يلا تعالو يا حبان
احكيلكم قصة حب حكاية انسان
حكاية جميلة كلها بس هوى وتحنان
لا بعرف بدت من وين
ولا حتى الزمن كيف كان
هويت السمحة من نظرة ..
من بسمة وإطمئنان..
رضعت هواها زي طفلاً صغير يادوبو في الاحضان
بدور يكبر ويترعرع جنب اللقاها قصادو مما قام..
وكان الرد تعال يا انت ما تبعد
انا العاوزاك زي ماانت محتاج لي
انا المحاتجة عطفك لي
بحبك يالملكت هواي
بحبك ايوه من جواي
ويلا نعدي عتبتنا
عشان تكبر خطاوينا
وتحقق امانينا
لانك صورة في الوجدان
ويلا تعالو يا حبان

طارق عبد الحي سعيد