ..:)

لكل منا لحظات خاصة به .. يقف عندها .. يراجع فيها حساباته ...

فمتى تقف مع نفسك .. ؟

متى تشعر بالإحـــــــــراج ؟؟

ماهو السؤال الذي تتوقعه خلال ضيافتك على الكرسي ؟
وما هو السؤال الذي لا تتوقعه أيضاً ؟
وخليك صريح يا مااااااان

خاطرة سريعة جدا ...

ما هو تعريفك للحب؟
وكيف تنظر للزواج يا امين ؟

[/url]

[url="http://9q9q.com/"]http://9q9q.com/March/1142304709.gif (http://9q9q.com/)

مكتول مدنى

05-05-2006, 02:47 AM

حباب ولدنا اللامين حبابك الزين،

أنحنا أعمامك دائما حنينين وما بنسألك الأسئلة الصعبة..

لكن عندي شوية استفسارات وأعذرني لو أثقلت عليك..

ذكرت أن الطب لم يكن رغبتك وتركته عن محض إرادتك لأن رغبتك الأساسية كانت الطيران الحربي..
طيب.. لاحظت إنك الآن تتجه الى التخصص في العمل السينمائي والمؤثرات
والتصميم وصناعة أفلام الكرتون وهو مجال آخر يختلف تماما عن
رغبتك الأساسية..
هل نفهم من ذلك أنها رغبة ثانية إتخذتها بعد الطيران أم أن هنالك
ظروف معينة جعلتك تتجه للعمل السينمائي؟

ولماذا إخترت ماليزيا بالذات بدلا عن أي دولة أخرى.

الطلبة السودانيين في ماليزيا يبلغ عددهم حوالى كم؟.. وكيف إتصالاتكم مع بعض؟

شايف عمك ودالماحي بسعلك عن الجكس في ماليزيا وعايزك تغطي قدحك..
عمك ودالماحي دا خرف وبدور يورطك.. أسمع كلام عمك الخواجة
دور بالك على دراستك والجكس ملحوق..

تحياتي الخاصة لمزوني..

ولك كل الود،

العم عزيز كيف احوالك وانا سعيد جدا بوصولكم الى هنا
الطب لم يكن رغبتى ولكنى ابتدات فى دراسته تلبية لرغبة الاهل وكانت رغبتى كما ذكرت الطيران الحربى لكن المشكلة بقت فى النظر ضعيف شوية وعلى ذلك انا دخلت الكلية دى وهسي فى فكرة انى امش انجلترا ان شاءالله للدراسة هناك
اما عن اختيار ماليزيا فلانها اكثر دول العالم تطورا فى هذه الدراسة وهذا المجال
والله الطلاب السودانيين كتار جدا هنا وبتحصل اتصالات معاهم بكون فى احتفالات وبكون فى مباريات كرة مشتركة
والله عمى ودالماحى زاته بالغ هو قايل البنات هنا زى بناتنا محترمات ومؤدبات وسمحات لكن هو ما شايف الحاصل ساي
وزى ما قلت الجكس ملحوق المهم الغرض الاساسى ووصيتك على العين والراس وتسلم لينا

مكتول مدنى

05-05-2006, 02:58 AM

مرت لحظات وكمان ساعات طالت وحياتك منتظرين نقول حمدلله على السلامة صراحة مكتول دي كلمة كبيرة اول ما سمعتها كنت فاكرك عمنا لكن لقتيك من ابنائنا الاسئلة كيييييييييييرة لكن المرةدي نديك شوية منها 00
- ماليزيا تمسى اسياء الحقيقية يعني تتعدد فيها شكليات الجمال وبها اعلى واجمل ابراج هل لها ملامح من جماليات مدينتنا مدني 0
- مكتول انت وزير للثقافة والاعلام ماهي توجهاتك لمدينتك 0
- والباقي للمرة الجاية
العزيز ابو مرام الله يسلمك ويعافيك
والله ماليزيا فرق كبير من مدنى يعنى ممكن تقول ان كل واحدة جمالا براه لكن فى الطبيعة البشرية مدنى تتفوق على ماليزيا يعنى الناس هنا اغبياء بالجد وغير متكاتفين ولا توجد ثقافة هنا يعنى تجى هنا احتمال كبير ترجع بليييييييييد زى الناس الهنا
والله عزيزى ابومرام الحركة الثقافية فى مدنى تحتاج الى تنظيم القليل منه فقط لان الناس فى مدنى ذو ثقافة عالية والحمدلله والطاقة الابداعية كبيرة فقط تحتاج الى القليل من التوجيه الموجود فى مدنى لدعم الثقافة غير موجود حتى فى الخرطوم العاصمة
وانا كمان منتظرك المرة الجاية

