ناوى اطلب فرصة تانية حتى لو كانت اخيره
فيها اشرح ليك ظروفى وانت احكم فى مصيره
***
قبل ما اودع عيـــونك قلت ليك الفرقه مره
الظروف النحــــن فيها كانت احسن الف مره
قلت لي حاتخســـر ايه لو تهاجر تمشي بره
ونبنى عشتنا الصغيره
***
كنت خايف من فراقك خايف الايام تطــــــول
يبقى كل البينا ذكرى وفى رسايلك لي تقول
انى ظالمك ناسي وعدك ما براعيها الاصـــــول
ناسى احلامنا الكبيره
***
الاصول انا ما نسيتها انت عارف دي الحقيقه
ياما اتمنيتها شوفتك إلا ما لقيت لي طــريقه
والليله هسه منايا ارجع زي فراش ضل الحديقه
وبهجة الوانها النضيره

صالح فرح صالح / العين