اثبات هوية
للشاعرة : انتصار محمد الحاج
|
|
اثبات هوية للشاعرة : انتصار محمد الحاج |
|
|
يوم تكون ناوى الرحيل فكر انو وراك صبية مدت الشريان مداخل وشالتك اثبات هوية ورددت ليك من قبيل خايفة لما اشتاق واجيلك شان اقول ليك قول كتير لا الاقيك لا الاقى سكة لى درب المسير جن بنات الخوف على دربى وملنو وخوفنى كشرت ايامى نابه وقلبت ضهر المجن صبحت متل المانى عاقلة تقول خيام بلدى الابنى بت متل المحنة زاته ضامه بى ايدى وشيشى والدميعات بللنى واسال النيل ان مكضب مهما طال ينبيك انى والفريق نامت بيوتو القوافى صاقرنى كنت بكتب ليك رسالة ما لانى كتير فقدتك برضو شان ام در قليبه حتة منك وحتة منى شلت صورتك فى دمايا يوم اويتك سر جوايا واعتبرتك لى بداية فى نهاية شوق طويل وبعرف انك زول اصيل انسان تفرد ومتلو شية مستحيل يوم تكون ناوى الرحيل فكر انو وراك صبية رادتك ريدا خرافى شلت كل ازمان حياته اختلت فى الزمن الاضافى ومدت الشريان مداخل وشالتك اثبات هوية |
|
|