عمك تنقو

05-05-2006, 11:50 PM

ياولدي امين يديك العافية
مشكلة دار فور
الكرة السودانية
الحالة الاقتصادية
كبف تكون في قاموس شباب مثلكم في طور الدراسة ؟

معليش ياولدي اعذرني من الاسئلة دي لكن صدقني تاعباني شديد

امل حياتى

07-05-2006, 01:03 AM

حمد الله على السلامة يا مكتول مدنى انا سمعت انك عرست ماليزية

HaSsOoN

09-05-2006, 10:09 AM

يامكتول مدني جيتك تاني وعندي ليك كم سؤال كدا .....
1: من يطربك؟
2:ماهي التجربه التى تتمنى تكرارها؟
3:من هو تؤام روحك؟
4:أسواء خبر سمعته؟
5:قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
6:كلمه اخيره بعد ان اصابك الملل؟؟

ودمت ياغالي...وجاييك تاني

سوار الياسمين

09-05-2006, 10:33 PM

:اخي العزيز مكتول مدني

مشتاقين كثيرات وانشاء الله تكون مرتاح في كرسيك المسخن بيك شديد

ويدي العافية للكان السبب ;)

وانا ما اطول عليك يا أمين بس حديك الاسئلة الخفيفة ده تقزقز بيها

1/رايك شنو في حال شباب وشابات السودان الأيام ديل ؟

2/ وفي رايك شنو المواضيع البتكون هاماهم في أيام الإنفتاح العجيبة ده ؟

3/ لو في ايدك سلطة في المنتدى ما هو القانون الراغب في إضافته ؟ وأخر ترغب في حذفه؟

تحياتي ليك بقضاء وقت :mad: مسخن

مكتول مدنى

10-05-2006, 10:43 AM

س/مكتول مدني وين الناطق اللي زرتها في السودان و ما هي اكتر مدينة عجبتك طبعا بعد الدينة اللتي تسكن فيها؟؟؟؟؟؟

س/ لو انت بقيت رئيس جمهورية السودان في قرارات انت حتعدلها ولا تخليها زي ماهي ;) ؟؟؟؟

س/طيب سؤال بيني و بينك رايك شنو اوجه الشبه بين ماليزيا و السودان؟؟؟؟؟

زيكو مالك اتاخرت انا منتظرك من بدرى
والله يا زيكو المدينة العجبتنى بعد مدنى هى مدينة سنار وانا زرت مناطق كتيرة فى السودان لكن التركيز الاكتر على المدن المجاورة لمدنى يعنى القضارف وسنار مشيت ليهم كتير شديد

بالنسبة للسؤال التانى بتاع رئيس الجمهورية اول قرار يجب ان يتعدل سيكون بنقل العاصمة الى مدنى كما كانتوالتعديل التالى سيكون فى فى مجال التعليم يعنى مثلا اى وزارة يكون عندها جامعة خاصة بيها ويكون تخصص الوزارة هو الاقوى والاصعب يعنى مثلا وزارة الاتصالات يكون عندها جامعة تابعة ليها وتاخد افضل الخريجين والمتميزين فى الدفعة يعملوا فيها علشان يحصل تطور فى البلد وتانى قرار ان كلوزارة يكون على راسها مختص يعنى هسي لو لاحظت تلاقى وزير الداخلية ما عنده علاقة بالعمل الشرطى صحيح فى الشرطة و الجيش منصب الوزير منصب دستورى يعنى هو رابط بين القيادة العسكرية ورئيس الجمهورية فقط بالاضافة لتمثيل الدولة خارجيا يعنى كل وزارة يكون على راسها وزير نتخصص فى عمل الوزارة
وبعد ذلك الاهتمام بالبنية التحتية للبلد واهم شئ الاهتمام بالثقافة فى البلد وبناء المكاتب العامة فى كل مكان
تقوية الجيش ودعمه معنويا ولوجستيا حتى يضاهى اقوى الجيوش فى العالم

اما بالنسبة للسؤال الثالث فان ماليزيا على الرغم من جمالها وطبيعتها التى تحاكى الطبيعة فى جنوبنا الحبيب الا انها افقر من السودان حيث لاتوجد بها اى ثروات لا حيوانية ولا بترولية ولكن ساعدها صغر مساحتها فى التفوق على السودان فى كل شئ

