لو بتعرف انى فى حبك

بقيـت مجهــول مصيـر

عرفت معنـى الأهه جنبك

وضقـت لسعـات الهجيـر

حبـك أول حــب عرفتــو

وحبى عندك هــو الأخيـر

وحشة الريـد فى دروبك

وغنية الحــزن الكبيــــر

انت وحـدك جوه قلبــى

ولســه فى قلبك كتيــــر

انت أصبحت فى حياتـى

زى شمــوع فى يد ضرير

انحرمـت البهجة عندك

وسكـة السفــر الأميــن

كنت بتكسـر شـراعــى

وتقلب الضحكــات أنيـن

تهــدم العـــش البنيتــــو

الدايرو زاد طول السنين

انت لا بتعـرف محنــة

ولا بتتــدفق حنيـــــن

كنت فاكرك انت أنموذج

حياتى . . . .

ومهرجـان فرحى الدفيـن

ولما فجــاة فتحـت عينـى

مالقيت غير صفحة واحدة

بتحكـى مشــوارى الحزيــن

بيك عرفـت الريدة دمعــة

وسكـة تتفجــر عــذاب

رغم رشــات المطــر

ورغم همســات الشباب

ناسـى أيـام حلوة مــرت

حسـى صبحـت ذى سـراب

ونـاسى انـى عشـان عيونــك

ضقـت وجع الاغتــراب

الا دنيـاك دنيـا تـانيـــــة

يـاما بتحطـم شبــــاب

أدمنت ريـدك وسـر عيونـك

وشفــت شــان حبك عــذاب

بكـره بنهــى صلاتــى بيـك

وبستــرد وعــيى اللي غــــــاب

والبدور يسـلك طريقـــك

يبقـى عاشــق لى الصعـــاب

ود مدنى 27/12/1997