تيسير ولا تعسير

[HaSsOoN]

في البدايه خالص تحياتي العطره للجميع ,وعندي موضوع شويه كدا داير ليو شويه مناقشه وكنتا بتناقش فيهو مع واحد من الاصدقاء الاقارب وهو برضوا قام بنشر الموضوع دا في احد المنتديات وانا برضوا اقوم انشروا ليكم .... وليو علاقه بالاخص بي بنات حواء واللي هو ......
لماذا الرجل السوداني يوم يقرر يتزوج مطالب باحضار:
1-صندليه
2-محلبيه
3-سرتيه
4-ضفره
5-صندل ودا مابتتلقي الا في الهند؟؟؟؟
ودي طبعا تكلفتا غاليه جدا...والواحد مامكن يجيب ليهو كم فتيل ريحه كدا وخلاص
ادونا ارائكم ياجماعه ودمتم سالميييين :) :) :) :) :) :) :)

[sambaaa]

هههههههههههههههههههههههه
حسوووووووون يا اخوي انت مالك مركز على الريحة براها ؟
في اشياء تاني كتيرة برضو العريس مطالب انو يوفرها ..
وما تنسى انو الدهب الايام دي غالي نااااااااااار .. وغرفة النوم بالشئ الفلاني .. و .. و وو ..الخ ..
زكرتني اغنية ..( غالي غالي .. العرس ده غالي ) ...

عموما انت ما تشيل هم الصندل ده .. اخوانا ناس مزووووووووني والشريف الهندي وبكري ما حيقصروا في الحته دي
بكرة بيجيبوا ليك شوال صندل ..:)

( بالمناسبة قالو الشريف الايام دي بيسأل عن اسعار الدهب وكده ...ههههههه ) ..

[ابراهيم]

1-صندليه
2-محلبيه
3-سرتيه
4-ضفره

وضف الى ذلك ...

الريحة السائلة

فلور دامور

رفدور

صاروخ

سوار دي باريس

[معتز حمدتو]

تصور كيف يكون الحال لو ما كنت سوداني
هذا الاشياء في هي علامة الجودة في الزواج السوداني والهدف من الريحة في الشيلة السودانية لطقوسها التي تعقبها بعد التصنيع فلا تنظر الي ان الريحة ذات التلكفه العالية لا تهمك ويمكن تبدلها باي عطور اخري حتي لو كانت من ارقي الماركات لان المستفيد الاول من هذه الهيلمنه هو الزوج في المقام الاول فريحة الخمرة المعتقه تعني الكثير في المجتمع السوداني ويصنع منها الدلكه التي تجعل العربي ( لكه ) والصندل ذو الرائحة النفاذه وهذه مجموعة سان لوران السودانية ذات الجودة الاصلية والمكلفة في نفس الوقت .
فياسامبا وابراهيم وحسون ما تعملوا ما تولعوا النيران لانُ لما اجي الدور عندكم اخاف احصل الواحد لوحدة كل 3 سنوات امشي اشتري الريحة .
( مقال منقول من يوميات زوج تعجبه حاجاتنا السودانية كاملة )

[نور العيون]

يا جماعه مالكم الحاصل ليكم شنو

[HaSsOoN]

يديك العافيه ياسامبا لاكن لانو دي شايفا :) بقت اهم من اي حاجه في كل عرس ....تاني شي انا زووول شباب لسه موضوع العرس دا بعيد :) :) :) لاكن حبيت اناقش الموضوع دا مع الناس العندهم خبره يعني شفتا كيف ولانو شايف العرسان بقوا يشيلوا هم للحاجه دي....


واخوي ابراهيم يديك العافيه على الاضافه......

واخ معتز يديك العافيه برضوا .....لاكن انا خايف نارك هي التولع قبلنا هههههههههههههههههههههههه ودمت ياعزيزي


ونور العين شكرا على المرور

[نور العيون]

العرس د خليناه ومافي داعي تعملوا الحاجه د و مافي داعي للقلق و كلوا بوقتو حلو يا حلو