مكتول مدنى

10-05-2006, 10:53 AM

عشانك بكاتل الريح
عشان فؤادي جريح
عشانك انا مكتول ...
مكتول وبموت معاك مكتول
عشانك انا يا مدني ويا ليل ويا نيل

يا مكتول مدني
سلامات ... واشواق

قالوا عناصر الجمال تلاتة .. الخضرة ، الماء والوجه الحسن
ودة اساسيات في مدني زيد على انها ينبوع ثقافة السودان
واي زول رهيف ببقى مكتول ومفتون بالحاجات دي
من اسمك يجي الاحساس بالرهافة والشفافية .. وحبك لمدني
احييك وانت على الكرسي الساخن "قصدي البارد" لأنو ماشاءالله شايف المزيكا الآسرة وبعدين لسا السخانيين ما جوك غايتو لغاية هسى انت محظوظ ..
الكرسي منور بيك اخونا الامين وانا مبدئياً عندي سؤال صغنوني وهو ما سر افتتانك بمدني؟وبمشي وبجيك تاني.

وابقى عافية

الاخ ابراهيم كيف احوالك يا مشرفنا
مشكور كتير على كلامك الراقى الذى ان دل على شئ انما يدل عن ذوق رفيع وادب جم
الحمد لله ان مدنى متفوقة على كثير من دول العالم وذلك بتوفر هذه العناصر الاربع بها وانا فعلا لمحظوظون اننا منها
بالنسبة سؤالك الصغنونى انا بالجد السؤال دة بيعنى لى الكثير جدا
يعنى انا ما اقدر اتخيل مجرد تخيل انى مامن مدنى يعنى انا كل ماافكر فى السر مابصل لى حل اذا مافى داعى افكر انا بحب مدنى ليهلان كل سبب امسكه بلقى فى سبب اضافى
اخى ابراهيم انا فعلا محظوظ لان فى جماعه منهم خوف مختفين مننا لعل المانع يكون خير بس

يلا يا ابراهيم انا منتظرك

مكتول مدنى

10-05-2006, 11:01 AM

ههههههههههههههههههههههههههههههههههههههههههه
حبيت ازكرك يا ماااااااان ..:d
ياربي اتزكرت كلامك ده ؟؟
اها استعد يا حبوب .. انا يا دووووووووب كده جيتك .. فضيت ليك بعد ده .. خليك جاهز وقت الجد جا ..:)
وين انت يا مان انا كمان منتظرك من بدرى والكلام دة انا متذكره ومستعد اقعد تانى اسبوع انت رايك شنو؟؟؟؟؟؟؟؟

مكتول مدنى

10-05-2006, 11:22 AM

كدي هاااااااااك ديل يا امين لحدي ما ازاكر ليك كويس ..:D
فتح شهيه وكده يعني ..:)

لكل منا لحظات خاصة به .. يقف عندها .. يراجع فيها حساباته ...

فمتى تقف مع نفسك .. ؟

متى تشعر بالإحـــــــــراج ؟؟

ماهو السؤال الذي تتوقعه خلال ضيافتك على الكرسي ؟
وما هو السؤال الذي لا تتوقعه أيضاً ؟
وخليك صريح يا مااااااان

خاطرة سريعة جدا ...

ما هو تعريفك للحب؟
وكيف تنظر للزواج يا امين ؟

[/url]

[url="http://9q9q.com/"]http://9q9q.com/March/1142304709.gif (http://9q9q.com/)

اخى العزيز سامبا والله الكلام دة ماكويس منك دة شنو البتعمل فيه دة
والله يا سامبا انت اسئلتك كتيرة وصعبة لكن انا بحل ليك الاسئلة دى واحد واحد
السؤال الاول
والله انا ماعندى وقت معين لمراجع النفس لكن عادة ما يكون فى المساء وانا خلاص عاوز انوم فى اللحظة دى ببداء اتذكر الحصل شنو فى اليوم دة واعمل تصحيح علشان تانى ما اغلط نفس الغلطة دى تانى
اشعر بالاحراج حين اضطر لفعل شئ ليس من المبادئ المعارف عليها او اذا صدنى اى شخص عن شئ ما او عدم اجابته لسؤال وجهته له
كنت اتوق سؤالك انت بالتحديد عن معنى الحب كما لم اتوقع سؤال زيكو عن ماذا ستفعل لو اصبحت رئيسا للجمهورية
تعريفى للحب اخى سامبا انه عاطفة وليس مشاعر واحاسيس الحب عاطفة
اما الزواج فهو اكمال لنصف الدين وكمان عصمة وحماية من الامراض وتنظيم للحياة او ما تبقى منها يعنى باختصار هو مرحلة حتمية فى العمر

عليك الله يا سامبا هسي بعد دة داير تمشى تذاكر تانى :mad: :mad: خلاص انا برجاك

مكتول مدنى

10-05-2006, 11:42 AM

ياولدي امين يديك العافية
مشكلة دار فور
الكرة السودانية
الحالة الاقتصادية
كبف تكون في قاموس شباب مثلكم في طور الدراسة ؟

معليش ياولدي اعذرني من الاسئلة دي لكن صدقني تاعباني شديد

العم تنقو الله يخليك يا رب
والله مشكلة دارفور مشكلة اشعلها الغرب لتقسيم السودان وان شاءالله تتحل و يعم السلام الوطن والكلام دة كله عاوز ليه قعدة بس من الطرفين بدون تدخل الاخرين وبتحل ان شاءالله
والله الكرة السودانية مامعروف مشكلتا وين لكن الواضح انها فى مزاجية الاعبين السودانيين وعدم التغذية الصحيحة وكمان لان الدعم غير متوفر على مستوى المنتخب القومى لا مادى لا معنوى دى المشكلة وصدقنى نحن عندنا امكانيات كبيرة فى اللعبة امكانيات جسدية ولاعبينا مهارتهم عالية بس ناقص التوجيه الصحيح
الحالة الاقتصادية متردية جدا فى البلد لكن بعد مرور السلام كل شئ سيتحسن ان شاءالله
والله العديد من الشباب السودانى مهموم جدا بقضايا الوطن وان شاءالله كل شئ يتحل ويعم السلام ربوع الوطن

مكتول مدنى

12-05-2006, 12:50 PM

حمد الله على السلامة يا مكتول مدنى انا سمعت انك عرست ماليزية

امل حياتى دة شنو الجيت بيه جديد دة كمان متين الخبر وصلك
ماليزية شنو يا امل انت عارف ان الماليزين ديل ما بتعاشروا نهائيا لان طباعنا مختلفة شديد وكمان هم عامليثن فيه عنصريين وهم ما فاهمين انهم بعدم الاختلاط مع الاغراب ريحونا شديد
وبعدين يا امل لما حاجة زى دى تحصل انتو اول ناس بتعرف بالخبر
ابقى بعافية اخى

مكتول مدنى

12-05-2006, 01:11 PM

يامكتول مدني جيتك تاني وعندي ليك كم سؤال كدا .....
1: من يطربك؟
2:ماهي التجربه التى تتمنى تكرارها؟
3:من هو تؤام روحك؟
4:أسواء خبر سمعته؟
5:قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
6:كلمه اخيره بعد ان اصابك الملل؟؟

ودمت ياغالي...وجاييك تاني
مرحب بيك تانى اخى حسون
والله يطربنى الكاشف الكبير وعصام محمد نور الكاشف الصغير كما تطربنى حنان النيل ورماز ميرغنى
كمان استمع الى معتز صباحى ومحمود عبدالعزيز
التجربة التى اتمنى تكرارها السفر الى المملكة المتحدة
تؤام روحى فى المنتدى الاخ سامبا وفى ماليزيا اخونا مهند عبدالسميع
اسواء خبر سمعته هو خبر وفاة جدتى رحمها الله وكذلك عدم قبولى بجامعة الجزيرة
سارسم قبة مدنى السنى واكتب تحتها كما هو مكتوب فى توقيعى مدنى يا ست المدن مدنى يا اجمل خبر
حسون لم يصبنى اى ملل ولكن كلمة اخيرة ربنا يحفظك وتعال تانى انا فى انتظارك

مكتول مدنى

12-05-2006, 01:24 PM

:اخي العزيز مكتول مدني

مشتاقين كثيرات وانشاء الله تكون مرتاح في كرسيك المسخن بيك شديد

ويدي العافية للكان السبب ;)

وانا ما اطول عليك يا أمين بس حديك الاسئلة الخفيفة ده تقزقز بيها

1/رايك شنو في حال شباب وشابات السودان الأيام ديل ؟

2/ وفي رايك شنو المواضيع البتكون هاماهم في أيام الإنفتاح العجيبة ده ؟

3/ لو في ايدك سلطة في المنتدى ما هو القانون الراغب في إضافته ؟ وأخر ترغب في حذفه؟

تحياتي ليك بقضاء وقت :mad: مسخن

اختى سوار الياسمين الحمدلله انك ظهرتى من جديد علشان تخففى عننا سخانة الكرسي بطلتك الجميلة المحملة بالنسيم العليل
والله حال شباب السودان ما كلهم لكن جزء كبير منهم اهتماماته سطحية جدا وذلك للنفوذ الاعلامى الغربى الذى وصل الى بيوتنا ما جعل الشباب يهتمون بتقليد الغرب على الرغم من مخالفتهم للتقاليد السودانية
والله ياهبة المواضيع الهاماهم التقليد بس وسماع اخر الغانى والذهاب الى الحفلات الراقصة
لو فى ايدي سلطة القانون حيكون تخفيض مدة الكرسى الساخن لمدة يومين بس بدل اسبوع ولن احذف اى قانون لان القوانين الحالية كفاية جدا

والله يا هبة الكرسى كان مسخن لحدى ما جيتى انتى سخنتيه زيادة ;) ;)

صالح ابوشوارب

13-05-2006, 08:20 AM

مرحب بابننا امين .. طبعا انت مكتول مدنى .. هل سمعت بالاسماء التالية واين
1 / الاسيد
2 / سيد مصطفي
3/ الدقيل
4/ طيارة
5 / طير البقر
6 / مكرم مانسي
7 / عوض القون
8 / ود فاروظ
9 / الفتلى
10/ العظمه
11 / البولمان
12 / ابو الاجمار
13 / الموليته
14 / البنيه

ممنوع الاستعانة بلاصدقاء يا مكتول مدنى والا طلعت فشنك مدني

ابراهيم

13-05-2006, 10:07 AM

والله بالغت يا عمي ابوشوارب ..
غايتو يا مكتول مدني ..
عمك قعدك في الكرسي الساخن يادووووووووووب:D

zukibush

13-05-2006, 11:47 PM

ود مدنى تمام التمام ياخى انتوا ناس كده ممكن نتعرف

صالح ابوشوارب

14-05-2006, 01:16 AM

والله بالغت يا عمي ابوشوارب ..
غايتو يا مكتول مدني ..
عمك قعدك في الكرسي الساخن يادووووووووووب:D

ياابراهيم صاحبك مكتول شايفو امس دخل المنتدى والله زاغ .. وانا شايفو في المتواجدين لكن قول ليهو امانة الا يجى يحلك سامبا
السؤال التاني
1 / بتنا اميمة اليومين ديل مشغولة في المنتدى الثقافي هل شاركت فيه ؟؟ واذا لم تشارك .. شارك وقول لينا الاجابة ؟
2 / اخر موضوع كتبه صاحبك سامبا في المنتدى الثقافي كان ايه ؟
3 / اخر شخص توفي الى رحمة الله ونعوهو ناس المنتدى هو منو وهل انت ( عزيت ) اذا الاجابة لا عزى وتعال

مكتول مدنى

14-05-2006, 11:56 AM

مرحب بابننا امين .. طبعا انت مكتول مدنى .. هل سمعت بالاسماء التالية واين
1 / الاسيد
2 / سيد مصطفي
3/ الدقيل
4/ طيارة
5 / طير البقر
6 / مكرم مانسي
7 / عوض القون
8 / ود فاروظ
9 / الفتلى
10/ العظمه
11 / البولمان
12 / ابو الاجمار
13 / الموليته
14 / البنيه

ممنوع الاستعانة بلاصدقاء يا مكتول مدنى والا طلعت فشنك مدني
مرحب بيك عم صالح ونورت الكرسي المسخن
ده شنو ياعم صالح انت قايلنى حنكوش ولا شنو انا عربى اتربيت فى الجزيرة وشربت اللبن من البقرة طوالى
انا سمعت بالاسيد فى الجزيرة وشفت طير البقر عندنا فى الخريف هناك وبعرف عوض القون من خيلانى والبولمان كمان والموليته اكلتها لمن روحى مرقت والبنية انت داير ياتو واحدة انا جدى الشريف يوسف الهندى عنده واحدة يعنى البنية بعرفا اكتر من اسمى ومدنى فيها اكتر من واحدة
الباقى ما سمعت بيه نهائى
ان شاءالله كدة اكون جاوبت على سؤالك المسخن دة
ابقى سالم ومر علينا تانى

مكتول مدنى

14-05-2006, 12:00 PM

والله بالغت يا عمي ابوشوارب ..
غايتو يا مكتول مدني ..
عمك قعدك في الكرسي الساخن يادووووووووووب:D

والله تقول شنو يا ابراهيم لكن الحمدلله قدرت اجاوب على جزء كبير من اسئلته واسئلته دى اصعب اسئلة مرت على هنا وانا فى انتظار اسئلتك انت ما تتاخر علينا

مكتول مدنى

14-05-2006, 12:08 PM

ود مدنى تمام التمام ياخى انتوا ناس كده ممكن نتعرف

والله انت الكده و الحمدلله ان مدنى تمام التمام انت امشى فى بوست اسمه ودمدنى دوت كوم للتعارف انت تمش تكتب اسمك وعنوانك وكمان ايميلك وتلفونك امكن تلاقى ناس معرفة وكمان فى قسم التهانئ اعمل ليك بوست عرف فيه عن نفسك وان شاءالله تلاقينا هنا كلنا اخوانك

مكتول مدنى

14-05-2006, 12:23 PM

ياابراهيم صاحبك مكتول شايفو امس دخل المنتدى والله زاغ .. وانا شايفو في المتواجدين لكن قول ليهو امانة الا يجى يحلك سامبا
السؤال التاني
1 / بتنا اميمة اليومين ديل مشغولة في المنتدى الثقافي هل شاركت فيه ؟؟ واذا لم تشارك .. شارك وقول لينا الاجابة ؟
2 / اخر موضوع كتبه صاحبك سامبا في المنتدى الثقافي كان ايه ؟
3 / اخر شخص توفي الى رحمة الله ونعوهو ناس المنتدى هو منو وهل انت ( عزيت ) اذا الاجابة لا عزى وتعال
العم ابو شوارب والله لكن عملت فينى عملية بطاله حالتى انا كنت واقف معاك وساندتك لما اعتقلوك قبل فترة وانا مازغت امس لكن والله الرد ابا ينزل امس وبعدين اصلا سامبا حاقد على من زمن عملناه ضيف فى الكرسى
نجى لى اسئلتك التانية
اختنا اميمة اخر مشاركة ليها كانت فى موضوع اختيار اجمل مواضيع المنتدى الثقافى وكان رد على الاخوة الاعضاء
وانا لى فترة ما شاركت فى المنتديات عموما لان امتحانات نهاية السنة يوم الاثنين 15 مايو وبعدها طوالى راجع السودان ان شاءالله انتوا بس ادعوا لينا ربنا يوفقنا للنهاية وان شاءالله قبل ما اسافر اشارك ليكم فيه
نجى لسؤال سامبا واخر موضوع كان امس وكان رد فى بوست الاستاذ الفنان الامين عبد الغفار
اخلر شخص توفى كان المهندس كمال جنى اشهر سمكرى وصائغ فى مدنى كلها ورحمه الله رحمة واسعة والهم اله وذويه الصبر والسلوان وحسن العزاء وانا عزيت فى البوست الخاص بالخبر
والله ياعم صالح لو كنت عملت انقلاب ما بحققوا معاى قدر دة
تسلم عم صالح تعال لينا تانى

سوار الياسمين

14-05-2006, 09:13 PM

والله يا الامين عمك ابو شوارب ده جابليهو حاجات لمان حيريني انا زاتي :confused:

غير الموليتة الأكلتها يدوب لأول مرة السنة الفاتت :p و البنية وعند شك في الفتلى

ما عارفاها فتلة الشاي ولا فتلة الخيط :eek: وسجم خشم كان طلعت ولا وحدة فيهم :D

حقو الزول يطلبو حصص تعريف بالحاجات العجيبة ده

ويكسب فينا خير

سوباوي

14-05-2006, 10:09 PM

الأخ الحميم .. مكتول مدني "أمين" ...

معذرة .. لتأخير تسجيل الحضور .. فقط زحمة عمل وكجار دنيا خلال الشهر الماضي ... والحمد لله ..

وها .. أنا .. هنا .. أدخل لمجلسك على سبيل التحية .. وعلى سبيل المحبة ... ولا تضح أمامي أي معالم لسبل

أسئلة تجاهك .. فقط هي الدردشة فيما يخص عموميات الحياه اليوماتي ... وبعض تفاصيل غربة أتمنى أن

لا تطول بك .. دعنا ندردش عن الهبات .. فالطيف هبة الشوق .. وللحنين هبات .. وللعشق هبات .. ولأهل الله هبات

فهل ومن خلال تجربتك أن للغربة هبات ؟

يجوز أن أكون قد قلت مسبقا لأحد ضيوف هذا الكرسي .. أن السوداني له بريق خاص فيما يحمل من قيم

يظهر هذا البريق كلما وضعته بجانب جنسية مختلفة من الجنسيات .. هل لا زلنا نحتفظ بهذا البريق أم أن

ظروف هجرتنا قد طغت على تنازلنا من بعض هذا اللمعان ؟

معذرة أخي أمين أن انتحى بنا الحديث إلى استفهامات .. ولكنها فواصل الحوار .. كان ودي لولا ضيق الزمن

أن ندردش أكثر .. ولكن استميحك عذرا لأن أغادرك الآن وقد نلتقي ..

ناضر تحياتي ،،،

مكتول مدنى

17-05-2006, 12:07 AM

والله يا الامين عمك ابو شوارب ده جابليهو حاجات لمان حيريني انا زاتي :confused:

غير الموليتة الأكلتها يدوب لأول مرة السنة الفاتت :p و البنية وعند شك في الفتلى

ما عارفاها فتلة الشاي ولا فتلة الخيط :eek: وسجم خشم كان طلعت ولا وحدة فيهم :D

حقو الزول يطلبو حصص تعريف بالحاجات العجيبة ده

ويكسب فينا خير
والله يا هبة الاسئلة دى بالتحديد عذبتنى جدا وحيرتنى شديد
لكن انتى بالغتى انت نص عمرك ضاع لانك اكلتى الموليتة يادوب السنة الفاتت والفتلى دى انا ماعرفتها عديييل كدة
انتى شوفى الحصص دى كان مفيدة قولى لى عوووووووووووووك

sambaaa

17-05-2006, 12:47 PM

تؤام روحى فى المنتدى الاخ سامبا وفى ماليزيا اخونا مهند عبدالسميع

تسلم يا حبيب الروح انت ..
وربنا يحفظك ويوفقك في غربتك الدراسية ..:)

sambaaa

17-05-2006, 12:50 PM

والله يا الامين عمك ابو شوارب ده جابليهو حاجات لمان حيريني انا زاتي :confused:

غير الموليتة الأكلتها يدوب لأول مرة السنة الفاتت :p و البنية وعند شك في الفتلى

ما عارفاها فتلة الشاي ولا فتلة الخيط :eek: وسجم خشم كان طلعت ولا وحدة فيهم :D

حقو الزول يطلبو حصص تعريف بالحاجات العجيبة ده

ويكسب فينا خير

يا هبة انتي وينك ؟؟
بطلي حركات وتعالي داخلة لجوه ..
الظاهر انا حاعيد ليك الكرسي الساخن مرة تانية ..:mad:

سوار الياسمين

17-05-2006, 08:27 PM

تعيد لي شنو يا سامبا ؟؟

هاأأأأأأأأأأ أو

قال تعيد لي الكرسي قال

يا خوي بدخل ساي بلا كراسي مسخنة

الواحد براه مسخن من الجو العجيب ده

مكتول مدنى

17-05-2006, 09:06 PM

الأخ الحميم .. مكتول مدني "أمين" ...

معذرة .. لتأخير تسجيل الحضور .. فقط زحمة عمل وكجار دنيا خلال الشهر الماضي ... والحمد لله ..

وها .. أنا .. هنا .. أدخل لمجلسك على سبيل التحية .. وعلى سبيل المحبة ... ولا تضح أمامي أي معالم لسبل

أسئلة تجاهك .. فقط هي الدردشة فيما يخص عموميات الحياه اليوماتي ... وبعض تفاصيل غربة أتمنى أن

لا تطول بك .. دعنا ندردش عن الهبات .. فالطيف هبة الشوق .. وللحنين هبات .. وللعشق هبات .. ولأهل الله هبات

فهل ومن خلال تجربتك أن للغربة هبات ؟

يجوز أن أكون قد قلت مسبقا لأحد ضيوف هذا الكرسي .. أن السوداني له بريق خاص فيما يحمل من قيم

يظهر هذا البريق كلما وضعته بجانب جنسية مختلفة من الجنسيات .. هل لا زلنا نحتفظ بهذا البريق أم أن

ظروف هجرتنا قد طغت على تنازلنا من بعض هذا اللمعان ؟

معذرة أخي أمين أن انتحى بنا الحديث إلى استفهامات .. ولكنها فواصل الحوار .. كان ودي لولا ضيق الزمن

أن ندردش أكثر .. ولكن استميحك عذرا لأن أغادرك الآن وقد نلتقي ..

ناضر تحياتي ،،،
الشفيف الراقى سوباوى ... لاتعتذر عزيزى لانى كنت انتظرك واتوقع مجيئك فى اى لحظة........ وذلك لنستمتع ومعى الاخرون بهذه الاحرف المنسابة من احرف اللغة العربية التى تجيد رصفها بمهارة عالية تحسد عليها( ماشاء الله)
عزيزى اتمنى من كل قلبى ان ترد غربة الجميع هنا ونعود جميعا الى امنا مدنى ارض الميعاد.......... عزيزى كما قلت انت اضيف اليك ان لكل شئ هبات حتى التغرب عن الديار فهبته انه يعرفك على اجناس لم تكن تعرفهم او حتى تتوقع ان تعرفهم كما انه يعلمنا اهم شئ فى الدنيا الا وهو الصبر الجميل
سوباى ان الق وبريق السودانى موجود ولن تمحوه السنين لاننا نوع خاص من البشر نوع وهبه الله صفات يستحيل ان تجتمع فى غيره من انواع البشر وان وجدت فهى متفرقة اى انها لاتجتمع فى شخص واحد .......... ولكن هذا لا يمنع انها بداءت تقل عند البعض منّا ويعود هذا فى الغالب الى نشوءه خارج الوطن ولم يتشبع بعاداتنا وتقاليدنا ولكن الجميل ان عاداتنا لو لم تنشاء عليها فستتعلمها لانها جميلة جدا
العزيز سوباوى انت مرحب بك دائما والحديث حتى وان انتحى الى استفهامات فهذا لا ينفى ان الحديث والحوار معك له طعمه الخاص وبه متعة لا تضاهى .......
الى اللقاء عزيزى الوريف سوباوى وصدقنى انا اتمنى لقاءك فى اى لحظة واى مكان لانى كما ذكرت اجد متعة عالية فى قراءة ماتكتبه هنا وكذلك اتمنى ان نجلس ونتحادث سويا ......... فما رائك ؟؟؟؟؟؟

مكتول مدنى

17-05-2006, 09:08 PM

تسلم يا حبيب الروح انت ..
وربنا يحفظك ويوفقك في غربتك الدراسية ..:)
تسلم يا مان وربنا يرد غربتك انت كمان ويديك الفى بالك ومرادك

مكتول مدنى

17-05-2006, 09:32 PM

تعيد لي شنو يا سامبا ؟؟

هاأأأأأأأأأأ أو

قال تعيد لي الكرسي قال

يا خوي بدخل ساي بلا كراسي مسخنة

الواحد براه مسخن من الجو العجيب ده
هبة اعملى حسابك واظهرى علشان ما يجيبوك هنا تانى
وما تنقطعى من المنتدى تانى ابدا

sambaaa

17-05-2006, 09:41 PM

<CENTER style="MARGIN: 0px"><CENTER style="MARGIN: 0px"><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>

الأخــــــــــــوة الأعـــــــــــــــــزاااااااااء

يا ضيفنا لو زرتنا لوجدتنا نحن الضيوف وانت رب المنزل ..

لن ننسى أيام مضت .. قضيناها في ضيافة الاخ العزيز / مكتول مدني

كان أمين رائعا في اجاباته على الأسئلة ..

عفوي جدا .. وتلقائي في مداخلاته ..

شفافيته كانت في كل حرف كتبه لنا ..

نشكر له روحه الجميلة .. واريحيته المتفردة ..

ادامك الله لنا اخ غالي يا أمين ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..:)
</CENTER>

</MARQUEE></CENTER></CENTER><CENTER></CENTER><CENTER></CENTER><CENTER style="MARGIN: 0px"></CENTER><CENTER style="MARGIN: 0px"><TABLE width="100%" border=1><TBODY><TR><TD width="100%" bgColor=#000080>

<MARQUEE style="COLOR: #ffff00" direction=right>مــنـــك بديــت رحـلـة هواي يوم ضقت فيك طعم الشجن شـديـت رحالي نويـت أجيك وإخــتــرت أعــمــاقـك سكن أسرجت خيل سفري الطويل سافــرت ليـك قـاصدك وطن غـنـيـت عــلى ارضـك غناي ودعــت ليلات الــحــزن يلاك معاي يلاك معاي نجــمــع هــواك مـع هـواي وأسقيكي مــن ريدي ووفاي عــايزك معاي في كل حين نرسم فرحنا على الجبـيـن ندي الملامح لون وورود شوقنا في العينين يبين في الساعه ديك ياغالية مين يفرقنا مين يا حلوة مين؟</MARQUEE>

</TD></TR>

</TBODY></TABLE></CENTER>

sambaaa

17-05-2006, 09:54 PM